ىلە گازەتى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا اشىلىبۇلاق قىستاعىندا تۇراتىن

قىزمەت اترەتىنىڭ حالىق ٴۇشىن ىستەگەن ناقتى ىستەرىنەن ەستەلىك

ۋاڭ حۇڭلي (ٴوز ٴتىلشىمىز)

سۋرەتتە: قىستاق تۇرعىندارى كادرلارمەن بىرگە توعان جوندەۋدە. 

ۋاڭ حۇڭلي فوتوسى

ورتا كورىكتەندى، اۋقاتتانۋدىڭ جولى كوبەيدى، تۇرمىس اناعۇرلىم جاقساردى... 

بۇل − كۇنەس اۋدانى بەستوبە اۋىلى اشىلىبۇلاق قىستاعىنداعى تۇرعىنداردىڭ قازىرگى تۇرمىستارى جونىندەگى اسەرلەرى.

ىلە گازەتى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا اشىلىبۇلاق قىستاعىندا تۇراتىن قىزمەت اترەتى نازاردى قىستاق تۇرعىندارى اڭىس ەتكەن ەڭ كورنەكتى ماسەلەلەرگە شوعىرلاندىرىپ، ەڭ رەال مۇددەنى كوزدەپ، بۇقارا ۋايىمداعان ىستەردى بار ىنتا، شىن پەيىلمەن كۇش سالا شەشىپ، پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقپەن ساناسۋمەن، قىزمەتتەردى ىلگەرىلەتۋمەن ۇشتاستىرۋعا تاباندى بولىپ، پارتيا تاريحىن ۇيرەنۋ ارقىلى ناقتى ٴىس ىستەۋدى جەبەپ، قىستاق تۇرعىندارىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتتى. 

قىستاق تۇرعىندارىنىڭ كوكەيىندەگى ىستەردى شەشىم ەتتى 

7 - اي كىرىسىمەن قاپىرىق ىستىق بولدى. اشىلىبۇلاق قىستاعىنداعى 3 مىڭ مۋ جۇگەرى ەندى سۋارىلماسا، قۋراپ قالۋى ابدەن مۇمكىن، قىستاقتاعى قورىسباي توعانىنىڭ توزىعى جەتكەندىكتەن، سۋ اتىزعا جەتپەي جان - جاققا اعىپ كەتەتىن - دى. جۇگەرى اتىزىن قاشان سۋارۋعا بولار؟ بۇل قىستاق تۇرعىندارىنىڭ كوڭىلىندەگى ماڭىزدى ماسەلەگە اينالدى.

2013 - جىلى سالىنىپ پايدالانۋعا بەرىلگەن قورىسباي سۋ جەتكىزۋ توعانى قازىر كونەرىپ، توزىعى جەتكەن، قىستاقتا تۇراتىن قىزمەت اترەتى مۇشەلەرى مۇنى كوزبەن كوردى، ىشتەي ابىرجىدى، كوپ رەت ناق مايدانعا بارىپ تەكسەرىپ، قۇرىلىس اترەتىن شاقىرىپ جوندەتۋگە قاجەتتى قارجىنىڭ مەجە ەسەبىن جاساتتى.

قۇبىر ساتىپ الۋعا 9 مىڭ يۋاننان استام، ەڭبەكاقىعا 40 مىڭ يۋاننان استام قارجى قاجەت، بۇل قىزمەت اترەتىندەگىلەردىڭ باسىن قاتىردى، جوندەتۋ قاجەت پە، جوق؟ قايتا - قايتا اقىلداسۋ ارقىلى قىستاقتا تۇراتىن قىزمەت اترەتى: «قىستاق تۇرعىندارىن بىرگە ىستەۋگە جۇمىلدىرۋ كەرەك» دەگەن امال ويلاپ تاپتى.

قىستاق «ەكى كوميتەتى» قىستاق تۇرعىندارى ۋاكىلدەر جيىنىن ۇيىمداستىرىپ اشىپ، كوپشىلىكتى اقىل - كەڭەس بەرۋگە شاقىردى. «قىستاقتا تۇراتىن قىزمەت اترەتى ٴبىز ٴۇشىن كۇش شىعارسا، قاراپ تۇراتىن نە ٴجونىمىز بار، ىستەيمىز!» ناق مايداندا قىستاق تۇرعىندارى ارت - ارتىنان تىزىمدەلىپ، قاتىناسۋدى تالاپ ەتتى.

7 - ايدىڭ 8 - كۇنى قۇبىردى تاۋ ەتەگىنە كولىكپەن جەتكىزگەن سوڭ، قىستاقتا تۇراتىن قىزمەت اترەتىنىڭ مۇشەلەرى مەن 30 دان استام قىستاق تۇرعىنى قۇبىر تۇتىكشەلەرىن يىقتارىنا سالىپ، قولدارىمەن كوتەرىپ تاۋ باسىنا شىعارادى، شىلىڭگىر ىستىققا قاراماي توعانىن قازىپ، قۇبىردى كومدى. 

6 كۇندىك جابال جۇمىستان سوڭ سوڭعى قۇبىر تاۋ ەتەگىندەگى سۋ باستاۋ توعانىنا جالعاندى. كلاپان اشىلىپ، تۇنىق سۋ قۇبىردان اتىلىپ شىققاندا قىستاق تۇرعىندارىنىڭ قۋانا ايقايلاعان ٴۇنى ەستىلدى. 

3 مىڭ مۋ جەردەگى جۇگەرى سۋارىلدى، جۇگەرى جاپىراعىنىڭ جاپ - جاسىل بولىپ جايقالا قالعانىن كورگەن قىستاق تۇرعىندارى قىستاقتا تۇراتىن قىزمەت اترەتىنىڭ مۇشەلەرىنە شىنايى العىستارىن ٴبىلدىردى.

قىستاق تۇرعىندارىنىڭ كوڭىل تۇيىنشەگىن شەشتى

5 - ايدىڭ 31 - كۇنى تۇستەن بۇرىن ٴبىر توپىراق كۇرەۋ ماشيناسى اشىلىبۇلاق قىستاعى 26 - كوشە 2 - ٴنومىرلى ٴۇيدىڭ الدىنا كەلىپ توقتادى. ٴۇي يەسى شۇي داۋجى مەن جۇبايى ەكەۋى اۋلاسىنان شىقتى. قىزمەت اترەتىنىڭ مۇشەسى اقساقالعا امانداسىپ بولعان سوڭ ودان: «قازىر كونە ٴۇيدى شاقساق بولا ما؟» دەپ سۇرادى. «بولادى عوي، سەندەر وتباسىمىز ٴۇشىن جاقسى ٴىس ىستەپ بەرىپ جاتىرسىڭدار، قىستاقتىڭ قىزمەتىنە، ٴسوزسىز، سايكەسەمىز» دەدى اقساقال. 

بۇل كونە ٴۇي شۇي داۋجىنىڭ وتكەن عاسىردىڭ 80 - جىلدارى سالعان ٴۇيى ەدى، ٴۇيدىڭ سالىنعانىنا 38 جىل بولعان. قازىر بۇل ۇيدە ادام وتىرمايدى، تەك ەكى توننا كومىر قويىلعان. 

شۇي داۋجىنىڭ كونە ٴۇيى حاۋىپتى ۇيگە جاتادى، حاۋىپسىزدىك كومەسكى قاتەرى ساقتالعان، الايدا ول بۇل ٴۇيدى شاعۋعا قوسىلماعان - دى. قىستاقتا تۇراتىن قىزمەت اترەتى وعان يدەيالىق قىزمەت ىستەدى ٴارى ونىڭ ٴوندىرىس - تۇرمىس بارىسىنداعى قيىنشىلىقتارىن شەشۋگە قۇلشىندى، سونىمەن شۇي داۋجىنىڭ يدەياسىندا، تانىمىندا بۇرىلىس بولىپ، كونە ٴۇيدى شاعۋ قىزمەتىنە بەلسەنە سايكەستى. 

پارتيا تاريحىن ۇيرەنۋ تاربيەسى ورىستەتىلگەننەن بەرى اشىلىبۇلاق قىستاعى «بۇقارا ٴۇشىن ناقتى ٴىس ىستەيمىن» امالياتتىق قيمىلىن ماڭىزدى قىزمەت رەتىندە مىقتى يگەرىپ، امالدىڭ بارىنشا بۇقارانى ۋايىمنان ارىلتتى. 

ساناققا قاراعاندا، بيىلعى الدىڭعى جارىم جىلدا قىستاقتا تۇراتىن قىزمەت اترەتى بۇقاراعا 34 يگى، ناقتى ٴىس ىستەپ بەرگەن، وسى ىستەردىڭ ساياتىن سوماسى 360 مىڭ يۋانعا جەتىپ، پارتيالى كادرلار قىستاق تۇرعىندارىنىڭ جاقسى باعاسىنا يە بولعان. 

كورىكتى اۋىل - قىستاق قۇرۋعا قۇلشىندى

اشىلىبۇلاق قىستاعى − تۇتاس اۋىل بويىنشا تانىمال بولعان، باعىمشىلىقپەن شۇعىلداناتىن ٴىرى قىستاق. مۇندا سيىر، قوي سويىپ مانەرلەيتىن كاسىپورىن −  فۋرىندى ەگىن - مال شارۋاشىلىعىن دامىتۋ شەكتى سەرىكتىگى بار.  تۇرعىنداردىڭ ٴبارى دە سيىر، قوي باعادى، وسى سەبەپتى تىڭ ماسەلە تۋىندادى، مالدىڭ قيى ۋاعىندا تازالانباعاندىقتان ورتانى لاستادى. 

بيىل 3 - ايدان باستاپ اشىلىبۇلاق قىستاق كادرلارى مەملەكەت تاس جولىنىڭ قىستاقتى كەسىپ وتەتىن بولەگىن مەرزىمدى ۋاقىتتا تازالاپ تۇردى، قىستاق تۇرعىندارىن اتتانىسقا كەلتىرىپ كوشەلەردى تازالاۋعا ۇيىمداستىرىپ، قوقسىقتاردى شوعىرلى ٴبىر جاقتى ەتتى، قىستاق تۇرعىندارىنا الباتى نارسە ۇيۋگە، تاستاۋعا بولمايتىندىعىن ەسكەرتىپ، ولاردى قوقىسىقتاردى تۇرگە ايىرىپ ٴبىر جاقتى ەتۋ سىندى جاقسى ادەت قالىپتاستىرۋعا باستادى. 

ماشينا - ماشينا قوقسىقتار شوعىرلى ٴبىر جاقتى ەتىلىپ، كوشەلەر شىت - جاڭا بەينەگە ەندى. ساسىق يىستەر جوعالدى، كوشەلەر تاپ - تازا رەتتەلدى، بۇل يگى ٴىستى قىستاق تۇرعىندارى كوزبەن كوردى، ىشتەي قۋاندى. 

ورتا تازالىعىنا ۇزاق ۋاقىت كەپىلدىك ەتۋ ٴۇشىن، قىستاقتا تۇراتىن قىزمەت اترەتى ىلە شوۋجيان ورتانى قورعاۋ عىلىم - تەحنيكا سەرىكتىگىمەن بايلانىس ورناتتى، بۇل سەرىكتىك اشىلىبۇلاق قىستاعىنداعى مالدىڭ قيىن تاسۋعا ٴارى ساباندى جيناپ الۋعا جاۋاپتى بولدى. 

قازىر اشىلىبۇلاق قىستاعىنىڭ كوشەلەرىمەن جۇرسەڭىز، كوشە بويىنداعى قوقىر - قوقسىقتاردى تەرىپ جۇرگەن ەرىكتىلەردى ۇنەمى جولىقتىراسىز، الىستاعى جايىلىستان، اتىز اراسىنان تويىنعان جىلقى ۇيىرلەرى مەن سيىر تابىندارىنىڭ ەركىن جايىلىپ جۇرگەنىن كورەسىز، جاپ - جاسىل ٴبيداي اتىزى مەن جيەگىن كومكەرگەن قارا توپىراق ٴبارى دە بەينە ٴبىر كەرەمەت سىزىلعان تاۋ - وزەننىڭ كورىنىسىندەي كورىنەدى.