汉文 ىلە اقپارات تورابىنا حوش كەلدىڭىزدەر!
كۇيتۇندە ٴبىرىنشى توقساندا جۇمىسى قالپىنا كەلتىرىلگەن، جۇمىس باستاعان نىساندارعا قوسىلعان جالپى قارجى 20 ميلليارد 600 ميلليون يۋانعا جەتتى
2022-03-24 11:11:38     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ەرىكتى تىلشىلەر لي ياڭ، جاڭ حاۋچۋان، جوۋ يۇڭحۇي حابارلايدى. 3 - ايدىڭ 17 - كۇنى كۇيتۇن قالاسى 2022 - جىلعى ٴبىرىنشى توقسانداعى كەلەلى نىسانداردىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتىن وتكىزدى. شوعىرلى جۇمىسى قالپىنا كەلتىرىلگەن، جۇمىس باستاعان بۇل نىساندار جاڭا ماتەريال، مۇناي - حيميا ونەركاسىبى، اۋىل شارۋاشىلىق عىلىم - تەحنيكاسى، جاراقسىز زاتتى كادەگە جاراتۋ سياقتى سالالاردى قامتيدى.

جۋىقتاعى جىلداردان بەرى كۇيتۇن قالاسى ساۋداگەر شاقىرۋ، قارجى ەنگىزۋدى ۇزدىكسىز كۇشەيتىپ، نىسان قۇرىلىسىن قىزۋ ورلەۋگە كوتەرىپ،  عىلىم - تەحنيكالىق قامتىلىمى جوعارى، جەتەكشىلىك قۋاتى كۇشتى، دامۋ بولاشاعى زور ٴبىر توپ كاسىپ سالاسى نىساندارىنىڭ كەلىسىمىنە ارت - ارتىنان قول قويىپ، ىرگە تەپتىرگەن. بيىلدىڭ ٴبىرىنشى توقسانىندا جۇمىسى شوعىرلى قالپىنا كەلتىرىلگەن، جۇمىس باستاعان نىسان 41 بولىپ، بۇعان جالپى 20 ميلليارد 600 ميلليون قارجى قوسىلعان. بيىل 5 ميلليارد 700 ميلليون يۋان قارجى قوسۋ جوسپارلانعان، مۇنىڭ ىشىندە 16 نىساندا جالعاستى قۇرىلىس جۇرگىزىلەدى، 25 نىساندا جاڭادان قۇرىلىس باستالادى.

شۇيجۋ (كۇيتۇن) عىلىم - تەحنيكا كاسىپ باقشاسى − كۇيتۇن - مايتاۋ ەكونوميكالىق، تەحنيكالىق اشۋ رايونى، شۇيجۋ قالاسىنىڭ شينجياڭعا كومەك بەرۋ قىزمەت گرۋپپاسى، حىبەي ولكەسىنىڭ شينجياڭعا كومەك بەرۋ ساۋداگەر شاقىرۋ ورتالىعى بىرلەسىپ قۇرعان كاسىپتىك باقشا رايونى. قازىر كاسىپ باقشاسى بۇكىل مەملەكەت كولەمىنەن ساۋداگەر شاقىرۋ، قارجى ەنگىزۋ قىزمەتىن باستاپ، قازىر  40 تان استام كاسىپورىنمەن ىرگە تەبۋ جونىندە كەڭەس وتكىزىلىپ جاتىر. كۇيتۇن قالالىق پارتكومنىڭ ورىنباسار شۋجيى، شۇيجۋ قالاسىنىڭ شينجياڭعا كومەك بەرۋ قىزمەت گرۋپپاسى پارتكومىنىڭ شۋجيى، گرۋپپا باستىعى جاڭ لەيدىڭ تانىستىرۋىنشا، شۇيجۋ (كۇيتۇن) عىلىم - تەحنيكا كاسىپ باقشاسى «جىبەك جولى ەكونوميكالىق بەلدەۋى وزەكتى وڭىرىندەگى ەرەكشەلىككە يە ماركالار كاسىپ باقشاسىن» قۇرۋدى نىسانا ەتكەن، جالپى جوسپارلانعان جەر اۋماعى 2 مىڭ مۋ، 5 ميلليارد يۋان قارجى قوسۋ، 100 كاسىپورىندى ىرگە تەپتىرۋ، ٴونىم قۇنىن 10 ميلليارد يۋانعا جەتكىزۋ، مەجەمەن 3 مىڭ ادامدى جۇمىستاندىرۋ جوسپارلانعان. بۇل نىساننىڭ ٴساتتى باستالۋى − شۇيجۋ - كۇيتۇن ەكى جەردىڭ «ٴبىر بەلدەۋ، ٴبىر جول» ماڭىزدى دامۋ ورايىن مىقتى يگەرىپ، كۇيتۇننىڭ ابزال كاسىپ سالاسىن قالىپتاستىرۋىنداعى تاعى ٴبىر ناقتى بەينە بولماق.

شينجياڭ حىشانجۇيلي حيميا ونەركاسىبى شەكتى سەرىكتەستىگى كۇيتۇن - مايتاۋ ەكونوميكالىق، تەحنيكالىق اشۋ رايونىنداعى ٴتۇيىندى كاسىپورىن بولۋ تۇرعىسىنان وسى رەتكى نىسانداردا شوعىرلى جۇمىس باستاۋدى وراي ەتىپ، كاسىپ قۇرىلىمىن ۇزدىكسىز ساپالىلاندىرىپ، جاڭا نىسان قۇرىلىسىن ىلگەرىلەتىپ، جوعارى ٴونىمدى تيبىن وزگەرتۋ ارقىلى كاسىپورىندى تەز قارقىنمەن دامۋعا باستادى. قازىر كۇيتۇن - مايتاۋ ەكونوميكالىق، تەحنيكالىق اشۋ رايونىنىڭ كۇيتۇننىڭ شىعىسىنداعى ەرەكشەلىككە يە كاسىپ باقشاسىنا ورنالاسقان شينجياڭ حىشانجۇيلي حيميا ونەركاسىپ شەكتى سەرىكتەستىگىنىڭ 2 - مەرزىمىندەگى جىلىنا 400 مىڭ توننا MDI ٴوندىرۋ نىسان قۇرىلىسى ٴتارتىپتى جۇرگىزىلىپ، 2023 - جىلى سالىنىپ ٴبىتىپ، وندىرسكە قوسىلىپ، «14 - بەسجىلدىقتىڭ» سوڭىندا شامامەن 55 ميلليارد يۋان قارجى قوسىلىپ، 73 ميلليارد يۋان ٴونىم قۇنىن جاراتاتىن پولي وريتان تۇتاس كاسىپ تىزبەگى جاڭا ماتەريال كاسىپ باقشاسىن قالىپتاستىراتىندىعى مەجەلەنۋدە. وسى سەرىكتەستىكتىڭ باس ديرەكتورى جياڭ شۋەجىنىڭ تانىستىرۋىنشا، بۇل نىسان سالىنىپ بىتكەن سوڭ، سەرىكتەستىكتە 600 دەن 800 گە دەيىن جۇمىستانۋ ورنى كوبەيەدى ەكەن. TDI, MDI نىساندارىنىڭ ىرگە تەبۋى − وڭىرلىك حيميا ونەركاسىبى كاسىپ تىزبەگىن كەمەلدەندىرىپ، وڭىرلىك مۇناي - حيميا كاسىبىنىڭ دامۋ دەڭگەيىن زور مولشەردە جوعارىلاتىپ، وڭىرلىك ەكونوميكانىڭ دامۋىن اناعۇرلىم جەبەپ، رايوندىق كاسىپتەردىڭ جاڭا ماتەريال، جوعارى مولەكۋلا سياقتى جوعارى، جاڭا كاسىپكە ويىسۋىن جەدەلدەتەدى ەكەن. 

كۇيتۇن - مايتاۋ ەكونوميكالىق، تەحنيكالىق اشۋ رايونى ەكونوميكالىق، قوعامدىق دامۋ مەكەمەسىنىڭ نەگىزگى جاۋاپتىسى سۇن پىڭنىڭ تانىستىرۋىنشا، بيىل كۇيتۇن قالاسى كاسىپ تىزبەگىن دامىتۋداعى 3 ماڭىزدى بۋىنداعى قىزمەتتى ىلگەرىلەتەدى ەكەن. ٴبىرىنشى، حالىق باسقارۋىنداعى كاسىپورىنداردىڭ باستاماشى نىساندارىنا قارجى قوسۋى قيىن بولۋ ماسەلەسىن شەشۋ؛ ەكىنشى، اشۋ رايونىنداعى ماڭىزدى نەگىزدىك قۇرىلعىلارىنىڭ ٴبىر تۇلعالانعان قوسالقى قۇرىلعىلارى ماسەلەسىن شەشۋ. مىسالى، تەمىرجول ارناۋلى لەنياسىنداعى قاتەرلى بۇيىمدار ارناۋلى بەكەتى قۇرىلىسىن سالۋ؛ ٴۇشىنشى، كاسىپ تىزبەگى نەگىزگى بۋىن نىساندارىنا ساۋداگەر شاقىرۋ، قارجى ەنگىزۋ، نىساندارىن ىرگە تەپتىرۋ ماسەلەسىن شەشىپ، ەپوكسي - پروپان نىسانىنا ساۋداگەر شاقىرۋ، قارجى ەنگىزۋدى ٴتۇيىندى ىلگەرىلەتۋ.