ماقالاسىن جازىپ، سۋرەتىن تارتقان لاي يۇينيڭ، جاڭ چيڭحۋا (ٴوز تىلشىلەرىمىز)
«جىل ەسەبى كوكتەمدە» دەگەندەي كوكتەم كىرگەننەن بەرى ىلە اڭعارىنداعى جەر - جەر كوكتەمگى ەگىس ٴوندىرىسى قيمىلىن ورىستەتىپ، جەر جىرتىپ، تۇقىم ٴسىڭىرىپ، مايسا جەتىلدىرىپ، اعاش ەگىپ، ورمان وتىرعىزىپ، سۋ يگىلىگى قۇرىلعىلارىن كەمەلدەندىرىپ، كوكتەمگى ەگىس وندىرىسىنە جابال كىرىستى.
جاقىنعى جىلداردان بەرى وبلىسقا توتە قاراستى ورىندار نەگىزگى استىق داقىلى ٴوندىرىسىنىڭ جالپى بارىسىن ماشينالاندىرۋدى ىلگەرىلەتۋ قيمىلىن كۇش سالا ورىستەتتى. بەيدوۋ جول سىلتەگىشى، ۇشقىشسىز ۇشاقپەن وسىمدىكتەردى قورعاۋ سياقتى زەردەلىلەنگەن اۋىل شارۋاشىلىق ماشينالارى جابدىقتارىنان پايدالانىپ، ەڭبەككۇشتىڭ وزىندىك قۇنىن ٴونىمدى تومەندەتتى.
قازىر وبلىسقا توتە قاراستى اۋىل شارۋاشىلىعىن نەگىز ەتكەن 8 اۋداننىڭ بارلىعى «مەملەكەت بويىنشا نەگىزگى ەگىس داقىلى ٴوندىرىسىنىڭ جالپى بارىسىن ماشينالاندىرۋدان ۇلگى كورسەتەتىن اۋدان» بولىپ قۇرىلىپ، اۆتونوميالى وبلىس مەملەكەتتىك اۋىل شارۋاشىلىعى، اۋىل - قىستاق مينيسترلىگى جاعىنان تۇتاس شينجياڭداعى بىردەن - ٴبىر «مەملەكەت بويىنشا قۇرىلىمدىق رەتتەۋدى ەڭ الدىمەن نەگىزىنەن جۇزەگە اسىرعان نەگىزگى استىق داقىلى ٴوندىرىسىنىڭ جالپى بارىسىن ماشينالاندىرۋدان ۇلگى كورسەتەتىن وبلىس» بولىپ بەكىتىلىپ، نەگىزگى ەگىس داقىلىن ەگۋدى، جيناۋدى ماشينالاندىرۋ مولشەرىن %96 كە جەتكىزدى.
وبلىسقا توتە قاراستى ورىندار تاعى ٴوندىرىس جالپى بارىسىن ماشينالاندىرۋ تەحنيكاسىنان پايدالانىپ جوعارى ولشەمدى ۇلگى رايون اتىزىن، شوعىرلى ۇلگى رايونىن، ۇلگى اتىزىن كۇش سالا قالىپتاستىردى. بۇل قازىرگە دەيىن وبلىسقا توتە قاراستى ورىندارداعى %90 اۋىل، قالاشىق، قىستاق، اترەتتى قامتىعان. سونىمەن بىرگە، سۋ ۇنەمدەپ سۋارۋ، وسىمدىكتى كەڭىستىكتەن قورعاۋ، تىڭايتقىشتى دالمە - ٴدال بەرۋ، توپىراقتى تەرەڭدەي بوساتۋ، قورعاۋ سيپاتىندىق ەگىمشىلىك سياقتى تەحنيكالاردى كەڭىنەن جالپىلاستىرىپ، اۋىل شارۋاشىلىعىندا ورتانى قورعاۋمەن بىرگە ٴونىمدى ارتتىرۋدى كۇش سالا جەبەدى.
وبلىسقا توتە قاراستى ورىندار جەردى تەرەڭ جىرتىپ، تەرەڭ قوپسىتۋ، سورتتى تۇقىم ەگۋ، دالمە - ٴدال باپتاۋ، ۇيلەسىمدى تىڭايتقىش بەرۋ سياقتى وزىق اۋىل شارۋاشىلىعى ٴوندىرىس تەحنيكاسىن ۇزدىكسىز اتقارىپ، اۋىل شارۋاشىلىعى ٴوندىرىس تەحنيكاسىن ولشەمدەندىرىپ، شوعىرلاندىرىپ، كولەمدەندىرىپ جالپىلاستىرۋدى جەدەلدەتىپ، سۋ، توپىراق، تىڭايتقىش، ٴدارى، تۇقىم سياقتىلاردى توتەنشە ٴدال، بارىنشا از، بايلىققا اينالدىرىپ پايدالانۋعا بارىنشا كۇش سالىپ، اۋىل شارۋاشىلىعى وندىرىسىندە وزىندىك قۇندى تەجەپ، ونىمدىلىكتى ارتتىرۋعا، ٴونىم مەن كىرىستى ارتتىرۋعا كەپىلدىك ەتتى.
قۇلجا اۋدانى ٴۇشون حۇيزۋ ۇلتتىق اۋىلى توقاشجۇزى قىستاعىنىڭ ديقاندارى بەيدوۋ جول سىلتەۋ تەحنيكاسىنان پايدالانىپ سۋلياۋ جارعاق توسەپ، ەگىن ەگۋدە
قورعاس اۋدانى كۇرە قالاشىعىنداعى ديقاندار ٴىرى تۇرپاتتى ەگىس ماشينامەن جەر جىرتىپ، توپىراق تەگىستەۋدە
ٴجۇزىم اتىزىن شونەكتەۋ
بيڭتۋان 4 - ديۆيزياسى 63 - تۋان 12 - ليانىنىڭ ديقاندارى تۇقىمدىق جۇگەرى ەگۋدە
تامشىلاتىپ سۋارۋ قۇبىرىن جاتقىزۋ
سۋ كولشىگىن سالۋ
جەتىلدىرىلگەن قاربىز مايساسى
جىلىجايدا ەگىلگەن بالدىركوك
چاپچال سىبە اۆتونوميالى اۋدانى كەن اۋىلىنىڭ ديقاندارى جەمىس ورمانى اراسىنا ەگىس داقىلدارىن ارالاستىرا ەگۋدە