باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
حالىقتىڭ تۇرمىسى جاقساردى، حالىقتىڭ كوڭىلى جادىرادى
2021-10-13 21:41:19     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولاتباي قىزى

− اۆتونوميالى رايوندىق 9 - رەتكى پارتيا قۇرىلتايىنان بەرگى ەكونوميكالىق، قوعامدىق دامۋ جونىندە جالپى شولۋ (3)

 انار بۇلت / شينجياڭ گازەتىنىڭ تىلشىلەرى سۋ لۋپيڭ، لي لين، جاۋ شييا


00.jpg

 وقۋشىلار قۇمىل قالاسى يۇيحا تاجىريبە مەكتەبى وقىتۋ عيماراتىنان شىعىپ كەلەدى (9 - ايدىڭ 28 - كۇنى تۇسىرىلگەن). بۇل مەكتەپ 2019 - جىلى پايدالانۋعا بەرىلگەن، يەلەگەن جەر اۋدانى 133 مۋ، قازىر 2200دەن استام ءار ۇلت وقۋشىسى وسىندا وقىپ جاتىر. سۋرەتتى انار بۇلت / شينجياڭ گازەتىنىڭ ءتىلشىسى ساي زىڭلى تۇسىرگەن


  حالىق مەملەكەتتىڭ ىرگە تاسى، ىرگە تاس بەرىك بولسا، مەملەكەت تىنىش بولادى.

  5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رايونىمىز دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، جۇمىستاندىرۋ، وقۋ - اعارتۋ، قوعامدىق قامسىزداندىرۋ، تۇرعىن ءۇي سياقتى قىزمەتتەردى ءبىر تۇتاس جوسپارلاپ جاقسى ىستەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.

  

جۇمىستاندىرۋدى الدىمەن ويلاستىرىپ، حالىق تۇرمىسىنىڭ نەگىزىن بەكەمدەدى

  جۇمىستاندىرۋ ەڭ ءىرى حالىق تۇرمىسى ينجەنەرياسى، حالىق تىلەگى ينجەنەرياسى، نەگىزدىك ينجەنەريا، قوعامنىڭ ورنىقتىلىعىنىڭ ماڭىزدى قامتاماسىزدىعى.

  5 جىلدان بەرى اۆتونوميالى رايوندىق پارتكوم مەن ۇكىمەت باستان - اياق جۇمىستاندىرۋدى ورنىقتىرۋ مەن كەڭەيتۋدى ەكونوميكانىڭ، قوعامنىڭ جاراسىمدى دامۋىنىڭ ماڭىزدى نىساناسى ەتىپ، حالىقتى وزەك ەتكەن دامۋ يدەياسىنا تاباندى بولىپ، ”جۇمىستاندىرۋدى كەڭەيتۋ“ سىندى حالىققا تيىمدىلىك جەتكىزۋ ينجەنەرياسىن ۇزدىكسىز اتقارىپ، جۇمىستاندىرۋ كولەمىن ۇزدىكسىز كەڭەيتىپ، جۇمىستاندىرۋ ساپاسىن جوعارىلاتىپ، ءار ۇلت بۇقاراسىنىڭ جۇمىستانۋ ارناسىن اناعۇرلىم كەڭەيتىپ، باقىت سەزىمىن اناعۇرلىم كۇشەيتتى.

  10 - ايدىڭ 11 - كۇنى ياركەن اۋدانى شاراك قالاشىعى بازار قىستاعىنداعى شينجياڭ يانو ەلەكترون عىلىم - تەحنيكا شەكتى سەرىكتەستىگىنىڭ ءبىر سەحىندا قىستاق تۇرعىنى ايتۇحان عوپۇر ەلەكتروندىق ونىمدەردى جەدەلدەتە جاساۋدا. ەسىك الدىنان جۇمىستانىپ، ورنىقتى كىرىس كىرگىزىپ، قارتتار مەن بالالارعا دا قاراي الاتىن بولعاننان بەرى، ايتۇحاننىڭ قايراتى ارتا ءتۇستى.

  5 جىلدان بەرى، رايونىمىز توقىماشىلىق، كيىم - كەشەك، تۇتىنۋ ەلەكتر بۇيىمدارى، اياق كيىم، باس كيىم، چەمودان، سومكە سياقتى ەڭبەك شوعىرلى كاسىپ سالالارىن زور كۇشپەن دامىتىپ، جەرگىلىكتى جاعدايعا قاراي قىستاق زاۆودتارىن اشىپ جۇمىسقا قابىلداپ، كاسىپ سالاسى (ونەركاسىپ) باقشا رايونىندا ورنىقتى جۇمىستاندىرۋدى ىلگەرىلەتىپ، ساياحات كاسىپ سالاسىن دامىتۋ ارقىلى جۇمىستانۋدى جەبەدى، ەسىك الدىنان ورنىقتى جۇمىستانعان، باياندى جۇمىستانعان، ۇزاق ۋاقىت جۇمىستانعان ادامدار بارعان سايىن كوبەيىپ، شەبەرلىككە باۋلۋ ارقىلى شەبەرلىگىمەن جۇمىستانۋ، شەبەرلىگىمەن كىرىس ارتتىرۋ، شەبەرلىگىمەن دارىندىعا اينالۋ جولىنا تۇسكەن ەڭبەككۇشتەر بارعان سايىن كوبەيدى.

  جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى الدىندا، رايونىمىز اۋىرتپالىقتى جەڭىلدەتۋدى، جۇمىس ورنىن ورنىقتىرۋدى، جۇمىستانۋدى كەڭەيتۋدى بىردەي جۇرگىزۋگە تاباندى بولىپ، قوعامدىق قامسىزداندىرۋ اقىسىن كەزەڭگە ءبولىپ جەڭىلدەتۋ، كەشىرىم ەتۋ، جۇمىسسىزدىق قامسىزداندىرۋىن جۇمىس ورنىن ورنىقتىرۋ ارقىلى قايتارۋ، جۇمىستاندىرۋ قوسىمشا قاراجاتىن بەرۋ سياقتى ساياساتتاردى شىعارىپ، كاسىپورىنداردىڭ اۋىرتپالىعىن جەڭىلدەتىپ، قيىنشىلىعىن باسەڭدەتتى؛ ينتەرنەت جەلىسىندە جۇمىسقا قابىلداۋ، كاسىپتىك كۋرس، قيىنشىلىعى بارلارعا كومەكتەسۋ - سۇيەمەلدەۋ سياقتى شارالاردى جولعا قويىپ، جۇمىستانۋداعى بوگەتتى تۇيىندەردى اشتى؛ جوعارى مەكتەپتەردەن وقۋ تاۋىسقان وقۋشىلاردىڭ ەرتە جۇمىستانۋى، جاقسى جۇمىستانۋى ءۇشىن، رايونىمىز ەرتە جوسپارلاپ، ىرىقتىلىقپەن ىسكە كىرىسىپ، جوبا جاساپ، وقۋ تاۋىسقان وقۋشىلاردىڭ جۇمىستانۋ ارناسىن قۇلشىنا كەڭەيتتى. دالمە - ءدال شارا قولدانۋ، ىقىلاسپەن كومەكتەسىپ - سۇيەمەلدەۋ ارقىلى رايونىمىزداعى جۇمىستانۋ جاعدايى جالپى تۇلعالىق جاقتان ورنىقتى بولدى.

 

 ناقتى ىستەردى ويداعىداي ىستەپ، ءتىپتى دە كوپ ادامدى يگىلىككە كەنەلتتى

  حالىق تۇرمىسىن قامتاماسىز ەتۋ مەن جاقسارتۋدىڭ سوڭعى مارەسى بولمايدى، تەك ۇزدىكسىز جالعاسقان جاڭا باستامالارى عانا بولادى.

  2019 - جىلى 11 - ايدىڭ اياعىندا رايونىمىز 898 اۋىل - قالاشىق شيپاحاناسىن، 8602 قىستاق ەمحاناسىن ولشەمدەندىرىپ سالۋمەن جاپپاي قامتۋدى ورىنداپ، ”اق تاڭداقتى“ جالپى بەتتىك جويىپ، قىستاقتاردىڭ بارلىعىندا تولىمدى قىستاق شيپاگەرى بولۋدى جۇزەگە اسىردى.

  نەگىزگى ساتىداعى ەمدەۋ شارت - جاعدايى ءالسىز بولۋداي ماسەلەنى شەشۋ ءۇشىن، 2016 - جىلى رايونىمىز اۋىل، قىستاق ەكى دارەجەلى ەمدەۋ، دەنساۋلىق ساقتاۋ قۇرىلىمىن ولشەمدەندىرۋ قۇرىلىسىن باستاپ، امبولاتوريا، بالنيتسا، الەۋمەتتىك دەنساۋلىق ساقتاۋ، ايەلدەر مەن بالالار سالاماتتىعى، تەكسەرۋ، حيميالىق سارالاۋ، جۇڭي فيزيكالىق ەمدەۋى سياقتى يقۋاتتىق اۋماقتاردى قۇرىپ، وسىزاماندانعان وپەراتسيا بولمەسىن سالىپ، رەڭدى B چاۋ، بۇكىلدەي اۆتوماتتى اناليزدەۋ جابدىعى، قان تۇيىرشىگىن اناليزدەۋ جابدىعى، نەسەپ سۇيىقتىعىن اناليزدەۋ جابدىعى، سەنتردەن تەپكىش ماشينا، شۇعىل قۇتقارۋ جابدىعى سياقتىلاردى سەپتەپ، اۋىل، قالاشىق شيپاحانالارى وپەراتسيا جاساي الماۋداي تاريحتى اياقتاتتى.

  بۇل عانا ەمەس، جالپى حالىقتىڭ دەنساۋلىعىن تەكسەرۋ ينجەنەرياسىن اتقارۋ ارقىلى ”اۋرۋدى ەمدەۋدى وزەك ەتۋدەن“ ”حالىقتىڭ سالاماتتىعىن وزەك ەتۋگە“ بۇرىلىس جاساۋدى زور كۇشپەن ىلگەرىلەتتى، رايونىمىز اۋرۋدى ”ەرتە بايقاۋدى، ەرتە دياگنوزداۋدى، ەرتە ەمدەۋدى“ جۇزەگە اسىرىپ، ءار ۇلت بۇقاراسىنىڭ سالاماتتىق ساپاسىن ۇزدىكسىز جوعارىلاتتى.

  10 - ايدىڭ 8 - كۇنى تۇستەن بۇرىن شەريا اۋدانى شەريا قالاشىعى ياربويى قىستاعىنىڭ تۇرعىنى اينۇر ىبىراي اۋرۋ جاعدايىن ۇعىسۋعا كەلگەن وتباسى شيپاگەرىنىڭ الدىنان شىعىپ ۇيىنە ەرتىپ كىردى. جالپى حالىقتىڭ دەنساۋلىعىن تەكسەرۋ بارىسىندا تۋما جۇرەك اۋرۋى بارلىعى انىقتالىپ ءارى وپەراتسيا جاسالعاننان كەيىن، اينۇردىڭ دەنساۋلىق تەكسەرتۋ ارحيۆى سالاماتتىق ارحيۆىنە جانە الەۋمەتتىك دەنساۋلىق ساقتاۋدان قىزمەت وتەۋ جۇيەسىنە كىرگىزىلىپ، وتباسى شيپاگەرى مەرزىم بويىنشا جاعداي ۇعىسىپ تۇراتىن بولدى.

  جالپى حالىقتىڭ دەنساۋلىعىن تەكسەرۋ نەگىزىندە، رايونىمىز كەمەلدى، جۇيەلى تۇرعىندار سالاماتتىعى ۇلكەن ساندى مالىمەتىن ورناتىپ، جالپى حالىقتىڭ سالاماتتىق جاعدايىنا عىلمي تالداۋ جاساۋ ارقىلى دەنساۋلىق تەكسەرۋدە سالاماتتىقتاعى باسقاشا جاعدايى جانە جوعارى قان قىسىم، باۋىر مايلاسۋ سياقتى الدىڭعى 10 قاتارداعى اۋرۋلارعا ارنايى ساقتانۋ - تىزگىندەۋ زەرتتەۋىن جانە ارالاسىپ ەمدەۋىن ورىستەتتى ءارى سىندارلى پىكىرلەردى ورتاعا قويدى.

  5 جىلدان بەرى، رايونىمىز قازىنالىق شىعىستىڭ %70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساۋعا تاباندى بولىپ، ءتىپتى دەپ كوپ بۇقارانى يگىلىككە كەنەلتتى.

  جالپى حالىقتى قامسىزداندىرۋعا قاتىناستىرۋ جوسپارىن اتقارىپ، نەگىزگى زەينەتكەرلىك قامسىزداندىرۋى، ەمدەۋ قامسىزداندىرۋى، جۇمىسسىزدىق قامسىزداندىرۋى، جۇمىستا جارالانۋ قامسىزداندىرۋى جانە تۋىت قامسىزداندىرۋى تۇزىمدەرىن كەمەلدەندىرىپ، جۇمىستا جارالانۋ قامسىزداندىرۋ قورىن اۆتونوميالى رايون دارەجەسىندە ءبىر تۇتاس جوسپارلاۋدى جولعا قويىپ، بۇكىل رايونداعى ءبىر تۇتاس قوعامدىق قامسىزداندىرۋدان الەۋمەتتىك قىزمەت وتەۋ تۇعىرىن جالپى بەتتىك ىلگەرىلەتىپ، ولكە اتتاپ باسقا جەردە ەمدەلۋ جانە نەگىزگى ەمدەۋ قامسىزداندىرۋىن، سالماقتى اۋرۋلار قامسىزداندىرۋىن ءبىر تالون ۇلگىدە تىكەلەي ەسەپتەن كوتەرۋدى جۇزەگە اسىردى؛ بەيقۇت ءۇي ينجەنەرياسىن ۇزدىكسىز ىلگەرىلەتتى، 5 جىلدا جيىنى اۋىل - قىستاقتا ءبىر ميلليون 169 مىڭ 800 بەيقۇت ءۇي، قالا - قالاشىقتا ءبىر ميلليون 293 مىڭ 600 قامتاماسىزدىق سيپاتتى ءۇي سالىپ، قالا - قالاشىق لاشىقتار اۋماعىنداعى ءبىر ميلليون 122 مىڭ ءۇيدى وزگەرتىپ سالىپ، 10 ميلليونعا جۋىق بۇقارانى جاڭا ۇيگە كوشىرىپ كىرگىزدى...

  ”مەن جانە مەنىڭ وتانىم، ءبىر ءسات تە بولىنبەيمىز...“. بيىل مەملەكەت مەرەكەسىندە توقسۋ اۋدانى تاشارىق قالاشىعى 1 - بالاباقشاسىندا بالالار مەملەكەت تۋىن بۇلعاپ، «مەن جانە مەنىڭ وتانىم» ءانىن شىرقاپ، اتا - انالاردى اسەرلەندىردى، بالاباقشاعا تۇسكەننەن باستاپ، ءبىلىم الىپ قالماستان، بالالار احىلاق، اقىل - وي، دەنە، ەستەتيكا، ەڭبەك جاقتارىنان دا جاپپاي دامىدى.

  2017-جىلى 9-ايدا، رايونىمىز 4408 اۋىل - قىستاق بالاباقشاسىن جاڭادان سالدى جانە وزگەرتىپ، كەڭەيتىپ سالدى ءارى پايدالانۋعا بەردى. اۋىل - قىستاقتارداعى مەكتەپكە دەيىنگى 3 جىلدىق وقۋ-اعارتۋ بويىنشا بالا باقشاعا كىرۋ جاسىنا تولعان ءبىر ميلليون 176 مىڭ 200 بالانىڭ ۇيلەرىنىڭ جانىنداعى بالاباقشاعا  تەگىن كىرۋىنە مۇمكىندىك جاسادى. بىلتىر جىل سوڭىنا دەيىن، بۇكىل رايونداعى مەكتەپكە دەيىنگى وقۋ - اعارتۋ بويىنشا  بالاباقشاعا كىرۋ جالپى سالىستىرماسى %98تەن جوعارى بولدى.

  دالمە - ءدال شارا اتقارىپ، قيىنشىلىعى بار قاۋىمعا كومەكتەستى، سۇيەمەلدەدى

  10 - ايدىڭ 10 - كۇنى تۇستە قاراقاش اۋدانى كۇيا قالاشىعىنداعى اۋىل - قىستاق باقىت اۋلاسىندا قارتتار داستارقاندى قورالاي وتىرىپ، جەمىس - جيدەك، كوكونىس جانە ءدامى ءتىل ۇيرەتىن قوي ەتىن جەدى. ”ءومىرىمىزدىڭ سوڭعى كەزىن الاڭسىز دا زەينەتتى وتكىزۋىمىزگە مۇمكىندىك جاساعان پارتيا مەن ۇكىمەتتىڭ ابزال ساياساتىنا العىس ايتامىز“، - دەدى كوشىپ كىرگەنىنە ءبىر جىلدان اسقان ءمامتيمىن ءمانسۇر قاريا.

  قيىنشىلىعى بار بۇقارانى كوكەيدە ساقتاپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋ − حالىق تۇرمىسىن قامتاماسىز ەتۋ مەن جاقسارتۋدىڭ ءتۇيىنى. 5 جىلدان بەرى، نەگىزدىك سيپاتتى، تولىق قامتاماسىزدىق سيپاتتى حالىق تۇرمىسى قۇرىلىسىن كوزدە ۇستاعان رايونىمىز تومەن كىرىستى قيىنشىلىعى بار بۇقارا، سۇيەنىشسىز قارتتار، جەتىم، مۇگەدەك بالالار، تۇرمىسىندا قيىنشىلىعى بار مۇگەدەكتەر سياقتى ەرەكشە ادامدار شوعىرىن ەڭ الدىمەن قامتاماسىزداندىرىپ، ايالاۋ، قورعاۋ تۇزىمدەرىن اقاۋسىزداندىرىپ، ولاردىڭ باقىتتى تۇرمىس كەشۋىنە دەم بەردى.

  ”بەستە قامتاماسىزداندىرىلاتىن“ قارتتاردى شوعىرلى باعىپ - قاعۋ جانە جەتىم بالالاردى شوعىرلى باعۋعا الۋ ءتۇزىمى − رايونىمىزدىڭ قيىنشىلىعى بار بۇقاراداعى ”ءبىر قارت، ءبىر بالا“ ماسەلەسىن ءونىمدى شەشۋدەگى ماڭىزدى شاراسى. 2017 - جىلى اۆتونوميالى رايوندىق حالىق ۇكىمەتى «”بەستە قامتاماسىزداندىرىلاتىن“ قارتتاردى شوعىرلى باعىپ - قاعۋ جانە جەتىم بالالاردى شوعىرلى باعۋعا الۋ ءتۇزىمىن جاپپاي ورناتۋ جونىندەگى اتقارۋ پىكىرىن» شىعارىپ، 2020 - جىلدىڭ سوڭىنا دەيىن تۇتاس رايونىمىز كولەمىندە شوعىرلى باعىپ - قاعۋدا بولۋ نيەتى بار ”بەستە قامتاماسىزداندىرىلاتىن“ قارتتاردى شوعىرلى باعىپ - قاعۋ مولشەرى %100كە؛ جەتىم بالالاردى شوعىرلى باعۋعا الۋ مولشەرى %100كە جەتتى (قىسقاشا ”ەكى شوعىرلى“ دەلىنەدى). رايونىمىز نىسانا - مىندەتتەردى ايقىنداۋ، قىزمەت اياق الىسىن جەدەلدەتۋ، سايكەستى قارجىنى تياناقتاندىرۋ، نىسانالى جاۋاپكەرشىلىك حاتىنا قول قويىسۋ سياقتى جاقتاردان باستاپ ىسكە كىرىسىپ، قاتىستى ساياساتتاردى بەلسەنە تياناقتاندىرىپ، ”ەكى شوعىرلى“ نىساناسىن دەر كەزىندە ورىندادى.

  2020 - جىلى اۆتونوميالى رايوندىق پارتكوم اۋىل - قىستاق باقىت اۋلاسىن قۇرۋدى ورنالاستىرىپ، جايعاستىرىپ، اۋىل - قىستاقتارداعى قيىنشىلىعى بار قارتتاردىڭ تۇرمىسىنا قارايلاسۋ ماسەلەسىن شەشتى. نەبارى 60 كۇندە وڭتۇستىك شينجياڭنىڭ 22 اۋدانىندا 207 اۋىل - قىستاق باقىت اۋلاسىن سالىپ، اۋىل - قىستاقتاعى جالعىز تۇراتىن، قاراۋشىسى جوق، ۇيدە قالعان، قارتايىپ قالعان قيىنشىلىعى بار قارتتاردى شوعىرلى قامقورلىق جاسالاتىن باقىتتى تۇرمىس كەشىرۋ مۇمكىندىگىنە يە ەتتى.

  ەڭبەك قابىلەتى جوق بۇقاراعا مەڭزەس، رايونىمىز جىلدار بويى ەڭ تومەنگى تۇرمىسىن قامتاماسىز ەتۋ ولشەمىن جوعارىلاتىپ، ەڭ تومەنگى تۇرمىسىن قامتاماسىز ەتۋ ولشەمىن مەملەكەتتىڭ كەدەيلەردى سۇيەمەلدەۋ ولشەمىمەن ءونىمدى ۇشتاستىرۋدى جۇزەگە اسىردى. سونىمەن بىرگە، قالا مەن اۋىلدارداعى ەڭ تومەنگى تۇرمىسى قامتاماسىز ەتىلەتىن قارتتاردىڭ، ازامات جاسىنا تولماعانداردىڭ، اۋىر مۇگەدەكتەردىڭ، سالماقتى ناۋقاسقا شالدىققانداردىڭ ەڭ تومەنگى تۇرمىسىن قامتاماسىز ەتۋ قاراجاتىن ۇيلەسىمدى كوبەيتىپ، تومەنگى شەكتەن تۇسىرىلمەي قامتاماسىز ەتىلەتىن وبيەكتىلەردىڭ ورنىقتى تۇردە كەدەيلىكتەن ارىلۋىنا شىنايى كەپىلدىك ەتتى.

  شونجى اۋدانى شيبەي - ۋان قالاشىعى توۋدۇنليۋ قىستاعىنىڭ تۇرعىنى لي لۇڭيڭ قارتايىپ اۋرۋشاڭ بولىپ قالعان، ەڭبەك قابىلەتى جوق بولعاندىقتان، ەڭ تومەنگى تۇرمىسىن قامتاماسىز ەتۋگە الىنعان. قاريا تەبىرەنە: ”پارتيا مەن ۇكىمەتتىڭ ابزال ساياساتىنىڭ ارقاسىندا تۇرمىسىم قامتاماسىز ەتىلدى. وسى بىرنەشە جىلدا ەڭ تومەنگى تۇرمىستى قامتاماسىز ەتۋ ولشەمى جىل سايىن جوعارىلاپ، تۇرمىسىم دا بارعان سايىن جايلى ءوتىپ جاتىر“، - دەدى.

  رايونىمىز مەكتەپكە دەيىنگى تاربيەدەن اسپيرانتتىق وقىتۋعا دەيىنگى وقۋشىلارعا قارجىلاي كومەكتەسۋ ساياسات جۇيەسىن ورناتىپ، اقاۋسىزداندىردى، وقۋشىلارعا قارجىلاي كومەكتەسۋ قاراجاتى 2016 - جىلعى 2 ميلليارد 790 ميلليون يۋاننان 2019 - جىلى 7 ميلليارد 620 ميلليون يۋانعا كوبەيدى، تەك 2019 - جىلدىڭ وزىندە 4 ميلليون 800 نەشە مىڭ وقۋشىنى (رەت) تيىمدىلىككە كەنەلدىرىپ، ”بىردە - ءبىر وقۋشىنى وتباسىنىڭ ەكونوميكالىق قيىنشىلىعى سەبەبىنەن وقۋدان قول ۇزدىرمەۋ“ ۋادەسىن ورىندادى؛ قوعامدىق قامسىزداندىرۋ ارقىلى كەدەيلەردى سۇيەمەلدەۋدى، ەمدەۋ قامسىزداندىرۋ ارقىلى كەدەيلەردى سۇيەمەلدەۋدى ىشكەرىلەي ىلگەرىلەتتى. 60 جاستان اسقان قيىنشىلىعى بارلاردىڭ زەينەتكەرلىك قامسىزداندىرۋى مامىلەسىنىڭ تاراتۋعا تيىستىلەرى مۇمكىندىگىنشە تاراتىلىپ، كەدەيلەردىڭ نەگىزگى ەمدەۋ قامسىزداندىرۋىنا، سالماقتى اۋرۋ قامسىزداندىرۋىنا قاتىناسۋ سالىستىرماسى تۇگەلدەي %100كە جەتىپ، قيىنشىلىعى بار قاۋىمنىڭ اۋرۋ سەبەبىنەن كەدەيلەسۋى، اۋرۋ سەبەبىنەن قايتا كەدەيلەسۋى سياقتى ماسەلەلەر ءونىمدى شەشىلدى.