حابارىن جازىپ، سۋرەتىن تۇسىرگەن تىلشىلەرىمىز ليۋ چىڭگاڭ، جاۋ يۇڭ

بىرنەشە كۇننەن بەرى قۇلجا قالاسىنداعى ٴىرى ەرەن بازارلار ارت -ارتىنان تيجارات باستادى. تۇرعىندار رايونىنىڭ ماڭىنداعى شاعىن دۇكەندەر، پىسىرىلعان تاعامدار دۇكەنى ارت - ارتىنان اشىلىپ، بۇقارانىڭ زات ساتىپ الۋىنا اناعۇرلىم قولايلىلىق جاراتتى.

11 - ايدىڭ 7 - كۇنى تيان - يچىڭ ەرەن بازارىنىڭ كىرەر اۋزىندا زات ساتىپ الۋعا كەلگەن قالا تۇرعىندارى سانالى تۇردە كەزەككە تۇرىپ، ورىن كودىن جايمالاپ بولعاننان كەيىن بازارعا كىردى. ٴتىلشى ەرەن بازاردىڭ ىشىندە كۇرىش، ۇن، ازىقتىق ماي سياقتى تۇرمىستىق بۇيىمداردىڭ رەتىمەن تىزىلگەنىن؛ كوكونىس ساتىپ الۋ ورنىندا ەرەن بازار قىزمەتكەرلەرىنىڭ جاڭادان اكەلىنگەن ساڭىراۋقۇلاقتى سۋلياۋ دورباعا سالىپ قوراپتاپ، تارازىدان وتكىزىپ، نومىرلەۋمەن ابىگەر بولىپ جاتقانىن كوردى. دۇكەن باستىعى شۇي ايجۇي بىلاي دەپ تانىستىردى: «تيان - يچىڭ ەرەن بازارى 11 - ايدىڭ 3 - كۇنى رەسمي تيجارات باستادى. ىندەتتەن ساقتانۋ - تىزگىندەۋ قىزمەتىنىڭ تالابى بويىنشا ەرەن بازارعا كەلگەن الارماندار، ٴسوزسىز، ورىن كودىن جايمالاپ بولعاننان كەيىن كىرەدى. قازىر ەرەن بازاردا كۇرىش، ۇن، ازىقتىق ماي سياقتى تۇرمىستىق بۇيىمداردىڭ قورى جەتكىلىكتى، باعاسى ورنىقتى. ٴار كۇنى تاڭەرتەڭ، ٴتۇس، كەش 3 رەت زارارسىزداندىرۋ جۇرگىزىپ، الارمانداردىڭ زات ساتىپ الۋ حاۋىپسىزدىگىنە كەپىلدىك ەتەمىز».

حۋانچيۋگاڭ مەيليانمەي ەرەن بازارىنىڭ جەر استى جولىنداعى كىرەر اۋزىندا قىزمەتكەرلەر ۇستىلەرىنە قورعانۋ كيىمىن كيىپ، الارمانداردىڭ ورىن كودىن جايمالاپ، بازارعا رەتىمەن كىرۋىنە جەتەكشىلىك ەتتى. 

ٴتىلشى ستالين داڭعىلى 2 - كوشەسىندەگى ٴبىر سارى بۇرىش ٴدامدى تاۋىق ەتى دۇكەنىنىڭ الدىندا الارماننىڭ كەزەكتە تۇرعانىن، دۇكەن قوجايىنى ما بيننىڭ قاربالاستىققا تۇسكەنىن كوردى. ما بين بىلاي دەدى: «دۇكەنىم 10 - ايدىڭ 26 - كۇنى تيجارات باستاعان بولاتىن. دۇكەندى اشقان العاشقى بىرنەشە كۇندە كوشەگە شىققان تۇرعىنداردىڭ سانى وتە از بولعاندىقتان ساۋدام ونشا جاقسى بولمادى، كۇنىنە 10 دا 20 تاۋىق ساتىپ تۇردىم. قازىر كوشەگە شىققان ادامدار كوبەيىپ، ساۋدام كۇسەت بولا ٴتۇستى، كۇنىنە 40 - 50 تاۋىق ساتامىن».

ۇعىسۋعا قاراعاندا، ىندەتتەن ساقتانۋ - تىزگىندەۋ جاعدايىنىڭ جاقسارۋىنا ىلەسە، قۇلجا قالاسىنداعى ۇلكەندى - كىشىلى كوشەلەردەگى كوپتەگەن تۇرمىستىق بۇيىمدار دۇكەنى ارت - ارتىنان تيجارات باستاپ، قالا تۇرعىندارىنىڭ زات ساتىپ الۋى ٴتىپتى دە قولايلى بولعان. 

 سارى بۇرىش ٴدامدى تاۋىق ەتى دۇكەنىنىڭ ساۋداسى كۇسەت 

 الارماندار ەرەن بازاردا زات ساتىپ الۋدا 

شاعىن جايمالاردان زاتتىڭ ٴتۇر - ٴتۇرىن تابۋعا بولادى 

دۇكەن قىزمەتكەرى سورەگە زات تولىقتاۋدا 

الارمان تاۋاردى انىقتاپ تەكسەرۋدە 

 كوكونىس تولايىم ساتۋ بازارى 

 قالا تۇرعىندارى جول بويىنداعى جايمادان زات ساتىپ الۋدا