سۋرەتتە: دەنەتاربيە ساباعىنىڭ ناق مايدانى.

 دىڭ باۋ فوتوسى. 

ٴتىلشىمىز دىڭ باۋ حابارلايدى. 2 - ايدىڭ 21 - كۇنى نارات قار شاڭعى الاڭىندا كۇنەس اۋداندىق 5 - ورتا مەكتەپتىڭ وقۋشىسى ياڭ پيڭ باپكەردىڭ كومەگىندە اياعىنا قار شاڭعى تاڭىپ، قولىنا شاڭعى تاياعىن الىپ،  اقىرىن جاتتىعۋ كىلەمشەسىنەن ٴوتىپ، جاتتىعۋ تەكشەسىندە قار شاڭعىمەن جۇرۋگە جاتىلىپ العان سوڭ، ابايلاپ سىرعاناي باستادى... بۇل ونىڭ تۇڭعىش رەت نارات قار شاڭعى الاڭىنا كەلۋى، سونداي - اق، مەكتەپتىڭ ٴبىر رەتكى دەنەتاربيە ساباعى ەدى. سول كۇنى اۋداندىق 5 - ورتا مەكتەپتەن بۇل اراداعى دەنەتاربيە ساباعىنا قاتىناسۋعا كەلگەن وقۋشى 60 تان استى.

بەيجيڭ قىسقى وليمپيادا سپورت جارىسىنىڭ ىقپالىن كەڭەيتىپ «300 ميلليون ادام قار - مۇز سپورتىنا قاتىناسۋدى» شىنايى تياناقتاندىرۋ ٴۇشىن، كۇنەس اۋداندىق وقۋ - اعارتۋ مەكەمەسى، مادەنيەت، دەنەتاربيە، راديو - تەلەۆيزيا جانە ساياحات مەكەمەسى اۋداندىق عىلىم - تەحنيكا بىرلەستىگىن قار شاڭعى الاڭىنىڭ قاراجاتىن شىعارۋعا، قار شاڭعى الاڭىن كولىك شىعارىپ اپارىپ -  اكەلۋگە جاۋاپتى بولۋعا سايكەستىرىپ، ورتا، باستاۋىش مەكتەپ وقۋشىلارىنا قار شاڭعى ساباعىن ٴوتۋدى ورنالاستىردى، ساباق باستاعان ٴبىر اپتانىڭ ىشىندە 400 ورتا، باستاۋىش مەكتەپ وقۋشىسى قار شاڭعى الاڭىنداعى دەنەتاربيە ساباعىنا قاتىناستى. بۇل تىڭ باستاما بۇكىل اۋدانداعى 50 مىڭنان استام ورتا، باستاۋىش مەكتەپ وقۋشىسىنىڭ قار شاڭعى الاڭىنداعى دەنەتاربيە ساباعىنا قاتىناسۋىن ٴتيىمدى تەكشەمەن قامدادى.