باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
ورتالىق زاپاس استىعى ىلە توتە قاراستى قامباسى استىق الا باستادى
2021-07-28 11:37:48     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

20210726000459_d0abc6477daec2295b99754574753ffd7f4a63e6.jpg

سۋرەتتە: جۇمىسشىلار قامباعا ەنگىزىلگەن استىقتى قالتالاۋدا. جاڭ لياڭ فوتوسى

ٴتىلشىمىز جاڭ لياڭ حابارلايدى. ٴتىلشى ورتالىق زاپاس استىعى ىلە توتە قاراستى قامباسىندا ٴبيداي تيەگەن ماشينالاردىڭ رەتىمەن كەزەككە تۇرىپ استىق تۇسىرۋگە دايىن تۇرعانىن، قامبا رايونىنداعى 5 استىق ٴتۇسىرۋ ورنىندا ٴبىر ۋاقىتتا استىق ٴتۇسىرىلىپ، بارلىق جۇمىس قاربالاس تا رەتتى جۇرگىزىلىپ جاتقاندىعىن كوردى.

ورتالىق زاپاس استىعى ىلە توتە قاراستى قامباسى استىق ساتىپ الۋ باعاسىن، ساپا ولشەمىن، قىزمەت وتەۋ كەلىسىمىن كورنەۋ ورىنعا شىعارىپ، ٴبيداي سورتى ۇلگىسىن قويىپ، باعانى تاقتاعا، ولشەمدى قابىرعاعا، ۇلگىنى تەكشەگە شىعارۋعا كەپىلدىك ەتىپ،  ديقانداردىڭ ٴبيدايدىڭ ساتىلۋ ساياساتىن، باعاسىن، ولشەمىن دەر كەزىندە بىلۋىنە مۇمكىندىك جاسادى؛ حالىققا قولايلى قىزمەت وتەۋ پۋنكتىن ارناۋلى قۇرىپ، دەمالىس ورنى، سۋسىندىق، نان، شۇعىل قاجەتتى ٴدارى - دارمەك، ينە - ٴجىپ قورابى، ماسكا سياقتى حالىققا قولايلى قىزمەت وتەۋمەن تەگىن قامتاماسىزداندىردى. استىق ساتىپ الۋ بارىسىندا ساتىپ الۋ ۋاقىتىن ۇزارتۋ، استىق ٴتۇسىرۋ تۇيىندەرىن كوبەيىپ قۇرۋ، استىق جايۋ الاڭىمەن قامداۋ سياقتى قىزمەت وتەۋ شارالارى ارقىلى جازعى استىق ساتىپ الۋ قىزمەتىنىڭ ٴساتتى ورىستەتىلۋىنە كەپىلدىك ەتتى. 

بيىل جازعى استىق ساتىپ الۋ بارىسىندا ورتالىق زاپاس استىعى ىلە توتە قاراستى قامباسى  «اۋىل شارۋاشىلىعىنا، اۋىل - قىستاققا، شارۋالارعا تيىمدىلىك جاساۋ» بويىنشا اسىتىق ساتىپ الۋعا الدىن الا كەلىسۋ APP دەتالى جانە «ٴبىر كارتوچكامەن  ٴبىتىرۋ» سىندى قىزمەت وتەۋدى جۇزەگە اسىردى. بۇل ديقانداردىڭ وتباسىندا وتىرىپ - اق قول تەلەفون ارقىلى استىق ساتىپ بەۋ جونىندە كۇنى بۇرىن كەلىسىمگە كەلۋىنە، استىق ساتۋ جونىندەگى ەڭ جاڭا ساياسات جانە ينفورماتسيالاردى، استىق ساتىپ الاتىن ماشينالاردىڭ قاتارعا تۇرۋ جاعدايىن تەكسەرىپ ٴبىلىپ، استىق ساتۋدا الباتى جۇگىرىپ، قاتارعا تۇرىپ شارشاماي - اق استىقتارىن تەز ارادا ساتىپ، ونىمدىلىكتى جوعارىلاتۋمەن بىرگە، قاراجاتتى دا ۇنەمدەۋىنە مۇمكىندىك جاراتتى. استىق ساتۋدا «ٴبىر كارتوچكامەن ٴبىتىرۋ» جۇيەسىن پايدالانۋ ديقانداردىڭ استىق ساتۋىنا ٴتيىمدى بولۋمەن بىرگە، بانكە جۇيەسىمەن توراپتا تۇتاسىپ، ديقانداردىڭ استىق ساتقان اقشاسى ورتالىق زاپاس استىعى ىلە توتە قاراستى قامباسىنان  توراپ بانكەسى ارقىلى استىق ساتقان ادامنىڭ جەكە ەسەپ نومىرىنە توتە اۋدارىلىپ، «استىق ساتىلىسىمەن اقشا ەسەپكە كىرۋ» جۇزەگە اسىرىلدى. جابىق كۇيدە تەكسەرۋ، ۇلگى الىپ ساراپتاۋ سياقتى شارالارمەن «دارەجەسىن تومەندەتۋ، باعاسىن ارزانداتۋ» «بارماق باستى، كوز قىستىلىق ىستەۋ» «جەڭ ۇشىنان جالعاسۋ» ماسەلەلەرىنەن ٴونىمدى ساقتاندى. 

ورتالىق زاپاس استىعى ىلە توتە قاراستى قامباسى جازعى استىق ساتۋ ساياساتىن مۇقيات دايەكتىلەندىرىپ، تياناقتاندىرىپ، قامبا سيىمدىلىعى قارجىسىن كۇنى بۇرىن دايىنداپ، قامبانى دەرەۋ اشىپ استىق ساتىپ الىپ، استىق ساتىپ الۋ بارىسىن ساپالىلاندىرىپ، ديقاندارعا قىزمەت وتەۋ شارالارىن كۇشەيتىپ، ديقانداردىڭ استىقتى جاريالى، الاڭسىز،  ەمىن - ەركىن ساتۋىنا كەپىلدىك ەتتى.