كەرەمەت ون جىل . اۋدان - قالالاردىڭ بەينەسى
باقىت كورسەتكىشى جوعارى، قونىستانۋعا جايلى سەگىز تاڭبالى قالاشىق
جاڭ جينفىڭ (ٴوز ٴتىلشىمىز)
تەكەس اۋدانىنىڭ سەگىز تاڭبالى قالاشىعى − قونىستانۋعا جايلى ٴارى باقىت كورسەتكىشى جوعارى قالاشىق.
تاياۋ جىلداردان بەرى، تەكەس اۋدانى قالا قۇرىلىسى، ەكولوگيالىق ورمان شارۋاشىلىعى، ساياحات كاسىبى سياقتى جاقتاردا كۇش سالىپ، «دۇنيە جۇزىلىك قاراجون . جۇڭگو سەگىز تاڭبالى قالاشىعى» بولعان قونىستانۋعا جايلى ٴارى باقىت كورسەتكىشى جوعارى تەكەستى قۇرىپ، ٴتۇرلى ىستەردى ۇزدىكسىز ىلگەرىلەتىپ، تەكەس اۋدانىنىڭ ەكونوميكالىق، قوعامدىق دامۋىنىڭ جاڭا جاعدايىن جاراتتى.
تەكەس اۋدانى «جولى تەگىس، سۋى ىركىلىسسىز اققان، تام قابىرعالارى كوركەم، لەنيا سىمدارى رەتتى تارتىلعان، جول شىراقتارى جايناعان، كوشەسى تازا، ورتاسى جاسىلدانعان، كوشەلەرى تۇتاسقان، وركەنيەتتى ٴارى ٴتارتىپتى»، ٴجۇرىس - تۇرىسقا، قونىستانۋعا جايلى ورتا جاراتىپ، قالا مەن اۋىلدىڭ بەت - بەينەسى شىت جاڭا تۇسكە ەنىپ، اۋدان ورتالىعى اۆتونوميالى رايوننىڭ تازا قالا قايتا تەكسەرۋىنەن ٴساتتى ٴوتىپ، «مەملەكەت دارەجەلى باۋ - باقشالى اۋدان ورتالىعى» اتاعىن الدى، قازىر قالاشىق رايونىنداعى جاسىلدانعان جەر اۋدانى 365.27 گەكتارعا، جاسىلدانۋ مولشەرى %42 كە جەتتى.
قازىر تەكەس اۋدانىندا 100 مۋدان اساتىن 25 جەمىس ورمانى بازاسى بار، مۇنىڭ ىشىندە ۋاكىلدىك سيپات الاتىنداردان: 10 مىڭ مۋلىق باتىس الحور بازاسى، مىڭ مۋلىق اعاش باسىندا قۇرعايتىن ورىك بازاسى، مىڭ مۋلىق شيە باقشاسى بار. اۋدان بويىنشا 7 جەمىس ورمانى كاسىپورنى ( اۆتونوميالى رايون دارەجەلى 2 باستاماشى كاسىپورىن )، 3 سەلبەستىك كووپەراتيۆى، 4 وتباسىلىق ەگىس الاڭى بار. اۋدان بويىنشا 417 حالىقتىق تۇسەلحانا، ٴبىر دۇنيە جۇزىلىك جاراتىلىستىق مۇرا ورنى، ٴبىر مەملەكەتتىك تاريحي مادەنيەت ايگىلى قالاسى، ٴبىر جۇڭگو تاريحي مادەنيەت ايگىلى قىستاعى بار. «سەگىز تاڭبالى قالاشىق»، «قاراجون»، «ٴۇيسىن بايىرعى جولى» تەكەس ساياحات كاسىبىنىڭ 3 ايگىلى تانىسقىسىنا اينالدى. تەكەس اۋدانى جاڭا داۋىردە تىڭ ومىرشەڭدىك كۇشكە يە بولىپ، وزگەشە شۇعىلا شاشتى.
بۇل بەتتەگى اۆتورى ەسكەرتىلمەگەن سۋرەتتەردى تەكەس اۋداندىق پارتكومنىڭ ۇگىت ٴبولىمى قامدادى
ادەمى اشەكەيلەنگەن حالىقتىق تۇسەلحانا.
«ماناستى» جىرلاۋ.
بۇقارا تايجي جۇدىرىقكەرلىگىن ورىنداۋدا.
سۇرىپتالعان اعاش باسىندا قۇرعايتىن ورىك. سۋرەتتى ليۋ ليڭبو تۇسىرگەن
اقتاس جايلاۋى. ليۋ چۇنشيڭ فوتوسى
المادان مول ٴونىم
سەگىز تاڭبالى قالاشىقتىڭ تۇنگى كورىنىسى. ليۋ چۇنشيڭ فوتوسى