− بايتاق ىلەنىڭ بايابان دالاسىنداعى مول ٴونىم شاتتىعى (3)

حابارىن جازىپ، سۋرەتتەرىن تۇسىرگەن تىلشىلەرىمىز لاي يۇينيڭ، جاڭ چيڭحۋا

 توعىزتاراۋ اۋدانىنىڭ بەكىرە باعىمشىلىعى 

 9 - اي − ىلەنىڭ جەمىس- جيدەكتەن مول ٴونىم الىپ، ٴتۇرلى مال شارۋاشىلىق ونىمدەرى مەن سۋ ونىمدەرىن بازارعا مولىنان شىعاراتىن مەزگىلى.

  9 - اي − چاپچال سىبە اۆتونوميالى اۋدانى قاۋىنشى اۋىلى قاۋىنشى قىستاعىنداعى باعىمشىلىقپەن شۇعىلداناتىن وتباسى ما حايجۇننىڭ باعىمىنداعى كوك شايان بازارعا سالىناتىن مەزگىل. ول ٴار كۇنى قۇلجا قالاسىنداعى تولايىم ساتۋ بازارىنا ۇلكەن شاياننىڭ ٴار كيلوگرامىن 70 يۋاننان، كىشىلەرىن 60 يۋاننان ساتسا دا، بازاردى قامداي الماي وتىر. 

  ما حايجۇن 2019 - جىلدان بەرى 80 مۋ سۋلى اۋماقتا كوك شايان باعىپ كەلەدى، باعىمشىلىق تەحنيكاسىن جەتە مەڭگەرگەندىكتەن، باعىمىنداعى كوك شاياندى ٴار جىلى ەكى رەت بازارعا سالادى. بيىل ٴار مۋ كولشىكتەن 130 كيلوگرام اينالاسىندا كوك شايان اۋلادى، ونىڭ تۇتاس جىلدىق ٴونىمى ون توننادان اسادى.

   ما حايجۇننىڭ ايتۋىنشا، ول قىستاقتاعىلارعا باعىمشىلىق تەحنيكاسىن اقىسىز ۇيرەتىپ، كوك شايان باعىمشىلىعىن كولەمدەندىرىپ، قىستاقتاعىلارمەن بىرگە كىرىستى ارتتىرىپ، اۋقاتتانۋدى قالايدى ەكەن. 

  ما حايجۇن تاعى دا قىسقىش،  ۇساق تەڭىز شايانى، كاليفورنيا الا بۇعاسى سياقتى باعىمشىلىق تۇرلەرىن كوبەيتۋدى جوسپارلاپ، ىلەلىكتەردىڭ ٴتىپتى دە كوپ سۋ ونىمدەرىن تۇتىنۋىنا مۇمكىندىك جاساماقشى ەكەن.

 اي كۇننىڭ سۋ شايان - قىسقىش بازاسى چاپچال سىبە اۆتونوميالى اۋدانى سەگىزسۇمىن اۋىلى قويىرسۇمىن قىستاعىنا ورنالاسقان، ىلە وزەنىنە جاقىن.

  بۇل بازادا باستىسى ۇساق تەڭىز شايانى مەن جۇڭحۋا قىسقىشى باعىلادى، قازىر ٴدال سارى شايان سەمىرگەن مەزگىل. 

   ىلە وزەنىنىڭ ەكولوگيالىق ورتاسى تاماشا، وزەن سۋىندا باعىلعان ۇساق تەڭىز شايانى مەن قىسقىشتاردىڭ ۇلكەندىگى ٴبىر كەلكى ٴارى ەتى دە جۇمساق. 

   قازىر اي كۇن 200 مۋ سۋلى اۋماقتا قىسقىش پەن شاياندى ارالاس باعۋ رايونىن، قىسقىش پەن شاياندى قۇنىتتاپ باعۋ رايونىن، ۇساق تەڭىز شايانىنىڭ ۋىلدىرىق جەتىلدىرۋ رايونىن جانە قىسقىش ۋىلدىرىعىن جەتىلدىرۋ رايونىن قۇردى. 

تاياۋ جىلداردان بەرى ىلە اڭعارىنداعى ەرەكشە باعىمشىلىق كاسىبىنىڭ جەدەل دامۋىنا ىلەسىپ، وڭتۇستىكتە باعىلاتىن كوپتەگەن سۋ ونىمدەرى جەرگىلىكتى ورىنعا اكەلىنىپ، شايان، قىسقىش، اقسەركە، بەكىرە سياقتى سۋ ونىمدەرى باعىمشىلىعىنىڭ كولەمى ۇزدىكسىز كەڭەيىپ، ٴار ۇلت بۇقاراسىنىڭ اس ٴمازىرىن بايىتۋمەن بىرگە، بارشا باعىمشىلاردىڭ كىرىسىن ارتتىرىپ، اۋقاتتانۋداعى جاڭا ارناعا اينالدى. 

بۇدان سىرت، ىلە اڭعارىنىڭ شۇرايلى جايىلىم بايلىعى دا مال جانە ٴۇي قۇستارىن باعۋعا ەرەكشە ۇيلەسەتىندىكتەن، بۇقارا بۇعى، تۇيە، ەسەك جانە تاۋىق، قاز - ۇيرەك سياقتى ەرەكشە باعىمشىلىقپەن شۇعىلدانۋ ارقىلى دا كىرىستەرىن ارتتىرىپ، اۋىل - قىستاقتى گۇلدەندىرۋگە بەرىك نەگىز قالادى.

 نىلقى اۋدانىنىڭ اقسەركە باعىمشىلىق بازاسى 

چاپچال سىبە اۆتونوميالى اۋدانى قاۋىنشى اۋىلى قاۋىنشى قىستاعىنداعى باعىمشىلىقپەن شۇعىلداناتىن وتباسىلارى سۋ شايانىن اۋلاۋدا 

چاپچال سىبە اۆتونوميالى اۋدانى قاينۇق اۋىلىنداعى قاز باعىمشىلىعى بازاسى 

چاپچال سىبە اۆتونوميالى اۋدانىنداعى باعىمشىلىقپەن شۇعىلداناتىن اي كۇن وتباسىنىڭ جۇڭحۋا قىسقىشى بازارعا سالىندى 

 قورعاس اۋدانى اقيقات جايىلىم مەن مالدى بىرلەستىرىپ تيجارات ەتۋ كووپەراتيۆىندە باعىلعان تۇيەلەر

توعىزتاراۋ اۋدانى كولدەنەڭ كورىنىس رايونىنداعى ومارتاشى

چاپچال سىبە اۆتونوميالى اۋدانىنداعى بۇعى باعىمشىلىعى

قۇلجا اۋدانى ٴۇشون حۇيزۋ ۇلتتىق اۋىلى توقاشجۇزى قىستاعىنىڭ تۇرعىندارى ەسەك باعىپ، كىرىستەرىن ارتتىردى