汉文 ىلە اقپارات تورابىنا حوش كەلدىڭىزدەر!
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-09-26 12:15:03     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

ما شيڭرۇي، ەركىن تۇنياز قۇرىلۋ جينالىسىنا قاتىناستى ءارى ماڭدايشالىعىن اشتى

00352661574_ef945325.jpg


شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگىنىڭ قۇرىلۋ جينالىسى جانە ماڭدايشالىعىن اشۋ سالتى 9 - ايدىڭ 23 - كۇنى شينجياڭ حالىقارالىق ءماجىلىس - كورمە ورتالىعىندا وتكىزىلدى. سۋرەتتە: اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز بىرگە كاسىپورىننىڭ ماڭدايشالىعىن اشۋدا.

 سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن


انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 23 - كۇنى ۇرىمجىدەن حابارلايدى. شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگىنىڭ قۇرىلۋ جينالىسى جانە ماڭدايشالىعىن اشۋ سالتى 9 - ايدىڭ 23 - كۇنى شينجياڭ حالىقارالىق ءماجىلىس - كورمە ورتالىعىندا وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي جينالىسقا قاتىناستى ءارى ءسوز سويلەدى، اۆتونوميالى رايوننىڭ ءتوراعاسى ەركىن تۇنيازبەن بىرگە كاسىپورىننىڭ ماڭدايشالىعىن اشتى.

سۋ − شينجياڭنىڭ ەكونوميكالىق، قوعامدىق دامۋىنىڭ جان تامىرى، سۋ بايلىعىنان پايدالانۋ ونىمدىلىگى نەعۇرلىم جوعارى بولعان سايىن، شينجياڭنىڭ دامۋ ءورىسى دە سولعۇرلىم كەڭەيە تۇسەدى. بيىل جىل باسىنان بەرى، اۆتونوميالى رايوندىق پارتكوم مەن ۇكىمەت باس شۋجي شي جينپيڭنىڭ سۋ تىزگىندەۋ، سۋ يگىلىگىن گۇلدەندىرۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، ”سۋ ۇنەمدەۋدى الدىمەن ويلاستىراتىن، كەڭىستىك جاعىندا تەڭگەرىمدى، جۇيەلى جونگە سالىناتىن، ەكى جاقتان بىردەي كۇش جۇمسايتىن“ سۋ تىزگىندەۋ وي جەلىسىنە تاباندى بولىپ، سۋ ۇنەمدەۋدى، سۋ ساقتاۋدى، سۋ جەتكىزۋدى ءبىر تۇتاس جوسپارلاپ ىلگەرىلەتۋدى شينجياڭنىڭ باياندى تىنىشتىعىنا قاتىستى ءتۇبىرلى، نەگىزدىك، ۇزاق بولاشاقتىق قىزمەت ەتىپ، تالاي رەت جۇيەلى تەكسەرۋ - زەرتتەۋ جۇرگىزىپ، تۇراقتى كوميتەت ءماجىلىسىن، اڭگىمە ءماجىلىس جانە ارناۋلى تاقىرىپتىق ءماجىلىس، ت. ب لاردى اشىپ، تۇتاس رايوننىڭ سۋ يگىلىگى قىزمەتىن عىلمي جوسپارلاپ ورنالاستىرىپ، شينجياڭ ەرتىس وزەنى قارجى قوسۋ - اشۋ، ىلە وزەنى سۋ يگىلىگى، سۋ ەلەكترى قارجى قوسۋ - اشۋ، شينجياڭ سۋ يگىلىگى، سۋ ەلەكترى بارلاۋ، تەكسەرۋ، جوبالاۋ زەرتتەۋ ورنى، شينجياڭ سۋ يگىلىگى قارجى قوسۋ - جارنا تىزگىندەۋ سەرىكتەستىگى سياقتى كاسىپورىندار مەن ورىنداردى رەتتەپ، قايتا ۇيىمداستىرىپ، شينجياڭ سۋ يگىلىگىن دامىتۋ، قارجى قوسۋ (توبى) شەكتى سەرىكتەستىگىن قۇرىپ، رايونىمىزدىڭ سۋ يگىلىگى نەگىزدىك قۇرىلعىلارىنىڭ ولقىلىقتارىن تولىقتاۋدى ىلگەرىلەتىپ، باياندى دامۋعا تۇساۋ بولىپ وتىرعان كورنەكتى كەدەرگىلەردى ءبىر جايلى ەتىپ، سۋ يگىلىگى ىستەرىنىڭ اقاۋسىز دامۋىن جەبەۋدى ۇيعاردى.

ما شيڭرۇي اۆتونوميالى رايوندىق پارتكوم مەن ۇكىمەت اتىنان، شينجياڭ سۋ يگىلىگىن دامىتۋ، قارجى قوسۋ توبىنىڭ قۇرىلعاندىعىن قىزۋ قۇتتىقتاپ، سۋ يگىلىگى قىزمەتىنىڭ ءبىرىنشى شەبىندە قاجىرلىلىقپەن شايقاس جۇرگىزىپ جاتقان قالىڭ كادرلاردان، جۇمىسشى - قىزمەتكەرلەردەن شىنايى حال سۇرادى. ول بىلاي دەپ اتاپ كورسەتتى: شينجياڭ سۋ يگىلىگىن دامىتۋ، قارجى قوسۋ توبىن قۇرۋ رايونىمىزدىڭ سۋ يگىلىگى رەفورماسى، دامۋ تاريحىنداعى بەلگى سيپاتتى ماڭىزعا يە ءىرى ءىس، رايونىمىزدىڭ باس شۋجي شي جينپيڭنىڭ سۋ تىزگىندەۋ، سۋ يگىلىگىن گۇلدەندىرۋ جونىندەگى ماڭىزدى بايىمداۋلارىن جانە شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋدەگى، تياناقتاندىرۋداعى ستراتەگيالىق شاراسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدەگى، ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ورىنداۋداعى ماڭىزدى امالياتى، مەملەكەت مەنشىگىندەگى كاسىپورىندار رەفورماسىن تەرەڭدەتىپ، رايونىمىزدىڭ مەملەكەت مەنشىگىندەگى مال - مۇلىكتى ستراتەگيالىق سيپاتتى ورنالاستىرۋىن ىلگەرىلەتۋدەگى ناقتى ارەكەتى. جاڭا باستامادا شينجياڭ سۋ يگىلىگىن دامىتۋ، قارجى قوسۋ توبىنىڭ پارتيانىڭ باسشىلىعىن كاسىپورىن رەفورماسىنىڭ، دامۋىنىڭ جالپى بارىسىمەن ساباقتاستىرىپ، اۆتونوميالى رايوننىڭ كەلەلى ستراتەگيالارىنا ىرىقتىلىقپەن قىزمەت وتەپ، ءتۇيىندى سۋ يگىلىگى ينجەنەريا نىساندارىن جەدەل اتقارىپ، قارجى قوسۋ، قارجى قۇراۋ تۇزىلىسىندە جاڭالىق اشۋدى قاراستىرىپ، وسى زامانعى كاسىپورىن ءتۇزىمىن جەدەل ورناتىپ، بازارلاندىرىلعان تيجارات جۇيەسىن كەمەلدەندىرىپ، عىلىم - تەحنيكادا قامال الۋدى جانە تەحنيكانى وزگەرتىپ، دارەجەسىن جوعارىلاتۋدى كۇشەيتىپ، شارۋاشىلىقتى باسقارۋ دەڭگەيىن ءوسىرىپ، ساپا حاۋىپسىزدىگىن باسقارۋدى كۇشەيتىپ، شينجياڭ ەرەكشەلىگىنە يە 100 ميللياردتىق كاسىپ سالاسى توبىن جەدەل قۇرىپ، سۋ ۇنەمدەۋدە، سۋ ساقتاۋدا، سۋ جەتكىزۋدە باستاماشى بولۋ، جەتەكتەۋ رولىن ءونىمدى ساۋلەلەندىرىپ، كورىكتى شينجياڭ قۇرۋ ءۇشىن سۋ حاۋىپسىزدىگىن، سۋ قامتاماسىزدىعىن، سۋ تىرەگىن ازىرلەۋىن ءۇمىت ەتەمىن. اۆتونوميالى رايوننىڭ مەملەكەت مەنشىگىندەگى كاسىپورىندار رەفورماسى باسشىلىق گرۋپپاسى ءبىر تۇتاس جوسپارلاپ سايكەستىرۋدى جانە قۋزاۋ - جەتەكشىلىك ەتۋدى كۇشەيتىپ، كاسىپورىنداردىڭ رەفورماسىن، دامۋىن دەمەۋ كەرەك. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، سۋ يگىلىگى مەڭگەرمەسى جانە قاتىستى تاراۋلار باقىلاۋ - باسقارۋ، جەتەكشىلىك ەتۋ، قىزمەت وتەۋ قىزمەتتەرىن ويداعىداي ىستەپ، كاسىپورىنداردىڭ دامۋىن، زورايۋىن قولداۋ كەرەك. جەر - جەر تۇتاس رايوننىڭ سۋ يگىلىگىن دامىتۋ كەلەلى جاعدايىنا بەلسەنە قىزمەت وتەپ، شارۋاشىلىق - ساۋدا ورتاسىن ساپالىلاندىرىپ، قىزمەت وتەۋدى قامتاماسىز ەتۋدى كۇشەيتىپ، شينجياڭنىڭ سۋ يگىلىگى ىستەرىنىڭ جوعارى ساپالى دامۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.

ماجىلىستە «شينجياڭ سۋ يگىلىگىن دامىتۋ، قارجى قوسۋ (توبى) شەكتى سەرىكتەستىگىن قۇرۋ جونىندەگى بەكىتۋ» جانە «جۇڭگو كوممۋنيستىك پارتياسى شينجياڭ سۋ يگىلىگىن دامىتۋ، قارجى قوسۋ (توبى) شەكتى سەرىكتەستىگى كوميتەتى مەن ءتارتىپ تەكسەرۋ كوميتەتىن قۇرۋ جونىندەگى حابارلاندىرۋ» وقىلدى؛ سەرىكتەستىكتىڭ باسشىلىق القاسىنىڭ مىندەتكە وتىرۋ قاۋلىسى جاريالاندى.

شينجياڭ سۋ يگىلىگىن دامىتۋ، قارجى قوسۋ توبىنىڭ جاۋاپتى جولداستارى مەن جۇمىسشى - قىزمەتكەرلەر ۋاكىلدەرى، اۆتونوميالى رايوندىق سۋ يگىلىگى مەڭگەرمەسىنىڭ، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ جاۋاپتى جولداستارى ءسوز سويلەدى.

تيان شياڭلي، چىن ۋيجۇن، ياڭ فاسىن، ەلزات احمەتجان، قادەن كابەن قاتارلىلار قاتىناستى. اۆتونوميالى رايونداعى قاتىستى تاراۋلار مەن ورىنداردىڭ، سۋ يگىلىگىنە قاتىستى ورىنداردىڭ جانە كاسىپورىنداردىڭ جاۋاپتى جولداستارى قاتارلىلار قاتىناستى.