انار بۇلت / شينجياڭ گازەتىنىڭ ءتىلشىسى لي ياڭ 9 - ايدىڭ 25 - كۇنى ۇرىمجىدەن حابارلايدى. بۇكىل ەلدەگى ادام كۇشى بايلىعى جانە قوعامدىق قامتاماسىزداندىرۋ جۇيەسىنىڭ شينجياڭعا كومەكتەسۋ جانە وڭتۇستىك شينجياڭنىڭ 4 ايماق - وبلىسىنداعى تەحنيكالىق مەكتەپتەر قۇرىلىسىنا قولداۋ كورسەتۋ قىزمەتى اڭگىمە ءماجىلىسى ۇرىمجىدە اشىلدى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، ادام كۇشى بايلىعى جانە قوعامدىق قامتاماسىزداندىرۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر تاڭ تاۋ ماجىلىسكە قاتىناستى ءارى ءسوز سويلەدى.

شوكىرات زاكىر بىلاي دەپ اتاپ كورسەتتى: ۇزاق ۋاقىتتان بەرى ادام كۇشى بايلىعى جانە قوعامدىق قامتاماسىزداندىرۋ مينيسترلىگى شينجياڭعا باعىتتامالى كومەكتەسۋ قىزمەتىنە ايرىقشا ءمان بەرىپ، شينجياڭنىڭ ورنىقتىلىعىنا، دامۋىنا بار كۇشپەن قولداۋ كورسەتتى. بۇكىل ەلدەگى ادام كۇشى بايلىعى جانە قوعامدىق قامتاماسىزداندىرۋ جۇيەسى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جۇمىستاندىرۋدى جەبەۋ، شەبەرلىككە باۋلۋ، دارىندىلار قوسىنى قۇرىلىسى سياقتى ءتۇيىندى قىزمەتتەرگە دالمە - ءدال كۇش شىعارىپ، ۇزدىكسىز كۇش جۇمساپ، شينجياڭنىڭ حالىق تۇرمىسىن جاقسارتۋ، جۇمىستانۋدى جەبەۋ، قالا، اۋىل تۇرعىندارىنىڭ كىرىسىن ارتتىرۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ سياقتى جاقتاردا ماڭىزدى ۇلەستەر قوسىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالادى. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، 8 - رەتكى بۇكىل ەل بويىنشا شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ كوڭىل ءبولۋىن، قامقورلىعىن جانە باعىتتامالى كومەكتەسۋدىڭ ەرەكشە ابزالدىلىقتارىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ناقتى امالياتىنا شىن مانىندە اينالدىرامىز. تۇلعالىق رولدى ويداعىداي ساۋلەلەندىرىپ، شينجياڭعا كومەكتەسۋ نىساندارىن ويداعىداي تياناقتاندىرىپ، ادام كۇشى بايلىعى جانە قوعامدىق قامتاماسىزداندىرۋ جۇيەسىنىڭ شينجياڭعا كومەكتەسۋ جەتىستىكتەرىن ۇزدىكسىز بەكەمدەيمىز، كەڭەيتەمىز. حالىقتى وزەك ەتۋگە تاباندى بولىپ، جۇمىستاندىرۋ ارقىلى حالىققا تيىمدىلىك جەتكىزۋ ينجەنەرياسىن زور كۇشپەن اتقارىپ، الۋان ءتۇرلى امالدارمەن جۇمىستانۋدى ورنىقتىرىپ، جۇمىستانۋدى قامتاماسىز ەتىپ، جۇمىستانۋدى جەبەپ، ءار ۇلت حالقىن رەفورمانىڭ، دامۋدىڭ جەتىستىكتەرىنەن يگىلىكتەندىرەمىز.

تاڭ تاۋ مىنالاردى ءبىلدىردى: جاقىنداعى جىلداردان بەرى بۇكىل ەلدەگى ادام كۇشى بايلىعى جانە قوعامدىق قامتاماسىزداندىرۋ جۇيەسى شينجياڭعا باعىتتامالى كومەكتەسۋدى كەلەلى ساياسي مىندەت ەتىپ، ءار جاقتاعى قىزمەتتەردى تىڭعىلىقتى جاقسى ىستەپ، شينجياڭنىڭ ادام كۇشى بايلىعى جانە قوعامدىق قامتاماسىزداندىرۋ ىستەرى رەفورماسىنا، دامۋىنا بەلسەندى ۇلەس قوستى. مۇنان كەيىن، ساياسي، ستراتەگيا جانە جالپى جاعداي تۇرعىسىنان ادام كۇشى بايلىعى جانە قوعامدىق قامتاماسىزداندىرۋ جۇيەسىنىڭ شينجياڭعا كومەكتەسۋ قىزمەتىنىڭ كەلەلى ءمانىن ونان ارى جەتە تانىپ، حالىقتى وزەك ەتۋگە تاباندى بولىپ، يدەيالىق سانالىلىقتى، ساياسي سانالىلىقتى، ارەكەت سانالىلىعىن شىن مانىندە كۇشەيتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تىڭ دا اناعۇرلىم زور ۇلەس قوسۋعا قۇلشىنۋ كەرەك. جۇمىستانۋدى ورنىقتىرۋ مەن كەڭەيتۋدى ادام كۇشى بايلىعى جانە قوعامدىق قامتاماسىزداندىرۋ جۇيەسىنىڭ شينجياڭعا كومەكتەسۋىندە توتەنشە ماڭىزدى ورىنعا قويىپ، اناعۇرلىم تولىق، اناعۇرلىم جوعارى ساپالى جۇمىستانۋدى جۇزەگە اسىرۋدى ىلگەرىلەتۋ كەرەك. ەڭبەكشىلەردىڭ شەبەرلىك دەڭگەيىن جوعارىلاتۋدى ادام كۇشى بايلىعى جانە قوعامدىق قامتاماسىزداندىرۋ جۇيەسىنىڭ شينجياڭعا كومەكتەسۋدەگى نەگىزدىك ينجەنەريا ەتىپ، تەحنيك جۇمىسشىلار مەكتەپتەرى قۇرىلىسىن جەدەل ىلگەرىلەتىپ، شەبەرلىككە يە ەڭبەكشىلەردى باۋلۋ جۇيەسى قۇرىلىسىن كۇش سالا ويداعىداي يگەرۋ كەرەك. ءار جاقتاعى ساياساتتىق قولداۋدى كۇش سالا نىعايتىپ، الەۋمەتتىك قىزمەت وتەۋدى ولشەمدەندىرۋ، ينفورماتسيالاندىرۋ قۇرىلىسىن قولداۋ تەبىنىن ارتتىرۋ كەرەك. نىسانانى جەتەكشى ەتۋدىڭ، ماسەلەنى باعدار ەتۋدىڭ جانە ناتيجەنى تەكسەرۋدىڭ بىرلىگىنە تاباندى بولىپ، شينجياڭعا كومەكتەسۋ قىزمەتتەرىن كوڭىل قويا، سۇيىسپەنشىلىكپەن، كۇش سالا جاقسى ىستەپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتۋ كەرەك. شينجياڭنىڭ ەرەكشەلىگىن تياناق ەتىپ، ادام كۇشى بايلىعى جانە قوعامدىق قامتاماسىزداندىرۋ جۇيەسىنىڭ ارتىقشىلىعىن ساۋلەلەندىرىپ، شينجياڭعا كومەكتەسۋ ەرەكشەلىگىن قالىپتاستىرۋ كەرەك. شىندىقتى ءىس جۇزىنەن ىزدەۋگە تاباندى بولىپ، قىزمەتتىڭ ناقتى ونىمدىلىگىنە ءمان بەرىپ، ۇزبەي جالعاستىرۋ، ۇزاق ۋاقىت ەڭبەك ەتۋ كەرەك.

اۆتونوميالى رايوننىڭ جانە بيڭتۋاننىڭ باسشىلارىنان پىڭ جيارۇي، ياڭ فاسىن، جاڭ يۇڭ ماجىلىسكە قاتىناستى.　ماجىلىستە شينجياڭعا باعىتتامالى كومەكتەسەتىن ءىشىنارا ولكە، قالالاردىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارى اۆتونوميالى رايونمەن، بيڭتۋانمەن باعىتتامالى كومەكتەسۋ كەلىسىمىنە، سونداي - اق ەڭبەك ىستەستىگى كەلىسىمىنە قول قويدى. كومەك بەرەتىن، كومەك الاتىن ەكى جاقتىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ قاتىستى جاۋاپتىلارى اۋىس - كۇيىس جاساپ ءسوز سويلەدى.