سۋرەتتە: مي رىنشياڭ قارت ۇگىت - لەكسيا جاساۋدا.   ۋاڭ جىحۋا فوتوسى 

ٴتىلشىمىز ۋاڭ جىحۋا حابارلايدى. «سوعىس راقىمسىز، سوعىس مايدانىندا جاۋىنگەر سەرىكتەرىممەن تىزە قوسا شايقاس جاساپ، قان كەشە كۇرەس جۇرگىزىپ، جاۋدىڭ شابۋىلىنا ارت ـ ارتىنان تويتارىس بەردىك، سونداي ـ اق جانىمداعى جاۋىنگەر سەرىكتەرىمنىڭ قىمباتتى ومىرلەرىن ارناعانىن ٴوز كوزىممەن كوردىم». 9 ـ ايدىڭ 9 ـ كۇنى توعىزتاراۋ اۋدانى ٴدوڭمالى قالاشىعى قىزىلبۇلاق قىستاعىنىڭ تۇرعىنى قالي قاماردىڭ اۋلاسىندا امەريكاعا قارسى تۇرىپ، چاۋشيانعا كومەك بەرۋ شايقاسىنىڭ ساقا جاۋىنگەرى مي رىنشياڭ كوپشىلىككە ٴوزىنىڭ كەزىندەگى سوعىس مايدانىنداعى اڭگىمەسىن وسىلايشا اسەرلەنە تىلگە تيەك ەتتى.

پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتۋ ٴۇشىن ٴدوڭمالى قالاشىعى پارتيالى كادرلاردى اۋىل ـ قىستاققا، تۇرعىنداردىڭ اۋلاسىنا دەيىن، اتتى ۇگىت ـ لەكسياشىلاردى مال شارۋاشىلىق رايوندارىنا دەيىن جىبەرىپ ۇگىت جاساتۋ سىندى شارالاردى قولدانىپ، قىزىل ۇگىت - تاربيەنى جۇرت جۇرەگىنە ۇيالاتۋ سياقتى كوپ ٴتۇرلى تاسىلدەر ارقىلى پارتيا تاريحىن ۇگىتتەپ، بۇقاراعا ەتەنە قىزمەت وتەدى.

مي رىنشياڭ 1937 ـ جىلى حۋنان ولكەسى چىنشي اۋدانى حۋاڭشيكوۋ قالاشىعىندا دۇنيەگە كەلگەن، 1952 ـ جىلى 1 ـ ايدا اسكەرگە قاتىناسقان، سول جىلى 5 ـ ايدا چاۋشيانعا بارىپ سوعىسقا قاتىناسقان. 

سوعىس مايدانىندا مي رىنشياڭ پليموتشى بولىپ، رياسىزدىقپەن شايقاس جۇرگىزىپ، جاۋدى ەرلىكپەن جويىپ، ىلگەرىندى ـ كەيىندى ٴبىر رەت 2 ـ دارەجەلى ەڭبەك، ٴبىر رەت 3 ـ دارەجەلى ەڭبەك ٴسىڭىرىپ، «تاڭداۋلى توڭكەرىستىك اسكەر» سياقتى اتاقتارعا يە بولعان. كەزىندە اۋىر پليموت ارقىلى جاۋدىڭ ايروپلانىن اتىپ تۇسىرگەن، بۇل ونىڭ ومىرىندەگى ماقتانىشتى ەستەمەسى ەدى.

وتكەن ىستەردى تىلگە تيەك ەتسە بولدى، مي رىنشياڭ قۇربان بولعان جاۋىنگەر سەرىكتەرىن ەسكە ٴتۇسىرىپ كوزىنە جاس الىپ، بۇگىنگى باقىتتى زامانعا جەتكەنىنە تەرەڭ تەبىرەنەتىن. «مەن كوپشىلىككە ۇگىت ـ لەكسيا جاساۋدى ايرىقشا ۇناتامىن، اتاپ ايتقاندا، قازىرگى جاستاردىڭ سول كەزدەگى تاريحتى ٴتۇسىنۋىن، قازىرگى تاماشا تۇرمىستىڭ وڭاي ـ وسپاق قولعا كەلمەگەنىن ۇعىنۋىنا مۇمكىندىك جاسايمىن، قازىر قارتايدىم، پارتيانىڭ ابزال ساياساتىنىڭ ارقاسىندا تۇرمىسىم باي - باقۋاتتى ٴوتىپ جاتىر، بۇدان بىلاي دا قالعان ۇلەسىمدى اياماي، حالىق ٴۇشىن ۇزدىكسىز قىزمەت وتەيمىن» دەدى ول.

ساقا اسكەردىڭ ۇگىت ـ لەكسياسى قاراپايىم دا شىنايى بولدى، جان تۇرشىگەرلىك شايقاس حيكايالارى ناق مايدانداعى بارلىق ادامدى اسەرلەندىردى. 

قىزىلبۇلاق قىستاعى پارتيا ياچەيكاسىنىڭ شۋجيى فىڭ جيانچياڭ: «پارتيا تاريحىن ۇيرەنۋ تاربيەسى بارىسىندا ٴبىز بۇقاراعا جاناسىمدى ۇگىت ـ لەكسيا جاساۋ، ەتەنە قىزمەت وتەۋ ارقىلى <مەن بۇقارا ٴۇشىن ناقتى ٴىس ىستەيمىن> قيمىلىن امالياتتا ايگىلەدىك. بيىل كوكتەمدە قىستاق تۇرعىندارىنىڭ اۋلاسىن سۋارۋ قيىنشىلىعىن شەشۋ ٴۇشىن قىستاعىمىز 8 مىڭ يۋان قارجى قوسىپ، ىنتىماق توعانىنىڭ ۇستىنەن سۋ وتكىزەتىن كوپىر توعان سالىپ، 86 وتباسىنىڭ سۋدان پايدالانۋى قيىن بولۋ ماسەلەسىن شەشتىك. بۇدان سىرت، 10 مىڭ يۋان قارجى قوسىپ، ەگىستىك جەرگە پايدالانىلاتىن كوپىردى جوندەدىك، سونداي ـ اق قىستاق تۇرعىندارىنىڭ قونىستانۋ ورتاسىن جاقسارتۋ قارجىسىنا ٴوتىنىش ەتىپ، سول قارجىمەن كوشەلەرگە جول شىراقتارىن ورناتتىق، سونىمەن بىرگە پارتيالى كادرلاردى ٴوزى ونەگە بولۋعا شابىتتاندىرىپ، بۇقارا كوڭىل ٴبولىپ وتىرعان كاسىپتەنۋگە، تۇرمىسقا ساياتىن ماسەلەلەردى شەشتىك، وسى سياقتى ناقتى ىستەر ارقىلى بۇقارانىڭ كوڭىلىنەن شىقتىق» دەدى. 

پارتيا تاريحىن ۇيرەنۋ تاربيەسى بارىسىندا ٴدوڭمالى قالاشىعى جەرگىلىكتى جاعدايعا قاراي ىستەپ، فورمادا جاڭالىق اشىپ، ساباق ٴوتۋ ٴتاسىلىن «بازا فورماسىنان» «جىلجىمالى فورماعا»، «كۇتىپ وتىرۋدان» «وتباسىلارىنا دەيىن جەتكىزۋگە» وزگەرتىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرىن، پارتيا مۇشەلەرى مەن ەرىكتىلەردى شارۋا وتباسىلارىنا بارىپ، پارتيا تاريحىن اڭگىمەلەۋ، سىرلاسۋ ارقىلى ٴار ۇلت پارتيا مۇشەلەرى مەن كادرلاردىڭ پارتيا تاريحىن ۇيرەنۋ ىنتاسىن قوزعاپ، كوپشىلىكتى «مەن بۇقارا ٴۇشىن ناقتى ٴىس ىستەيمىن» امالياتتىق قيمىلىن ارقاۋ ەتىپ، بۇقارا نازار اۋدارىپ وتىرعان ماسەلەلەردى دەن قويا شەشۋگە شابىتتاندىردى.