باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى
2021-08-23 12:29:17     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

چىن چۋانگو، يۋان جياجۇن، شوكىرات زاكىر، ۋاڭ جۇنجىڭ قيمىلعا قاتىناستى


شينجياڭ گازەتىنىڭ حابارى (ٴتىلشى ۋاڭ شيڭرۇي). 8 - ايدىڭ 17 - كۇنىنەن 19 - كۇنىنە دەيىن، جىجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى يۋان جياجۇن جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتىستى قيمىلدارعا قاتىناستى.

شينجياڭداعى كەزىندە، جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى ٴۇرىمجى قالاسى، اقسۋ ايماعى اقسۋ قالاسى، ونسۋ اۋدانى جانە بيڭتۋان 1 - شى ارال قالاسىنا كەلىپ، مەكتەپ، الەۋمەتتىك اۋماق، اۋىل - قىستاق، كاسىپ سالاسى باقشاسى رايونى، جوبالاۋ الاڭ - سارايى سياقتى ورىندارعا ىشكەرىلەي بارىپ، شينجياڭعا باعىتتامالى كومەكتەسۋ نىسانى قۇرىلىستارىنىڭ ىلگەرىلەۋ جاعدايىن تەكسەردى، نەگىزگى ساتىداعى بۇقارادان احۋال ۇعىسىپ، شينجياڭعا كومەككە كەلگەن كادرلارعا، دارىندىلارعا امانداسىپ، ولاردان حال سۇرادى، باعىتتامالى كومەكتەسۋ قىزمەتى جونىندە اڭگىمە ٴماجىلىس اشتى ٴارى جۇلگەلىك سەلبەستىك كەلىسىمىنە قول قويۋ سالتىن جانە قاتىستى سەلبەستىك نىساندارىنىڭ جۇمىس باستاۋ سالتىن وتكىزدى.

8 - ايدىڭ 19 - كۇنى تۇستەن بۇرىن، جىجياڭ ولكەسى . شينجياڭ ۇيعۇر اۆتونوميالى رايونى جانە شينجياڭ ٴوندىرىس - قۇرىلىس بيڭتۋانىنىڭ باعىتتامالى كومەكتەسۋ قىزمەتى جونىندەگى اڭگىمە ٴماجىلىسى ۇرىمجىدە اشىلدى. چىن چۋانگو اۆتونوميالى رايوندىق پارتكوم مەن ۇكىمەت جانە تۇتاس رايونداعى ٴار ۇلت حالقى اتىنان جىجياڭ ولكەسىنىڭ ۇزاق ۋاقىتتان بەرى شينجياڭدى زور كۇشپەن قولداعاندىعىنا جانە قالتقىسىز كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: جىجياڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ جىجياڭدا قىزمەت تەكسەرگەندە سويلەگەن ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، «ەكى سەگىز ستراتەگياسىن» ادالدىقپەن امالياتتا اتقارىپ، «ماڭىزدى تەرەزەنى» قۇلشىنا قۇرىپ، ناقتاپ ىستەپ، الدىڭعى لەكتە ٴجۇرىپ، باتىلدىقپەن اتويلاپ، سوتسياليستىك وسىزامانداندىرۋدا باستاماشى ولكە بولۋعا تالپىنۋ؛ بىرگە بايۋدان ۇلگى كورسەتۋ رايونىن جوعارى ساپامەن دامىتىپ، قۇرىپ، ەكونوميكالىق، قوعامدىق دامۋدا جۇرتتى جالت قاراتارلىق تابىستارعا قول جەتكىزىپ، جىجياڭنىڭ بايتاق دالاسىندا ومىرشەڭدىك كۇش تاسقىنداعان تاماشا جاعداي جارىققا شىقتى.

چىن چۋانگو بىلاي دەدى: جىجياڭ ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي مىندەت ەتىپ، دامىتۋ ينجەنەرياسىن، ۇلتتار ىنتىماعى ينجەنەرياسىن، جۇرت تىلەگىن ۇيىستىرۋ ينجەنەرياسىن ىشكەرىلەي اتقارىپ جانە ىلگەرىلەتىپ، اقسۋ ايماعىنىڭ جانە بيڭتۋان 1 - شىسىنىڭ ەكونوميكالىق، قوعامدىق دامۋىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى. بۇعان شينجياڭداعى ٴار ۇلت حالقى العىس ايتادى. شينجياڭ الداعى جەردە ونان ارى «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ٴماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ىشكەرىلەي دايەكتىلەندىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ ورنالاستىرۋى بويىنشا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جىجياڭنىڭ قۇندى تاجىريبەسىنەن ۇيرەنىپ، ۇلگى الىپ، تۇلعالىق جاۋاپكەرشىلىكتى كۇشەيتىپ، قىزمەت مەحانيزمىن كەمەلدەندىرىپ، ٴوزارا ٴتيىمدى سەلبەستىكتى تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، قوعام ورنىقتىلىعىنىڭ، ىندەتتەن ساقتانۋ - تىزگىندەۋدى ۇدايىلاندىرۋدىڭ، ٴوندىرىس حاۋىپسىزدىگى مەن ەكونوميكانىڭ جوعارى ساپالى دامۋىنىڭ ٴتۇرلى قىزمەتتەرىن تىڭعىلىقتى ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنادى.

يۋان جياجۇن شينجياڭ ۇيعۇر اۆتونوميالى رايونىنىڭ، شينجياڭ ٴوندىرىس - قۇرىلىس بيڭتۋانىنىڭ ۇزاق ۋاقىتتان بەرى جىجياڭنىڭ ەكونوميكالىق، قوعامدىق دامۋىن قولداعاندىعىنا، كومەكتەسكەندىگىنە، جىجياڭنان شينجياڭعا كومەككە كەلگەن كادرلارعا كوڭىل بولگەندىگىنە، ايالاعاندىعىنا العىس ايتتى. ول بىلاي دەدى: شينجياڭ باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا شىت جاڭا بەينەنى اشتى. ٴبىز شينجياڭنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرۋدەگى ساياسي دەڭگەيىنەن، رەفورما جاساۋدى، ەسىك اشۋدى تەرەڭدەتىپ، جاڭا دامۋ ارناسىمەن توعىسۋداعى ستراتەگيالىق كورەگەندىگىنەن، جاڭالىق اشۋ ارقىلى دەم بەرۋدى كۇشەيتىپ، ەرەكشە كاسىپ سالاسىن زورايتۋداعى ناقتى شارالارىنان، كەدەيلىكتى كۇش سالا جويىپ، حالىق تۇرمىسىن ۇزدىكسىز جاقسارتقان سۇيىسپەنشىلىگىنەن، جاۋاپكەرشىلىك ارقالاۋىنان، نەگىزگى ساتىنى جونگە سالۋدى كۇشەيتىپ، ۇلتتار ىنتىماعىن نىعايتۋداعى ساياسي اقىل - پاراساتىنان، ٴوز كۇشىنە سۇيەنىپ ٴومىر ٴسۇرىپ، ىنتىماقتاسا كۇرەسكەن رۋحاني قاسيەتىنەن كىشىپەيىلدىكپەن ۇيرەنەمىز. جاڭا دامۋ كەزەڭىندە ٴبىز ورتالىقتىڭ ٴبىر تۇتاس ورنالاستىرۋى بويىنشا اۆتونوميالى رايونمەن، بيڭتۋانمەن بىرگە وزىمىزدە بار تاماشا نەگىزدە وي جەلىنى ۇزدىكسىز جاڭالاپ، شارالاردى ساپالىلاندىرىپ، سەرپىندى ارتتىرىپ، باعىتتامالى كومەكتەسۋ قىزمەتىن قول ۇستاسا جاقسى ىستەپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى اۋىل - قىستاقتى گۇلدەندىرۋمەن ٴونىمدى ۇشتاستىرىپ، كاسىپ سالاسى ارقىلى شينجياڭعا كومەكتەسۋدى، اقىل - پاراسات ارقىلى شينجياڭعا كومەكتەسۋدى، حالىق تۇرمىسى سالاسى ارقىلى شينجياڭعا كومەكتەسۋدى تەرەڭدەتەمىز؛ جاڭا دامۋ ارناسىنا قول ۇستاسا توعىسىپ، نەگىزدىك قۇرىلعىلار، عىلىم - تەحنيكادا جاڭالىق اشۋ، سىرتقا ەسىك اشۋ سەلبەستىگىن كۇشەيتەمىز؛ شينجياڭدى ورنىقتىرىپ، شەكارانى بەكەمدەۋدى سەلبەسە جاقسى ىستەپ، جەرگىلىكتى ورىننىڭ سيفرلانۋ دەڭگەيىن جوعارىلاتۋىنا بەلسەنە دەم بەرىپ، نەگىزگى ساتىنىڭ نەگىزىن بىرگە بەكەمدەيمىز؛ ارالاسۋدى، ىشتەسۋدى، توعىسۋدى قول ۇستاسا كەڭەيتىپ، ٴار جىكتەگىلەردىڭ ٴوزارا بارىس - كەلىسىن، كادرلاردىڭ اۋىس - كۇيىسىن، شينجياڭدى مادەنيەتپەن نارلەندىرۋدى مىقتاپ يگەرىپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتىپ، جىجياڭ مەن شينجياڭنىڭ اۋىس - كۇيىسىن، سەلبەستىگىن تاعى دا تىڭ ساتىعا كوتەرۋدى ىلگەرىلەتەمىز.

اڭگىمە ماجىلىستە شوكىرات زاكىر، ۋاڭ جۇنجىڭ اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەتى جاعدايىن تانىستىردى، جىجياڭ ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى چىن جينبياۋ جىجياڭ ولكەسىنىڭ ەكونوميكالىق، قوعامدىق دامۋى جانە باعىتتامالى كومەكتەسۋ قىزمەتى جاعدايىن تانىستىردى.

جىجياڭ ولكەسىنىڭ باسشىلارىنان جوۋ جياڭيۇڭ، چىن يجۇن، اۆتونوميالى رايون مەن بيڭتۋاننىڭ باسشىلارىنان شۇي حايرۇڭ، سارقىت اقان ۇلى، چىن ۋيجۇن، پىڭ جيارۇي، دوۋ ۋانگۇي، لۋ شۇيپيڭ، لي جيدۇڭ قاتارلىلار جوعارىداعى قيمىلدارعا قاتىناستى.