汉文 ىلە اقپارات تورابىنا حوش كەلدىڭىزدەر!
قۇلجا قالاسىندا ٴارقايسى ٴىرى ساۋدا بازارلارى مەن ەرەن بازارلار جانە ۋنيۆەرسالدى بازارلار تيجاراتىن تارتىپپەن قالپىنا كەلتىردى
2022-10-13 11:43:51     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

20221008000222_098ba1388166bfb090476deb154a38862b439002.jpg

سۋرەتتە: ەرەن بازاردىڭ ەسەپ - قيساپ جاساۋشى قىزمەتكەرلەرى قاريدارلار ساتىپ العان تاۋاردىڭ كودىن جايمالاۋدا.

جاڭ يان فوتوسى

تىلشىمىز ياڭ جيڭ - ي، ەرىكتى ٴتىلشى جاڭ يان حابارلايدى. 10 - ايدىڭ 1 - كۇنى قۇلجا قالاسى شاندۇڭ جولىنداعى جياشياڭحاۋ ۋنيۆەرسالدى ەرەن بازارى، كوككوپىردەگى ۋانلي ساۋدا بازارىنىڭ ەرەن بازارى، چىڭدۇڭ ۋنيۆەرسالدى تولايىم ساتۋ بازارى سياقتى 10 ٴىرى ساۋدا بازارى ەرەن بازار مەن اۋىل شارۋاشىلىق ونىمدەرى بازارى ۇدايىلانعان ىندەتتەن ساقتانۋ - تىزگىندەۋ جانە حاۋىپسىزدىك حاۋىپ - قاتەرىنەن ساقتانۋ قىزمەتىن ويداعىداي ىستەۋمەن بىرگە، تيجاراتتى تارتىپپەن قالپىنا كەلتىردى.

وسى كۇنى شاندۇڭ جولىنداعى جياشياڭحاۋ ۋنيۆەرسالدى ەرەن بازارىنىڭ كىرەر اۋزىندا قىزمەتكەرلەر قاريدارلاردىڭ ورىن كودىن جايمالاپ، دەنە تەمپەراتۋراسىن ولشەتىپ، تارتىپپەن كىرۋىنە جەتەكشىلىك ەتىپ جاتتى. وسى ورىن جاۋاپتىسى بىلاي دەپ تانىستىردى: «ەرەن بازار 3 قابات، قاريدارلارعا حاۋىپسىز زات ساتىپ الۋ ورتاسىن جاراتۋ ٴۇشىن، ٴبىز 9 - ايدىڭ 29 - كۇنىنەن باستاپ، ەرەن بازاردىڭ جولى، جەرى، زات سورەسى، تاۋارلارى، زات تيەۋ ارباسى سياقتىلاردىڭ ٴبارىن تازالاپ جانە زارارسىزداندىرىپ، ۋاقىتى وتكەن ازىق - تۇلىكتەردى سورەدەن ٴتۇسىرىپ، ٴبىر جاقتى ەتتىك».

بۇل ەرەن بازار كىرىپ - شىعاتىن ادامدار سانىنا دا شەكتەمە قويدى. قالا تۇرعىنى جىڭ داندان بىلاي دەدى: «ٴبىز ەرەن بازارعا كىرگەندە قىزمەتكەرلەردىڭ ٴالى دە مۇقيات زارارسىزداندىرىپ جاتقانىن كوردىك، ىندەتتەن ساقتانۋ قىزمەتى جاقسى ىستەلىپتى، الاڭسىز زات ساتىپ الاتىن بولدىق».

سول كۇنى حۋارۇي ساۋدا بازارى  زارارسىزداندىرۋ قىزمەتى ويداعىداي ىستەلىپ بولعاننان كەيىن رەسمي قاقپاسىن اشىپ، قاريدارلاردى قابىلدادى. بۇل ساۋدا بازارىندا 700 نەشە ساۋدا دۇكەنى بار، تومەن حاۋىپ - قاتەرلى اۋماقتارداعى دۇكەن يەلەرى ىركەس - تىركەس كەلىپ، زارارسىزداندىرۋ جۇمىستارىن ىستەپ بولعاننان كەيىن، تيجارات جۇرگىزە باستادى. ساۋدا بازارىنىڭ قىزمەتكەرلەرى بازاردىڭ قاقپاسىندا زارارسىزداندىرۋ، كود جايمالاۋ قىزمەتتەرىن مۇقيات ىستەپ ٴارى قاريدارلارعا ماسكانى ولشەمدى تاعۋدى، زات ساتىپ العاندا ٴبىر اراعا جينالماۋدى، توپتاسپاۋدى قاداعالاپ وتىردى.

ىندەتتەن ساقتانۋ - تىزگىندەۋ كەزىندە، ساۋدا بازارىنىڭ ساۋداگەرى جاڭ جينحۋا 30 نەشە كورپە تاپسىرىسىن قابىلداعان ەدى. تيجارات قالپىنا كەلگەن العاشقى كۇنى ول دۇكەننىڭ ٴىشى - سىرتىن زارارسىزداندىرىپ جانە تازالاپ بولىپ، ىلە - شالا قاريداردىڭ زاتىن دايىنداي باستادى.

ۇعىسۋعا قاراعاندا، وسى رەتكى تيجاراتتى تارتىپپەن قالپىنا كەلتىرۋ قىزمەتىندە قۇلجا قالالىق بازاردى باقىلاۋ - باسقارۋ مەكەمەسى تيجارات ورىندارىنىڭ زارارسىزداندىرىلۋى، قىزمەتكەرلەردىڭ حىسۋان تەكسەرتۋى، تازالىق ىستەۋى جاعدايلارىنا مۇقيات تەكسەرۋ جۇرگىزىپ، ۋاقىتى وتكەن ازىق - تۇلىكتەردى سورەدەن ٴتۇسىرۋ، تاۋارلارعا انىق باعا جازۋ، ورىن كودىن جاپسىرۋ، ادامداردى ٴبىر اراعا جيناماۋ سياقتى ىستەرگە باقىلاۋ - تەكسەرۋ جۇرگىزىپ، تيجاراتىن قالپىنا كەلتىرۋى كەدەرگىگە ۇشىراعان دۇكەن يەلەرىنىڭ ٴىس جۇزىندىك قيىنشىلىقتارىن ىرىقتىلىقپەن شەشكەن.

قۇلجا قالالىق بازاردى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ياڭ لين بىلاي دەپ تانىستىردى: «قاراستىلىعىمىزداعى ٴارقايسى بازار تۇلعالارى ىندەتتەن ساقتانۋ - تىزگىندەۋ تالابى بويىنشا ٴتۇرلى ىندەتتەن ساقتانۋ - تىزگىندەۋ قىزمەتىن ويداعىداي ىستەۋدە. قالا حالقى بازارعا شىققاندا جەكەلىك قورعانۋدى ويداعىداي جاقسى ىستەپ، حىسۋان مالىمەتىنىڭ قالىپتىلىعىن تالاپ بويىنشا ساقتاپ، ٴبىر اراعا جينالماي، توپتاسپاي ٴتارتىپتى تۇردە زات ساتىپ العانى ٴجون».