ىلە وبلىسى «نەگىزگى زاڭ ۇگىت اپتالىعى» قيمىلىن ورىستەتتى

نەگىزگى زاڭدى بارلىق وتباسىلارعا جالپىلاستىرىپ، جۇرت جۇرەگىنە تەرەڭ ۇيالاتتى

سۋرەتتە: 12 - ايدىڭ 4 - كۇنى قۇلجا قالالىق حالىق سوتى مەكەمەسىندەگى كادر - ساقشىلار نەگىزگى زاڭ الدىندا سەرت بەرۋ قيمىلىن وتكىزۋدە.

گازەتىمىزدىڭ جيناق حابارى. بيىل 12 - ايدىڭ 4 - كۇنى − 9 - رەتكى مەملەكەتتىك نەگىزگى زاڭ كۇنى ٴارى ەلىمىزدىڭ قازىرگى نەگىزگى زاڭىنىڭ جاريالانىپ اتقارىلعاندىعىنىڭ 40 جىلدىعى. 2022 - جىلعى مەملەكەتتىك «نەگىزگى زاڭ ۇگىت اپتالىعى» قيمىلى 12 - ايدىڭ 4 - كۇنى باستالىپ، 12 - ايدىڭ 10 - كۇنىنە دەيىن جالعاستى، قيمىلدىڭ باستى تاقىرىبى «پارتيا 20 - قۇرىلتايىنىڭ رۋحىن ۇيرەنىپ، ۇگىتتەپ، دايەكتىلەندىرىپ، نەگىزگى زاڭنىڭ جاپپاي دايەكتىلەنۋىن، اتقارىلۋىن ىلگەرىلەتۋ». بىرنەشە كۇننەن بەرى ىلە وبلىسىنىڭ جەر - جەرى ٴتۇرلى فورمالارمەن نەگىزگى زاڭدى ۇگىتتەۋ ورلەۋىن كوتەرىپ، نەگىزگى زاڭ رۋحىن ونان ارى ساۋلەلەندىردى.

12 - ايدىڭ 4 - كۇنى قۇلجا قالالىق حالىق سوتى مەكەمەسى نەگىزگى زاڭ الدىندا سەرت بەرۋ، زاڭمەن باسقارۋ جونىندە ۇگىت - لەكسيا جاساۋ، شوعىرلى ۇيرەنۋ سياقتى تاسىلدەر ارقىلى «نەگىزگى زاڭ ۇگىت اپتالىعى» قيمىلىن ىشكەرىلەي ورىستەتىپ، بۇكىل مەكەمەدەگى كادر - ساقشىلاردان «نەگىزگى زاڭ ۇگىت اپتالىعى» قيمىلىمەن ۇشتاستىرىپ، جاڭا داۋىردەگى نەگىزگى زاڭ ۇگىتىنىڭ ەرەكشەلىگى مەن زاڭدىلىعىن يگەرىپ، نەگىزگى زاڭ جونىندەگى ۇگىت - تاربيەنىڭ تىڭ ناتيجەگە قول جەتكىزۋىن ىلگەرىلەتىپ، نەگىزگى زاڭدى جاپپاي دايەكتى اتقارۋعا تاماشا يدەيالىق نەگىز قالاۋدى تالاپ ەتتى. 

12 - ايدىڭ 3 - كۇنى موڭعۇلكۇرە اۋداندىق ٴادىليا مەكەمەسى مەملەكەتتىك نەگىزگى زاڭ كۇنى جانە «نەگىزگى زاڭ ۇگىت اپتالىعى» قيمىلىن وتكىزىپ، نەگىزگى زاڭدى ۇيرەنۋدىڭ، ۇگىتتەۋدىڭ جاندانۋىن ىلگەرىلەتتى، ۇگىت قيمىلى بارىسىندا موڭعۇلكۇرە اۋدانى ٴادىليا مەكەمەسى «پارتيا 20 - قۇرىلتايىنىڭ رۋحىن ۇيرەنىپ، ۇگىتتەپ، دايەكتىلەندىرىپ، نەگىزگى زاڭنىڭ جاپپاي دايەكتى اتقارىلۋىن ىلگەرىلەتۋ» تاقىرىبىن ارقاۋ ەتىپ، كەرمە تۋ ٴىلۋ، زاڭدى جالپىلاستىرۋ ۇگىت ماتەريالدارىن تاراتۋ، زاڭدىق ماسەلەلەرگە جاۋاپ بەرۋ سياقتى تاسىلدەر ارقىلى بۇقاراعا نەگىزگى زاڭ، ازاماتتىق زاڭناما، ۇيىمدىق قىلمىسقا قارسى تۇرۋ زاڭى، ەسىرتكىگە تيىم سالۋ زاڭى سياقتىلاردى جالپىلاستىرىپ، بۇقارانىڭ نەگىزگى زاڭ تانىمىن ورناتۋعا، نەگىزگى زاڭ كوزقاراسىن كۇشەيتۋگە، زاڭعا سانالىلىقپەن قۇرمەت ەتۋگە، زاڭدى ۇيرەنۋگە، زاڭعا بويسۇنۋعا، زاڭدى قولدانۋعا جەتەكشىلىك ەتتى.

12 - ايدىڭ 4 - كۇنى نەگىزگى زاڭ رۋحىن ونان ارى ساۋلەلەندىرىپ، نەگىزگى زاڭنىڭ بەدەلىن ورناتۋ ٴۇشىن، كۇيتۇن قالاسىنداعى قىستاقتار مەن الەۋمەتتىك اۋماقتار ٴتۇرلى زاڭ جالپىلاستىرۋ قيمىلىن ورىستەتتى. كەگەنشي اۋىلى كەگەنشي قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اتىرەتىنىڭ مۇشەلەرى مەن قىستاق كادرلارى كەرمە تۋ ٴىلۋ، ۇگىت ماتەريالدارىن تاراتۋ، وتباسىلاردى ارالاپ ۇگىت جۇرگىزۋ سياقتى فورمالارمەن بۇقاراعا نەگىزگى زاڭ بىلىمدەرىن ۇگىتتەپ، بۇقارانى نەگىزگى زاڭ مەن زاڭدار بويىنشا ۇقىق جۇرگىزۋگە، بورىشىن وتەۋگە جەتەكتەپ، قايشىلىقتار مەن داۋ - شارلاردى زاڭ ارقىلى شەشىپ، وزدەرىنىڭ زاڭدى ۇقىق - مۇددەسىن قورعاۋعا جەتەكشىلىك ەتتى.