ٴبىر نيەتپەن ارمانعا بىرگە قانات قاعىپ، تيانشاندى تەرەڭ مەيىرگە بولەدى
ولكە، قالالاردىڭ 10 - توپتا شينجياڭعا كومەكتەسۋ قىزمەتىنە شولۋ (2)
تاۋ - وزەنىمىز جالعاسقان، تاعدىرىمىز ٴبىر، ايلى اسپاندى جامىلعان، اۋىلىمىز ٴبىر.
2020 - جىلدىڭ باسىندا 10 - توپتا شينجياڭعا كومەكتەسەتىن كادر - دارىندىلار شينجياڭعا كەلىپ، جاڭا كەزەكتى شينجياڭعا كومەكتەسۋ قىزمەتىن باستادى.
”شينجياڭعا كومەكتەسۋ مىندەتىنە قاتىناسقان جولداستار رۋحاني، اماليات سىنىنان جانە شىنىعۋدان ٴوتىپ، الداعى دامۋعا بەرىك نەگىز قالادى. سىزدەردىڭ وسى ارادا تىڭعىلىقتى تۇردە ٴتيىستى ۇلەستەرىڭىزدى ٴارى ومىردەگى ماقتانىش ەتۋگە تاتيتىن ۇلەستەرىڭىزدى قوسۋلارىڭىزدى ٴۇمىت ەتەمىن“. 2022 - جىلى 7 - ايدا باس شۋجي شي جينپيڭ شينجياڭدى كوزدەن كەشىرگەن كەزىندە 10 - توپتا شينجياڭعا كومەككە كەلگەن كادر - دارىندىلار ۋاكىلدەرىن ىقىلاسپەن قابىلدادى ٴارى توپتىق سۋرەتكە ٴتۇستى، ناق مايداندا ماڭىزدى ٴسوز سويلەدى.
3 جىلدان بەرى شينجياڭعا كومەكتەسكەن كادر - دارىندىلار ٴداۋىر جاۋاپكەرشىلىگىن ارقالاپ، العىس ايتۋ سەزىمىنە بولەنىپ، وتانعا قىزمەت وتەۋ ەرىك - جىگەرىن امالياتتا ايگىلەپ، ”وتباسىن قيىپ وتانعا قىزمەت ەتۋ، ادالدىقپەن جاۋاپكەرشىلىك ارقالاۋ، ىنتىماقتاسا ۇلەس قوسۋ، جاڭالىق اشا ەكپىندەي ىلگەرىلەۋ“ سىندى شينجياڭعا كومەكتەسۋ رۋحىن اسقاقتاتىپ، ”شينجياڭعا نە ٴۇشىن كومەكتەسەمىز؟ شينجياڭعا كومەكتەسۋدە نەلەردى ىستەيمىز؟ شينجياڭعا كومەكتەسۋدە نەلەردى قالدىرامىز؟ دەگەن ٴداۋىر سۇراۋىنا ٴىس جۇزىندىك ارەكەتتەرىمەن جاۋاپ بەردى، تاماشا جاۋاپناما تاپسىردى.
3 جىلدان بەرى 10 - توپتا شينجياڭعا كومەككە كەلگەن كادر - دارىندىلار شىنايى يگەرىپ ناقتى ىستەپ، ايانباي كۇرەس جۇرگىزىپ، تيانشان الابىندا جۇڭحۋا ۇلتى ورتاق تۇلعا تانىمىن بەرىك ورناتۋدىڭ تەرەڭ تاڭباسىن قالدىرىپ، ۇلتتار ىنتىماعىنىڭ، توعىسا ەكپىندەي ىلگەرىلەۋدىڭ اسەرلى جاڭا تاراۋىن جازدى.
اقىل - پاراسات جاعىنان شينجياڭعا كومەكتەسىپ، تياناقتاپ ىستەيتىن دارىندىلار قوسىنىن تۇلعالادى
فوتوۆولت كاسىپ سالاسى باقشاسىنا باردى، جەل ەلەكتر جابدىقتارىن جاساۋ كاسىپورىندارىن ىشكەرىلەي ارالاپ تەكسەرۋ - زەرتتەۋ جۇرگىزدى، ”14 - بەسجىلدىقتاعى“ ەكونوميكالىق دامۋدىڭ تىڭ بەتالىسى، جاڭا ستراتەگياسى، جاڭا مىندەتى جونىندە ارناۋلى تاقىرىپتا لەكسيا جاسادى... 2021 - جىلى 4 - ايدا حىنان ولكەسىنىڭ شينجياڭعا باعىتتامالى كومەكتەسەتىن ”جۇڭيۋان اكادەميك - ماماندارىنىڭ قۇمىلعا ساپارى“ بويىنشا حىنان ولكەسىندەگى ”ەكى اكادەميانىڭ“ 13 اكادەميك - مامانىن ۇسىنىس ەتىپ، قۇمىل قالاسى مەن بيڭتۋان 13 - شىسى ەكونوميكاسىنىڭ، قوعامىنىڭ جوعارى ساپالى دامۋىنا دارىندىلار تىرەگىن جانە اقىل - پاراسات قولداۋىن ازىرلەدى.
8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىندە مىنالار اتاپ كورسەتىلدى: اقىل - پاراسات جاعىنان شينجياڭعا كومەكتەسۋدى قىزمەت ٴتۇيىنى ەتۋگە تاباندى بولىپ، ”ۇيىرمە قۇراۋ ۇلگىسىندە“ شينجياڭعا كومەكتەسۋ سالاسىن كەڭەيتىپ، كادر - دارىندىلاردى تاڭداپ جىبەرۋ قىزمەتى ساپاسىن جوعارىلاتۋ كەرەك. 3 جىلدان بەرى شينجياڭعا كومەكتەسەتىن ٴارقايسى ولكە، قالالار اقىل - پاراسات جاعىنان شينجياڭعا كومەكتەسۋدى بارىنەن ماڭىزدى ورىنعا قويىپ، شينجياڭعا كومەكتەسۋگە 4 ميلليارد يۋاننان استام قارجى ورنالاستىرىپ، اقىل - پاراسات جاعىنان شينجياڭعا كومەكتەسۋ نىسانىنان 1012 سىن اتقارىپ، تياناقتاپ تۇراتىن، شايقاس جاساي الاتىن، تياناقتاپ ىستەيتىن دارىندىلار قوسىنىن كۇش سالا تۇلعالادى.
− دارىندىلاردىڭ شينجياڭعا يكەمدى كومەكتەسۋ تەبىنىن ٴۇرتىس ارتتىردى. اقىلشىلار جەتەكشىلىگى، تەحنيكالىق ىستەستىك، نىساندار سەلبەستىگى... 3 جىلدان بەرى تۇتاس شينجياڭنىڭ جەر - جەرى شينجياڭعا كومەكتەسۋ ارناسىنىڭ يكەمدىلىگىنەن پايدالانىپ، جوعارى دەڭگەيلى جانە شۇعىل قاجەتتى، تاپشى 28 مىڭنان استام دارىندى ەنگىزىپ، كومەك قابىلداعان جەرلەردە دارىندىلار تاپشى بولۋداي قيىن ماسەلەنى ٴونىمدى شەشتى. حىنان ولكەسى دارىندىلار جاعىندا ”ۇيىرمە قۇراۋ ۇلگىسىندە“ شينجياڭعا كومەكتەسۋدىڭ يكەمدى ۇلگىسى جونىندە ىزدەنىس جاساپ، وقۋ - اعارتۋ، ەمدەۋ، اۋىل شارۋاشىلىعى سياقتى ٴتۇيىندى سالالاردا 2300 دەن استام تىرەكتى دارىندىنى يكەمدى ەنگىزىپ، قۇمىل قالاسىنىڭ ەكونوميكاسىنىڭ، قوعامىنىڭ جوعارى ساپالى دامۋىنا ”ۇيىرمە قۇراۋ ۇلگىسىندە“ قىزمەت وتەدى. شاندۇڭ ولكەسىنىڭ ”لۋيان اقىل - پاراسات ەنگىزۋ“ ينجەنەرياسى بويىنشا ”شاندۇڭ − قاشقار اقىل - پاراسات قويماسىن“ ۇيىمداستىرىپ قۇرىپ، كەلەلى تاقىرىپتىق زەرتتەۋ، ٴوندىرىس - وقىتۋ - زەرتتەۋ سەلبەستىگى سياقتى جاقتاردا 56 دارىندىلار سەلبەستىگى نىسانىن اتقارىپ، قاشقار ايماعىنا 1900 دەن استام دارىندى ەنگىزدى، باۋلىدى.
− كادر - دارىندىلاردى تاربيەلەۋ، باۋلۋ نىسانىن دالمە - ٴدال اتقاردى. شينجياڭعا كومەكتەسەتىن ولكە، قالالاردىڭ ساپالى باۋلۋ بايلىعىنان پايدالانىپ، اۆتونوميالى رايون قوس باعىتتى اۋىس - كۇيىس، ەكى جەردە باۋلۋ، قىزمەتپەن قوسارلاپ مىندەتكە ٴىلىپ شىنىقتىرۋ تەبىنىن ٴۇرتىس ارتتىرىپ، ”شاقىرىپ اكەلىپ“، ”سىرتقا شىعارىپ“، شينجياڭنىڭ ٴتۇرلى كادر - دارىندىلارىنان ٴبىر ميلليون 500 مىڭنان استام ادامدى (رەت) باۋلىپ، 3491 كادر - دارىندىنى شينجياڭعا كومەكتەسەتىن ولكە، قالالاردا مىندەتكە ٴىلىپ ۇيرەنۋگە تاڭداپ جىبەرىپ، كوز اياسىن كەڭەيتتى، قابىلەتىن جوعارىلاتتى. شاڭحاي قالاسى قارامايلى قالاسىنىڭ ٴىس جۇزىندىك قاجەتىمەن ۇشتاستىرىپ، ”شاڭحاي − قارامايلى قوناق وقىمىستى“، ”كولەڭكە جوسپارى“ سياقتى ماركالى باۋلۋ نىساندارىن تۇلعالادى. قارامايلى قالاسىنان 1700 نەشە ادام (رەت) شاڭحاي قالاسىنداعى پارتيا، ۇكىمەت ورگاندارىنا، ايگىلى جوعارى مەكتەپتەرگە، ەمدەۋ قۇرىلىمدارىنا، باقشا رايونى كاسىپورىندارىنا بارىپ ۇيرەندى، باۋلىندى. فۋجيان ولكەسى ”بەس 100“ ينجەنەرياسىن جاڭالىق اشا اتقارىپ، ٴار جىلى سانجى حۇيزۋ اۆتونوميالى وبلىسىنىڭ ەمدەۋ، وقۋ - اعارتۋ، اۋىل شارۋاشىلىعى، مادەنيەت - ساياحات سياقتى ٴتۇيىندى كاسىپتەرىنەن 100 اينالاسىندا كاسىپتىك تەحنيكالىق دارىندىنى فۋجيان ولكەسىنە باۋلىنۋعا تاڭداپ جىبەردى، جۇمىستانباعان، جوعارى مەكتەپتەن وقۋ تاۋىسىپ جۇمىستانباعان 100 اينالاسىنداعى وقۋشىنى پراكتيكا، ناقتى جاتتىعۋ ورىستەتۋگە تاڭداپ جىبەردى.
− كومەكتەسۋ - جەتەكتەۋ، جوعارىلاتۋ ينجەنەرياسىن ۇدايىلاندىرا ورىستەتتى. ۇجىم ۇجىمدى جەتەكتەپ، ماماندار تىرەكتىلەردى جەتەكتەپ، ۇستازدار شاكىرت جەتەكتەپ، تۇتاس شينجياڭ بويىنشا 41 مىڭنان استام ادام (رەت) كادر - دارىندى ۇيرەتۋ، كومەكتەسۋ، جەتەكتەۋ كولەمىنە ەنگىزىلىپ، دامۋ كوزقاراسىندا بۇرىلىس جاسادى، قىزمەت قابىلەتىن جوعارىلاتتى. سانشي ولكەسى ”1＋N“ جەتەكتەۋ ۇلگىسىن جاڭالىق اشا اتقارىپ، ٴار سالاداعى شينجياڭعا كومەكتەسەتىن كاسىپتىك تەحنيكالىق دارىندىلاردىڭ ۇلگى كورسەتۋ، جەتەكشىلىك ەتۋ رولىن ساۋلەلەندىرىپ، كومەك قابىلداعان ورىنداردىڭ ەرەكشە كاسىپتەردى دامىتۋىنا دەم بەرىپ، ٴوندىرىس پەن وقىتۋدى توعىستىرۋ سىندى قوس يگىلىكتى جۇزەگە اسىرۋدى ىلگەرىلەتتى. شىنجىن قالاسى ”پىڭچىڭ اكادەميكتىڭ شينجياڭ ساپارى“ جەلىلەس قيمىلىن ورىستەتىپ، 11 اكادەميكتى قاشقار ايماعىنا كەلىپ، جاساندى زەردە، ساندى مالىمەتتىك ەسەپتەۋ قابىلەتى، بيولوگيالىق ٴدارى - دارمەك سياقتى الدىڭعى لەك عىلىم - تەحنيكاسىنىڭ دامۋ بەتالىسى جونىندە جەتەكشىلىك ەتۋگە، پىكىر اۋىستىرۋعا سايكەستىردى.
كومەك قابىلداعان جەرلەردەگى بۇقارانىڭ حال - جايىن ٴارقاشان كوڭىل تورىنە قويدى
”شينجياڭعا كومەكتەسۋ جولىندا ميحىنات، تەر توگۋ بولادى، الايدا ناۋقاستاردىڭ دەنساۋلىعى قالپىنا كەلگەننەن كەيىنگى جايدارى جۇزدەرىن كورگەنىمدە، ىستەگەن ىستەرىمنىڭ بارلىعى تاتىپتى دەپ ٴبىلدىم“. جاڭ دۇڭليڭ ٴوزىنىڭ شينجياڭداعى قىزمەتى مەن تۇرمىسىن وسىلاي بەينەلەدى.
جاڭ دۇڭليڭ حىبەي ولكەسى ساڭجوۋ قالالىق انا - بالالار دەنساۋلىعىن قورعاۋ شيپاحاناسىنىڭ اعا شيپاگەرى، بۇگىر اۋداندىق حالىق شيپاحاناسىندا شينجياڭعا كومەكتەسكەن كەزىندە ورىنباسار شيپاحانا باستىعى مىندەتىن وتەدى. ونىڭ باستاۋىندا بۇگىر اۋداندىق شيپاحانادا ٴبىر توپ جاس شيپاگەر جەتىلىپ، تۇتاس تۇلعالىق دياگنوز قويۋ - ەمدەۋ دەڭگەيى ناۋقاستاردىڭ جاپپاي القاۋىنا بولەندى.
كومەك قابىلداعان جەرلەردەگى بۇقارانىڭ حال - جايىن ٴارقاشان كوڭىل تورىنە قويۋ شينجياڭعا كومەككە كەلگەن كادرلاردىڭ ورتاق ەرەكشەلىگى.
2020 - جىلدان بەرى حىبەي ولكەسى ىلگەرىندى - كەيىندى 200 نەشە شيپاگەردەن ۇيىمداسقان 11 ”ۇيىرمە قۇراۋ ۇلگىسىندەگى“ ەمدەۋ ۇجىمىن بايىنعولين موڭعۇل اۆتونوميالى وبلىسىنا جانە بيڭتۋان 2 - شىسىنا تاڭداپ جىبەرىپ، جالپى 70 مىڭنان استام ادامعا (رەت) دياگنوز قويۋ - ەمدەۋ قىزمەتىن وتەپ، سەمسەرشە وسىك استى كوكىرەك قۋىسىنداعى تىك بولىك وسپەسىن كەسىپ تاستاۋ وپەراتسياسى سياقتى ەمدەۋ تەحنيكاسى اقتاڭداعىنان 406 سىن تولىقتاپ، ەمدەۋ ماماندارىن 225 رەت اقىسىز كورۋگە ۇيىمداستىرىپ، 220 مىڭ بۇقارا (رەت) يگىلىكتەندى.
10 - توپتا شينجياڭعا كومەكتەسەتىن كادر - دارىندىلار شينجياڭعا كەلگەننەن بەرى، جاڭا تيپتى ايدارشا ۆيرۋس وكپە قابىنۋ ىندەتىنىڭ تۇتقيىل تۋىلۋىنا تاپ بولدى. شەشۋشى ساتتە، شينجياڭعا كومەككە كەلگەن كادر - دارىندىلار كەۋدە كەرە العا شىعىپ، كومەك قابىلداعان جەرلەردەگى كادر - بۇقارامەن بىرگە ىندەتكە قارسى اتتانۋدىڭ قۇرىش قورعانىن سوقتى. 3 جىلدان بەرى شينجياڭعا كومەكتەسكەن ٴارقايسى ولكە، قالا كومەكتەسۋشى، كومەك قابىلداۋشى ەكى جەردىڭ ”ٴبىر تۇتاس جۇيە“ ەكەندىگىنە تاباندى بولىپ، 35 ەمدەۋ اترەتىندەگى 4872 ادامدى شينجياڭعا شۇعىل كومەكتەسۋگە جىبەردى. شينجياڭعا كومەكتەسۋشى 2800 نەشە كادر - دارىندى ادىلەت جولىندا ەشتەڭەدەن تايىنباي، قارسى اتتانىپ، كومەك قابىلداعان جەرلەردەگى ىندەتتەن ساقتانۋ - تىزگىندەۋگە ىرىقتىلىقپەن قاتىناسىپ، ٴار ۇلت بۇقاراسىنىڭ ٴومىرىنىڭ حاۋىپسىزدىگى مەن دەنساۋلىعىن قورعاۋدىڭ بەرىك قورعانىس شەبىن ورناتتى.
سۋ شۇمەگىن اعىتساق بولعانى تيانشاننىڭ سالقىن قار سۋى سىلدىراي اعىپ شىعادى. ”شينجياڭعا كومەككە كەلگەن كادرلار بىزگە قۇبىر سۋىن جەتكىزىپ بەردى“ دەدى تۇرپان قالاسى ٴپىشان اۋدانى لامجىن قالاشىعىنىڭ تۇرعىنى مامەت قادر قۋانا.
2021 - جىلى 4 - ايدا، ٴپىشان اۋدانىنداعى تاۋدىڭ وڭتۇستىگىندەگى 3 اۋىل، ٴبىر قالاشىقتىڭ حاۋىپسىز اۋىز سۋىن بەكەمدەۋ، جاقسارتۋ ينجەنەرياسى اياقتادى. جالپى 100 ميلليون يۋاننان استام قارجى قوسىلعان وسى حالىق تۇرمىسى نىسانى ”13 - بەسجىلدىق“ كەزىندەگى حۋناننىڭ شينجياڭعا كومەكتەسكەن، تيىمدىلىك جەتكىزگەن ادام سانى ەڭ كوپ سۋ يگىلىگى نىسانى، كۇنىنە تۇرعىنداردى 30 مىڭ تەكشە مەتر تۇرمىستىق سۋمەن قامدايدى، 150 مىڭ ادامدى يگىلىكتەندىرەدى.
سۇيىسپەنشىلىكپەن كەلىپ، تۇتاس شينجياڭدى گۇلدەندىردى. 2021 - جىلى 9 - ايدا حيلۇڭجياڭ ولكەلىك وقۋ - اعارتۋ مەڭگەرمەسىنىڭ العاشقى توپتاعى ”ۇيىرمە قۇراۋ ۇلگىسىندەگى“ شينجياڭعا كومەكتەسۋ قىزمەتى رەسمي باستالدى، سولتۇستىك جۇڭگوداعى مۇز قالا حاربين قالاسىنداعى 3 - ورتا مەكتەپتىڭ جاعراپيا وقىتۋشىسى دۇڭ رۇي ٴارى - ٴسارى بولماستان تىزىمدەلدى. ول ۇيىندەگى جالعىز بالا بولعانىمەن، ونىڭ بۇل شەشىمى وتباسىنداعىلاردىڭ قولداۋىنا يە بولدى. ول: ”بۇل سۇيىسپەنشىلىككە تولى بورىش“ دەدى.
3 جىلدان بەرى شينجياڭعا كومەكتەسۋشى ٴارقايسى ولكە، قالانىڭ ”شاعىن ۇيىرمە قۇراپ“ شينجياڭعا كومەكتەسۋ قىزمەتى تەرەڭدەي ورىستەتىلدى. ”ۇيىرمە قۇراۋ ۇلگىسىندەگى“ شينجياڭعا كومەكتەسۋدىڭ وقۋ - اعارتۋ، عىلىم - تەحنيكا، اۋىل شارۋاشىلىعى سياقتى ٴتۇيىندى سالالارعا قاراي تەرەڭدەي ورىستەتىلۋىن بەلسەنە ىلگەرىلەتتى. تۇرلىشە ارنامەن تاڭداپ جىبەرىلگەن شينجياڭعا كومەكتەسەتىن وقىتۋشىلاردى ٴبىر تۇتاس جوسپارلاپ، شينجياڭعا كومەكتەسەتىن ٴارقايسى ولكە، قالا تۇتاس شينجياڭداعى 186 مەكتەپتە وقۋ - اعارتۋ دارىندىلارىنىڭ ”ۇيىرمە قۇراۋ ۇلگىسىندەگى“ شينجياڭعا كومەكتەسۋ قىزمەتىن ورىستەتىپ، شينجياڭعا كومەكتەسەتىن ولكە، قالالارداعى 300 مەكتەپپەن الىس ارالىقتى بىرگە قۇرۋدى ىلگەرىلەتتى، بالاباقشانى، ورتا، باستاۋىش مەكتەپتى جانە كاسىپتىك مەكتەپتەردىڭ ٴارقايسى وقۋ كەزەڭدەرىن قامتىدى، 49 مىڭ رەتتەن ارتىق ساباق تىڭدادى، ساباققا باعا بەردى، 5800 نەشە ساعات اشىق ساباق ٴوتتى، 1000 نەشە رەت ٴتۇرلى لەكسيا وتكىزدى، تىرەكتى وقىتۋشىدان 1500 دەن ارتىق ادامدى كومەكتەسىپ، جەتەكتەپ تاربيەلەدى، ٴسويتىپ، كومەك قابىلداعان جەرلەردىڭ وقۋ - وقىتۋ دەڭگەيىن ٴونىمدى جوعارىلاتتى.
اناردىڭ دانىندەي تىعىز ۇيىستى
”مەن بەيجيڭدەگى اكە - شەشەممەن جازعى دەمالىستا تيان - انمىن الاڭىنا بارىپ تۋ شىعارۋدى كورۋدى ۋادەلەسىپ قويدىم“ دەدى بيىل 3 - ايدىڭ 22 - كۇنى حوتان قالاسىنداعى بەيجيڭ حايديان باستاۋىش مەكتەبىنىڭ وقۋشىسى سۋبينۇر اتاۋۇللا.
شينجياڭنان اتتاناردا سۋبينۇرعا ۇزاق ۋاقىت كومەكتەسكەن بەيجيڭ قالاسىنان شينجياڭعا كومەككە كەلگەن كادر نيۋ لۋياۋ سۋبينۇرمەن ۋادەلەستى.
سول كۇنى حوتان قالاسىنداعى بەيجيڭ حايديان باستاۋىش مەكتەبى ٴبىر توپ ەرەكشە قوناقتى قابىلدادى: ”بەيجيڭدە ٴبىر ٴۇيىم بار“ نىسانى بويىنشا جىلۋ اتاعانداردىڭ 16 ۋاكىلى بەيجيڭنەن حوتانعا ارناۋلى كەلىپ، وزدەرى جۇپ قۇراپ قارجىلاي كومەكتەسكەن بالالارمەن كەزدەستى.
”بەيجيڭدە ٴبىر ٴۇيىم بار“ جۇپ قۇراپ تۋىستاسۋ قيمىلىن بەيجيڭ قالاسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى كوممۋنيستىك جاستار وداعى بەيجيڭ قالالىق كوميتەتىمەن، بەيجيڭ جاستار - ورەندەر دامىتۋ قورىمەن، كوممۋنيستىك جاستار وداعى حوتان ايماقتىق كوميتەتىمەن بىرلەسىپ 2019 - جىلى بىرگە باستاعان، جىلىنا ”N +5+1“ تاسىلىمەن (1000 يۋاندىق ٴبىر وقۋ كومەك قاراجاتى + 5 ەرەكشە سالەمدەمە + جۇپ قۇراپ قامقورلىق جاساۋ ارەكەتى)، جۇپ قۇراپ تۋىستاسۋ، سۇيىسپەنشىلىكتى توعىستىرىپ اۋىس - كۇيىس جاساسۋ لاگەرى، ەرەكشە سالەمدەمەلەردى مەرزىم بويىنشا جولداپ تۇرۋ سياقتى قيمىلدار ارقىلى كومەككە يە بولعان وقۋشىلارعا استانا حالقىنىڭ مەيىرى مەن قامقورلىعىن ۇزدىكسىز سەزىندىردى.
ارالاستى، ىشتەستى، جۇپ قۇراپ تۋىستاسىپ امانداسا كەلدى، شينجياڭعا كومەككە كەلگەن كادر - دارىندىلاردىڭ كومەك قابىلداعان جەرلەردەگى بۇقارامەن سۇيىسپەنشىلىگى بارعان سايىن تەرەڭدەدى.
3 جىلدان بەرى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتۋ ارقىلى شينجياڭعا كومەككە كەلگەن كادر - دارىندىلار كومەك قابىلداعان جەرلەردەگى ٴار ۇلت بۇقاراسىنان 5840 وتباسىمەن جۇپ قۇراپ تۋىس بولىپ، 42 مىڭ رەتتەن ارتىعىراق بارىپ كەزدەسىپ، 100 ميلليون يۋاننان استام اقشانى، زاتتى جىلۋعا اتادى. سونىمەن بىرگە، شينجياڭعا كومەكتەسەتىن ولكە، قالالار كومەكتەسۋشى، كومەككە يە بولۋشى ەكى جاقتىڭ اۋىس - كۇيىسىن، سەلبەستىگىن كۇشەيتىپ، جۇپ قۇراپ ٴبىر - بىرىمەن ىقپالداسىپ، كومەكتەسۋشى، كومەككە يە بولۋشى ەكى جەردەگى ٴار ۇلت بۇقاراسىنىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭدەي توعىسۋىن ۇزدىكسىز ىلگەرىلەتتى. شينجياڭعا كومەكتەسەتىن ولكە، قالالار مەن شينجياڭداعى ٴارقايسى ايماق، وبلىس، قالا ٴبىر - بىرىنە پارتيا ۇكىمەت ۋاكىلدەر ۇيىرمەسىنەن 270 نەشەسىن جىبەرىپ، كومەكتەسۋشى، كومەك قابىلداۋشى ەكى جەردەگى اۋىل، قالاشىق (ٴمالى) 570 نەشە جۇپ قۇراپ، قىستاق (الەۋمەتتىك اۋماق) 1500 نەشە جۇپ قۇراپ، 9920 قىستاق پارتيا ياچەيكاسى شۋجيىن، قىستاق تۇرعىندار كوميتەتىنىڭ مەڭگەرۋشىسىن، ايەلدەر مەڭگەرۋشىسىن شينجياڭعا كومەكتەسەتىن ولكە، قالالارعا بارىپ ۇيرەنۋگە، ارالاۋعا تاڭداپ جىبەردى، ورەندەر مەن بالالاردىڭ قول ۇستاسۋ قيمىلىن ۇيىمداستىرىپ ورىستەتتى، قاتىناسقاندار 700 نەشە مىڭ ادامعا (رەت) جەتتى.
”سانشي تەاترىن ٴبىرىنشى رەت كورۋىم، وسى رەتكى «شۇي سىنىڭ قالانى ارالاۋى» وتە تاماشا ەكەن“. 2021 - جىلى 7 - ايدىڭ 26 - كۇنى سانشي ولكەسىنىڭ ”’سانشي − شينجياڭ سۇيىسپەنشىلىگىن‘ قيىردان تۇلعالاۋ، شينجياڭعا مادەنيەت ارقىلى كومەكتەسۋ ’ساڭلاقتارى‘“ مادەنيەت ارقىلى حالىققا تيىمدىلىك جەتكىزىپ نەگىزگى ساتىدا كونسەرت قويۋ قيمىلى فۋكاڭ قالاسى فۋشين ٴمالىسى مادەنيەت جولى الەۋمەتتىك اۋماعىنا كەلدى، تۇرعىن سانيحان ٴاتام: ”شينجياڭعا كومەككە كەلگەن كادرلاردىڭ بىزگە تارتىمدى كونسەرت اكەلگەندىگىنە راقىمەت“ دەدى.
3 جىلدان بەرى سانشي ولكەسىنىڭ شينجياڭعا كومەكتەسۋ قىزمەتى ”ادەبيەت - كوركەمونەر ساڭلاقتارى“ شينجياڭدى مادەنيەتپەن نارلەندىرۋ قيمىلىن جاسامپازدىقپەن ورىستەتىپ، تاڭداۋلى جەرگىلىكتى ويىن نومىرلەرى مەن جياڭجوۋ بارابان - مۋزىكا اۋەنى، قامىر ٴمۇسىنى سياقتى ”سانشي كەرەمەتتەرى“ سانجى وبلىسىنىڭ، بيڭتۋان 6 - شى ۋجياچۇي قالاسىنىڭ اۋىل - قىستاقتارىنا، الەۋمەتتىك اۋماقتارىنا جەتكىزىلىپ، 80 مىڭنان اسا ادام مۇنى تاماشالادى ٴارى ٴوزارا ىقپالداستى، مادەنيەتتىڭ توعىسۋى جاڭا جەتىستىككە قول جەتكىزدى.
جيلين ولكەسى مامانداردى التاي ايماعىنا بارىپ، كولەمدى تەاتر «كوكتوعاي مەنىڭ ارمانىمدى» جوبالاۋعا، جەتەكشىلىك ەتۋگە، جاساۋعا سايكەستىردى، بۇل شينجياڭنىڭ ٴىشى - سىرتىندا قىزۋ اڭىس قوزعادى. لياۋنيڭ ولكەسى ۇگىت تاسىلىندە جاڭالىق جاساپ، لياۋنيڭ ولكەسىندەگى سۇن جيڭكۇن، تارباعاتاي ايماعىنداعى ۋي دىيوۋ سىندى ”1 - شىلدە وردەنىنىڭ“ ەكى يەگەرىنىڭ ىزگى ىستەرىن وقۋلىق ەتىپ ”8000 شاقىرىمدىق جولداعى قاھارماندار سۇيىسپەنشىلىگى − ۋاقىت پەن كەڭىستىكتەن اتتاعان يدەيا - ساياسي ساباعىن“ ۇيىمداستىرىپ دايىندادى، بۇكىل ەلدەگى تىكە تاراتىلاتىن مەديالارداعى ٴتۇرتىلىم سانى 3 ميلليون رەتتەن استى.
3 جىلدان بەرى شينجياڭعا كومەككە كەلگەن ولكە، قالالار مادەنيەتتى شىنايى مويىنداۋدى كۇشەيتۋدى، ارالاسۋدى، ىشتەسۋدى، توعىسۋدى جەبەۋدى ۇلتتار ىنتىماعىن بەكەمدەۋدىڭ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ ماڭىزدى ٴتاسىلى ەتىپ، شينجياڭعا كومەكتەسۋگە 15 ميلليارد يۋاننان استام قارجى ورنالاستىرىپ، شينجياڭدى مادەنيەتپەن نارلەندىرۋ جانە ارالاسۋ، ىشتەسۋ، توعىسۋ نىسانىنان 1833 ىن اتقاردى. شينجياڭ مەن شينجياڭعا كومەكتەسەتىن ولكە، قالالارداعى ٴار ۇلت كادرلارىنىڭ، بۇقاراسىنىڭ بارىس - كەلىسى، اۋىس - كۇيىسى قويۋلاپ، سۇيىسپەنشىلىگى بارعان سايىن جاقىنداپ، اناردىڭ دانىندەي تىعىز ۇيىستى.
شينجياڭ گازەتىنىڭ حابارى
(ٴتىلشى ۋي يۇڭگۇي)