汉文 ىلە اقپارات تورابىنا حوش كەلدىڭىزدەر!
ىلە وزەنى كورىنىس رايونى ەكولوگيالىق ورتانى قورعاۋ مەن جاسىل دامۋدا بىردەي ونىمدىلىككە قول جەتكىزدى
2022-04-14 12:15:44     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

20220412000357_a99eccbfad634a5c8e273b76944dd2497e797351.jpg

4 - ايدىڭ 11 - كۇنى جۇمىسشىلار قۇلجا قالاسى كەبەكجۇزى اۋىلىنداعى جوعارى ولشەمدى ەگىنجاي قۇرىلىسى نىسانىنىڭ جۇمىس ورنىندا قاربالاس جۇمىس  ىستەۋدە. بۇل نىسان تامامدالعان سوڭ كەبەكجۇزى اۋىلىنداعى 5 مىڭ مۋعا جۋىق ولشەمدەندىرىلگەن ەگىنجايدى سۋارۋ ونىمدىلىگى ٴونىمدى تۇردە جوعارىلاتىلىپ، شارۋالاردىڭ عىلمي جولمەن ەگىن ەگۋ ورەسى اناعۇرلىم جوعارىلاپ، ٴونىمدى ارتتىرىپ، كىرىستى مولايتۋعا ٴتيىمدى شارت - جاعداي ازىرلەيدى. 

سۋرەتتى ٴتىلشىمىز ليۋ چىڭگاڭ تۇسىرگەن.


ٴتىلشىمىز لي يافىڭ حابارلايدى. 4 - اي كىرگەننەن بەرى، قۇلجا قالاسى ىلە وزەنى كورىنىس رايونىندا الۋان ٴتۇرلى كورىنىس اعاشتارى بۇرلەپ، اينالا جاسىلداندى. 4 - ايدىڭ  11 - كۇنى ىلە وزەنى كورىنىس رايونىنىڭ 2 - ٴنومىرلى كەمەتۇراعىندا قالا تۇرعىنى حاۋ يۇيجيە دوسىمەن بىرگە ۇيرەك فورماسىنداعى اياقپەن ارەكەتتەنەتىن قايىققا وتىرىپ، وزەن بەتىندە ٴجۇزىپ، وزەن جاعاسىنىڭ كوركەم كورىنىسىنەن ٴلاززاتتاندى.

مەملەكەتتىك 4A دارەجەلى ساياحات كورىنىس رايونى بولعان ىلە وزەنى كورىنىس رايونى − قۇلجا قالاسىنىڭ تۇرعىندارى سەيىل - سەرۋەن قۇراتىن ماڭىزدى ورىن. جاقىنعى جىلداردان بەرى، بۇل كورىنىس رايونى تاماشا ەكولوگيالىق ورتادان تولىق پايدالانىپ، جوعارى دارەجەلى جوبالاۋدى ۇزدىكسىز ساپالىلاندىرىپ، ساياحاتتى دامىتۋداعى جاڭا قالىپتى جەتىلدىرىپ، ەكولوگيالىق ساياحاتتى اشۋ، دارەجەسىن جوعارىلاتۋ ينجەنەرياسىن زور كۇشپەن اتقارىپ، ەكولوگيالىق ورتانى قورعاۋ مەن جاسىل دامۋدا بىردەي ونىمدىلىككە قول جەتكىزۋ جولىمەن ٴجۇردى.

قۇلجا قالاسى حۋايۋان وڭتۇستىك جولىنىڭ باتىسىنداعى الما كولىنىڭ ورنى بۇرىن قامىستى قوپا بولاتىن، جول لاي - باتپاق بولعاندىقتان، ساياحاتشىلار  بۇل اراعا كەلىپ قوپانى سەيىلدەي المايتىن - دى، قۇلجا قالالىق مادەنيەت، ساياحات مەكەمەسى وتكەن جىلى بۇل ارانى ىلە وزەنى ساياحات نەگىزدىك قۇرىلعىلارىنىڭ دارەجەسىن جوعارىلاتۋ ينجەنەرياسى قاتارىنا ەنگىزدى. قازىر جۇمىسشىلار تۇنبا لاي - باتپاقتى تازالاپ، تابيعي كول قالىپتاستىردى ٴارى بۇرىنعى قوپالى اۋماقتان كولەمى 60 مۋدان اساتىن، مىڭ مەترگە جۋىق جاياۋلار جولى اينالىپ وتەتىن الما فورماسىنداعى جاساندى كول جاساپ، قالا تۇرعىندارىن جاڭا سەيىل - سەرۋەن ورنىمەن قامدادى. 

ىلە وزەنى كورىنىس رايونىنداعى وتباسىلىق سەيىل - سەرۋەن نىسانى قۇرىلىس الاڭىندا توپىراق قازۋ ماشيناسى مەن قۇرىلىس اۆتوكولىكتەرى قايشالىسىپ، قىزۋ دۋماندى ەڭبەك ناۋقانى قالىپتاستى.

«بۇل نىسانعا 6 ميلليون يۋاننان استام قارجى قوسىلعان، 9 قوزعالىسسىز نىسان، 6 قوزعالىستى نىسان قۇرىلىسىن اتقارۋ جوسپارلانعان. مىنا جاقتا جاڭادان قۇمدى ويپاڭ جاسالىپ، قازىر جەر تەگىستەۋ جۇمىسى قاۋىرت جۇرگىزىلۋدە، مەجەمەن 5 - ايدىڭ 15 - كۇنى بارلىق جۇمىس تامامدالادى» دەدى وسى نىساننىڭ ورىنباسار ديرەكتورى حۋاڭ گوديڭ.

ىلە وزەنى كورىنىس رايونى ىلە وزەنىنىڭ ەكولوگيالىق ورتاسىن قورعاۋ جانە جەتىلدىرۋ نەگىزىندە وزەننىڭ ەكى جاعالاۋىنداعى كورىنىسكە سۇيەنىپ، جاپپاي اشىق فورماداعى، كوپ يقۋاتتى ساياحات، كورىنىس رايونىن قالىپتاستىردى. ىلە وزەنى كورىنىس رايونىنداعى قايىقپەن ساياحاتتاۋ نىسانى كورىنىس رايونىنداعى 340 مۋ سۋلى وڭىردەن بىرنەشە ساياحات قايىعى تۇراعىن جاساپ، ۇيرەك  فورماسىنداعى 65 ساياحات قايىعىن ىسكە قوستى. وسى نىساننىڭ اتقارىلۋى ىلە وزەنى كورىنىس رايونىنىڭ تيجارات قالىبىن بايىتىپ قالماستان، ساياحاتشىلاردىڭ سەزىنۋ اسەرىن جوعارىلاتىپ، قالا تۇرعىندارىنىڭ جاپپاي قارسى الۋىنا بولەندى.

«ٴبىز ىسكە قوسقان ەكى شاعىن قايىق تۇراعىنا كۇنىنە كەلەتىن ساياحاتشى 600 دەن، تيجارات سوماسى 10 مىڭ يۋاننان اسادى» دەدى ىلە وزەنى كورىنىس رايونى قايىقپەن ساياحاتتاۋ نىسانىنىڭ نەگىزگى جاۋاپتىسى ۋاڭ شياۋلۇڭ. ول تاعى بىلاي دەدى: قايىقپەن ساياحاتتاۋ نىسانىنان باسقا، 2 - قايىق تۇراعىنىڭ سولتۇستىگىندەگى ىلە وزەنى شاي تاعامجايىنا ٴار كۇنى قىرۋار ساياحاتشى كەلىپ، سۋرەتكە ٴتۇسىپ، تاماقتانادى. بۇل جەردە ساياحاتشىلار تورە تاباق تاۋىق قۋىرماشى، تورە تاباق ۇيرەك قۋىرماشى، ىلەنىڭ ٴداستۇرلى بالسوقتاسى، ٴسۇتتى شاي سياقتى ەرەكشە ٴدامدى تاعامدارىن تاتىپ كورىپ، كوركەم كورىنىستى تاماشالايدى. قازىر بۇل ارا ساياحاتشىلار اسا ۇناتاتىن سەيىل - سەرۋەن، دەمالىس ورنىنا اينالدى.

قۇلجا قالاسى ساينيڭچىن ساياحاتتى دامىتۋ شەكتى جاۋاپكەرلىك سەرىكتەستىگى باس ديرەكتورىنىڭ كومەكشىسى يۇي شياڭنىڭ تانىستىرۋىنشا، قايىق تۇراعىن جاساۋ، «سىم ارقانمەن كەڭىستىكتە ونەر كورسەتۋدى» ەنگىزۋ، وتباسىلىق سەيىل - سەرۋەن باقشاسى، بالالار سەيىل - سەرۋەن باقشاسى، ورتاق پايدالاناتىن ساياحات كولىگى ٴتۇرىن جاڭادان قوسۋ ارقىلى عىلىم - تەحنيكالانعان، زەردەلىلەنگەن، جاناسىمدى، ەكولوگيالى جاڭا ويىن، سەزىنۋ تۇرلەرى قالىپتاستىرىلادى ەكەن. مۇنداعى ماقسات: ىلە وزەنى كورىنىس رايونىن ساياحاتتىڭ جاڭا دامۋ قالىبىنا ىرىقتى تۇردە سايكەستىرۋ. قازىر ىلە وزەنى كورىنىس رايونىندا ساياحاتشىلار كوركەم تابيعات كورىنىسىن تاماشالاۋدان تىس، سەيىل - سەرۋەن ساياحاتىنىڭ ٴار الۋان تۇرلەرىن كورىپ، سەزىنە الادى، ساياحاتشىلاردىڭ ريزا بولۋ سالىستىرماسى زور دارەجەدە جوعارىلاعان.