باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
كومەك العان جەردىڭ ءوز كۇشىنە سۇيەنىپ دامۋ قابىلەتىن جوعارىلاتتى
2021-08-23 17:49:48     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقداباي ۇلى

شىنجىن:

كومەك العان جەردىڭ ءوز كۇشىنە سۇيەنىپ دامۋ قابىلەتىن جوعارىلاتتى


انار بۇلت / شينجياڭ گازەتىنىڭ ءتىلشىسى حان چينيان 8 - ايدىڭ 15 - كۇنى قاشقاردان حابارلايدى. ”اۋىل شارۋاشىلىعى عىلىم اكادەمياسى شىنجىن گەندەر جيىنتىعىن زەرتتەۋ ورنىنىڭ كۇرىش ماماندارىنا العىس ايتامىن، ولار اتىز باسىنا بارىپ ماعان ءوز قولىمەن ۇيرەتكەندىكتەن تەڭىز كۇرىشىنەن مول ءونىم الدىم“. 8 - ايدىڭ 15 - كۇنى جەلمەن تەربەلگەن كۇرىشكە قاراپ، قاشقار قالاسى پاحتاكلا اۋىلى شورباق قىستاعىنىڭ تۇرعىنى تۇحات رەيىمنىڭ جۇزىنەن ىنتىزارلىق مەن مۇندالادى. ”بىلتىر تەڭىز كۇرىشىن ەگۋدىڭ وزىنەن كىرىسىم بۇرىنعىدان 10 مىڭ يۋاننىڭ ۇستىندە ارتتى“، - دەدى ول.

جۇڭگو اۋىل شارۋاشىلىق عىلىم اكادەمياسى شىنجىن اۋىل شارۋاشىلىق گەندەر جيىنتىعىن زەرتتەۋ ورنىنىڭ تەڭىز كۇرىشى قاشقار قالاسى پاحتاكلا اۋىلىنا ”ەگىلىپ“ قانا قويماي، مول ءونىم بەرىپ، زور كولەمدە جالپىلاستىرىلدى.

شىنجىننىڭ شينجياڭعا كومەكتەسۋ الدىڭعى جاق قولباسشىلىق شتابىنىڭ باس قولباسشىسى، قاشقار ايماقتىق پارتكومنىڭ ورىنباسار شۋجيى ياڭ چۇنشىڭ بىلاي دەدى: ”ءبىز 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، كاسىپ سالالارى ارقىلى شينجياڭعا كومەكتەسۋدى اناعۇرلىم ناقتى ىلگەرىلەتىپ، كومەك العان جەردىڭ ەرەكشە، باسىمدىققا يە كاسىپ سالالارىن دامىتۋىنا، زورايتۋىنا قولداۋ كورسەتۋ جاعىندا اناعۇرلىم زور كۇش سالىپ، ’قان قۇيىپ‘ كومەكتەسۋ - سۇيەمەلدەۋدى نەگىز ەتۋدى ’قان جاساپ‘ كومەكتەسۋ - سۇيەمەلدەۋدى نەگىز ەتۋگە ويىسۋعا قۇلشىنىپ، كومەك العان جەردىڭ ءوز كۇشىنە سۇيەنىپ دامۋ قابىلەتىن ۇزدىكسىز جوعارىلاتامىز“.

قاشقار شىنجىن قالاشىعى شىنجىن - قاشقار سيفرلى ەكونوميكا (ەلەكتروندى ساۋدا) كاسىپ سالاسىنان ۇلگى كورسەتۋ بازاسىن قۇرىپ، جياڭحىنۇڭلي، جۋباجيە سايتى سياقتى جاسامپاز امبەباپ ەلەكتروندى ساۋدا قىزمەت وتەۋ تۇعىرلارىن ەنگىزىپ، قاشقار ەرەكشە اۋىل شارۋاشىلىعى قوسىمشا ونىمدەرىنىڭ بازارداعى باسەكەلىك قۋاتىن تۇتاس كاسىپ سالاسى تىزبەگى بويىنشا جوعارىلاتىپ، جىلدىق ءونىم قۇنىن 300 ميلليون يۋاننان اسىرۋعا جەتەكتەدى. وسى بازاعا قازىر 18 كاسىپورىن تۇراقتادى نەمەسە جاقىن ارادا تۇراقتايدى، تىزىمگە الدىرعان قارجىسى 165 ميلليون يۋان بولىپ، اۋىل شارۋاشىلىعى ونىمدەرىنىڭ جىلدىق ساۋدا سوماسى مەجەمەن 354 ميلليون يۋاننان اسادى.

”ءبىز ساۋداگەر شاقىرىپ، قارجى ەنگىزۋدى كاسىپ سالاسى ارقىلى شينجياڭعا كومەكتەسۋدىڭ جان جۇيەسى ەتىپ، شينجياڭنىڭ جەر - جەرىندەگى شىنجىن ساۋدا قوعامدارىن قاشقارعا كەلىپ قارجى قوسىپ، شارۋاشىلىعىن گۇلدەندىرۋگە بەلسەنە تۇيىلىستىرەمىز“، - دەدى ياڭ چۇنشىڭ.

بيىل شىنجىننىڭ شينجياڭعا كومەكتەسۋ الدىڭعى جاق قولباسشىلىق شتابى چىڭدۋ ەلەكترون عىلىم - تەحنيكا داشۋەسىمەن سەلبەسىپ، قاشقار ايماقتىق ەلەكتروندىق ينفورماتسيا كاسىپ سالاسى تەحنيكالىق زەرتتەۋ ورنىن قۇرىپ، ءۇشىنشى جاق قۇرىلىم فورماسىندا ساۋداگەر شاقىرۋ ۇلگىسىنە جاڭالىق ەنگىزىپ، كاسىپ سالاسىنىڭ دامۋىنا دەم بەردى، 1 - توپتا شوعىرلى تۇردە 19 ەلەكترون كاسىپورنىن ەنگىزدى، مۇنىڭ ىشىندە 5 كاسىپورىن قاشقار شىنجىن كاسىپ سالاسى باقشاسىنا رەسمي تۇردە تياناقتادى.

بيىل قاشقار ايماعىنىڭ شىنجىن اۋماعىندا تۇراتىن ساۋداگەر شاقىرۋ بولىمشە مەكەمەسى، شىنجىن ساۋداگەر شاقىرۋ قىزمەت پۋنكتى 363 كاسىپورىنمەن بايلانىس جاساپ ارالادى، مۇنىڭ ىشىندە 255 كاسىپورىن قاشقارعا تەكسەرۋگە كەلدى، قارجى قوسۋعا نيەت بىلدىرگەن سوماسى 6 ميلليارد 134 ميلليون 500 مىڭ يۋان بولىپ، 100 ميلليون يۋاندىق 8 نىساندى قامتىعان 36 نىسان تياناقتادى.

شىنجىننىڭ شينجياڭعا كومەكتەسۋ الدىڭعى جاق قولباسشىلىق شتابى تاعى جۇمىستاندىرۋ جاعىندا شينجياڭعا كومەكتەسۋدى كۇش سالا تەرەڭدەتىپ، شىنجىن كاسىپ سالاسى باقشاسىنىڭ 1 - مەرزىمىنەن 3 - مەرزىمىنە دەيىنگى بولىگىنە سۇيەنىپ، 130دان استام ەڭبەك شوعىرلانعان كاسىپورىندى تياناقتاۋعا باۋراپ، 12 مىڭنان استام ادامنىڭ ۇزاق ۋاقىت، ورنىقتى جۇمىستانۋىن جۇزەگە اسىردى. بيىلدىڭ وزىندە شىنجىن كاسىپ سالاسى باقشاسىنىڭ 3 - مەرزىمى توقىماشىلىق، كيىم - كەشەك جانە ازىق - تۇلىك كاسىپورىندارىن ەنگىزۋمەن بىرگە، 8 ەلەكتر ونىمدەرىن وڭدەۋ كاسىپورنىن جايعاسۋعا باۋراپ، 3000داي جۇمىس ورنىن كوبەيتتى، شىنجىن كاسىپ سالاسى باقشاسى دا وڭتۇستىك شينجياڭنىڭ توقىماشىلىق، كيىم - كەشەك، ەلەكتر ونىمدەرىن قۇراستىرۋ كاسىپ سالاسى شوعىرلانعان جەرگە جانە جۇمىستاندىرۋ بازاسىنا اينالدى.

شىنجىن تاعى كاسىپ سالاسى باقشاسىنىڭ كاسىپورىندارىن نەگىزگى تۇلعا ەتىپ، سەرىك زاۆودتارىن دامۋعا جەتەكتەپ، ”باس شتاپ + سەرىك زاۆود“ ۇلگىسىن قالىپتاستىردى، قازىر 70تەن استام سەرىك زاۆود سالىپ، قىستاق تۇرعىندارىنىڭ ۇيلەرىنىڭ قاسىندا جۇمىستانۋىن جۇزەگە اسىردى.

شينجياڭعا باعىتتامالى كومەكتەسۋ قىزمەتىنىڭ جاڭا ءبىر كەزەگى باستالعاننان بەرى شىنجىننىڭ شينجياڭعا كومەكتەسۋى 1000نان استام كاسىپورىندى جەتىلدىرىپ، 10 ميلليارد يۋاندىق دەڭگەيدەگى كاسىپ سالاسىن جەتەكتەپ، 100 مىڭنان استام كەدەي حالىقتىڭ تۇرمىسىنا وراسان زور وزگەرىس اكەلدى.

ياڭ چۇنشىڭ نىق سەنىممەن بىلاي دەدى: ”ءبىز 3 - رەتكى ورتالىقتىڭ شينجياڭ قىزمەتى اڭگىمە ءماجىلىسىنىڭ رۋحى مەن 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى رۋحىن ويداعىداي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭعا كومەكتەسۋ قىزمەتىن شىن مانىندە دامۋدى ىلگەرىلەتۋ ينجەنەرياسى، ۇلتتار ىنتىماعى ينجەنەرياسى، جۇرت تىلەگىن ۇيىستىرۋ ينجەنەرياسى ەتىپ تۇلعالايمىز“.