汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندار اۋىل شارۋاشىلىعى سالاسىنا ساياتىن ٴبىر توپ ٴمۇسادىرالانعان زاتتى ورتەدى
2022-03-18 15:21:00     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

微信图片_20220315130636.jpg

سۋرەتتە: شوعىرلى ٴبىر تۇتاس ورتەۋ ناق مايدانى.

شياۋ فىنجى فوتوسى


ەرىكتى ٴتىلشى شياۋ فىنجى حابارلايدى. 3 ـ ايدىڭ 14 ـ كۇنى تۇستەن بۇرىن ىلە وبلىستىق اۋىل شارۋاشىلىعى جالپىلىق اكىمشىلىك زاڭ اتقارۋ تارماق اترەتى اۆتونوميالى رايوندىق قوعام حاۋىپسىزدىگى مەڭگەرمەسى ازىق ـ تۇلىك، ٴدارى ـ دارمەك ورتاسى قىلمىستىق ىستەرىن تەكسەرۋ مەكەمەسى باتىس تيانشان بولىمشە مەكەمەسىمەن، قورعاس اۋداندىق، تەكەس اۋداندىق اۋىل شارۋاشىلىعى جالپىلىق اكىمشىلىك زاڭ اتقارۋ ۇلكەن اترەتىمەن بىرگە قورعاس اۋدانىنىڭ قوقىر ـ قوقسىق الاڭىندا، 2021 ـ جىلدان بەرى اۋىل شارۋاشىلىق سالاسىنداعى زاڭعا قايشى ارەكەتتەرگە سوققى بەرۋ قيمىلى بارىسىندا زاڭ بويىنشا ۇستاپ قالىنعان ٴبىر توپ تولىمسىز اۋىل شارۋاشىلىق قۇرال ـ جابدىقتارى، تيىم سالىنعان بالىق اۋلاۋ جابدىقتارى سياقتى ٴمۇسادىرالانعان زاتتى شوعىرلى ٴبىر تۇتاس ورتەدى.

2020 ـ جىلى 1 ـ ايدا ىلە وبلىستىق اۋىل شارۋاشىلىعى جالپىلىق اكىمشىلىك زاڭ اتقارۋ تارماق اترەتى قۇرىلعاننان بەرى اۋىل شارۋاشىلىق قۇرال ـ جابدىقتارىنىڭ، اۋىل شارۋاشىلىق ونىمدەرىنىڭ، مال شارۋاشىلىق ونىمدەرىنىڭ ساپا حاۋىپسىزدىگى، بالىق شارۋاشىلىعى، اۋىل شارۋاشىلىق ماشينا جابدىقتارى سالالارىنا قاتىستى زاڭعا قايشى ارەكەتتەرگە قاتاڭ سوققى بەرىپ، جالپى 761 دەلونى تەكسەرىپ ٴبىر جاقتى ەتىپ، ايىپ سالۋ، ٴمۇسادىرالاۋ كىرىسى ٴبىر ميلليون 35 مىڭ 200 يۋان بولعان. اۋىل شارۋاشىلىعى سالاسىنا ساياتىن ٴتۇرلى بۋىندارداعى ٴتارتىپتى ٴونىمدى وڭاپ، اۋىل ـ قىستاقتى گۇلدەندىرۋ ستراتەگياسىن اتقارۋدى، اۋىل ـ قىستاقتى وڭاۋ جۇيەسى مەن وڭاۋ قۋاتىن وسىزامانداندىرىپ ىلگەرىلەتۋدى پارمەندى زاڭدىق كەپىلمەن قامتاماسىزداندىرعان.

وسى رەتكى ورتەگەن زاتتار نەگىزىنەن مىنالار: جالعان جۇگەرى تۇقىمى، اۋىل شارۋاشىلىعىنا پايدالانىلاتىن جالعان سۋلياۋ جارعاق، زاڭسىز بالىق اۋلاۋ جابدىقتارى سياقتىلار. شوعىرلى ٴبىر تۇتاس ورتەۋ قيمىلى «اۋىل شارۋاشىلىق قۇرال ـ جابدىقتارىنداعى جالعان، جارامسىز تاۋارلارعا سوققى بەرۋ»، «كوك قالقان تۇقىم قورعاۋ»، «قاينارىنان وڭاۋ قيمىلى»، «بالىقشىلىق كاسىبى سەمسەرى» سياقتى ارناۋلى قيمىلداردا جابىق كۇيدە باسقارۋ ماڭىزدى شاراسىن قالىپتاستىرىپ، تولىمسىز اۋىل شارۋاشىلىق ونىمدەرىنىڭ بازارعا كىرۋىنەن ٴونىمدى ساقتانعان.