لۋ جۇڭ (ٴوز ٴتىلشىمىز)
6 - ايدىڭ 10 - كۇنى مايتاۋ - كۇشار تاس جولىنىڭ تۇتاس جەلىسىندە اۆتوموبيل قاتىناۋدىڭ قالپىنا كەلتىرىلگەنى جونىندەگى حابار دوستار شەڭبەرىنە قاۋىرت شىعارىلدى.
سولتۇستىكتە قارامايلى قالاسىنىڭ مايتاۋ رايونىنان باستالىپ، وڭتۇستىكتە اقسۋ ايماعىنىڭ كۇشار قالاسىنا تۇتاساتىن مايتاۋ - كۇشار تاس جولىنىڭ جالپى ۇزىندىعى 561 كيلومەتر. ونىڭ جارىمىنان استام جەرى اسقار تاۋلاردى، تەرەڭ شاتقالداردى كەسىپ وتەتىندىكتەن، «جۇڭگو مەملەكەت جاعراپياسى» جۋرنالى جاعىنان «تيانشان تاۋىنىڭ جوتاسىن تۇتاستىراتىن كورىنىس جولى» دەپ باعالانعان. الايدا، تيانشان تاۋلى رايونىندا قىستا قار جاۋۋ، مۇز قاتۋ سياقتى جاراتىلىستىق فاكتورلاردىڭ ىقپالىنان، مايتاۋ - كۇشار تاس جولىندا ٴار جىلى اۆتوموبيل قاتىناۋ ۋاقىتى جارىم جىلعا جەتپەيدى. الىستى جاقىنداتتى
تاۋلى شالعاي وڭىرگە ورنالاسقاندىقتان كوپ جىلدان بەرى ىلە اڭعارى ەل ٴىشى - سىرتىنداعى ساياحاتشىلاردىڭ نازارىن اۋدارا الماي كەلدى. قانشا دەگەنمەن، مۇندا كەلىپ ۇزاق ساپار شەگۋ ٴۇشىن اناعۇرلىم كوپ ۋاقىت جانە اقشا جۇمساۋمەن بىرگە، مىعىم كۇش - جىگەر دە قاجەت.
2006 - جىلى 7 - ايدىڭ 15 - كۇنى بەيجيڭ ۋاقىتى ساعات 9 دان 45 مينۋت وتكەندە، نارات اۋەجايىنىڭ العاشقى ۇشۋ مىندەتىن اتقارعان وڭتۇستىك اۆياتسيا سەرىكتەستىگى بوينCZ6893 737 ۇشاعى نارات اۋەجايىنا باياۋ قوندى. نارات اۋەجايى − شينجياڭداعى 15 ٴتۇيىندى قۇرىلىس نىسانىنىڭ ٴبىرى، سونداي - اق شينجياڭداعى تۇڭعىش ساياحات تارماق اۋەجايىنىڭ ٴبىرى، ٴۇرىمجى - نارات اۋە جولىنىڭ اشىلۋى بۇرىنعى 10 نەشە ساعاتتىق ساپاردى 50 مينۋتقا قىسقارتتى.
2010 - جىلى 7 - ايدىڭ 1 - كۇنى جىڭ - قۇلجا- قورعاس تەمىر جولىندا جولاۋشىلار پويەزى قاتىنادى.
تەمىر جول مەن اۋەجايدىڭ سالىنۋى ىلە اڭعارىنا كىرۋدىڭ ٴبىرىنشى قادامى عانا ەدى. ٴارقايسى كورىنىس رايونىنا تەز قارقىنمەن جەتۋدى جۇزەگە اسىرۋ ٴۇشىن، جوعارى ٴونىمدى تاس جول تورابى قاجەت بولاتىن.
2019 - جىلى 9 - ايدا G218 لەنياسىنىڭ ٴدوڭمازار - نارات جوعارى قارقىندىق تاس جولى 3 جىلدىق قۇرىلىستان كەيىن پايدالانۋعا بەرىلدى، قۇلجا قالاسىنان نارات كورىنىس رايونىنا دەيىنگى اۆتوموبيل جولى 5 ساعاتتان 3 ساعاتقا قىسقاردى. بۇل جوعارى قارقىندىق تاس جول − اۆتونوميالى رايوننىڭ جوعارى قارقىندىق، جوعارى دارەجەلى تاس جول تورابىنداعى ماڭىزدى قۇرامداس جول بولەگى بولىپ، ىلە اڭعارىنداعى 13 كورىنىس رايونىن تۇتاستىردى.
چيڭشۇيحى - قۇلجا، كەڭساي - قورعاس، ٴدوڭمازار - نارات، قۇلجا - ٴدوڭمازار، ٴدوڭمازاردان نىلقىعا باراتىن G578 جوعارى قارقىندىق تاس جولىنىڭ ىركەس - تىركەس سالىنۋىنا بايلانىستى، ىلە اڭعارىنداعى ٴارقايسى اۋدان، قالاعا باراتىن جوعارى قارقىندىق تاس جول تورابى جانە اۋەجاي، تەمىر جول كۇن سايىن كەمەلدەنگەن سترەولدى قاتىناس تورابىن قالىپتاستىرىپ، ساياحات دەمالىس رايونىن، ساياحات كورىنىس رايونىن، كورىنىس ٴتۇيىنىن اۋىل - قىستاق حالىقتىق تۇسەلحاناسىن، «ساياحات +» ۇلگى كورسەتۋ ٴتۇيىنىن تىعىز ۇشتاستىرىپ، الىستى جاقىنداتتى.
«مىعىم قۋاتتى» بەكەمدەدى
ساياحات كاسىبىنىڭ جوعارى ساپالى دامۋىن ىلگەرىلەتۋ ٴۇشىن، «13 - بەسجىلدىقتان» بەرى ىلە وبلىسى جوبانى جەتەكشى ەتۋدە تاباندى بولىپ، ىلگەرىندى - كەيىندى «ىلە وبلىسىنىڭ ساياحات كاسىبىن دامىتۋدىڭ <13 - بەسجىلدىق> جوباسى»، «ىلە وبلىسىنىڭ مادەنيەت كاسىبىن دامىتۋدىڭ <13 - بەسجىلدىق> جوباسى»، «ىلە وبلىسىنىڭ جەكە كولىكپەن ساياحاتتاۋ جالپى جوباسى»، «ىلە حالىقارالىق ساياحات اڭعارىنىڭ زەردەلى ساياحات جالپى جوباسى» سياقتى جەتەكشى جوبالاردى ورىندادى ٴارى ساياحات جوباسىن قاتىناس - تاسىمالدى دامىتۋ جوباسى، قالا - قالاشىقتاردىڭ جالپى تۇلعالىق جوباسى، اۋىل - قىستاقتى گۇلدەندىرۋ جوباسى، ەكولوگيالىق ورتانى قورعاۋ جوباسى سياقتى ارناۋلى جوبالارمەن ۇشتاستىرىپ، ساياحات كاسىبىنىڭ جوبانىڭ جەتەكشىلىگىندە عىلمي، ٴتارتىپتى دامۋىنا كەپىلدىك ەتتى. سونىمەن بىرگە، ٴارقايسى اۋدان، قالالاردىڭ كورىنىس رايوندارىن قۇرۋ جانە جولاۋشىلاردى شوعىرلاندىرۋ - جونەلتۋ ورتالىعى، جەكە كولىكپەن ساياحاتتاۋ لاگەرى، ساياحات كورىنىس جولى، ساياحات شاعىن قالاشىعى قۇرىلىسىن جەدەلدەتۋگە جەتەكشىلىك ەتتى.
قازىر وبلىسقا توتە قاراستى ورىنداردا A دارەجەلىدەن جوعارى 84 كورىنىس رايونى بار، بۇلار نارات، قاراجون كورىنىس رايوندارى سىندى 5A دارەجەلى 2 كورىنىس رايونىن، قازانشى ۇلتتىق سالت - سانا ساياحات رايونى، ىلە وزەنى كورىنىس رايونى سياقتى A4 دارەجەلى 24 كورىنىس رايونىن جانە 3A دارەجەلى 36 كورىنىس رايونىن قامتيدى؛ مەملەكەت دارەجەلى 42 مادەنيەت - ساياحات ماركاسى بار، مۇنىڭ ىشىندە قاراجون، كولدەنەڭ سىندى 2 جەردە دۇنيە جۇزىلىك جاراتىلىستىق مۇرا ورنى، تەكەس اۋدانى، قۇلجا قالاسى سىندى مەملەكەتتىك تاريحي مادەنيەت ايگىلى قالاسى، موڭعۇلكۇرە اۋدانى، تەكەس اۋدانى سىندى 2 مەملەكەتتىڭ جالپى وڭىرلىك ساياحاتتان ۇلگى كورسەتۋ ٴوڭىرى بار؛ اۆتونوميالى رايون دارەجەلى 19 مادەنيەت - ساياحات ماركاسى بار، بۇلار اۆتونوميالى رايون دارەجەلى 5 ەكولوگيالىق ساياحات ۇلگى رايونىن، اۆتونوميالى رايون دارەجەلى 3 جالپى وڭىرلىك ساياحاتتان ۇلگى كورسەتۋ ٴوڭىرىن قامتيدى. ساياحات ونىمدەرى دە جالاڭ تاۋلى وڭىرلەردىڭ جاراتىلىستىق ەكولوگياسىن تاماشالاۋ تيپىنەن تاۋلى وڭىرلەردەگى سەيىل - سەرۋەن، دەمالىس تيپىنە، قالا مەن اۋىلدى گۋمانيتارلىق جاقتان سەزىنۋ تيپىنە جانە شەكارادان كىرىپ - شىعۋ ساياحاتىنىڭ توعىسپالى تيپىنە قاراي بىرتىندەپ دامىپ، جەكە كولىكپەن ساياحاتتاۋ، كۇتىنۋ ساياحاتى، ساۋدا ساياحاتى، دالالىق سەيىل - سەرۋەن قيمىلى سياقتى ساياحاتتىڭ جاڭا كاسىپ فورماسى قارىشتاپ دامىدى.
نەگىزدىك قۇرىلعى قۇرىلىسىنىڭ دەمەۋىندە بيىل جىل باسىنان بەرى ىلە وبلىسىنىڭ ساياحات ماركاسى قۇرىلىسىنىڭ كورىنەۋ تۇيىندەرى ارت - ارتىنان جارىققا شىقتى: قۇلجا - موڭعۇلكۇرە تاس جولى، مايتاۋ - كۇشار تاس جولى «ەل ىشىندەگى ٴوز اۆتوكولىگىمەن ساياحاتتاۋ جول لەنياسىنداعى قاۋىرت ىزدەلگەن 10 ورىننىڭ» تىزىمدىگىنە قوسىلدى، كۇنەس اۋدانى نارات شاڭعى تەبۋ ساياحاتى ٴساتتى تۇردە اۆتونوميالى رايون دارەجەلى قار شاڭعى ساياحاتى دەمالىس ورنى بولىپ قۇرىلدى ... ىلە ساياحاتى دامۋدىڭ «مىعىم قۋاتىن» ۇزدىكسىز بەكەمدەپ، ٴتىپتى دە كوپ ساياحاتشىنى باۋرادى.
ماركا ارقىلى ساياحاتتى جەبەدى
2011 ـ جىلى 1 - ايدىڭ 14 - كۇنى مەملەكەتتىك 5A دارەجەلى ساياحات رايوندارىنىڭ ماڭدايشالىعىن تاراتۋ جينالىسى بەيجيڭدە اشىلدى، نارات كورىنىس رايونى 5A دارەجەلى ساياحات كورىنىس رايونى بولىپ رەسمي باعالانىپ، تيانشان بوعدا كولى، قاناس، ٴجۇزىم سايىنان كەيىنگى شينجياڭداعى 4 ـ ورىندا ەرەكشە داڭققا يە بولعان كورىنىس رايونى بولدى ٴارى وبلىسقا توتە قاراستى ورىندارداعى تۇڭعىش 5A دارەجەلى ساياحات كورىنىس رايونى بولدى.
كەزەكتە، 54 مۋ جەردى يەلەگەن ىلە ۇلتتىق سالت ـ سانا مادەنيەت كورمە رايونىنىڭ وزەكتى رايون نىسانى مەن الەۋمەتتىك نەگىزدىك قۇرىلعىلاردىڭ دارەجەسىن جوعارىلاتۋ، جاڭالاۋ ينجەنەرياسى جەدەل اتقارىلۋدا، التىشۋار مادەنيەت، سەيىل ـ سەرۋەن ەرەكشە كوشە رايونىن قورعاۋ، دارەجەسىن جوعارىلاتۋ، جاڭالاۋ ينجەنەرياسى العاشقى ادىمدا ونىمدىلىككە قول جەتكىزدى. سونىمەن بىرگە، ساياحاتشىلاردىڭ قاجەتىنە ساي، «التىشۋار ٴمالىسى - قازانشى - ىلە وزەنى - جىبەك جولى ساياحات شاعىن قالاشىعى» رومانتيكالى سەيىل ـ سەرۋەن ٴبىر كۇندىك ساياحات لەنياسىن، «ۋاڭ مىڭ كىتاپ ٴۇيى - التىشۋار كوشەسى سالت ـ سانا مادەنيەتى كورمە سارايى، الەكساندىر گارمون ساقتاۋ سارايى - حان اۋلەتى حانشاسى ەسكەرتكىش سارايى - لين زىشۇي ەسكەرتكىش سارايى» سياقتىلاردى نەگىز ەتكەن زەرتتەۋ ـ ۇيرەنۋ - ساياحات لەنياسىن، سونداي ـ اق، «وبلىستىق مۇراجاي - حان اۋلەتى حانشاسى ەسكەرتكىش سارايى - قۇلجا قالالىق جوبا كورمە سارايى - لين زىشۇي ەسكەرتكىش سارايى - زىسۋليرىن جۇپار ٴشوپ كاسىپ باقشاسى - جىبەك جولى شۇعىلاسى ساياحاتى شاعىن قالاشىعى» قۇلجانى تاماشالاۋ ٴبىر كۇندىك ساياحاتى سىندى سارا ساياحات لەنياسىن ٴتۇيىندى تۇردە اشىپ، كوشە ارقىلى ساۋدانى جەبەۋ، ساۋدا ارقىلى ساياحاتتى گۇلدەندىرۋ، ساياحات ارقىلى دامۋدى جەبەيتىن، حالىقتى اۋقاتتاندىرىپ، حالىققا تيىمدىلىك جاسايتىن، تۇرعىن ٴۇي مەن ساياحاتتان ورتاق يگىلىكتەنەتىن ساياحاتتىڭ دامۋ جاعدايىن قالىپتاستىردى.
قامال الۋدىڭ تىڭ جولىن قاراستىردى
ادامداردىڭ ساياحاتتىق تۇتىنۋ سۇرانىسى مەن دەڭگەيىنىڭ ۇزدىكسىز جوعارىلاۋىنا ىلەسە، سارا ساياحات - ساياحات كاسىبىنىڭ جوعارى ساپالى دامۋىن جۇزەگە اسىرۋداعى جاڭا اۋقىمعا اينالدى.
ىلە وبلىسىنىڭ ساياحات بايلىعى توتەنشە مول، كوركەم جاراتىلىستىق كورىنىستەر مەن وزگەشە ۇزاق تاريحي مادەنيەتكە يە. سارا ساياحات لەنيالارىن اشۋ ابزال بايلىقتى شوعىرلاندىرۋعا اناعۇرلىم ٴتيىمدى بولىپ، وڭىرلىك ساياحاتتىڭ ٴتيىمدى سەلبەستىگىن، ىقپالداسىپ دامۋىن جەبەپ، كاسىپ سالاسىنىڭ دامۋىنا ۇزاق ۋاقىت توسقىندىق جاساپ كەلگەن «جولدىڭ ۇزاق، ساياحاتتىڭ قىسقا بولۋى» سىندى قيىن ماسەلەنى شەشىپ، ساياحات كاسىبىنىڭ جالپى تۇلعالىق دارەجەسىن جوعارىلاتۋعا، جاپپاي بۇرىلىس جاساۋىنا جەتەكشىلىك ەتىپ، «بايلىق داۋىرىنەن»، «ايگىلى ماركا داۋىرىنە» قادام تاستالدى.
ايگىلى ماركا جەتىلدىرۋدى كۇشەيتۋ ٴۇشىن، ىلە وبلىسى ۇزدىكسىز بايلىقتى بىرىكتىرۋ ارقىلى ساياحات جەلىسى ونىمدەرىنىڭ دارەجەسىن جوعارىلاتۋدى ۇزدىكسىز ىلگەرىلەتتى.
كاسىپ سالاسىن وزەك ەتىپ، كاسىپ تىزبەگىن كەڭەيتتى. ساياحات كاسىبىنىڭ «كورىنىس ٴوڭىرى ساياحاتىنان»، «جالپى وڭىرلىك ساياحاتقا» قاراي دامۋىن ىلگەرىلەتىپ، ساياحاتتىڭ وسىزاماندانۋ، شوعىرلانۋ، ساپالىلانۋ، حالىقارالانۋ دەڭگەيىن كۇش سالا جوعارىلاتتى.
جوعارى ساپالى دامۋدى باعدار ەتىپ، كاسىپ شوعىرىن قۇردى. بايلىقتى بىرىكتىرۋ، مازمۇنىن اشۋ ارقىلى ونىمدەردىڭ ورەسىن كوتەرىپ، دارەجەسىن جوعارىلاتۋدى جۇزەگە اسىرىپ، 2025 - جىلعا بارعاندا مەملەكەتتىڭ A 4 دارەجەلىدەن جوعارى 30 كورىنىس رايونىن جوعارى ولشەمدە تيجارات جۇرگىزۋ، باسقارۋدى جۇزەگە اسىرۋعا كۇش سالىنۋدا.
اۋىل ـ قىستاقتى گۇلدەندىرۋدى نىسانا ەتىپ، اۋىل ـ قىستاق ساياحاتىن ىلگەرىلەتتى. اۋىل ـ قىستاق باۋ ـ باقشالارىنىڭ كورىنىسى، تۇنىق سۋ، جاسىل تاۋ، قىستاق قۇرىلىسى، ۇلتتىق سالت ـ سانا سياقتىلارمەن ۇشتاستىرىپ، وزىندىك ەرەكشەلىككە يە اۋىل ـ قىستاق ساياحات لەنيالارىن اشىپ، اۋىل ـ قىستاق ساياحات نەگىزدىك قۇرىلعى قۇرىلىسىنىڭ دەڭگەيىن جوعارىلاتىپ، 2025 ـ جىلى مەملەكەتتىك اۋىل ـ قىستاق ساياحاتى ٴتۇيىندى قىستاعىن 15 تەن اسىرۋعا مۇمكىندىك جاسالۋدا.
قىسقى ساياحاتتى قامال الۋ ٴتۇيىنى ەتىپ، سايابىر ماۋسىمداعى ساياحات ەكونوميكاسىن سەرپىلتتى. اققۋ كولى كورىنىس ٴوڭىرى، نارات حالىقارالىق قار ـ مۇز ساياحاتى دەمالىس رايونى سياقتى قار ـ مۇز سپورتى ورتالىعىن اشۋدى ىلگەرىلەتىپ، اراسان بايلىعى ابزالدىعىن ساۋلەلەندىرىپ، قىس ماۋسىمىندا اراساندا كۇتىنۋ ساياحاتى دامىتلادى.
ٴبىر قىدىرۋ ساياحات سارا قۇرىلىسى نىساندارىنىڭ سالىنۋى جانە اتقارىلۋى ىلە ساياحاتىنىڭ جوعارى ساپالى دامۋىنا بەرىك نەگىز قالايدى، ىلە مادەنيەت ـ ساياحات كاسىبى دە دامۋدىڭ تىڭ كەزەڭىن قارسى الادى.
جانبۇلاق ۇلتتىق سالت - سانا ساياحات رايونى ٴان - ٴبي كونسەرتى
سۇن ي - نان فوتوسى
قۇشتارلىق
جۇپار شوپپەن تۇرلەنگەن ارۋ كەلبەتى
سۇن ي - نان فوتوسى
قورعاس اۋدانىنداعى ەرەكشەلىككە يە ٴدامدى تاعامدار جارىسى
جاڭ چيڭحۋا فوتوسى
موڭعۇلكۇرە ساحاراسىندا جۇيتكىگەن تۇلپارلار لاي يۇينيڭ فوتوسى
ۇلكەن قۇشتاي ساحاراسى لاي يۇينيڭ فوتوسى
التىشۋارداعى حالىقتىق تۇسەلحانا جاڭ چيڭحۋا فوتوسى