حابارىن جازىپ، سۋرەتىن تۇسىرگەن ٴتىلشىمىز ليۋ چۇنشيڭ

6 ـ ايدا مايتاۋ ـ كۇشار تاس جولى اشىلىپ، ەلىمىزدىڭ جەر ـ جەرىنەن كەلگەن ساياحاتشىلار قۇشاق جايا قارسى الىندى.

مايتاۋ ـ كۇشار تاس جولى، ياعني مەملەكەت تاس جولىنىڭ 217 ـ لەنياسىنىڭ مايتاۋدان كۇشارعا دەيىنگى بولىگى، سولتۇستىگى قارامايلى قالاسىنىڭ مايتاۋ رايونىنان باستالىپ، وڭتۇستىگى اقسۋ ايماعىنىڭ كۇشار قالاسىمەن تۇتاسىپ، قارامايلى قالاسىن، تارباعاتاي ايماعىن، ىلە قازاق اۆتونوميالى وبلىسىن، بايىنعولين موڭعۇل اۆتونوميالى وبلىسىن، اقسۋ ايماعىن باسىپ ٴوتىپ، تيانشاننىڭ تۇستىگى مەن تەرىستىگىن ەندەي وتەدى، جالپى ۇزىندىعى 561 كيلومەتر جالپى جولدىڭ جارتى بولەگىنەن استامىنىڭ تەڭىز دەڭگەيىنەن بيىكتىگى 2 مىڭ مەتردەن اسادى. 6 ـ ايدىڭ 10 ـ كۇنى ٴتىلشى اۆتوكولىكپەن شۋىرما تەكسەرۋ پۋنكتىنەن جولعا شىعىپ، مايتاۋ ـ كۇشار تاس جولىن بويلاپ سولتۇستىككە قاراي جولعا شىعىپ، جول بويىنداعى كورىنىستەردى ەستەلىككە الىپ، سۋرەتكە ٴتۇسىردى. 2021 ـ جىلى 8 ـ ايدا شۋىرمادان مايتاۋ ـ كۇشار تاس جولىنىڭ وڭتۇستىگىن بويلاپ ساپار شەككەن. دەمەك، وسى جولدى نەگىزىنەن باسىپ بولعان. ەكى رەتكى ٴوز كولىگىمەن ساپارعا شىعىپ، كوك اسپان مەن اقشا بۇلتتى، جاڭبىرلى، قارلى، بۇرشاقتى، تۇمان بۇركەگەن اۋا رايىن باستان كەشىرگەن، شىنىندا ٴبىر كۇندە ٴتورت ماۋسىمدى باستان كەشىرگەن ەستەن كەتپەس ەستەمەگە كۋا بولعان.

مايتاۋ ـ كۇشار تاس جولىمەن جەكە كولىكپەن جۇرمەكشى بولساڭىز مايتاۋ ۇلكەن شاتقالى، تاڭبالى، نارات جايلاۋى، بايىنبۇلاق ساحاراسى، تيانشان سىرلى شاتقالى سياقتى كورىنىس رايوندارىنان وتەسىز، سونداي ـ اق لاۋحۋكوۋ، حاشىرگىن اسۋى (تۋنەل)، ۇشمولگاي اسۋى (تۋنەل)، ۇلكەن - كىشى لۇڭچى، تىلەمەت اسۋى، حۇڭشان تاس ورمانى سياقتى كورىنىس تۇيىندەرىن دە كورە الاسىز. نەگىزىنەن ٴۇش ۇلكەن بولەككە بولۋگە بولادى، ٴبىرىنشى بولەگى مايتاۋدان شوىرماعا دەيىن، جول بويى اسپانمەن تىلدەسكەن تاۋلارى جانە تۇمان باسقان كولدەرىمەن، سان قۇبىلعان كورىنىسىمەن ايگىلى. ەكىنشى بولەگىندە شۋىرمادان ۇلكەن لۇڭچى كولىنە دەيىن، قۇلاما قۇزدار، جاسىل جەلەك جامىلعان جايىلىمدار، جاقۇتتاي جارقىراعان كولدەر، ٴجۇز شاقىرىمدىق سۋرەت كاريدورى شەتسىز دە شەكسىز؛  ٴۇشىنشى بولەگى ۇلكەن - كىشى لۇڭچى كولىنەن كۇشارعا دەيىن، وندا تاۋ ٴپىشىنى ايبىندى، سۇلباسى وزگەشە بولىپ، تاسى مەن توپىراعى الۋان ٴتۇرلى، قاعىر شولدەگى توراڭعى ورمانى عاجاپتىلىعىمەن، وزگەشەلىگىمەن كوزگە تۇسەدى. دەمەك، جول بويى تۇرلىشە اۋا رايىن كورەسىز.

مايتاۋ ـ كۇشار تاس جولىنىڭ كوركەمدىگى وزگەشە كورىنىسىندە عانا ەمەس، ونان دا ماڭىزدىسى، ول قاھارماندار جولى. مەملەكەت تاس جولى جاعاسىنداعى شۋىرما قۇرباندار قابىرىستاندىعى مايتاۋ ـ كۇشار تاس جولىن جاساۋ بارىسىندا قۇربان بولعان ٴارى وسى اراعا جەرلەنگەن 168 قۇرباندى ەسكە ٴتۇسىرۋ ٴۇشىن سالىنعان. قاھارماندار وسى ارادا ماڭگىلىك ۇيقىدا جاتىر، ولار ومىرلەرى ارقىلى وسى تاس جولدى كۇزەتۋدە. كوپتەگەن ساياحاتشىلار العاشىندا وسى جولدىڭ كورىنىسىنە قىزىقسا، كەيىن كەلە بۇل جولدىڭ سالىنۋ استارىنداعى رۋحقا تەرەڭ تەبىرەنەدى. ولاردىڭ ساپارى جان دۇنيەلەرىن تازارتىپ قويماي، وتاننىڭ كوركەم تاۋ ـ وزەندەرىن ماقتانىش ەتۋگە، وڭاي ـ وسپاق قولعا كەلمەگەن باقىتتى تۇرمىسقا تەبىرەنۋگە مۇمكىندىك تۋدىرادى.

قازىرگى مايتاۋ ـ كۇشار تاس جولى ەڭ كوركەم مەزگىلدە تۇر، سونداي ـ اق لەنيا بويلاي «كوركەم كورىنىس ەكونوميكاسىن» جانداندىرىپ، ساياحات كاسىبىنىڭ جەدەل دامۋ ارناسىنا تۇسۋىنە دەم بەردى. سوڭعى جىلدارى ساياحاتشىلاردىڭ سەزىنۋ دەڭگەيىن جوعارىلاتۋ ٴۇشىن، شينجياڭ لەنيا بويىنداعى نەگىزدىك قۇرىلعىلار مەن الەۋمەتتىك قىزمەت وتەۋ قۇرىلعىلارى قۇرىلىسىن ۇزدىكسىز كەمەلدەندىرىپ، ساياحاتقا قىزمەت وتەۋ دەڭگەيىن جوعارىلاتتى. بيىلعى مايتاۋ ـ كۇشار تاس جولىندا اۆتوكولىك قاتىناعاندىعىن قۇتتىقتاۋ ٴۇشىن، لەنيا بويىنداعى 5 ايماق (وبلىس، قالا) <مادەنيەت + ساياحات + دەنە تاربيە> فورماسىندا 26 ٴتۇرلى جەلىلەس قيمىل وتكىزىپ، شينجياڭنىڭ جەكە كولىكپەن ساياحاتتاۋ ماركاسىن جاپپاي جاراتتى. ساياحات تاس جولىنىڭ باۋىراعىشىنان، استارىنداعى اسەرلى حيكايالاردان سىرت، جەرگىلىكتى ۇكىمەتتىڭ كوپ ٴتۇرلى ٴتيىمدى ساياساتتارىنىڭ جەبەۋىندە، ٴتىپتى دە كوپ ادامنىڭ ساياحاتتان ٴلاززاتتانىپ، ساياحات پايداسىنان يگىلىكتەنۋىنە مۇمكىندىك جاسالدى.

ساياحاتشىلار «يرەك جول» تۇيىنىندە كورىنىس تاماشالاۋدا

حاشىرگىن اسۋىنداعى ٴبىر كول جاعاسىنداعى قار كورىنىسى

ۇشمولگاي اسۋى

شۋىرما قۇرباندار قابىرىستاندىعى

تاڭبالى ساحاراسىنداعى ۇيشە كولىكتەر

«يرەك جولدار»