汉文 ىلە اقپارات تورابىنا حوش كەلدىڭىزدەر!
كادرلار مەن بۇقارا ايكۇلشە جاساپ، جۇڭچيۋ مەرەكەسىن قۇتتىقتادى
2022-09-14 11:05:38     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

قورعاس اۋدانى سورتتى تۇقىم جەتىلدىرۋ ورتالىعى 3 ـ قىستاعىندا

 كادرلار مەن بۇقارا ايكۇلشە جاساپ، جۇڭچيۋ مەرەكەسىن قۇتتىقتادى

QQ图片20220914111606.jpg

سۋرەتتە: قىستاق كادرلارى مەن قىزمەت اترەتىنىڭ مۇشەلەرى ما شياۋليڭنىڭ ۇيىندە ايكۇلشە جاساۋدا.

 سۋرەتتى سورتتى تۇقىم جەتىلدىرۋ ورتالىعى قامدادى.


ٴتىلشىمىز پاتيما، ەرىكتى ٴتىلشى ٴمۇنيرا حابارلايدى.  ۇستەگى جىلى 9 - ايدىڭ 6 - كۇنى قورعاس اۋداندىق ساياسي كەڭەستىڭ اۋداندىق سورتتى تۇقىم جەتىلدىرۋ ورتالىعى 3 ـ قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى، قىستاق «ەكى كوميتەتىنىڭ» كادرلارى تۇرعىندارمەن بىرگە قىستاق تۇرعىنى ما شياۋليڭنىڭ ۇيىندە ايكۇلشە جاساپ، جۇڭچيۋ مەرەكەسىن قۇتتىقتادى.

«ايكۇلشەنىڭ وراماسىن تۇيە وتىرىپ ۇستىنە قاراي جىمىرىپ، قيماسىن تولىق وراپ الامىز، سوندا عانا قيماسى جارىلىپ كەتپەيتىن بولادى». ما شياۋليڭ قىستاق تۇرعىنى ٴزۇلپيا مۇحتارعا ايكۇلشە جاساۋدىڭ تەتىگىن ىقىلاسپەن ۇيرەتتى. ما شياۋليڭنىڭ جەتەكشىلىگىندە ٴزۇلپيا ايكۇلشەنى بارعان سايىن ادەمى جاسادى، بۇعان ونىڭ كوڭىلى توعايدى.

كوپشىلىك شاتتىق كۇلكىسى ىشىندە جۇمىس بولىستەرى بويىنشا سەلبەسىپ، ٴوزارا كومەكتەسىپ، قولعابىس تيگىزدى. وراماسىن دايىنداۋ، قيماسىن ٴتۇيۋ، قالىپتاۋ ارقىلى ادەمى جاسالعان ايكۇلشەلەر ازىرلەنىپ بولعان سوڭ پىسىرىلۋدا.

قىزمەت اترەتىنىڭ مۇشەسى لي مەيپيڭ كوپشىلىككە جۇڭچيۋ مەرەكەسى جونىندەگى ٴداستۇرلى مادەنيەتتى باياندادى، كوپشىلىك ونىڭ ٴسوزىن سۇيىنە تىڭدادى. «وسى مەرەكەدە مەن قيما دايىنداۋ، ايكۇلشە جاساۋدى عانا ۇيرەنىپ قالماستان، كوپتەگەن ٴداستۇرلى مادەنيەتتى ۇعىندىم، وتە ٴماندى  بولدى» دەدى ٴزۇلپيا قۋانا.

ادەمى ايكۇلشەلەر تابادان پىسىپ شىققاندا كوپشىلىكتىڭ جۇزدەرىنەن باقىت كۇلكىسى ەستى. ىلە - شالا، كوپشىلىك كورشى - قولاڭدارعا ايكۇلشەدەن ٴدام تاتقىزدى.

«قىزىم كەشە ايكۇلشە جەگىسى كەلەتىنىن ايتىپ ەدى، مىنەكي بۇگىن مەيىر ايكۇلشەسىن تاپسىرىپ الدىق، كەشتە ٴدامدى تاماق ازىرلەپ، ايكۇلشەدەن الا وتىرىپ جۇڭچيۋ مەرەكەسىن وتكىزەمىز» دەدى مەيىر ايكۇلشەسىن تاپسىرىپ العان قىستاق تۇرعىنى گۇلبانۋ بايجان قىزى قۋانا.

«وسىنداي قيمىلدار ارقىلى جۇڭحۋانىڭ تاڭداۋلى ٴداستۇرلى مادەنيەتىن بارىنشا ساۋلەلەندىرىپ، جۇڭچيۋ مەرەكەسىندە كوپشىلىككە باقىت تىلەۋمەن بىرگە، كادرلار مەن بۇقارانىڭ قارىم - قاتىناسىن نىعايتىپ، كورشىلەر ارا جاراسىمدىلىقتى جەبەپ، <ۇلتتار ىنتىماعىنىڭ بەرەكەلى شاڭىراعىنىڭ> رايىن ٴتىپتى دە قويۋلاتا تۇسسەك دەيمىز» دەدى سورتتى تۇقىم جەتىلدىرۋ ورتالىعى 3 ـ قىستاعىنىڭ ٴبىرىنشى شۋجيى، قىزمەت اترەتىنىڭ باستىعى دۇڭ يىنجىن.

ۇعىسۋىمىزشا، قورعاس اۋدانىنداعى اۋىل ـ قالاشىقتار، مەكەمە - ورىندار مەن كاسىپورىندار بەلسەنە اتتانىسقا كەلىپ، ايكۇلشە جاساۋ، ايكۇلشەدەن بىرگە ٴدام تاتۋ، سونداي - اق مەرەكەلىك حال سۇراۋ سياقتى قيمىلداردى ۇيىمداستىرىپ، ٴار ۇلت بۇقاراسىمەن مەرەكەنى بىرگە تويلاعان.