چىن چۋانگو، لي جيحىڭ ٴسوز سويلەدى، شوكىرات زاكىر، ۋاڭ جۇنجىڭ قاتىناستى 

شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). 9 - ايدىڭ 13 - كۇنى تۇستەن بۇرىن 3 - رەتكى بۇكىل ەلدىڭ حالىق ىستەرى جۇيەسىنىڭ شينجياڭعا باعىتتامالى كومەكتەسۋ قىزمەتىن ىلگەرىلەتۋ ٴماجىلىسى ۇرىمجىدە اشىلدى.

اۆتونوميالى رايوندىق پارتكومنىڭ شۋجيى چىن چۋانگو، حالىق ىستەرى مينيسترلىگى پارتيا باسشىلىق گرۋپپاسىنىڭ شۋجيى، مينيستر لي جيحىڭ ماجىلىسكە قاتىناستى ٴارى ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ ماجىلىسكە قاتىناستى. حالىق ىستەرى مينيسترلىگىنىڭ ورىنباسار مينيسترى گاۋ شياۋبيڭ ٴماجىلىستى باسقاردى.

چىن چۋانگو اۆتونوميالى رايوندىق پارتكوم، ۇكىمەت، بيڭتۋان، سونداي - اق بۇكىل رايونداعى ٴار ۇلت حالقى اتىنان حالىق ىستەرى مينيسترلىگىنىڭ، شينجياڭعا كومەكتەسەتىن ولكە - قالالاردىڭ، قوعامدىق ۇيىمداردىڭ ۇزاق ۋاقىتتان بەرى شينجياڭ قىزمەتىنە كوڭىل بولگەندىگىنە، قولداۋ كورسەتكەندىگىنە جانە كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەپ اتاپ كورسەتتى: بۇكىل ەلدىڭ حالىق ىستەرى جۇيەسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، شينجياڭعا كومەكتەسۋ قىزمەتىن كەلەلى ساياسي مىندەت ەتىپ، ماڭىزدى ورىنعا قويىپ، حالىق ىستەرى جۇيەسىنىڭ شينجياڭعا كومەكتەسۋىن تىڭعىلىقتى ىلگەرىلەتىپ، شينجياڭنىڭ حالىق ىستەرىنىڭ دامۋىنا دەم بەرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوسىپ، جاڭا داۋىردەگى حالىق ىستەرىنىڭ شينجياڭنىڭ ورنىقتىلىعىنا، دامۋىنا دەم بەرۋىنىڭ تاماشا جاعدايىن اشتى.  

چىن چۋانگو بىلاي دەپ اتاپ كورسەتتى: قازىر بۇكىل شينجياڭدا جوعارىدان تومەنگە دەيىن، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن قايراتتانا اشۋدا. ٴبىز ۇزدىكسىز «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، 8 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ ورنالاستىرۋلارى بويىنشا جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، حالىق ىستەرى قىزمەتىن كورنەكتى ورىنعا قويىپ، حالىق ىستەرى جۇيەسىنىڭ شينجياڭعا كومەكتەسۋ قىزمەتىنىڭ باسىمدىعىنان جاقسى پايدالانىپ، تاماشا ورتا قالىپتاستىرىپ، حالىق ىستەرى جۇيەسىنىڭ ٴتۇرلى ىستەرىن مىقتاپ يگەرىپ، حالىق ىستەرى قىزمەتىن كۇش سالا جاقسى ىستەپ، حالىق ىستەرى جۇيەسى ىستەرىنىڭ ەڭ تومەنگى شەكتەن تۇسىرمەۋشىلىك، نەگىزدىك رولىن تولىق ساۋلەلەندىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرامىز.

لي جيحىڭ مىنالاردى ٴبىلدىردى: 2 - رەتكى بۇكىل ەلدىڭ حالىق ىستەرى جۇيەسىنىڭ شينجياڭعا باعىتتامالى كومەكتەسۋ قىزمەتى ماجىلىسىنەن بەرى حالىق ىستەرى مينيسترلىگى پارتيا باسشىلىق گرۋپپاسى ۇيىمدىق باسشىلىقتى ۇزدىكسىز كۇشەيتىپ، بەيىمدەلىپ قولداۋ تەبىنىن كۇشەيتىپ، اقىل - پاراسات جاعىنان كومەكتەسۋدى كۇشەيتىپ، قوعامدىق ۇيىمداردى ات سالىسۋعا جۇمىلدىرىپ، شينجياڭعا باعىتتامالى كومەكتەسۋ قىزمەتىندە كورنەكتى ونىمدىلىككە قول جەتكىزىپ، شينجياڭداعى ٴار ۇلت بۇقاراسىنىڭ تۇرمىسىن جاقسارتۋعا، ۇلتتار ىنتىماعى، العاباسارلىعىن جەبەۋگە بەلسەندى ۇلەس قوستى.

لي جيحىڭ بىلاي دەپ اتاپ كورسەتتى: شينجياڭعا باعىتتامالى كومەكتەسۋ پارتيا ورتالىق كوميتەتى تاپسىرعان كەلەلى ساياسي مىندەت، ٴار دارەجەلى حالىق ىستەرى تاراۋلارى شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن، جاڭا مىندەتتەرىن دالمە - ٴدال يگەرىپ، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ جانە شينجياڭ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ۇلت قىزمەتى ٴماجىلىسىنىڭ رۋحىن، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ جانە 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ ماڭىزدى ورنالاستىرۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، جاڭا داۋىردەگى حالىق ىستەرى جۇيەسىنىڭ شينجياڭعا باعىتتامالى كومەكتەسۋ قىزمەتىن تىڭعىلىقتى جاقسى ىستەۋ كەرەك. حالىق تىلەگىن ۇيىستىرۋدى ارقاۋ ەتىپ، شينجياڭنىڭ نەگىزگى حالىق تۇرمىسىن قامتاماسىز ەتۋدى كۇشەيتۋىن قولداپ، حالىق تۇرمىسىن قامتاماسىز ەتۋدىڭ تومەنگى شەگىن ويداعىداي ساقتاۋ، ويداعىداي بەكەمدەۋ؛ نازاردى ٴار ۇلتتىڭ ارالاسۋىن، ىشتەسۋىن، توعىسۋىن جەبەۋگە شوعىرلاندىرىپ، شينجياڭنىڭ نەگىزگى ساتىنىڭ جونگە سالۋ جۇيەسى جانە جونگە سالۋ قابىلەتىن وسىزامانداندىرۋ قۇرىلىسىن ىلگەرىلەتۋىن قولداپ، جۇڭحۋا ۇلتى ورتاق تۇلعا تانىمىن بەرىك ورناتۋ؛ ماسەلەنى باعدار ەتۋگە تاباندى بولىپ، باعىتتامالى كومەكتەسۋ نىساندارىن دالمە - ٴدال جوبالاپ جانە جۇرگىزىپ، ٴار ۇلت بۇقاراسىن تابىس سەزىمىنە، باقىت سەزىمىنە، حاۋىپسىزدىك سەزىمىنە اناعۇرلىم كوپ كەنەلدىرۋ؛ قوعامدىق كۇشتەردى ات سالىسۋعا كەڭىنەن جۇمىلدىرىپ، قوعامدىق ۇيىمداردىڭ ەرەكشە باسىمدىعىن اناعۇرلىم جاقسى ساۋلەلەندىرىپ، حالىق تۇرمىسىن قامتاماسىز ەتۋ، كاسىپ سالاسىن دامىتۋ، شينجياڭدى مادەنيەتپەن نارلەندىرۋ سياقتى ٴتۇرلى كومەكتەسۋ نىساندارىنىڭ تياناقتانىپ ٴونىم بەرۋىن دالمە - ٴدال ىلگەرىلەتۋ كەرەك. ۇيىمدىق باسشىلىقتى كۇشەيتىپ، ٴار جاقتىڭ جاۋاپكەرشىلىگىن ناقتىلاندىرىپ، ٴبىر نيەتپەن كۇش بىرىكتىرىپ، قامال الىپ قيىندىقتاردى جەڭىپ، باستان - اياق ٴساتتى ىستەپ، شينجياڭنىڭ دامۋىنا كومەكتەسۋ تاريحي مىندەتىن جاقسى ارقالاپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اناعۇرلىم زور ۇلەس قوسۋ كەرەك.

ماجىلىستە شينجياڭعا باعىتتامالى كومەكتەسەتىن 19 ولكە - قالانىڭ حالىق ىستەرى مەڭگەرمەلەرى (مەكەمە) مەن كومەك قابىلدايتىن جەرلەردەگى حالىق ىستەرى تاراۋلارى شينجياڭنىڭ حالىق ىستەرىنىڭ دامۋىنا باعىتتامالى كومەكتەسۋ كەلىسىمىنە قول قويىپ، «تيانشاندى مەيىرگە بولەۋ شەكسىز سۇيىسپەنشىلىك − مەملەكەتتىك سيپاتتى قوعامدىق ۇيىمداردىڭ شينجياڭعا كومەكتەسۋ ارەكەتى» قيمىلىن باستادى. جياڭشي ولكەلىك حالىق ىستەرى مەڭگەرمەسى، فۋجيان ولكەلىك حالىق ىستەرى مەڭگەرمەسى، حوتان ايماقتىق حالىق ىستەرى مەكەمەسى، بيڭتۋان 3 - شى تۇمشۇق قالالىق حالىق ىستەرى مەكەمەسى، اييوۋ قايىرىمدىلىق قورى قوعامى، جۇڭگو قوعامدىق كوركەمونەر قوعامى سياقتى ورىنداردىڭ قاتىستى جاۋاپتى جولداستارى پىكىر اۋىستىرىپ، ٴسوز سويلەدى.

9 - ايدىڭ 10 - كۇنىنەن 12 - كۇنىنە دەيىن لي جيحىڭ جانە ونىڭ ساپارلاستارى اۆتونوميالى رايون مەن بيڭتۋاننىڭ نەگىزگى ساتى ٴبىرىنشى شەبىنە ىشكەرىلەي بارىپ، حالىق ىستەرى جۇيەسىنىڭ شينجياڭعا كومەكتەسۋ نىساندارىنىڭ ىلگەرىلەتىلۋ جاعدايىن تەكسەرىپ - زەرتتەپ، قيىنشىلىعى بار بۇقارانى ارالاپ جاعداي ۇعىسىپ، حال سۇرادى، حالىق ىستەرى مينيسترلىگىنىڭ شينجياڭعا كومەكتەسۋگە كەلگەن كادرلارىنا امانداسا باردى.

اۆتونوميالى رايوننىڭ جانە بيڭتۋاننىڭ باسشىلارىنان پىڭ جيارۇي، قادىلبەك قامزا ۇلى، ٴمۇتالىپ ٴماتتوحتى قاتارلىلار ماجىلىسكە قاتىناستى.