باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
جىل سايىن مول ٴونىم شاتتىعىنا شومعان حالىق بۇقاراسى پارتياعا العىس ايتتى
2021-09-30 18:11:10     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

− 2021 - جىلعى جۇڭگو شارۋالار مول ٴونىم مەرەكەسىن قۇتتىقتايمىز (3)

20210924000395_5ecffb00b1a30cfd78a8ede30a1bd4297d2d87ca.jpg

قۇلجا قالاسى جاڭاجەر اۋىلىنىڭ ديقاندارى جۇگەرىنىڭ ٴدانىن ايىرۋدا.  لاي يۇينيڭ فوتوسى

20210924000403_1676ded6515db8021e85e6e49563b555d74cd547.jpg

ٴدوربىلجىن اۋدانى ەمالعۇلىن موڭعۇل ۇلتتىق اۋىلى شارعى اجىراعان قىستاعىنىڭ تۇرعىندارى كولشىكتەن بالىق اۋلاۋدا.ليۋ فىڭ فوتوسى

موڭعۇلكۇرە مول ٴونىم شاتتىعىنا شومدى

20210924000396_cfac4c7f42e001f52ad351c35f7b23b8ea4c3c48.jpg

«مول ٴونىمدى جۇڭگو تۇلپار مەكەنى» دەگەن ٴسوزدى سابانمەن جازىپ بەينەلەدى. لي يافىڭ فوتوسى

ٴتىلشىمىز لي يافىڭ، ەرىكتى ٴتىلشى يۋان شىشياڭ حابارلايدى. 9 - ايدىڭ 23 - كۇنى - «جۇڭگو شارۋالار مول ٴونىم مەرەكەسىندە» موڭعۇلكۇرە اۋدانىنداعى ٴار ۇلت بۇقاراسى ٴان ايتىپ، ٴبي بيلەپ، تارتىمدى ادەبيەت ـ كوركەمونەر ويىندارىمەن مول ٴونىم شاتتىعىن قۇتتىقتاپ، پارتيانىڭ شاپاعاتىنا العىس ايتتى.

سول كۇنى ٴتىلشى موڭعۇلكۇرە اۋدانى قايىڭدى قاراسۋ اۋىلىنىڭ ٴبيداي اتىزىندا ٴار ۇلت بۇقاراسىنىڭ ٴبيداي سابانىمەن «مول ٴونىم الىنعان جۇڭگو، تۇلپار مەكەنى» دەگەن جازۋدى بەينەلەپ، تاماشا تۇرمىسقا دەگەن شەكسىز ماداقتارىن بىلدىرگەنىن كوردى.

جاقىنعى جىلداردان بەرى موڭعۇلكۇرە اۋدانى كاسىپ قۇرىلىمىن رەتتەۋدى جەدەلدەتىپ، ٴداستۇرلى ەگىمشىلىك، باعىمشىلىق ۇلگىسىن وزگەرتىپ، ەرەكشە ەگىن، مال شارۋاشىلىعىن دامىتىپ، اۋىل ـ قىستاقتىڭ ەكونوميكالىق، قوعامدىق دامۋ ومىرشەڭدىك كۇشىن ارتتىرىپ، شارۋالاردىڭ ٴوندىرىستى دامىتۋ بەلسەندىلىگىن، ىرىقتىلىعىن جانە جاسامپازدىعىن قوزعاپ، كەدەيلىكتەن ارىلتۋدان قامال الۋ جەتىستىكتەرىن بەكەمدەدى.

سارقوبى اۋىلى وتباسى سايىن اۋلا شارۋاشىلىعىن دامىتتى

ٴتىلشىمىز لي يافىڭ حابارلايدى. جاقىنعى جىلداردان بەرى موڭعۇلكۇرە اۋدانى شارۋالاردى اۋلا شارۋاشىلىعىن دامىتۋعا بەلسەنە جەتەكتەپ، كىرىستى ارتتىرۋ ەسەبىن ويداعىداي جاساۋ، اۋلاعا كوكونىس ەگۋ ارقىلى شارۋالاردىڭ كىرىسىن كوپ نەگىزدەندىرىپ، اۋىل ـ قىستاق ورتاسىن ەكولوگيالاندىرىپ، قورشاعان ورتانى كورىكتەندىرۋ مەن ەكونوميكالىق ونىمدىلىك سياقتى جاقتاردان تەڭ يگىلىككە كەنەلدى.

بيىل جىل باسىندا كولبۇلاق قىستاعى «ەكى كوميتەتى» مەن  «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى قىستاق تۇرعىندارىن كوكونىس مايساسىمەن، اعاش قالامشاسىمەن اقىسىز قامدادى، پارتيا مۇشەلەرى باستاماشىلدىقپەن ۇلگى كورسەتىپ، قىستاق تۇرعىندارىنىڭ اۋلا شارۋاشىلىعىن دامىتۋ بەلسەندىلىگىن ارتتىردى.

سارقوبى اۋىلدىق پارتيا قۇرىلىسى كەڭسەسىنىڭ مەڭگەرۋشىسى ەرشات نۇرقاسىم ۇلى بىلاي دەدى: اۋىلىمىز قارجىسى شاعىن، ٴونىمى تەز، قاتەرى تومەن اۋلا شارۋاشىلىعىن دامىتۋ نىساندارىن شارۋالارعا تانىستىرىپ، ولاردى ٴوز اۋلاسىندا كىرىس كىرگىزۋگە جەتەكتەپ، كورنەكتى ناتيجەگە قول جەتكىزدى.

قازىر وسى اۋىلدا اۋلا شارۋاشىلىعىمەن شۇعىلداناتىن وتباسى 500 دەن استى.

20210924000402_a8f4d912464747cc5688d1151a9000db9cf8d754.jpg

كۇزگى ونىمدەردى كورمەگە قويىپ مەرەكەنى قۇتتىقتادى.  ليۋ فىڭ فوتوسى

ايرىقشا العىس ايتقىم كەلەدى

مەنىڭ اتىم ابىلەت ەركىن، تەكەس اۋدانى شولاقتەرەك اۋىلى مىڭبۇلاق قىستاعىنىڭ تۇرعىنىمىن، «جۇڭگو ديقاندارىنىڭ مول ٴونىم مەرەكەسى» بايلانىسىمەن قىستاق كادرلارىنا، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرىنە، اۋىل شارۋاشىلىق تەحنيكتەرىنە ايرىقشا العىس ايتقىم كەلەدى.

وسىدان ەكى جىل بۇرىن قىستاق «ەكى كوميتەتىنىڭ» كومەگىندە 13 مۋ ەگىستىك  جەرىمىنىڭ بارلىعىنا الما اعاشتارىن وتىرعىزدىم. اۋداننىڭ، اۋىلدىڭ اۋىل شارۋاشىلىق تەحنيكتەرى ەگىستىك جەرىمە جانە ۇيىمە كەلىپ ەگىن ەگۋ تەحنيكاسىن ۇيرەتتى، سونداي - اق كوپتەگەن ٴتيىمدى ساياساتتاردان يگىلىكتەندىم، قىستاعىمىزدا اۋىل شارۋاشىلىق ماشينالارى بارعان سايىن كوبەيدى، تۇرپاتى جاڭالاندى. قالتام جىلدان جىلعا قامپايىپ، تۇرمىسىم بارعان سايىن جاقساردى، ٴوندىرىستى دامىتۋ سەنىمىم دە جىلدان - جىعا كۇشەيدى.

ماتەريالدى رەتتەگەن لي جيانپيڭ

20210924000394_10376290a70dc6e7dd57ad30f2c96c8d59fb032a.jpg

قورعاس اۋدانىنىڭ ديقاندارى قىزىل بۇرىش جايۋدا.    لاي يۇينيڭ  فوتوسى

قارادوڭ قىستاعىنداعىلاردىڭ جۇزىنەن قۋانىش لەبى ەستى

يان جيانشيا (ٴوز ٴتىلشىمىز)

9 - ايدىڭ 23 - كۇنى قۇلجا اۋدانى اراوستەڭ قالاشىعى قارادوڭ قىستاعى «ەكى كوميتەتىنىڭ» كادرلارى مەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى اتىز باسىنا بارىپ، مول ٴونىم قۋانىشىن قىستاق تۇرعىندارىمەن بىرگە قۇتتىقتادى.

«بيىل جۇگەرىمنىڭ ٴوسۋى جاقسى بولدى، بۇل قىستاقتا تۇراتىن قىزمەت اترەتىندەگى اۋىل شارۋاشىلىق تەحنيكتەرىنىڭ كومەگىنەن بولە قارالمايدى، ولارعا ايرىقشا العىس ايتامىن» دەدى ليۋ چياڭ جۇزىنەن قۋانىش لەبى ەسىپ.

«بۇل ٴبىزدىڭ ىستەۋگە ٴتيىستى ٴىسىمىز، قىستاق تۇرعىندارىنىڭ ەگىننەن مول ٴونىم العانىن كورسەك، ٴبىز شىن جۇرەكتەن قۋانامىز» دەدى قىستاقتا تۇراتىن قىزمەت اترەتىنىڭ مۇشەسى فۋ ۋىنجۇن.

20210924000397_6a37d42df33caa32288e3afbb6a459c51c048106.jpg

قۇلجا قالاسى ٴپانجىم قالاشىعى اقتوبە قىستاعىنىڭ ٴانجۇرى پىستى.    فا يا فوتوسى


قاراجەر قىستاعى قىستاق تۇرعىندارىنىڭ كەپتەر شارۋاشىلىعىن دامىتۋىنا جەتەكشىلىك ەتتى

ٴتىلشىمىز لي يافىڭ حابارلايدى. 9 - ايدىڭ 23 - كۇنى ٴتىلشى قۇلجا قالاسى توعىراق اۋىلى قاراجەر قىستاعىنىڭ تۇرعىنى روزى ابىلەزدىڭ وتباسىنا باردى، ەرلى - زايىپتى ەكەۋى كەپتەرلەرگە جەم بەرىپ، ۇياسىن تازالاپ، جۇمىرتقادان جاڭا شىققان بالاپان كەپتەرلەردى تاماشالاپ تۇر، ولاردىڭ جۇزدەرىنەن قۋانىش لەبى بايقالادى.

قىستاق «ەكى كوميتەتى» مەن قىستاقتا تۇراتىن قىزمەت اترەتى روزى ابىلەز قاتارلى كەپتەر باعۋعا اۋەس 6 تۇرعىندى كەپتەر باعۋ بازاسىنا بارىپ، كەپتەر باعىپ - باپتاۋ، جەتىلدىرۋ تەحنيكاسىن  ۇيرەنۋگە ۇيىمداستىرىپ، ولاردىڭ شاعىن سومالى ٴوسىمسىز قارىز اقشا الۋىنا كومەكتەستى.

قىستاق تۇرعىنى ابدىجالەل ابدىرەشيت تىلشىگە ٴوزىنىڭ اسىل تۇقىمدى 40 كەپتەردى تەگىن العانىن، بەس ايدان كەيىن ەتتى كەپتەرلەر سانىنىڭ ٴبىر ەسەلەنگەنىن، ٴار جىلى تەك كەپتەر باعۋدان 20 مىڭ يۋان كىرىس تاباتىنىن ايتتى.

قاراجەر قىستاعى پارتيا ياچەيكاسىنىڭ شۋجيى ازەز پيدا بىلاي دەدى: كەپتەر كاسىبى، جۇگەرى ەگىمشىلىگى، جەم - ٴشوپ مانەرلەۋ، اس - سۋ سياقتى كاسىپتەردىڭ دامۋىن جەبەۋمەن بىرگە، اۋىل - قىستاقتا ەرەكشە كاسىپتى دامىتۋ جولىن كەڭەيتىپ، ٴتىپتى دە مول قىستاق تۇرعىندارىن بايۋ جولىنا باستايدى.

20210924000398_5727b02e9dc7ef60f4e9571c1bf2e32ebc596ea7.jpg

ٴان - بيمەن مول ٴونىمدى قۇتتىقتادى.  جاڭ جينفىڭ فوتوسى

1.jpg

 جەمىس - جيدەكتەي «ٴتاتتى» تۇرمىس.   ليۋ فىڭ فوتوسى


مول ونىمگە ماداق

رەداكتور باعامى       

باس شۋجي شي جينپيڭ كوپ رەت مىنانى باسا دارىپتەدى: جۇڭگولىقتار قاي - قاشان دا كەسەسىن قولىندا مىقتاپ ۇستاۋى كەرەك،  كەسەمىزگە جۇڭگو استىعى سالىنۋى كەرەك.

2021 - جىلعى «جۇڭگو ديقاندارىنىڭ مول ٴونىم مەرەكەسىندە» ىلەلىكتەردىڭ ٴان ايتىپ، ٴبي بيلەپ، مەرەكەنى تويلاۋ سەبەبى بار، ويتكەنى بۇرىنعى توككەن تەر، بۇگىن مول ونىمگە اينالدى.

ٴبىز كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، جالعاستى ورىستەتۋ جانە ونى اۋىل - قىستاقتى كوركەيتۋمەن ٴونىمدى سايكەستىرۋ جولىندا قيىندىقتى ەڭسەرىپ، قاجىرلىقپەن توقتاۋسىز العا ىلگەرىلەۋىمىز، اۋىل شارۋاشىلىق ونىمدەرىنىڭ قۇرىلىمىن اناعۇرلىم رەتتەۋىمىز جانە ساپالىلاندىرۋىمىز كەرەك.

جۇڭگو ديقاندارىنىڭ مول ٴونىم مەرەكەسىن ىلەدەگى ٴار ۇلت بۇقاراسى ٴتۇرلى فورمامەن قۇتتىقتادى.