باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
چي گۋاڭپۋ اعا جۇلدەگەر بولدى، قىسقا ارالىققا تەز سىرعاناۋ جارىسى اياقتالدى
2022-02-22 12:04:58     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

齐广璞首夺奥运金牌.jpg

    2 - ايدىڭ 16 - كۇنى  بەيجيڭ 2022 - جىلعى قىسقى وليمپيادا سپورت جارىسى قاردا ەركىن سىرعاناۋ بويىنشا ەرلەردىڭ كەڭىستىكتە ونەر كورسەتۋ شەشۋشى جارسى جاڭجياكوۋدا وتكىزىلدى. جۇڭگو سپورتشىسى چي گۋاڭپۋ اعا جۇلدەگەر بولدى.

سۋرەتتى شينحۋا اگەنتتىگىنىڭ ٴتىلشىسى شۋە يۇيبين تۇسىرگەن 


 شينحۋا اگەنتتىگىنىڭ 2 - ايدىڭ 16 - كۇنى بەيجيڭنەن بەرگەن حابارى (تىلشىلەر ۋاڭ حىڭجى، جاڭ زىۋي). 31 جاستاعى چي گۋاڭپۋ اقىرىندا ٴوزىنىڭ 4 - رەتكى قىسقى وليمپيادا سپورت جارىسىنا قاتىناسۋ ساپارىندا ەڭ جوعارى سيلىق ساحناسىنا كوتەرىلىپ، جۇڭگو ۋاكىلدەر ۇيىرمەسى قورجىنىنا تاعى ٴبىر التىن مەدال سالىپ، قازىرگى تاڭدا 7 التىن، 4 كۇمىس، 2 قولا مەدال سىندى ۇزدىك ناتيجەگە قول جەتكىزدى. قىسقا ارالىققا تەز سىرعاناۋ جارىسى 2 - ايدىڭ 16 - كۇنى اياقتادى، جۇڭگو قىسقا ارالىققا تەز سىرعاناۋ قۇراماسى ەڭ سوڭعى ەكى جارىس تۇرىندە دە مەدال الا المادى.

  شۇي مىڭتاۋ التىن مەدال العان سوڭ، جۇڭگو كەڭىستىكتە ونەر كورسەتۋ قۇراماسىنىڭ تاعى ٴبىر قىسقى وليمپيادا سپورت جارىسىنا «4 رەت قاتىناسقان ساقا ساڭلاق» چي گۋاڭپۋ اقىرىندا بەيجيڭ وليمپيادا سپورت جارىسىندا ارمانىن جۇزەگە اسىردى. قاردا ەركىن سىرعاناۋ بويىنشا ەرلەردىڭ كەڭىستىكتە ونەر كورسەتۋ شەشۋشى جارىسىنىڭ ەكىنشى اينالىمىندا چي گۋاڭپۋدى قامتىعان 6 شەبەردىڭ بەسەۋى قيىندىعى 5.000 دىك ارەكەتتى تاڭدادى، ٴۇشىنشى بولىپ الاڭعا شىققان چي گۋاڭپۋ سەكىرۋ ارەكەتىن مۇلتىكسىز ورىنداپ، 129.00 ۇپايعا يە بولىپ، كوپتەن بەرى كوكسەگەن التىن مەدالعا قول جەتكىزدى. بۇل جۇڭگو ۋاكىلدەر ۇيىرمەسىنىڭ وسى جولعى جارىستاعى جەتىنشى التىن مەدالى بولىپ، تاريحي ناتيجەلەردى تاعى دا جاڭالادى. الايدا تاعى ٴبىر قىسقى وليمپيادا سپورت جارىسىنا «4 رەت قاتىناسقان ساقا ساڭلاق» جيا زۇڭياڭ جارىس ساپارىن اتتەگەن - ايمەن اياقتاتتى، ول شەشۋشى جارىستىڭ ٴبىرىنشى اينالىمىندا جەتىنشى ورىنعا جايعاسىپ، بولماشى پارىقپەن ەكىنشى اينالىمعا وتە المادى.

  جۇڭگو قىسقا ارالىققا تەز سىرعاناۋ قۇراماسى جارىستى مەدالمەن اياقتاتا المادى. قىسقا ارالىققا تەز سىرعاناۋدىڭ ەڭ سوڭعى ەكى تۇرىندەگى جارىس باسەكەسىندە حان يۇيتۇڭ ايەلدەردىڭ 1500 مەترگە سىرعاناۋىندا جەتىنشى بولدى؛ ەرلەردىڭ 5000 مەترگە كۇش جالعاپ سىرعاناۋ شەشۋشى جارىسىندا جاس ساڭلاق سۇن لۇڭ ابايسىزدا جىعىلىپ قالىپ، جۇڭگو قۇراماسى ەڭ سوڭىندا بەسىنشى ورىندى مىسە تۇتتى. وسى كەزەكتى قىسقى وليمپيادا سپورت جارىسىندا جۇڭگو قىسقا ارالىققا تەز سىرعاناۋ قۇراماسى 2 التىن، 1 كۇمىس، 1 قولا مەدال الدى.

  قىسقى وليمپيادا سپورت جارىس ساپارىن اياقتاتقانداردان تاعى جۇڭگو ەرلەر كەرلينيگ قۇراماسى بار، جۇڭگو قۇراماسى 6:5 ۇپايمەن 2021 - جىلعى دۇنيە ٴجۇزى جۇلدە تالاسۋ جارىسىنىڭ قولا مەدال يەگەرى شۆەتساريا قۇراماسىن جەڭدى، اينالمالى جارىس ناتيجەسى 4 رەت جەڭىپ، 5 رەت جەڭىلۋمەن اياقتاپ، الدىڭعى 4 مىقتىنىڭ قاتارىنا كىرە المادى. بۇل جارىستى «يناباتتىلاردىڭ سايىسى» دەپ اتاۋعا دا بولادى، العاشقى كەزەكتە جۇڭگو قۇراماسى جاڭىلىپ شۆەتساريا قۇراماسىنىڭ سارى كەرلينيگىمەن كەرلينيگتى سوقتى، سول كەزدە قارسى جاق كەڭ پەيىلدىلىكپەن قىزىل كەرلينيگكە ايىرباستاپ الۋعا بولاتىنىن ٴبىلدىردى. سوڭعى كەزەكتە شۆەتساريا قۇراماسىنىڭ 3 - شەبەرى مۇزدى ٴسۇرتۋ بارىسىندا ابايسىزدا كەرلينيگتى قاعىپ كەتەدى، سول كەزدە 5: 4 ۇپايمەن ارتتا تۇرعان جۇڭگو قۇراماسى دا جاعدايدى وزگەرتپەۋدى تاڭدادى.

  جۇڭگو ايەلدەر كەرلينيگ قۇراماسى تىعىرىقتان تىڭ جول تاپتى، انگليا قۇراماسى مەن كانادا قۇراماسىن ىركەس - تىركەس جەڭىپ، ۇقساس 4 جەڭىپ، 5 جەڭىلۋ سىندى ناتيجەمەن اينالمالى جارىستى اقىرلاستىرىپ، كەلەسى اينالىمعا شىعۋدىڭ بولماشى مۇمكىنشىلىگىن ساقتادى. ەڭ سوڭعى 4 مىقتىنىڭ ناتيجەسى 2 - ايدىڭ 17 - كۇنى بەلگىلى بولادى.

  ەرلەردىڭ قاردا ەركىن سىرعاناپ قيا بەتتە كەدەرگىدەن ٴوتىپ ونەر كورسەتۋ شەشۋشى جارىسى نەنىڭ وزىنە سايىس جاريالاۋ ەكەنىنە كۋا بولدى، امەريكالىق شەبەر الەكساندىر حول ايرىقشا جاسامپازدىققا يە «قارسى باعىتتا اينالۋدى» كورسەتتى، بۇل ارەكەتكە تورەشىلەر قيا بەتتە كەدەرگىدەن ٴوتىپ ونەر كورسەتۋ تۇرىندەگى «زەنيت جۇلدىزى» دارەجەسىندەگى جارىس ٴنومىرىن، ياعني 9.45 ٴنومىر بەردى. اقىرىندا ول وسى سەكىرۋمەن بۇكىل الاڭدا بىردەن - ٴبىر 90 نان جوعارى ٴنومىر العان، اعا جۇلدەگەر بولدى.

  ەرلەر مۇز دوبىنىڭ 4 مىقتىسى دا بەلگىلى بولدى، سلوۆاكيا قۇراماسى ەڭ سوڭعى43.7 سەكۋندتا اقىرعى تەڭەستىرۋ دوبىن ەنگىزىپ، ەڭ سوڭىندا «جازا دوبى» ارقىلى امەريكا قۇراماسىن قاتاردان قالدىرىپ، توسىن جەڭىسكە قول جەتكىزدى. ايەلدەر مۇز دوبىنىڭ قولا مەدالعا تالاسۋ جارىسىندا فينلانديا قۇراماسى 0: 4 ۇپايمەن شۆەتساريا قۇراماسىن جەڭىپ، قولا مەدالعا يە بولدى.

  سول كۇنى جيىنى 8 التىن مەدال دوداعا ٴتۇستى، فرانسيا، شۆەتسيا، امەريكا، جۇڭگو، گەرمانيا، كورەيا، كانادا جانە نورۆەگيا بىردەن التىن مەدال الدى. نورۆەگيا 13 التىن، 7 كۇمىس، 8 قولا مەدالمەن مەدال تاقتاسىندا جالعاستى كوش باستادى، جۇڭگو 7 التىن، 4 كۇمىس، 2 قولا مەدالمەن ٴتورتىنشى ورىنعا كوتەرىلدى.