چىن چۋانگو، ماۋ ۋيميڭ، ەركىن تۇنياز قيمىلعا قاتىناستى

انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، جاڭ يۇنمەي 10 - ايدىڭ 11 - كۇنى تۇرپاننان حابارلايدى. 10 - ايدىڭ 9 - كۇنىنەن 11 - كۇنىنە دەيىن حۋنان ولكەلىك پارتكومنىڭ ورىنباسار شۋجيى، ولكە باستىعى ماۋ ۋيميڭ حۋنان ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز قاتىستى قيمىلدارعا قاتىناستى.

10 - ايدىڭ 9 - كۇنى تۇستەن كەيىن اۆتونوميالى رايون مەن حۋنان ولكەسىنىڭ پارتيا، ۇكىمەت ۋاكىلدەر ۇيىرمەسى ۇرىمجىدە قىزمەتتىك كەڭەس وتكىزدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل رايونداعى ءار ۇلت حالقى اتىنان حۋنان ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: حۋنان شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حۋناندا قىزمەت تەكسەرگەندەگى سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءۇش بيىك بەلەس، ءتورت جاڭا بورىش“ ستراتەگياسىن زور كۇشپەن اتقارىپ، ىرىستى، كورىكتى، باقىتتى جاڭا حۋنان قۇرۋ ساپارىندا جۇرتتى جالت قاراتقان جاڭا تابىسقا قول جەتكىزدى.

چىن چۋانگو بىلاي دەدى: حۋنان ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭعا باعىتتامالى كومەكتەسۋدىڭ ساياسي جاۋاپكەرشىلىگىن بەرىك ارقالاپ، حالىق تۇرمىسىن قامتاماسىز ەتۋ مەن جاقسارتۋدى الدىمەن ويلاستىرۋعا تاباندى بولىپ، نازاردى وقۋ - اعارتۋ، ەمدەۋ، دەنساۋلىق ساقتاۋ سياقتى سالالاردا دالمە - ءدال كۇش سالۋعا شوعىرلاندىرىپ، كاسىپ سالاسى ارقىلى شينجياڭعا كومەكتەسۋدى، دارىندىلار ارقىلى شينجياڭدى گۇلدەندىرۋدى، شينجياڭدى مادەنيەتپەن نارلەندىرۋدى جەرگىلىكتى جاعدايعا قاراي ىلگەرىلەتىپ، تۇرپان قالاسى مەن بيڭتۋان 12 - شى 221 - تۋاننىڭ ەكونوميكالىق، قوعامدىق دامۋىن پارمەندى تۇردە جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى. شينجياڭداعى ءار ۇلت حالقى بۇعان العىس ايتادى. شينجياڭ ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، تۇلعالىق جاۋاپكەرشىلىكتى باتىل ارقالاپ، حۋناننىڭ وزىق تاجىريبەلەرىنەن ۇيرەنىپ، قىزمەتتى ۇشتاستىرۋدى كۇشەيتىپ، ءار سالاداعى ناقتى ىستەر سەلبەستىگىن تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانىڭ جوعارى ساپالى دامۋى قىزمەتتەرىن تىڭعىلىقتى تۇردە ويداعىداي ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنادى.

ماۋ ۋيميڭ اۆتونوميالى رايوننىڭ جانە بيڭتۋاننىڭ ۇزاق ۋاقىتتان بەرى حۋناننىڭ قىزمەتىن بار كۇشپەن قولداعانىنا، حۋناننان شينجياڭعا كومەككە كەلگەن كادرلارعا كوڭىل ءبولىپ، قامقورلىق جاساعانىنا العىس ايتتى، حۋناننىڭ ەكونوميكالىق، قوعامدىق دامۋى، سونداي - اق شينجياڭعا باعىتتامالى كومەكتەسۋ قىزمەتى جاعدايىن تانىستىردى. ول بىلاي دەدى: تاياۋ جىلدان بەرى، شينجياڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماستان دايەكتىلەندىردى، تياناقتاندىردى، جونگە سالۋ دەڭگەيى كورنەكتى جوعارىلادى، ەكونوميكالىق قۋاتى كورنەكتى كۇشەيدى، حالىق تۇرمىسىنىڭ ىرىس - قۇتى كورنەكتى جاقساردى، ۇلتتار ىنتىماعى كورنەكتى العا باستى. شينجياڭنىڭ ەكونوميكالىق، قوعامدىق دامۋىنىڭ قارىشتاپ العا باسۋى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شەكسىز دۇرىس ەكەنىن تولىق دالەلدەدى، پارتيانىڭ ۇلت ساياساتىنىڭ جانە ۇلتتىق وڭىرلىك اۆتونوميا ءتۇزىمىنىڭ وراسان زور ابزالدىلىعىن تولىق دالەلدەدى، شينجياڭداعى ءار ۇلت پەرزەنتتەرىنىڭ تاماشا تۇرمىس ءۇشىن ىنتىماقتاسا كۇرەس جۇرگىزۋ جولىندا ۇيىستىرعان بەكىمىن، جىگەرىن جانە تەلەگەي كۇش - قۋاتىن تولىق ىسپاتتادى.

ماۋ ۋيميڭ بىلاي دەدى: شينجياڭنىڭ تۇرپان قالاسى مەن بيڭتۋان 12 - شى 221 - تۋانىنا باعىتتامالى كومەكتەسۋ − پارتيا ورتالىق كوميتەتى حۋنانعا جۇكتەگەن كەلەلى ساياسي مىندەت. 2010 - جىلدان بەرى، حۋنان شينجياڭعا كومەكتەسۋ بويىنشا جالپى 3 ميلليارد 450 ميلليون يۋان قارجى قوستى، سوڭعى 2 جىلدا شينجياڭعا كومەكتەسۋشى 1500 كادر، دارىندىنى تاڭداپ جىبەرىپ، ۇيىرمە قۇراۋ فورماسىمەن وقۋ - اعارتۋ ارقىلى شينجياڭعا كومەكتەسۋدىڭ، ەمدەۋ جاعىنان شينجياڭعا كومەكتەسۋدىڭ، شينجياڭدى مادەنيەتپەن نارلەندىرۋدىڭ، كاسىپ سالاسى ارقىلى شينجياڭعا كومەكتەسۋدىڭ حۋنان تاجىريبەسىن قالىپتاستىردى. جاڭا دامۋ كەزەڭىنە قادام تاستاعان حۋنان 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، باعىتتامالى كومەك كورسەتىلەتىن تۇرپان قالاسىمەن جانە 221 - تۋانمەن بىرگە باعىتتامالى كومەكتەسۋ، ەكونوميكا - ساۋدا اۋىس - كۇيىس ىستەستىگى، اۋىل شارۋاشىلىعى ونىمدەرىن سەلبەسىپ اشۋ، مادەنيەت، ساياحات سەلبەستىگى سىندى ءتورت جۇمىستى اناعۇرلىم ويداعىداي ىستەپ، ەكى جەردىڭ كەڭ كولەمدەگى بارىس - كەلىسىن، جان - جاقتى اۋىس - كۇيىسىن، تەرەڭ توعىسۋىن ىلگەرىلەتىپ، ىنتىماقتاسا كۇرەس جۇرگىزۋدىڭ، كوركەيىپ - گۇلدەنىپ دامۋدىڭ شىت جاڭا تاراۋىن بىرگە جازادى.

شينجياڭداعى كەزىندە حۋنان ولكەسىنىڭ پارتيا، ۇكىمەت ۋاكىلدەر ۇيىرمەسى ءۇرىمجى قالاسى، تۇرپان قالاسى، بيڭتۋان 12 - شىسى سياقتى جەرلەرگە بارىپ، كاسىپ سالاسى باقشا رايونى، اۋىل - قىستاق، الەۋمەتتىك اۋماق، تۋان الاڭ، ليان - دۇيلەرگە ىشكەرىلەي بارىپ، شينجياڭعا باعىتتامالى كومەكتەسۋ نىسان قۇرىلىستارىنىڭ ىلگەرىلەۋ جاعدايىنا تەكسەرۋ جۇرگىزىپ، نەگىزگى ساتىداعى بۇقارادان جاعداي ۇعىسىپ، شينجياڭعا كومەككە كەلگەن كادر، دارىندىلارعا امانداسىپ، حال سۇرادى، باعىتتامالى كومەكتەسۋ قىزمەتى اڭگىمە ءماجىلىسىن اشتى ءارى شينجياڭعا زاتتىق جىلۋ اتاۋ سالتىن جانە شينجياڭعا كومەكتەسۋ نىساندارى جونىندە كەلىسىم جاساسۋ سالتىن وتكىزدى.

حۋنان ولكەسىنىڭ باسشىلارىنان شيە جيانحۇي، ياڭ ۋيگاڭ، حۋ ۋيلين، اۆتونوميالى رايوننىڭ جانە بيڭتۋاننىڭ باسشىلارىنان چىن ۋيجۇن، مۇقيات جارمۇقامەت، ءمۇتالىپ وبۇل، ياۋ شينمين، لي جيدۇڭ قاتارلىلار جوعارىداعى قيمىلدارعا قاتىناستى.