汉文 ىلە اقپارات تورابىنا حوش كەلدىڭىزدەر!
شينجياڭعا كومەكتەسۋدىڭ جالپىلىق ونىمدىلىگى ۇزدىكسىز جوعارىلادى
2021-10-08 16:24:01     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ ءبىر جىلدىعى جونىندە جالپى شولۋ (6)

انار بۇلت / شينجياڭ گازەتىنىڭ ءتىلشىسى جاڭ جىلي


شينجياڭعا باعىتتامالى كومەكتەسۋ − مەملەكەتتىك ستراتەگيا، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى شاراسى.

3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە، باس شۋجي شي جينپيڭ بىلاي دەپ باسا دارىپتەدى: شينجياڭعا كومەكتەسكەن ولكە، قالالار شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋگە ۇزاق ۋاقىت تاباندى بولىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ كەرەك.

ءبىر جىلدان بەرى، ورتالىق پەن مەملەكەتتىك ورگاندار، ورتالىق كاسىپورىندار جانە شينجياڭعا كومەكتەسەتىن 19 ولكە - قالا جاڭا تيپتى ايدارشا ۆيرۋس وكپە قابىنۋ ىندەتى سياقتىلاردىڭ ءتيىمسىز ىقپالىن جەڭىپ، كومەك قابىلداۋشى جەرلەردىڭ ءىس جۇزىندىك جاعدايىن تياناق ەتىپ، دارىندىلار ارقىلى شينجياڭعا كومەكتەسۋ، نىسان ارقىلى شينجياڭعا كومەكتەسۋ، كاسىپ سالاسى ارقىلى شينجياڭعا كومەكتەسۋ، مادەنيەت جاعىنان شينجياڭعا كومەكتەسۋ سياقتى جاقتاردان ۇزدىكسىز مول تابىسقا قول جەتكىزىپ، شينجياڭنىڭ ەكونوميكالىق، قوعامدىق دامۋىنىڭ تىڭ ساتىعا كوتەرىلۋىنە دەم بەردى.

  ”قاجەت“ پەن ”قابىلەت - قارىمدى“ ۇشتاستىردى

”بيىل، مەن ەككەن فيگمەنت بۇرىشتىڭ ءبىر مۋىنان 3000 يۋاننان استام كىرىس كىرگىزدىم، بۇنى بۇرىن ويلاپ تا كورمەگەم“، - دەدى شايار اۋدانى يىڭى ءمالى قالاشىعى يىڭى ءمالى قىستاعىنىڭ تۇرعىنى ابىلەت ميجيت فيگمەنت بۇرشاق ساتۋدان تۇسكەن 30 مىڭ 600 يۋان اقشا قولىنا تيگەن سوڭ ايرىقشا تەبىرەنىپ.

يىڭى ءمالى قىستاعىندا ادام كوپ، جەر از، ەگىن ءتۇرى ءبىرشاما جالاڭ، قانداي داقىلدان اقشا ەڭ كوپ تۇسەدى ءارى ساتىلىم جولىنا قالاي كەپىلدىك ەتۋگە بولادى؟ بىلتىر جىجياڭ ولكەسى جياشيڭ قالاسىنىڭ شينجياڭعا كومەكتەسۋ قولباسشىلىق شتابى تەكسەرۋ - زەرتتەۋ ارقىلى جياشيڭنىڭ شينجياڭعا كومەكتەسۋ ماقساتىندا ەنگىزگەن اۋىل شارۋاشىلىعىن كاسىپ سالالاندىرۋ كاسىپورىندارى مەن ”10 قالادا 100 دۇكەن“ تيجارات تۇيىندەرى باسىمدىعىنان پايدالانىپ، وسى قىستاقتىڭ فيگمەنت بۇرىشىنىڭ ەرەكشە ەگىمشىلىگىن دامىتۋىنا كومەكتەستى.

بىلتىردان بەرى، جىجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى اقسۋ ايماعىنىڭ ەرەكشە اۋىل شارۋاشىلىعى ونىمدەرىنىڭ ءتۇرى كوپ، ساپاسى جاقسى، مولشەرى كوپ بولۋ سياقتى جاعدايىمەن بىرلەستىرىپ، جىجياڭنىڭ بازارى ۇلكەن ولكە، ەلەكتروندىق ساۋداداعى ۇلكەن ولكە باسىمدىعىن تولىق ساۋلەلەندىرىپ، ينتەرنەت جەلىسىندە جانە جەلىدەن تىسقارى بىرلەسە قيمىلداپ ”10 قالادا 100 دۇكەن“ بازار ارقىلى شينجياڭعا كومەكتەسۋ ينجەنەرياسىن ىلگەرىلەتىپ، ”10 قالادا 100 دۇكەندى“ ”100 قالادا 1000 دۇكەنگە“ كوبەيتتى. 2020 - جىلى جەرگىلىكتى اۋىل شارۋاشىلىعى ونىمدەرىنەن 200 مىڭ توننادان استامى ساتىلىپ، ساتىلىم سوماسى 3 ميلليارد يۋاننان اسىپ، سايكەس مەزگىلدەگىدەن %80تىڭ ۇستىندە ارتتى؛ بيىل 1 - ايدان 8 - ايعا دەيىن جەرگىلىكتى اۋىل شارۋاشىلىعى ونىمدەرىنەن 194 مىڭ توننا ساتىلىپ، ساتىلىم سوماسى 2 ميلليارد 290 ميلليون يۋان بولىپ، سايكەس مەزگىلدەگىدەن %168 ارتتى.

دالمە - ءدال ۇشتاستىرۋ، كومەك قابىلداۋشى جەردىڭ قاجەتىنە قاراي، كومەك بەرۋشى جاق قابىلەت - قارىمىن سارقا جۇمساۋ − ورتالىق پەن مەملەكەتتىك ورگانداردىڭ، ورتالىق كاسىپورىندارىنىڭ جانە شينجياڭعا كومەكتەسەتىن 19 ولكە - قالانىڭ شينجياڭعا كومەكتەسۋ ونىمدىلىگىن جوعارىلاتۋداعى ماڭىزدى شارا سانالادى. 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلعان سوڭ، ءار قايسى ولكە - قالالاردىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتاپتارى ءماجىلىس رۋحىنا تۋرالانىپ، جىلدىق قىزمەتكە قايتا جوسپار، قايتا ورنالاستىرۋ جاسادى. كەيبىر ولكە، قالالاردىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەرىپ، شينجياڭعا كومەكتەسۋ قىزمەتىن ونان ارى تەرەڭدەتتى، ناقتىلادى، اشالادى.

قابا اۋدانى جۇڭگوشا ءدارى شوپتەر ەگۋگە لايىق جەر، سول جەردىڭ جۇڭگوشا ءدارى شوپتەرىنىڭ جالپى كاسىپ سالاسى تىزبەگىنىڭ دامۋىن جەبەۋ ءۇشىن، بيىل جيلين ولكەسى وسى اۋداننىڭ جۇڭگوشا ءدارى ءشوپ كاسىپ سالاسىن دامىتۋ جوباسىن جاساۋىنا كومەكتەستى. 3 تە 5 جىلدان كەيىن قابا اۋدانىن جۇڭگوشا ءدارى ءشوپ تۇقىمىن جەتىلدىرەتىن، قالامشاسىن وسىرەتىن، ءدارى شوپتەر ەگەتىن، وڭدەيتىن جانە ساتاتىن كاسىپ سالاسىنىڭ بيىك تۇرعىسى ەتىپ العاشقى قادامدا قۇرىپ شىعۋدى جوسپارلادى.

انحۇي ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى كاسىپ سالاسىن دامىتۋدى شينجياڭعا كومەكتەسۋ قىزمەتىنىڭ ماڭىزدى مىندەتى ەتىپ، ”قۇرىلعىلى اۋىل شارۋاشىلىعى، جۇمىستاندىرۋ، تۇتىنۋ ارقىلى كەدەيلەردى سۇيەمەلدەۋ“ سىندى باعىتتامالى كومەكتەسۋدىڭ مەلودياسىن ورىندادى. 2020 - جىلى 10 - ايدان بەرى حوتان ايماعىنىڭ ءتۇرلى اۋىل شارۋاشىلىعى ونىمدەرىنەن جيىنى 48 مىڭ 600 تونناسىن ساتۋىنا كومەكتەسىپ، ساتىلىم سوماسى 615 ميلليون يۋانعا جەتتى.

  ”قان بەرۋ“ مەن ”قان جاساۋعا“ تاباندى بولدى

گۇزالنۇر وسمان حوتان قالاسى شامالباق اۋماعى ليۋشۋ الەۋمەتتىك اۋماعىنىڭ تۇرعىنى، بيىل 3 - ايدا بەيجيڭ قالاسىنىڭ شينجياڭعا كومەكتەسەتىن كاسىپورنى حوتان حىڭيە كيىم - كەشەك شەكتى سەرىكتەستىگى 10 ميلليون يۋان قارجى سالىپ، 9000 شارشى مەتردەن اساتىن زاۆوت اۋماعىن وزگەرتىپ سالدى جانە تەز ارادا وندىرىسكە قوستى، ءسويتىپ گۇزالنۇر ءۇيىنىڭ جانىنان تۇراقتى جۇمىس تاپتى.

3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان كەيىن، بەيجيڭ قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى شينجياڭعا كومەكتەسۋ قىزمەتىندە ”قان بەرۋ“ مەن ”قان جاساۋعا“ قاتار ءمان بەرۋگە تاباندى بولىپ، كاسىپ سالاسىنىڭ ورنالاسىمىن ساپالىلاندىرۋعا جەتەكتەۋ جاعىنا كۇش سالىپ، كومەك قابىلداۋشى جەردىڭ جوعارى ساپالى دامۋىنا دەم بەردى. بيىل الدىڭعى 5 ايدا ساۋداگەر شاقىرىپ قارجى ەنگىزۋ بويىنشا 23 كاسىپورىن ىرگە تەۋىپ، كەلىسىم - شارتتاعى قارجى قوسۋ سوماسى 5 ميلليارد 203 ميلليون يۋانعا جەتىپ، 6275 جۇمىستانۋ ورنىن اشتى.

حالىق تۇرمىسى جاعىنان شينجياڭعا كومەكتەسۋ، كاسىپ سالاسى ارقىلى شينجياڭعا كومەكتەسۋ بولسىن، الدە اقىل - پاراسات جاعىنان شينجياڭعا كومەكتەسۋ، مادەنيەت جاعىنان شينجياڭعا كومەكتەسۋ بولسىن، ”قان بەرۋ“ مەن ”قان جاساۋعا“ قاتار ءمان بەرۋ ورتالىق پەن مەملەكەتتىك ورگانداردىڭ، ورتالىق كاسىپورىندارىنىڭ جانە شينجياڭعا باعىتتامالى كومەكتەسەتىن 19 ولكە - قالانىڭ ورتاق تانىمىنا اينالعان. ءبىر جىلدان بەرى ”قان بەرۋمەن“ قوسا، ونان دا ماڭىزدىسى، ”قان جاساعان“، ”قان بەرۋدى“ ”قان جاساۋعا“ اينالدىرعان، ”قان جاساۋ“ يقۋاتىن كۇشەيتكەن نىساندار تيانشان الابىندا جامىراي گۇل اشتى.

”13 - بەسجىلدىق“ مەزگىلىندە فۋجيان ولكەسى كەلەلى نىساندار قۇرىلىسىن قوزعاۋشى كۇش قاينارى ەتىپ، شينجياڭعا كومەكتەسۋ بويىنشا 239 نىسان اتقارىپ، شينجياڭعا كومەكتەسىپ 2 ميلليارد 163 ميلليون يۋان قارجى قوستى، سانجى حۇيزۋ اۆتونوميالى وبلىسىنىڭ كەدەيلىكتەن ارىلتۋدان قامال الۋ شايقاسىنىڭ شەشۋشى شايقاسىنىڭ شەشۋشى جەڭىسىنە جەتۋىنە، حالىق تۇرمىسىنىڭ ىرىس - قۇتىن مولايتۋىنا، ۇلتتار ىنتىماعىن تەرەڭدەتۋىنە پارمەندى تىرەك ازىرلەدى. قازىرگى تاڭدا فۋجيان ولكەسى ەكونوميكا، عىلىم - تەحنيكا، وقۋ - اعارتۋ، ەمدەۋ، دارىندىلار سياقتىلاردى قامتىعان سانجى وبلىسىنا جان - جاقتى كومەكتەسۋ مەحانيزمىن ۇزدىكسىز ىلگەرىلەتىپ، كاسىپ سالاسى ارقىلى شينجياڭعا كومەكتەسۋ سەرپىنىن ونان ارى ارتتىرىپ، ”حايچۋاڭحۇي“، شۋزىفىڭحۇي“، ”توۋچياحۇي“ سياقتى تۇعىرلاردان ويداعىداي پايدالانىپ، ساۋدا - ونەركاسىپشىلەر بىرلەستىگىنىڭ، فۋجيان ساۋدا قوعامىنىڭ كوپىرلىك رولىن ساۋلەلەندىرىپ، فۋجيان ولكەسىنىڭ ءىشى - سىرتىنداعى كاسىپورىنداردى سانجىعا كەلىپ قارجى قوسىپ، شارۋاشىلىقتى گۇلدەندىرۋگە باستاپ، سانجى وبلىسىنىڭ ناقتى ەكونوميكاسىن ۇزدىكسىز نىعايتۋدا.

بيىل حۋنان ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى اۋىل شارۋاشىلىعى، ساياحات، زات تاسىمالى، ىستىق ەكونوميكا سياقتى باسىمدىققا يە كاسىپ سالالارىن جانە جوعارعى - تومەنگى كاسىپ سالاسى تىزبەگىن ارقاۋ ەتىپ، ساۋداگەر شاقىرىپ قارجى قوسۋ نىساندارىنان 30 نەشەسىن ازىرلەپ، ساقتاپ وتىر. كەزەكتە حۋنان قۇرىلىس ونەركاسىبى توبى، جۇڭليان اۋىر ونەركاسىبى، بيگۇييۋان قاتارلى 60تان استام كاسىپورىن قارجى قوسۋ كەلىسىمىن جانە نيەت كەلىسىمىن جاساسىپ، جالپى قوسىلاتىن قارجى 2 ميلليارد يۋاننان استى.

  ”سىرتتان ەنگىزۋ“ مەن ”سىرتقا شىعارۋدى“ ۇشتاستىردى

بىلتىردان بەرى تارباعاتاي ايماقتىق حالىق شيپاحاناسىنا كەلىپ ورنالاسقان جۇڭگو مەديتسينا داشۋەسى مەديتسينالىق دارىندىلارىنىڭ ”ۇيىرمە فورماسىنداعى“ شينجياڭعا كومەكتەسۋ بويىنشا ەمدەۋ اترەتى وسى شيپاحانانىڭ قاتەرلى، سالماقتى ناۋقاس ساناتىنداعى جۇكتى ايەلدەردى قۇتقارۋ - ەمدەۋ ورتالىعى، بوبەكتەردى قۇتقارۋ - ەمدەۋ ورتالىعى، كوكىرەك ءبولىمى اۋرۋلارى ورتالىعى، ينسۋلت ورتالىعى جانە جاراقات ورتالىعى سىندى 5 ۇلكەن ورتالىق قۇرىلىسىن كەمەلدەندىرىپ، وسپە تەراپياسى، ينۆازيالىق ءبولىم، اس قورىتۋ جولى ەندوسكوپياسى ءبولىمى جانە بوبەكتەر ءبولىمى سياقتى بولىمدەردى كوبەيتىپ قۇرىپ، ءپان قۇرۋ جانە جاڭا تەحنولوگيالار ەنگىزۋ ارقىلى تارباعاتاي ايماعىنداعى ءار ۇلت بۇقاراسى ۇيلەرىنىڭ جانىندا ساپالى مەديتسينالىق قىزمەت وتەۋدەن يگىلىكتەندى.

اقىل - پاراسات جاعىنان شينجياڭعا كومەكتەسۋدىڭ ناتيجەسىن جوعارىلاتۋ ءۇشىن، لياۋنيڭ ولكەسى باۋلۋ جوباسىن عىلمي جوبالاپ، كاسىپتىك تىرەكتىلەردى سارالاپ اكەلىپ، جيىنى 229 رەت باۋلۋ كۋرسىن اشىپ، 8125 ادام - رەت باۋلىپ، كومەك قابىلداۋشى جەرگە تۇراقتى كادر - دارىندىلار قوسىنىن تاربيەلەپ بەرۋگە قۇلشىندى.

شينجياڭعا باعىتتامالى كومەكتەسۋ قىزمەتىندە، دارىندىلاردى باۋلۋدى كۇشەيتۋ ”سىرتتان ەنگىزۋ“ مەن ”سىرتقا شىعارۋدى“ ۇشتاستىرۋعا تاباندى بولۋدى قاجەت ەتەدى؛ شينجياڭدى مادەنيەتپەن نارلەندىرۋدى ىشكەرىلەي اتقارۋ دا ”سىرتتان ەنگىزۋ“ مەن ”سىرتقا شىعارۋدى“ ۇشتاستىرۋعا تاباندى بولۋدى قاجەت ەتەدى.

8 - ايدىڭ 20 - كۇنى مارالباسى اۋدانى مارالباسى قالاشىعى دوستىق جولى الەۋمەتتىك اۋماعىنىڭ مادەنيەت قيمىل ۇيىندە احىمەترايىم نامار بالدىرعاندارمەن بىرگە قورشاما دويبى ويناپ وتىردى، ولاردى دويبى ونەرىنە شاڭحاي قالاسى قورشاما دويبى قوعامىنداعى ۇستازدارى ۇيرەتكەن ەكەن.

ءبىر جىلدان بەرى شاڭحاي قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى جاستار مەن ورەندەرگە باعىتتالعان ”قول ۇستاسۋ“، ”دوستاسۋ“ جانە ”كوركەمونەردى ساباقحاناعا ەنگىزۋ“ سياقتى قيمىلداردى ۇزدىكسىز ىلگەرىلەتىپ، جۇڭحۋا ۇلتى ورتاق تۇلعا تانىمىنىڭ ءار ۇلت بۇقاراسىنىڭ جۇرەگىنە ۇيالاۋىنا مۇمكىندىك جاسادى.

بيىل جىجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى جىجياڭ ولكەسىندەگى جازۋشىلار، سۋرەتشىلەر، حاتكەرلەر، انشىلەر، بيشىلەر سياقتىلاردى اقسۋ ايماعىنا جانە بيڭتۋان 1 - شىسىنىڭ ارال قالاسىنا كەلىپ جىجياڭ مەن اقسۋ ەكى جەردىڭ حالىقتىق كوركەمونەرشىلەرىنىڭ شىعارماشىلىق اۋىس - كۇيىس قيمىلىن وتكىزۋگە ۇيىمداستىرىپ، اقسۋ ايماعىنىڭ مادەنيەت ىشكى ءمانىن جان - جاقتى كورسەتتى. سونىمەن قاتار، جىجياڭ ولكەسىنىڭ كوركەمونەر توپتارى اقسۋ ايماعىنا دۇركىن - دۇركىن كەلىپ ”مادەنيەت ارقىلى تۋىسشىلاۋ“ ورىستەتىپ، اقسۋ ايماعى ءۇشىن ءبىر توپ تۇراقتى كوركەمونەر دارىندىلار قوسىنىن باۋلىدى.