كەرەمەت 10 جىل -
وسىزاماندانعان اۋىل شارۋاشىلىعىندا تىڭ قادام باستالدى
لاي يۇينيڭ، جاڭ چيڭحۋا (ٴوز تىلشىلەرىمىز)
پارتيا 18 - قۇرىلتايىنان بەرى ىلە وبلىسى «اۋىل شارۋاشىلىعى، اۋىل - قىستاق، شارۋالار» ماسەلەسىن ويداعىداي ٴبىر جاقتى ەتۋدى ەڭ ماڭىزدى ورىنعا قويۋعا تاباندى بولىپ، اۋىل شارۋاشىلىعىندا قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى، اۋىل شارۋاشىلىعىنىڭ ونىمدىلىگىن جوعارىلاتىپ، ەگىنشى - مالشىلاردىڭ كىرىسىن ۇزدىكسىز ارتتىرۋدى نىسانا ەتىپ، اۋىل شارۋاشىلىعى، اۋىل - قىستاق قىزمەتىنىڭ جوعارى ساپالى دامۋىن ۇزدىكسىز ىلگەرىلەتتى.
جاقىنعى جىلداردان بەرى ىلە وبلىسى ابزال، ەرەكشە كاسىپ سالاسىن زورايتۋعا، الۋەتتەندىرۋگە، ەگىمشىلىك كاسىبىن دامىتۋدى اۋىل - قىستاقتى گۇلدەندىرۋدەگى ماڭىزدى كاسىپ رەتىندە مىقتى يگەرۋگە تاباندى بولىپ، ەگىمشىلىكتى كولەمدەندىرۋ، داقىل ەگۋدى ماشينالاندىرۋ، ولشەمدەندىرىپ باسقارۋ، سيفرلاندىرۋ قۇرىلىسىن اتقارىپ، ەگىمشىلىك كاسىبىن نەگىز ەتىپ، مانەرلەۋ، ساقتاۋ، بالعىن كۇيىندە جەتكىزۋ سياقتى كاسىپتەرگە دە ويىسىپ، اۋىل شارۋاشىلىعى سەيىل - سەرۋەنى، اۋىل - قىستاق ساياحاتى، ماركا قۇرىلىسى، كاسىپتەردى توعىستىرۋ سياقتى جاقتاردا تۇتاس كاسىپ تىزبەگىندىك دامۋ ۇلگىسىن قالىپتاستىردى.
پارتيا 18 - قۇرىلتايىنان بەرى ىلە وبلىسىنداعى استىق ەگىلگەن جەر اۋماعى 6 ميلليون 30 مىڭ مۋعا، جوعارى ولشەمدى اتىز 4 ميلليون 235 مىڭ مۋعا جەتىپ، مۇنىڭ ىشىندە جوعارى ٴونىمدى سۋ ۇنەمدەيتىن اتىز ٴبىر ميلليون 230 مىڭ مۋ بولىپ، تۇتاس شينجياڭ بويىنشا ەڭ ٴىرى جۇگەرى، كۇرىش ٴوندىرىس بازاسىنا جانە ماڭىزدى ٴبيداي، سويا بۇرشاق ٴوندىرىس بازاسىنا اينالدى. اۋىل شارۋاشىلىعىنىڭ كاسىپ سالالانۋى جاپپاي جوعارىلاتىلىپ، وبلىس دارەجەلىدەن جوعارى اۋىل شارۋاشىلىعىن كاسىپ سالالاندىرۋداعى كوشباسشى كاسىپورىننىڭ سانى 153 كە جەتتى؛ اۋىل شارۋاشىلىعىنىڭ جابدىقتالۋ دەڭگەيى كورنەكتى جوعارىلاپ، 2021 - جىلدىڭ سوڭىندا ىلە وبلىسىنا توتە قاراستى ورىنداردىڭ اۋىل شارۋاشىلىعى ماشينالارىنىڭ جالپى قۋاتى 2 ميلليون 390 مىڭ كيلوۆاتقا جەتىپ، 2012 - جىلعىمەن سالىستىرعاندا 800 مىڭ كيلوۆات ارتىپ، جىلدىق ارتۋ مولشەرى 80 مىڭ كيلوۆات بولدى؛ تراكتور سانى 52 مىڭ 846 عا جەتىپ، ىلە وبلىسىنا توتە قاراستى ورىنداردا نەگىزگى ەگىس داقىلدارىن ەگۋ - جيناۋدىڭ ۋنيۆەرسالدى ماشينالانۋ ورەسى %98 كە جەتىپ، 2012 - جىلعىمەن سالىستىرعاندا 12 پايىز جوعارىلادى؛ اۋىل شارۋاشىلىق ونىمدەرىنىڭ ۇلگى الىپ تەكسەرۋدە تولىمدى بولۋ سالىستىرماسى %98 تەن اسىپ، اۋىل شارۋاشىلىعىن، اۋىل - قىستاقتى وسىزامانداندىرىپ دامىتۋدى ىلگەرىلەتۋدى ماڭىزدى تىرەكپەن قامدادى.
ماشينالاسقان ٴبيداي ورۋ جۇمىستارى.
كولەمدەنگەن ەگىمشىلىك.
ۇشقىشسىز ۇشاقپەن تىڭايتقىش بەرۋ.
اۋىل شارۋاشىلىق ٴدارىسىن شاشۋ.
ەكپە ساڭىراۋ قۇلاق.
ٴىرى تۇرپاتتى ماقتا تەرۋ ماشيناسى جۇمىس ۇستىندە.
زەردەلىلەنگەن جىلىجايدا مايسا جەتىلدىرۋ.
داقىلداردىڭ ٴوسۋ بارىسىن زەردەلى سيفرلانعان اسپاپپەن باقىلاۋ.