قورعاستىڭ ومىرشەڭدىك كۇشى تاسقىندادى
شۇي جيەجى (ٴوز ٴتىلشىمىز)
قورعاستا «قۇبا ٴتۇزدىڭ داڭعىل جولعا اينالىپ، ٴىرى كاسىپورىنداردىڭ ٴجيى ورنالاسۋى، تام ۇيلەردىڭ ورنىن بيىك عيماراتتاردىڭ باسۋى، ٴشول دالانىڭ جاسىل جەلەك جامىلۋى» ەرتەگى ەمەس، كەزىندەگى شەكاراداعى شاعىن قالاشىق 10 جىلدىق دامۋدى باستان وتكەرىپ، ەلىمىزدىڭ باتىسقا ەسىك اشۋداعى ماڭىزدى تەرەزەسىنە، شينجياڭ ەكونوميكاسىنىڭ جوعارى ساپالى دامۋىنىڭ ارتۋ ۇيەگىنە، شەكارا بويىنداعى كوركەيتۋ، ەسىك اشۋدان ۇلگى كورسەتۋ رايونىنا، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگىنە اينالدى.
بۇل ارادا كوپتەگەن كاسىپورىن تاعدىرلارىن وزگەرتەتىن ساحناعا يە بولىپ، اۋىل - قىستاقتاعى بۇقارانىڭ تۇرمىسى بارعان سايىن ۇمىتكە تولىپ، سىرتتان كەلگەن شارۋاشىلىق قۇرۋشىلار وزدەرىنىڭ جاڭالىق اشۋ ارمانىن قۋىپ كەلەدى... 10 جىل زاتتىق تۇرمىستى ۇزدىكسىز جاقسارتىپ قانا قالماستان، قايراتتانا العا ۇمتىلاتىن رۋحاني كۇيدى، باسەكەلەسە العا ىلگەرىلەيتىن جاڭالىق جاراتۋ رۋحىن سيلادى.
قورعاس جوعارى ساپالى دامۋدىڭ شەشۋشى كەزەڭىندە، وراي مەزگىلىندە، قامال الۋ مەزگىلىندە تۇر. مەملەكەت، اۆتونوميالى رايون، اۆتونوميالى وبلىس قورعاستىڭ دامۋىنا ايرىقشا ٴمان بەرىپ، ٴبىرقىدىرۋ ەرەكشە مەحانيزم جانە ەرەكشە ساياسات شىعارىپ، «وتكەل ەكونوميكاسىنان» «شەكارا وتكەلى ەكونوميكاسىنا» قاراي بۇرىلىس جاساۋدى جەدەلدەتىپ، قورعاس ەكونوميكاسىنىڭ جوعارى ساپالى دامۋىنا پارمەندى تىرەك ازىرلەدى.
التىنشى رەت جاڭالانعان قورعاس مەملەكەت قاقپاسى. ۋاڭ جىنيۇي فوتوسى
قورعاس قالاسىنىڭ تۇنگى كورىنىسى. يۇڭ چىڭفان فوتوسى
قورعاس اۋىل شارۋاشىلىق عىلىم - تەحنيكا كاسىپ سالاسى باقشاسى. لي يۇڭ فوتوسى
قورعاس قالاسىنىڭ اۋەدەن تۇسىرىلگەن كورىنىسى. ۋ جىحىڭ فوتوسى
قورعاس تەمىر جول وتكەلى. ۋ جىحىڭ فوتوسى
قورعاس جۇڭگو - قازاقستان سەلبەستىك ورتالىعىنىڭ تۇتاستىرۋ وتكەلى
باتىس جۇڭگو - باتىس ەۆروپا تاس جولى. شۋە بوۋىن فوتوسى