汉文 ىلە اقپارات تورابىنا حوش كەلدىڭىزدەر!
شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، اناعۇرلىم ويداعىداي تىلەك توعىستىرىپ، كۇش بىرىكتىرىپ، كورىكتى شينجياڭ قۇرۋ كەرەك
2022-05-24 17:56:30     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلارى شينجياڭ مۇراجايىنىڭ 2 - مەرزىمدىك جاڭا سارايىندا ەكسكۋرسيادا بولىپ، تەكسەرۋ - زەرتتەۋ جۇرگىزدى

شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، اناعۇرلىم ويداعىداي تىلەك توعىستىرىپ، كۇش بىرىكتىرىپ، كورىكتى شينجياڭ قۇرۋ كەرەك

ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن، حى جۇڭيوۋ قاتارلىلار بىرگە ەكسكۋرسيادا بولىپ، تەكسەرۋ - زەرتتەۋ جۇرگىزدى

00352630402_6d3eba78.jpg


5 - ايدىڭ 22 - كۇنى اۆتونوميالى رايوندىق پارتكومنىڭ شۋجيى ما شيڭرۇي شينجياڭ مۇراجايىنىڭ 2 - مەرزىمدىك جاڭا سارايىندا ەكسكۋرسيادا بولىپ، تەكسەرۋ - زەرتتەۋ جۇرگىزىپ، 2 - مەرزىمدىك نىسان قۇرىلىسى، مادەني ەسكەرتكىشتەردى كورمەگە ءتىزۋ جاعدايىن ۇعىستى.

  سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن


  انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 22 - كۇنى ۇرىمجىدەن حابارلايدى. شينجياڭ مۇراجايىنىڭ 2 - مەرزىمدىك جاڭا سارايى جۋىقتا سالىنىپ ءبىتىپ، الەۋمەتكە اشىلدى، 5 - ايدىڭ 22 - كۇنى تۇستەن بۇرىن ما شيڭرۇي، ەركىن تۇنياز، شاۋكەت يمىن، نۇرلان ءابىلماجىن، حى جۇڭيوۋ قاتارلى اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلارى شينجياڭ مۇراجايىنىڭ 2 - مەرزىمدىك جاڭا سارايىنا كەلىپ ەكسكۋرسيادا بولىپ، تەكسەرۋ - زەرتتەۋ جۇرگىزىپ، بىلاي دەپ باسا دارىپتەدى: باس شۋجي شي جينپيڭنىڭ تاريحي، مادەني مۇرالاردى قورعاۋ جونىندەگى ماڭىزدى بايىمداۋلارى مەن شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ ورنالاستىرۋى بويىنشا شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارىپ، جۇڭحۋا ۇلتىنىڭ ءداستۇرلى مادەنيەتىنىڭ قايماعى بولعان مادەني ەسكەرتكىشتەردى شىنايى ويداعىداي قورعاپ، ويداعىداي باسقارىپ، مۇراجايدىڭ فۋنكتسياسىن، رولىن اناعۇرلىم ويداعىداي ساۋلەلەندىرىپ، مادەني ەسكەرتكىشتەردى سويلەتىپ، تاريحتى سويلەتىپ، مادەنيەتتى سويلەتىپ، قالىڭ كادرلار مەن بۇقارانى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا، ”بەستى شىنايى مويىنداۋدى“ كۇشەيتۋگە تاربيەلەپ، جەتەكتەپ، جۇڭحۋا ۇلتى ورتاق تۇلعا تانىمىن بەرىك ورناتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.

  2 - مەرزىمدىك جاڭا سارايدىڭ سالىنىپ ءبىتىپ اشىلۋىنا مەڭزەس، شينجياڭ مۇراجايىنىڭ جالپى قۇرىلىس اۋماعى بۇرىنعىنىڭ 3 ەسەسىنە جۋىق كەڭەيىپ، 49 مىڭنان استام شارشى مەترگە جەتتى، مۇنىڭ ىشىندە الەۋمەتتىك قىزمەت وتەۋ اۋماعى مەن مادەني ەسكەرتكىشتەردى ساقتاۋ اۋماعى %70تەن اسادى. ما شيڭرۇي، ەركىن تۇنياز قاتارلى اۆتونوميالى رايوننىڭ باسشىلارى مۇراجايعا كەلىپ، 2 - مەرزىمدىك نىسان قۇرىلىسى، مادەني ەسكەرتكىشتەردى كورمەگە ءتىزۋ جاعدايىن ۇعىستى. ما شيڭرۇي بىلاي دەدى: مۇراجاي − ادامزات وركەنيەتىن قورعاۋدىڭ جانە جالعاستىرۋدىڭ ماڭىزدى سارايى، وتكەندى، بۇگىنگىنى، ەرتەڭدى جالعايتىن كوپىر. مۇراجاي قۇرىلعى قۇرىلىسىن كۇتىمدەۋ، ساقتالعان بۇيىمداردى قورعاۋ، زەرتتەۋ، كورمەگە ءتىزۋ جانە اقىسىز اشىق ۇستاۋ سياقتى قىزمەتتەردى جوعارى ساپامەن ويداعىداي يگەرىپ، ”ينتەرنەت + تەحنيكادان“ ويداعىداي پايدالانىپ تاراتۋ ارنالارى مەن تاسىلدەرىن كەڭەيتىپ، قالىڭ حالىق بۇقاراسىنىڭ رۋحاني مادەنيەت قاجەتىن اناعۇرلىم ويداعىداي قاناعاتتاندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا مۇراجاي پاراساتىن ۇسىنىپ، مۇراجاي كۇشىن قوسۋ كەرەك.

  2 - مەرزىمدىك جاڭا سارايدا شىت جاڭا «شينجياڭنىڭ تاريحي، مادەني ەسكەرتكىشتەر كورمەسى» بۇقاراعا ۇسىنىلدى، الدىڭعى چين مەزگىلى، ەكى حان پاتشالىعى مەزگىلى، ۋي، جين، وڭتۇستىك - سولتۇستىك پاتشالىقتار مەزگىلى، سۇي، تاڭ مەزگىلى، بەس پاتشالىق، سۇڭ، لياۋ، جين مەزگىلى، يۋان، ميڭ مەزگىلى، چيڭ پاتشالىعى مەزگىلى سىندى 7 بولىكتەن قۇرالعان كورمەدە جۇڭگونىڭ جالپىلىق تاريحى، شينجياڭنىڭ جەرگىلىكتى تاريحى جۇلگە ەتىلىپ، 1570 دانا (توپ) سارا مادەني ەسكەرتكىش شوعىرلى كورسەتىلدى، بۇلاردىڭ ىشىندە تۇڭعىش رەت كورمەگە قويىلعان كىشى ءموران قورىمىنان تابىلعان باعالى مادەني ەسكەرتكىشتەر دە، لوپنۇر اۋدانىنىڭ قياققۇدىق بەلگى وت ەسكى جۇرتىنداعى ارحەولوگيالىق بايقاۋ سياقتى جاڭا جەتىستىكتەر مەن جاڭا بايقاۋلار دا بار. ما شيڭرۇي، ەركىن تۇنياز قاتارلى اۆتونوميالى رايوننىڭ باسشىلارى تانىستىرۋدى مۇقيات تىڭداپ، ءار باعالى مادەني ەسكەرتكىش الدىندا ايالداپ ۇڭىلە كوز جۇگىرتىپ، مادەني ەسكەرتكىشتىڭ استارىنداعى حيكايالاردى ءالسىن - ءالى سۇراپ ۇعىستى. ما شيڭرۇي بىلاي دەدى: تاريح − ءتىرى بولمىس، جالپىلىق تاريحتىڭ، ارنايى تاريحتىڭ ءار قىرىن تۇگەلدەي جەتە زەرتتەپ، شينجياڭنىڭ ءىس جۇزىندىگىمەن تىعىز بايلانىستىرا وتىرىپ جۇڭحۋا ۇلتى ورتاق تۇلعا تانىمىن بەرىك ورناتۋدى زەرتتەۋ، ءتۇسىندىرۋ جۇمىستارىن كۇشەيتۋ، اسىرەسە، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، شينجياڭداعى ءار ۇلتتىڭ ارالاسۋىنىڭ، ىشتەسۋىنىڭ، توعىسۋىنىڭ تاريحي شىندىقتارىن، ارحەولوگيالىق ناقتى زاتتارىن، مادەنيەت مۇرالارىن ىشكەرىلەي اشىپ جانە ءونىمدى پايدالانىپ، مۇراجايدا ساقتالعان مادەني ەسكەرتكىشتەردى، بايتاق دالادا ءتىزىلىپ جاتقان مۇرالاردى، كونە جازبالاردا جازىلعان ماتىندەردى ءتىرىلتىپ، مادەني ەسكەرتكىشتەردى سويلەتىپ، حالىققا تاريحتىڭ پاراساتىن جەتكىزىپ، ۇلتتىڭ ماقتانىش سەزىمىن قاۋلاتىپ، جۇڭحۋانى كوركەيتۋدىڭ، جۇڭگو ارمانىن جۇزەگە اسىرۋدىڭ سەنىمىن، بەكىمىن نىعايتۋ كەرەك.

  ما شيڭرۇي تەكسەرۋ - زەرتتەۋ بارىسىندا بىلاي دەپ اتاپ كورسەتتى: مادەني ەسكەرتكىشتەر − ەڭ جاقسى ايعاق، تاريحي، مادەني مۇرالار جۇڭحۋا ۇلتىنىڭ گەنى مەن قان تامىرىن جالعاپ جاتىر. بۇل مادەني ەسكەرتكىشتەر شينجياڭنىڭ ەجەلدەن جۇڭگو تەرريتورياسىنىڭ ايىرىلماس ءبىر بولىگى ەكەندىگى، كوپ ۇلت شوعىرلى قونىستانعان جانە كوپ مادەنيەت، كوپ ءدىن قاتار ءومىر سۇرگەن ءوڭىر ەكەندىگى سىندى تاريحي شىندىقتى تولىق دالەلدەدى. ءبىز تاريحتى اينا ەتىپ، تاريحتى بۇگىنگە اينا ەتىپ، مادەني ەسكەرتكىشتەردى زەرتتەۋ، ءتۇسىندىرۋ جانە كورسەتۋ، تاراتۋ دەڭگەيىن جوعارىلاتىپ، كادرلار تاربيەسىن، جاستار مەن ورەندەر تاربيەسىن، قوعامدىق تاربيەنى تىڭعىلىقتى، ويداعىداي ورىستەتىپ، قالىڭ كادرلار مەن بۇقارانى جۇڭگونىڭ ءبىر تۇتاس كوپ ۇلتتى مەملەكەت رەتىندەگى تاريحي دامۋى بارىسىندا، شينجياڭداعى ءار ۇلت حالقىنىڭ بۇكىل ەل حالقىمەن بىرگە جۇڭگونىڭ بايتاق تەرريتورياسىن بىرگە اشقان، كوپ نەگىزدى، ءبىر تۇلعالى جۇڭحۋا ۇلتى ۇلى شاڭىراعىن بىرگە تۇلعالاعان تاريحي بارىستى تەرەڭ تۇسىنۋگە جەتەكتەپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، ءار ۇلت بۇقاراسىنىڭ ۇلى وتان مەن جۇڭحۋا ۇلتىنا دەگەن سۇيىسپەنشىلىك دانەكەرىنىڭ اناعۇرلىم بەكەم بولۋىنا، ۇلتتار ىنتىماعىنىڭ يدەيالىق نەگىزىنىڭ اناعۇرلىم مىعىم بولۋىنا مۇمكىندىك جاساپ، اناعۇرلىم ويداعىداي تىلەك توعىستىرىپ، كۇش بىرىكتىرىپ، كورىكتى شينجياڭ قۇرۋ كەرەك.

  جاڭ جۋ، تيان شياڭلي، چىن ۋيجۇن، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلىلار بىرگە ەكسكۋرسيادا بولىپ، تەكسەرۋ - زەرتتەۋ جۇرگىزدى.