سۋرەتتە: جارىس مايدانىنان كورىنىس.

ليۋ چۇنشيڭ فوتوسى

ٴتىلشىمىز ليۋ چۇنشيڭ حابارلايدى. 2022 - جىلعى «جالپى حالىقتىق دەنە شىنىقتىرۋ . سالاماتتى جۇڭگو» ورتا، باتىس بولەك رايونداردىڭ اۋدان وڭىرىندەگى اۋىل - قىستاقتاردىڭ فۋتبول جارىسىنىڭ جەلىلەس قيمىلى جانە قۇلجا قالاسىنىڭ 8 كىسىلىك قىسقى فۋتبول جارىسى 12 - ايدىڭ 20 - كۇنى تۇستەن بۇرىن قارا ٴدوڭ اۋىلى دۇڭچىڭ دەنەتاربيە الاڭىندا باستالدى.

ٴتىلشى جارىس مايدانىنان تورەشىنىڭ جارىس باستاۋ ىسقىرىعىن شالۋىمەن قارا ٴدوڭ اۋىلىنىڭ بايكول قىستاعى كومانداسى مەن تاشكورىك اۋىلىنىڭ تاشكورىك قىستاعى كومانداسىنىڭ قيانكەسكى جارىسىنا كۋا بولدى.

بۇل جولعى جارىستى مەملەكەتتىك دەنەتاربيە باس مەكەمەسىنىڭ بۇقارالىق دەنەتاربيە مەكەمەسى جەتەكشىلىك ەتىپ، جۇڭگو فۋتبول كاسىبىن دامىتۋ قور قوعامى جاۋاپتى بولىپ، شينجياڭ ۇيعۇر اۆتونوميالى رايوندىق فۋتبول قوعامى مىندەتىنە الىپ وتكىزگەن، قۇلجا قالالىق مادەنيەت، دەنەتاربيە، راديو - تەلەۆيزيا جانە ساياحات مەكەمەسى اتقارعان، مۇنداعى ماقسات ٴارقايسى اۋىل - قالاشىق، ٴمالى باسقارماسى، قىستاق، الەۋمەتتىك اۋماقتاردى كوماندا ۇيىمداستىرىپ، جارىسقا بەلسەنە اتسالستىرۋ، ٴتىپتى دە كوپ فۋتبول اۋەسكەرلەرىن جالپى حالىقتىق دەنە شىنىقتىرۋ قيمىلىنا قاتىناسۋعا باۋراۋ ٴارى جۋىردا اشىلاتىن قۇلجا قالالىق 16 - كەزەكتى قار - مۇز مادەنيەت - ساياحات مەرەكەسىنە دايىندالۋ بولىپ تابىلادى.

وسى جولعى جارىس 5 كۇن وتكىزىلەدى، قۇلجا قالاسىنداعى اۋىل - قالاشىق، ٴمالى باسقارماسى، قىستاق، الەۋمەتتىك اۋماقتان 12 كوماندا، 192 سپورتشى قاتىناسىپ، قار الاڭىندا سايىسىپ، جارىس كۋبوگىنا تالاسادى.