كەرەمەت ون جىل. اۋدان - قالالاردىڭ بەينەسى
توتىداي تۇرلەنىپ تۇلەجىگەن توعىزتاراۋ
لي جيان (ٴوز ٴتىلشىمىز)
جاسىل ٴتۇس توعىزتاراۋ اۋدانىنىڭ سوڭعى 10 جىلداعى دامۋىنىڭ نەگىزى بولدى. «جاسىلدى» نەگىزگى اۋەن ەتۋگە تاباندى بولىپ، اۋدان ورتالىعى قالا رايونىنىڭ شىعىسىنداعى كوبەلەك كولى باقشاسى، قالا رايونىنىڭ ورتاسىنداعى زايكەش ەكولوگيالىق سازدىق باقشاسى، قالانىڭ باتىسىنداعى سازدىق باقشاسى قالانىڭ كىرە بەرىسىندەگى ەكى جاسىل كاريدوردى قالىپتاستىردى. قالا رايونىنداعى بوس جەرلەرگە 34 شاعىن سەيىل - سەرۋەن باقشاسى سالىنىپ، اۋدان ورتالىعىنىڭ جاسىلدانعان جالپى جەر اۋدانى 4 ميلليون 60 مىڭ شارشى مەترگە، قالانىڭ جاسىلمەن كومكەرىلۋ مولشەرى %57.6 كە جەتىپ، ەكولوگياسى كوركەم جاسىل قالاعا، سۋلى القاپتى قالاعا اينالىپ، توعىزتاراۋ اۋدانىنداعى تۇرعىنداردىڭ باقىت كورسەتكىشى شىنايى جوعارىلادى.
حالىق تۇرمىسىن جاقسارتۋ − توعىزتاراۋ اۋدانىنىڭ 10 جىلدىق دامۋىنىڭ كۇش سالۋ بەتالىسى. 91 ميلليون 620 مىڭ يۋان قارجى قوسىلعان، يەلەگەن جەر اۋماعى 1700 شارشى مەتر، جالپى قۇرىلىس كولەمى 15 مىڭ 888 شارشى مەتر كەلەتىن توعىزتاراۋ اۋداندىق حالىق شيپاحاناسىنىڭ ۋنيۆەرسالدى اۋرۋحانا عيماراتىنىڭ سالىنۋى بۇكىل اۋدانداعى ناۋقاستاردىڭ ەمدەلۋ قاجەتىن اناعۇرلىم قاناعاتتاندىردى؛ يەلەگەن جەر اۋماعى 153.78 مۋ كەلەتىن، 23 مىڭ شارشى مەترلىك مەكتەپ جاتاقحاناسى بار قالا رايونىنىڭ شىعىسىندا جاڭادان سالىنعان 9 جىلدىق وقىتۋ تۇزىمىندەگى مەكتەپ − شاجوۋ تاجىريبە مەكتەبى توعىزتاراۋ اۋدانىنداعى ورتا، باستاۋىش مەكتەپتەردىڭ ساپا اعارتۋىنىڭ دامۋىن ونان ارى ىلگەرىلەتتى؛ قالىڭ بۇقارانىڭ ەڭ رەال ماسەلەسىنە باستان - اياق نازار اۋدارىلىپ، بەيقۇت ٴۇي ارقىلى حالىقتى اۋقاتتاندىرۋ ينجەنەرياسى «حالىق تىلەگى ينجەنەرياسى» رەتىندە جۇرگىزىلدى.
دامۋ − ون جىلدىق تۇلەجۋدىڭ نەگىزى. 2020 ـ جىلى توعىزتاراۋ اۋدانى ٴتۇيىندى باستاماشى كاسىپورىن نالابىنيۋان ٴسۇت كاسىبىن ەنگىزىپ، نەگىزىنەن سيىر، قوي، تۇيە، جىلقى ٴسۇتىن شيكىزات ەتكەن ۋنيۆەرسالدى مانەرلەۋ ٴوندىرىس جەلىسىن قۇرىپ، بۇكىل شينجياڭداعى ەڭ ۇلكەن ٴسۇت ونىمدەرىن وندىرەتىن، مانەرلەيتىن سەرىكتەستىك قۇردى. 2020 ـ جىلى 10 ـ ايدىڭ 1 ـ كۇنى ىلە توعىزتاراۋ حۋاليڭ مال بازارى سالتاناتپەن جۇمىس باستادى، بۇل سيىر، قوي ساۋداسىنىڭ جۇيەلى، كولەمدى، ٴونىمدى دامۋ جولىنا تۇسكەندىگىن ايگىلەدى. 2021 ـ جىلى 6 ـ ايدىڭ 30 ـ كۇنى مەملەكەت تاس جولى 578 ـ لەنياسىندا قوس باعىتتا اۆتوكولىك قاتىنادى، بۇل توعىزتاراۋ اۋدانىنىڭ قاتىناس تورابىنىڭ اناعۇرلىم ساپالىلانىپ، بۇقارانىڭ ٴجۇرىس ـ تۇرىسىنىڭ اناعۇرلىم قولايلى، ىركىلىسسىز بولعاندىعىن ايگىلەدى. سۋلى القاپتى توعىزتاراۋ، جاسىل جەلەك جامىلعان توعىزتاراۋ، 10 جىلدىق دامۋدا تۇلەجىگەن توعىزتاراۋ.
كوبەلەك كولىنىڭ تولىق كورىنىسى. كۇڭ چيڭپيڭ فوتوسى
ەرەكشە ەكونوميكالىق داقىل − اقجۇرەك. ۋاڭ - ي فوتوسى
انار ٴدانى كىتاپ ۇيىندە ٴبىلىم نارىنەن سۋسىنداۋ. كۇڭ چيڭپيڭ فوتوسى
شاشى كورىنىسى. كۇڭ چيڭپيڭ فوتوسى
«سانشياڭحۇڭ» الماسىنان مول ٴونىم. جاڭ شيڭفىن فوتوسى
اقتام قىستاعىنىڭ مالشىلارى حالىقتى اۋقاتتاندىرۋ بەيقۇت ۇيىنە كوشىپ كىردى. كۇڭ چيڭپيڭ فوتوسى
كوبەلەك قالاسىنىڭ جاسىلدانعان كوركەم كورىنىسى. كۇڭ چيڭپيڭ فوتوسى