باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى
2021-10-11 11:18:51     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

  شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى

  شي جينپيڭ ماڭىزدى ءسوز سويلەدى

  لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى، ۋاڭ ياڭ باسقاردى


 10 - ايدىڭ 9 - كۇنى شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

  10 - ايدىڭ 9 - كۇنى شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسى بەيجيڭ حالىق سارايىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جينالىسقا قاتىناستى. □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى. شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسى 10 - ايدىڭ 9 - كۇنى تۇستەن بۇرىن بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ بىلاي دەپ باسا دارىپتەدى: بيىل شينحاي توڭكەرىسىنىڭ 110 جىلدىعى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جۇڭگو حالقى جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن ارشىندى قادام تاستاۋدا. وسى ماڭىزدى ساتتە، ءبىز بۇل ارادا سالتاناتتى جينالىس وتكىزىپ، سۇن جۇڭشان مىرزا قاتارلى توڭكەرىستىك ارداگەرلەردىڭ تاريحي ەلەۋلى ەڭبەكتەرىن ساعىنا ەسكە الىپ وتىرعانىمىزدا، ولاردىڭ جۇڭحۋانى گۇلدەندىرۋدى اينىماس مۇرات ەتكەن اسقاق رۋحىنان ۇيرەنىپ جانە ونى اسقاقتاتىپ، ەل ءىشى - سىرتىنداعى بارلىق جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا بىرگە كۇرەس جۇرگىزۋگە ىنتالاندىرۋىمىز جانە ىنتىماقتاستىرۋىمىز كەرەك.

لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.

حالىق سارايىنىڭ ۇلكەن زالى سالتاناتتى دا دۋماندى بەينەگە شومدى. ءتوراعالار مىنبەسىنىڭ جوعارعى جاعىنا ”شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسى“ دەگەن جينالىس بەلگىسى، ارتقى پەردەنىڭ ءدال ورتاسىنا سۇن جۇڭشان مىرزانىڭ سۋرەتى ءىلىنىپ، ەكى جاعىنا 10 قىزىل تۋ قويىلعان، ونىڭ ۇستىنە ىلىنگەن ”1911“، ”2021“ دەگەن جازۋلار ايرىقشا كوز تارتادى.

تۇستەن بۇرىن ساعات 10دا جينالىس باستالدى. بۇكىل زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى.

شاتىرلاعان شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: سۇن جۇڭشان مىرزا − ۇلى ۇلت قاھارمانى، ۇلى وتانشىل، جۇڭگو دەموكراتيالىق توڭكەرىسىنىڭ ۇلى ارداگەرى. سۇن جۇڭشان مىرزا مەن شينحاي توڭكەرىسى ارداگەرلەرىنىڭ جۇڭحۋا ۇلتى ءۇشىن سىڭىرگەن تاريحي ەڭبەگى ماڭگى وشپەيدى، شينحاي توڭكەرىسىندە باتىرلىقپەن كۇرەس جۇرگىزگەن جانە ەرلىكپەن قۇربان بولعان ارىستاردىڭ ەسىمى تاريحقا ماڭگى جازىلادى، شينحاي توڭكەرىسى ماڭگى جۇڭحۋا ۇلتىنىڭ ۇلى گۇلدەنۋ ساپارىنداعى اسقاق بەلەس.

شي جينپيڭ بىلاي دەپ اتاپ كورسەتتى: جۇڭگو كوممۋنيستەرى − سۇن جۇڭشان مىرزانىڭ توڭكەرىستىك ىستەرىنىڭ ەڭ تاباندى قولداۋشىلارى، ەڭ ادال سەلبەسۋشىلەرى، ەڭ اينىماس جالعاستىرۋشىلارى، سۇن جۇڭشان مىرزا مەن شينحاي توڭكەرىسى ارداگەرلەرىنىڭ ۇلى مۇراتىن ۇزدىكسىز جۇزەگە اسىردى جانە دامىتتى. سۇن جۇڭشان مىرزانىڭ جۇڭحۋانى گۇلدەندىرۋ سىندى وزەكجاردى اسىل ارمانى، شينحاي توڭكەرىسى ارداگەرلەرىنىڭ جۇڭحۋا ۇلتىنىڭ دامۋىنا دەگەن ىزگى تىلەگى، تاياۋ زاماننان بەرگى جۇڭگو حالقى كوكسەگەن ءارى سول ءۇشىن كۇرەس جاساعان ۇلى ارمان شىندىققا اينالدى نەمەسە اينالۋ ۇستىندە، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋى كەرى قايتارۋعا كەلمەيتىن تاريحي ۇردىسكە قادام قويدى.

شي جينپيڭ بىلاي دەپ باسا دارىپتەدى: بۇگىنگى تاڭدا ۇزاق ۋاقىت كۇرەس جۇرگىزۋ ارقىلى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ اناعۇرلىم كەمەلدى تۇزىمدىك كەپىلدىككە، اناعۇرلىم بەرىك زاتتىق نەگىزگە، اناعۇرلىم ىرىقتى رۋحاني كۇشكە يە بولدى. ءبىز تاريحتى اينا ەتىپ، بولاشاق اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ۇزدىكسىز تاريحي بورىش ارقالاپ، تاريحي ىرىقتىلىقتى مەڭگەرىپ، جۇڭحۋا ۇلتىنىڭ ۇلى گۇلدەنۋى سىندى تاريحي ۇلى ءىستى ۇزدىكسىز العا ىلگەرىلەتۋىمىز كەرەك.

شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگو حالقىنىڭ العا باسۋىنا باسشىلىق ەتەتىن پارمەندى كۇش بولۋ كەرەك، بۇل پارمەندى كۇش − جۇڭگو كوممۋنيستىك پارتياسى. جۇڭگو كوممۋنيستىك پارتياسىنىڭ باسشىلىعى تاريحتىڭ تاڭداۋى، حالىقتىڭ تاڭداۋى، پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنە بايلانىستى، تاعدىرىنا بايلانىستى. جاڭا ساپاردا ءبىز، ءسوز جوق، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، پارتيانىڭ بيلىكتى عىلمي جۇرگىزۋ، بيلىكتى دەموكراتيالى جۇرگىزۋ، بيلىكتى زاڭ بويىنشا جۇرگىزۋ ورەسىن جوعارىلاتۋىمىز كەرەك. ۇلى پارتيا قۇرۋ رۋحىن اسقاقتاتىپ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوز دەڭگەيىن جوعارىلاتۋ قابىلەتىن كۇشەيتىپ، جۇڭگو كوممۋنيستىك پارتياسىنىڭ باستان - اياق جۇڭگو حالقى مەن جۇڭحۋا ۇلتىنىڭ ەڭ سەنىمدى تىرەگى بولۋىنا شىنايى كەپىلدىك ەتۋىمىز كەرەك. شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جول ەڭ ءتۇبىرلى ماسەلە. جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ بىردەن - ءبىر دۇرىس جولى. جاڭا ساپاردا ءبىز، ءسوز جوق، جۇڭگوشا سوتسياليزمگە تاباندى بولۋدان جانە ونى دامىتۋدان اۋىتقىماي، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، مۇراتتان اينىماۋ، جولدى وزگەرتپەۋ بەكىمىنەن تاپجىلماي، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋىمىز كەرەك. ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، رەفورمانى جاپپاي تەرەڭدەتىپ جانە ەسىك اشۋدى كەڭەيتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، حالىقتىڭ تاماشا تۇرمىسقا كەنەلۋگە دەگەن جاڭا تىلەگىن ۇزدىكسىز قاناعاتتاندىرىپ، جالپى حالىقتىڭ بىرگە بايۋىن ۇزدىكسىز ىلگەرىلەتۋىمىز كەرەك.

شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوز جوق، جۇڭگو حالقىنىڭ ءوزىنىڭ ەرلىكپەن كۇرەس جۇرگىزۋىنە سۇيەنۋ كەرەك. جاڭا ساپاردا ءبىز، ءسوز جوق، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، تاريحي ورايدى مىقتى يگەرىپ، تاۋقىمەت تانىمىن كۇشەيتىپ، باستان - اياق امانشىلىقتا جامانشىلىقتىڭ بولارىن ويلاپ، توڭكەرىستىك رۋح پەن توڭكەرىستىك جىگەردى ساقتاپ، كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋگە باتىل بولىپ، باتىلدىقپەن كۇرەس جۇرگىزەتىن، شەبەرلىكپەن كۇرەس جۇرگىزەتىن ەرىك - جىگەرمەن، قاسيەتپەن جۇڭحۋا ۇلتىنىڭ گۇلدەنۋ ۇردىسىنە كەدەرگى بولاتىن ءارقانداي ەلەۋلى حاۋىپ - قاتەردى، سىن - سايىستى باتىل جەڭىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋىمىز كەرەك.

شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جۇڭگو حالقى مەن جۇڭحۋا ۇلتى، ءسوز جوق، قيىندىقتى بىلەك بىرىكتىرە جەڭىپ، العا باسۋ جولىنداعى بارلىق حاۋىپ - قاتەر مەن سىن - سايىستاردى ىنتىماقتاسا وتىرىپ جەڭىپ شىعۋى كەرەك. جاڭا ساپاردا ءبىز، ءسوز جوق، وتانشىلدىق رۋحتى بارىنشا اسقاقتاتىپ، وسكەلەڭ ۇلتتىق ار - نامىس جانە ۇلتتىق سەنىم ورناتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بارلىق جۇڭحۋا پەرزەنتتەرىنىڭ بىرگە كۇرەس جۇرگىزۋىنە مىقتاپ سۇيەنىپ، ۇلى ىنتىماققا، ۇلى بىرلىككە تاباندى بولىپ، ەڭ كەڭ وتانشىلدىق بىرلىكساپتى ۇزدىكسىز بەكەمدەپ جانە دامىتىپ، جۇڭحۋا ۇلتىنىڭ بارلىق اقىل - پاراساتى مەن كۇش - قۋاتىن كەڭىنەن ۇيىستىرىپ، ەل ءىشى - سىرتىنداعى بارلىق جۇڭحۋا پەرزەنتتەرى ءبىر نيەت، ءبىر تىلەكتە بولاتىن، ۇلتتىڭ گۇلدەنۋى ۇلى ءىسىن بىرگە ىسكە اسىراتىن جالىندى جاعداي قالىپتاستىرۋىمىز كەرەك.

شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تىنىش، ىنتىماقتى ەل ءىشى ورتاسىن قاجەت ەتىپ قانا قويماي، بەيبىت، ورنىقتى حالىقارالىق ورتانى دا قاجەت ەتەدى. جاڭا ساپاردا ءبىز، ءسوز جوق، باستان - اياق بەيبىتشىلىك، دامۋ، سەلبەسۋ، تەڭ يگىلىكتەنۋ تۋىن بيىك ۇستاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، الەمدىك جونگە سالۋ جۇيەسىن كەمەلدەندىرۋدى ىلگەرىلەتىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىعىن اسقاقتاتىپ، دۇنيە جۇزىندەگى ءار ەل حالقىمەن ىنتىماقتى كۇشەيتىپ، زورەكەرلىككە جانە وكتەمدىك ساياسيعا بىرگە قارسى تۇرىپ، دۇنيە ءجۇزى بەيبىتشىلىگىنىڭ قۇرۋشىسى، الەم دامۋىنىڭ ۇلەسكەرى، حالىقارالىق ءتارتىپتىڭ قورعاۋشىسى بولىپ، ادامزاتقا تىڭ دا اناعۇرلىم كەسەك ۇلەس قوسۋعا قۇلشىنۋىمىز كەرەك.

شي جينپيڭ بىلاي دەپ باسا دارىپتەدى: تايۋان ماسەلەسى ۇلتتىڭ دارمەنسىزدىگىنەن، بەرەكەسىزدىگىنەن تۋىلعان، ول، ءسوز جوق، ۇلتتىڭ گۇلدەنۋىنە ىلەسە شەشىلەدى. مۇنى جۇڭحۋا ۇلتى تاريحي دامۋىنىڭ ۇلكەن اۋقىمى بەلگىلەگەن، ونان دا ماڭىزدىسى، ول بۇكىل جۇڭحۋا پەرزەنتتەرىنىڭ ورتاق ەركى. وتان تۇتاستىعىن بەيبىت تاسىلمەن جۇزەگە اسىرۋ تايۋاندىق باۋىرلاستاردى قامتىعان جۇڭحۋا ۇلتىنىڭ تۇتاس تۇلعالىق مۇددەسىنە ەڭ ۇيلەسەدى. ءبىز ”بەيبىت جولمەن بىرلىككە كەلۋ، ءبىر ەل، ەكى ءتۇزىم“ نەگىزگى باعىتىنا تاباندى بولىپ، ءبىر جۇڭگو پرينسيبىنە جانە ”92 - جىلعى ورتاق تانىمعا“ تاباندى بولىپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتەمىز. ەكى جاعالاۋداعى باۋىرلاستار تاريحتىڭ دۇرىس جاعىندا تۇرىپ، وتاننىڭ بۇكىلدەي بىرلىككە كەلۋ، ۇلتتىڭ ۇلى گۇلدەنۋى سىندى داڭقتى ۇلى ءىستى بىرگە جاراتۋ كەرەك. جۇڭحۋا ۇلتىندا بولشەكتەۋشىلىككە قارسى تۇراتىن، تۇتاستىقتى قورعايتىن داڭقتى ءداستۇر بار. تەگىن ۇمىتقان، وتانىنا وپاسىزدىق جاساعان، مەملەكەتتى بولشەكتەگەن ادامدار ەجەلدەن جاقسىلىق تاپقان ەمەس، ولار، ءسوز جوق، حالىقتىڭ نالەتىنە قالىپ، تاريحتىڭ تەرگەۋىنە تۇسەدى. تايۋان ماسەلەسى بۇكىلدەي جۇڭگونىڭ ىشكى ءىسى، ءارقانداي سىرتقى كيلىگۋگە جول بەرىلمەيدى. كىمدە - كىم جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ بەرىك بەكىمىن، باتىل ەرىك - جىگەرىن، قۇدىرەتتى قابىلەتىن تومەن ساناماسىن. وتاننىڭ بۇكىلدەي بىرلىككە كەلۋ تاريحي مىندەتىن، ءسوز جوق، جۇزەگە اسىرۋ كەرەك ءارى، ءسوز جوق، جۇزەگە اسادى.

شي جينپيڭ بىلاي اتاپ كورسەتتى: تاياۋ زاماننان بەرى ۇزاق ۋاقىت قاجىرلىلىقپەن كۇرەس جۇرگىزۋ ارقىلى جۇڭگو حالقى دۇنيە ءجۇزىن جالت قاراتقان ۇلى تابىستار جاراتىپ، ۇلتتىڭ گۇلدەنۋىنىڭ نۇرلى بولاشاعىن قارسى الدى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق داڭقى ءارى بارلىق جۇڭحۋا پەرزەنتتەرىنىڭ ورتاق بورىشى. مەن ەل ءىشى - سىرتىنداعى بارلىق جۇڭحۋا پەرزەنتتەرىن ونان ارى تىعىز ىنتىماقتاسىپ، سۇن جۇڭشان مىرزا قاتارلى شينحاي توڭكەرىسى ارداگەرلەرىنىڭ ۇلى رۋحىن ساۋلەلەندىرىپ، قول ۇستاسا وتىرىپ جۇڭحۋا ۇلتىنىڭ ۇلى گۇلدەنۋى نىساناسىنا قاراي ۇزدىكسىز ەرلىكپەن العا باسۋعا ۇندەيمىن.

ۋاڭ ياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ ويى اسقاق، يدەياسى تەرەڭ، شينحاي توڭكەرىسىنىڭ تاريحي ەڭبەگى مەن كەلەلى ءمانىن جوعارى باعالاپ، جۇڭگو كوممۋنيستىك پارتياسىنىڭ سۇن جۇڭشان مىرزانىڭ توڭكەرىستىك ىستەرىنە مۇراگەرلىك ەتىپ، حالىقتى ىنتىماقتاستىرىپ جانە باستاپ، قاجىماي - تالماي كۇرەس جۇرگىزگەن شۇعىلالى بارىسىن ەسكە الىپ جانە قورىتىندىلاپ، شينحاي توڭكەرىسى بولعان 110 جىلدان بەرگى تاريحي تولعانىستاردى تەرەڭ بايىمداپ، ءبىر جۇڭگو پرينسيبىنە جانە ”92 - جىلعى ورتاق تانىمعا“ تاباندى بولاتىن، ”تايۋان دەربەستىگى“ بولشەكتەۋ ارەكەتتەرىن باتىل تەجەيتىن، مەملەكەتتىڭ يەلىك ۇقىعى مەن تەرريتوريا تۇتاستىعىن قورعايتىن بەرىك بەكىم مەن مىعىم ەرىك - جىگەردى ايبىندى تۇردە جاريالادى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، شينحاي توڭكەرىسىنىڭ رۋحىن جالعاستىرىپ جانە ونى اسقاقتاتىپ، جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تەلەگەي كۇش ۇيىستىرۋىمىز كەرەك.

جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ ءارقايسى دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى اتىنان، جۇڭگو چياۋمين ىستەر بىرلەستىگىنىڭ ءتوراعاسى ۋان ليجۇن ءارقايسى حالىقتىق ۇيىمدار اتىنان جينالىستا ءسوز سويلەدى.

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.

ورتالىق پارتيا، ۇكىمەت، ارميا ورىندارىنداعى، بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى جاۋاپتى جولداستار مەن پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى جانە ءبىر ءبولىم حالىق قۇرىلتايى ۋاكىلدەرى، بەيجيڭدەگى مەملەكەتتىك ساياسي كەڭەستىڭ تۇراقتى مۇشەلەرى جانە ءبىر ءبولىم مۇشەلەرى، ۇلت، ءدىن سالاسى مەن قوعامدىق ۇيىمداردىڭ ۋاكىلدەرى، ءبىر ءبولىم شەتەلدىڭ جۇڭگودا تۇراتىن ەلشىلەرى، ۇسىنىس بويىنشا ەسكە ءتۇسىرۋ قيمىلىنا قاتىناسقان شينحاي توڭكەرىسى ارداگەرلەرىنىڭ ۇرپاقتارى، شياڭگاڭداعى، اۋمىنداعى، تايۋانداعى قاتىستى قايراتكەرلەردىڭ ۋاكىلدەرى جانە شەتەلدەن كەلگەن قوناقتار، ازاتتىق ارميا مەن قارۋلى ساقشى بولىمدەرىندەگى وفيتسەر - اسكەرلەردىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى، ت . ب 3000داي ادام جينالىسقا قاتىناستى.