كەرەمەت 10 جىل  —

تۇتاس وڭىرلىك ساياحاتتىڭ اسەم كارتيناسى

حابارىن جازىپ، سۋرەتىن تارتقان لاي يۇينيڭ، جاڭ چيڭحۋا (ٴوز تىلشىلەرىمىز)

ىلەنىڭ جاراتىلىستىق كورىنىسى ايرىقشا كوركەم، ۇلتتىق سالت - سانا مادەنيەتى مايەكتى، مادەني مۇرا بايلىعىنىڭ تاريحى ۇزاق. ساياحات كاسىبىن دامىتۋ، اسىرەسە، تۇتاس وڭىرلىك ساياحاتتان ۇلگى رايون قۇرۋدا ابزال شارت - جاعدايعا يە.

پارتيا 18 - قۇرىلتايىنان بەرى ىلە وبلىسى «ساياحات ارقىلى وبلىستى گۇلدەندىرۋ» ستراتەگياسىن ىشكەرىلەي اتقارىپ، كورىنىس رايوندارىنىڭ ساپاسىن ۇزدىكسىز جوعارىلاتىپ، ساياحات كاسىبىنىڭ مازمۇنىن ۇزدىكسىز مولايتىپ، «مادەنيەت + ساياحاتتىڭ»  ىشكەرىلەي توعىسۋىن كۇش سالا ىلگەرىلەتىپ، «تەز جەتىپ، اسىقپاي ساياحاتتايتىن» ساياحات قاتىناس تورابىن قۇرىپ جانە كەمەلدەندىرىپ، «ٴتورت ماۋسىمدا دا ساياحاتتاۋ»، «كۇندىز - ٴتۇنى ساياحاتتاۋ» سىندى ٴتورت ماۋسىمدا دا، ٴارقانداي ۋاقىتتا دا ساياحاتتاۋعا تاماشا شارت - جاعداي ازىرلەدى. قازىر ساياحات كاسىبى ىلە وبلىسىنىڭ ٴار ۇلت بۇقاراسىن كىرىستى ارتتىرىپ، اۋقاتتانۋعا باستايتىن حالىققا ٴتيىمدى كاسىبى بولۋمەن بىرگە، ىنتىماقتىلىق پەن ورنىقتىلىقتى، جاراسىمدىلىق پەن باقىتتى، تاماشا ەكولوگيانى ايگىلەيتىن ايگىلى كاسىپ سالاسىنا اينالدى.

«ساياحات + مادەنيەت»، «ساياحات + قاتىناس»، «ساياحات + زەرتتەۋ - وقىتۋ»، «ساياحات + دەنەتاربيە»، «ساياحات + اۋارايى»، «ساياحات + اۋىل - قىستاق»... بۇگىنگى تاڭدا «ساياحات +» ۇلگىسى باسقا كاسىپتەرگە تىڭ قوزعاۋشى كۇش ۇستەپ قانا قالماستان، ساياحات كاسىبىنىڭ دامۋىنا اناعۇرلىم زور دامۋ كەڭىستىگىن جاراتتى. اسىرەسە، تۇتاس وڭىرلىك ساياحاتتىڭ «تۇيىنگە كۇش سالۋدان» «بارلىق جەردە جالپىلاسۋىنا» ساي، ونىڭ قۋاتتى باستاماشىلىق رولى ساياحاتتى «اقشا جاسايتىن» «التىن ساۋساققا» اينالدىردى، اۋىل - قىستاق ساياحاتى، قار - مۇز ساياحاتى، سالاماتتىق كۇتىنۋ ساياحاتى، زەرتتەۋ - وقىتۋ ساياحاتى، ۇلتتىق سالت - سانا ساياحاتى سياقتى «ساياحات +» ەرەكشە كاسىپ كۇيى ۇزدىكسىز جارىققا شىعىپ، ساياحات كاسىپ سالاسى ىلە وبلىسى ەكونوميكاسىنىڭ جوعارى ساپالى دامۋىن ىلگەرىلەتەتىن جاڭا جەتەكشى ٴارى ستراتەگيالىق تىرەكتى كاسىپ سالاسىنا اينالدى.

تەكەس اۋدانى قاراجون جايلاۋىنىڭ گۇلگە ورانعان جاز مەزگىلى. 

ساياحاتشىلار قورعاس وتكەلىندەگى 5 - رەت جاڭالانعان مەملەكەت قاقپاسىنىڭ الدىندا سۋرەتكە ٴتۇسىپ ەستەلىك قالدىرۋدا.

ساياحاتشىلار قۇلجا قالاسى قازانشى ۇلتتىق سالت - سانا ساياحات رايونىندا ٴان - بيدەن ٴلاززاتتانۋدا.

توعىزتاراۋ اۋدانىنداعى جىرعالاڭ وزەنىنىڭ كۇزگى كورىنىسى.  لي ۋىن فوتوسى 

سىبە ۇلتىنىڭ ەرەكشە ساياحات ونىمدەرىن تانىستىرۋ.

نىلقى اۋدانى تاڭبالى كورىنىس رايونىنداعى ساياحاتشىلار.

قۇلپىرعان تاۋ گۇلى.