بۇقارانىڭ كوجە ـ قاتىق حاۋىپسىزدىگىن قورعادى

سۋرەتتە: ازىق - تۇلىك حاۋىپسىزدىگىن باقىلاۋ - باسقارۋ قىزمەتكەرلەرى ەرەن بازاردا كوكونىستەن كەزدەيسوق ۇلگى الىپ تەكسەرۋدە. 

لي يافىڭ فوتوسى

ٴتىلشىمىز لي يافىڭ حابارلايدى. 6 - ايدىڭ 23 - كۇنى تاڭەرتەڭ ەرتە ازىق ـ تۇلىكتى جەدەل تەكسەرۋ اۆتوكولىگى قۇلجا قالاسىنداعى ىلە تيانباي حالىقارالىق زات ساتىپ الۋ ورتالىق الاڭىنا كەلىپ، قاراپايىم جايعاستىرۋدان كەيىن جۇمىسقا كىرىسىپ كەتتى: ۇستىنە اق حالات كيگەن ەكى تەكسەرۋشى قىزمەتكەر ەرەن بازارعا كىرىپ، جەمىس ـ جيدەك، كوكونىس، سۋ ونىمدەرىنەن رەتى بويىنشا كەزدەيسوق ۇلگى الىپ، اۆتوكولىككە الىپ كەلگەن سوڭ جۇمىس ٴتارتىبى بويىنشا تەكسەرۋ جاسادى. بۇل ىلە وبلىستىق بازار باقىلاۋ ـ باسقارۋ مەكەمەسىنىڭ «ٴسىز كورسەتسەڭىز، ٴبىز تەكسەرەيىك»، «ٴبىز بىرگە تەكسەرەيىك» قىزمەتىن ۇدايىلاندىرۋدى ۇزدىكسىز ىلگەرىلەتىپ، بۇقارانىڭ ازىق ـ تۇلىك حاۋىپسىزدىگىنە نازار اۋدارۋ، ات سالىسۋ جانە سەزىنۋ دەڭگەيىن ٴتىپتى دە جوعارىلاتىپ، ازىق ـ تۇلىك حاۋىپسىزدىگىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ازىق ـ تۇلىك حاۋىپسىزدىگىن بىرگە قۇرىپ، بىرگە جونگە سالىپ، بىرگە يگىلىكتەنەتىن تاماشا قوعامدىق اۋقىم قالىپتاستىرعاندىعىنىڭ ىقشام كورىنىسى ەدى. 

«ٴسىز كورسەتسەڭىز، ٴبىز تەكسەرەيىك»، «ٴبىز بىرگە تەكسەرەيىك» قيمىلى وبلىسقا توتە قاراستى ورىندار ورتاعا قويعان بۇقاراعا بەتپە ـ بەت قىزمەت وتەپ، بۇقارانىڭ كوجە ـ قاتىق حاۋىپسىزدىگىن شىنايى قورعاۋداعى جاڭا شاراسى. قيمىل بارىسىندا قىزمەتكەرلەر ٴبىر جاعىنان تەكسەرىپ، ٴبىر جاعىنان ۇگىت جۇرگىزىپ، بۇقاراعا ۇكىمەتتىڭ باقىلاۋ ـ باسقارۋ تاراۋلارىنىڭ ازىق ـ تۇلىك حاۋىپسىزدىگىن باقىلاۋ ـ باسقارۋ قىزمەتىن قالاي كۇشەيتكەندىگىن ناقتى كورسەتتى.

«بۇرشاق، سۋ ونىمدەرىندە ماسەلە بار - جوقتىعىن تەكسەرىپ كورسەك قايتەدى؟». «جارايدى، ٴسال كۇتە تۇرىڭىز. تەكسەرۋ ناتيجەسى شىققان سوڭ سىزگە ايتىپ بەرەيىن». ىلە تيانباي حالىقارالىق زات ساتىپ الۋ ورتالىعى ەرەن بازارىندا، تۇرعىن يە چۇنشياۋ ازىق ـ تۇلىكتەن ۇلگى الىپ تەكسەرۋ جونىندەگى حالىق رايىن تەكسەرۋ  قاعازىن مۇقيات تولتىردى. 

«مەن ۇنەمى وسى تۇردەگى ازىق ـ تۇلىكتەردى ساتىپ الامىن. تەكسەرۋدەن وتكەن سوڭ الاڭسىز بولدىم» دەدى يە چۇنشياۋ. 

ازىق - تۇلىكتى  جەدەل تەكسەرۋ ماشيناسى − جىلجىمالى تەكسەرۋ كەڭسەسى. بيىل جىل باسىنان بەرى، ىلە وبلىستىق بازار باقىلاۋ ـ باسقارۋ مەكەمەسى قۇلجا قالاسىندا 6 رەت اقىسىز تەكسەرۋ قيمىلىن ورىستەتىپ، كوكونىس، جەمىس ـ جيدەك ، سۋ ونىمدەرى، ەت ونىمدەرى سياقتى ازىق - تۇلىكتەرگە 120 توپ - رەت تەكسەرۋ جۇرگىزىپ، تەكسەرۋ ناتيجەسىن دەر كەزىندە جۇرتشىلىققا اشىق جاريالادى؛ ماسەلە بايقالعان ونىمدەرگە دەرەۋ سورەدەن ٴتۇسىرۋ، ۋاقىتشا ۇستاپ قالۋ سياقتى شارالاردى قولدانىپ، ازىق ـ تۇلىك حاۋىپسىزدىگىنە ساياتىن حاۋىپ ـ قاتەرلەردەن ٴونىمدى ساقتاندى. 

ىلە وبلىستىق بازار باقىلاۋ ـ باسقارۋ مەكەمەسى ازىق ـ تۇلىك حاۋىپسىزدىگىن باقىلاۋ ـ باسقارۋ باسقارماسىنىڭ باستىعى ديڭ ۋي بىلاي دەدى: مەملەكەتتىك ازىق ـ تۇلىك حاۋىپسىزدىگى ۇگىت اپتالىعى قيمىلى ٴار جىلى 6 ـ ايدا وتكىزىلەدى، بيىلعى قيمىلدىڭ باستى تاقىرىبى − «ازىق ـ تۇلىك اناعۇرلىم حاۋىپسىز بولسا، دەنساۋلىق سولعۇرلىم اقاۋسىز بولادى». تاياۋ كۇندەردەن بەرى، ولاردىڭ ازىق - تۇلىك تەكسەرۋ اۆتوموبيلدەرى ساۋدا - ساتتىق شوعىرى بازارلارىنا، كورىنىس رايوندارىنا، ەرەن بازارلارعا بارىپ، ٴتۇرلى ازىق - تۇلىكتەردى  جەدەل تەكسەرىپ، ازىق - تۇلىك حاۋىپسىزدىگىنىڭ تولىمدى بولۋىنا كەپىلدىك ەتىپ، تۇرعىنداردىڭ حاۋىپسىز، الاڭسىز ازىقتانۋىنا مۇمكىندىك جاسادى.