وندىرىسپەن قاربالاستاندى، تاپسىرىسقا ۇمتىلدى، بازار ءورىسىن كەڭەيتتى

　　　　رايونىمىزداعى كاسىپورىندار كۇش - قايرات توپتاپ، باستاما اشۋعا بارىن سالدى

　　　　□ انار بۇلت \ شينجياڭ گازەتىنىڭ ءتىلشىسى شى شين

1 - ايدىڭ 28 - كۇنى قىزمەتكەرلەر ءجىپ ءيىرۋ سەحىندا جۇمىس ىستەۋدە. كوكتەم مەرەكەسىنىڭ دەمالىسى اياقتاعاننان كەيىن، كورلا قالاسىنا ورنالاسقان شينجياڭ تايچاڭ ساۋدا - ونەركاسىپ شەكتى جاۋاپكەرشىلىك سەرىكتەستىگى ماقتا توقىماشىلىق زاۆودى تاپسىرىستاردى جەدەل ورىنداۋعا كىرىسىپ، ءوندىرىس سەحتارى قاربالاس كۇيگە ءوتتى.

□ سۋرەتتى چۋە. حۋرە تۇسىرگەن

وندىرىسپەن قاربالاستاندى، تاپسىرىسقا ۇمتىلدى، بازار ءورىسىن كەڭەيتتى... مەرەكەلىك لەپ باسىلماي تۇرىپ، تيانشان الابىنداعى كاسىپورىندار ءبىرىنشى ماۋسىمدا بار كۇشپەن ”جاقسى باستاما اشاتىن“ كۇش - قايرات توپتادى، ءار دارەجەلى پارتكومدار مەن ۇكىمەتتەردىڭ بار كۇشپەن قولداۋىندا، باستاما اشۋ − شەشۋشى شايقاس، قادام باسۋ − ۇمتىلۋ دەيتىن تەبىنمەن شينجياڭ ەكونوميكاسىنىڭ ورنىقتىلىق بارىسىندا ىلگەرىلەۋىنىڭ، ورنىقتىلىق بارىسىندا العا باسۋىنىڭ كوكتەمگى سيمفونياسىن بىرگە شىعانداتتى.

ءوندىرىستىڭ الدىڭعى شەبىندە بار كۇشتى جۇمسادى

1 - ايدىڭ 30 - كۇنى شينجياڭ جۇڭتاي حيمياسى فۋكاڭ ەنەرگيا شەكتى سەرىكتەستىگىندەگى پوليۋينيل حلوريت سەحىنىڭ قوراپتاۋ زاۆود ۇيىندە شىنجىر تاسپا زىرىلداپ، قالتا - قالتا پوليۋينيل حلوريت سمولاسى جەتكىزۋ تاسپاسىمەن جايما تاباققا توقتاۋسىز توگىلۋدە، مەحانيكالىق قول جوعارى - تومەن ەركىن قيمىلداپ، دايىندالعان ونىمدەردى رەتتى تىزۋدە، سودان كەيىن جۇك تاسيتىن اشالى تيەۋىش وسى ونىمدەردى زات اينالىمى جۇك كولىگىنە جەتكىزۋدە.

وسى توپتاعى ”ينە - جىپتەن جاڭا شىققان“ ونىمدەر كوپ وتپەي كاسىپ سالاسى تىزبەگىنىڭ تومەنگى بۋىنىنا جەتكىزىلەدى.

”بىلتىر سەرىكتەستىكتىڭ ەكونوميكالىق ونىمدىلىگى جاقسى بولدى، ەڭبەگىمىز اقتالدى، قىزمەتكەرلەر ايرىقشا جىگەرلەندى. كوپشىلىك كۇش - قايراتىن بويىنا جيىپ، العاشقى ايداعى جاقسى باستاماعا قول جەتكىزۋگە بار كۇشىن جۇمسادى“. فۋكاڭ ەنەرگيا شەكتى سەرىكتەستىگىنىڭ تەتە اعا ينجەنەرى، حلورلى ناتري زاۆودىنىڭ ورىنباسار باستىعى ۋاڭ جىنفاڭ بىلاي دەدى: قازىر ءارقايسى سەحتار مىندەت نىساناسىنان كوز جازباي،ءوندىرىس قۇرىلعىلارى بار كۇشپەن جوعارى كۇشەمەلىلىكپەن جۇمىس جۇرگىزۋدە، ءار كۇنى 2500 توننا پوليۋينيل حلوريت، 1500 توننا سۇيىق ناتري وندىرە الادى.

سول كۇنى شينجياڭ يىندولان ءدارى - دارمەك شەكتى جارنا سەرىكتەستىگىنىڭ جاساۋلى دارىلەر 2 - سەحىندا مەملەكەتتىك مەنشىكتى ءونىم سانالاتىن كۇردەلى رەتسەپتى كيەلى ەرمەن تۇيىرشىك ءدارىسى ءوندىرىلىپ جاتتى.

”كوكتەم مەرەكەسى دەمالىسى اياقتاسىمەن - اق سەرىكتەستىگىمىزدىڭ ءارقايسى تاراۋلارى قىزمەت كۇيىن جەدەل قالپىنا كەلتىردى، ءوندىرىس سەحتارى دا ءوندىرىس قۋاتىن تۇگەلدەي ىسكە قوستى، كۇردەلى رەتسەپتى كيەلى ەرمەن تۇيىرشىگى، زۇكام جاۋھارى سياقتى دارىلەردىڭ كۇندىك ءونىم مولشەرى 80 مىڭ قوراپ اينالاسىندا بولىپ، بازارداعى قامداۋدى قامتاماسىز ەتتى“، - دەدى وسى سەرىكتەستىكتىڭ ورىنباسار ديرەكتورى موۋ شيۋمەي.

كوكتەم مەرەكەسى كەزىندە اراتۇرىك گۋاڭحۇي كەن كاسىبى شەكتى سەرىكتەستىگى بايشىحۋ كومىر كەنىنىڭ پويەزعا جەدەل تيەۋ جەلىسىندە كونتينەرمەن كومىر تاسيتىن العاشقى ارناۋلى پويەزى ءساتتى جولعا شىعىپ، جاڭا جىلداعى جاڭا نىسانانى جۇزەگە اسىرۋعا قوزعاۋشى كۇش قوستى.

1 - ايدىڭ 30 - كۇنى وسى سەرىكتەستىكتىڭ بايشىحۋ كومىر كەنىندە جەتەك تاسپانىڭ ايلانعان داۋىسى، كولىككە تيەگىشتىڭ گۇرىلدەگەن داۋىسى ۇزىلمەدى. نومنىڭ قاقاعان ايازىندا، جۇمىس باسىنداعى قىزمەتكەرلەردىڭ قىزۋ ىنتاسى باسىلماستان، كولىككە تيەۋ جۇمىسىنىڭ، نىعىزداۋ جۇمىسىنىڭ الدىڭعى شەبىندە ايانباي جۇمىس ىستەۋدە.

اراتۇرىك گۋاڭحۇي كەن كاسىبى شەكتى سەرىكتەستىگى پارتكومىنىڭ شۋجيى جياڭ دى - يۇڭ مىنالاردى ءبىلدىردى: قازىر شينجياڭنىڭ ءىشى - سىرتىنداعى ءىرى ەلەكتر ستانسيالارى جانە جىلۋمەن قامداۋ كاسىپورىندارى كومىردەن پايدالانۋ مولشەرى قاۋىرت كوبەيۋ مەزگىلىندە تۇر، ءبىز كومىرمەن قامداۋعا كەپىلدىك ەتۋ قىزمەتىن بار كۇشپەن ويداعىداي ىستەپ، ەكونوميكالىق، قوعامدىق دامۋعا جانە حالىق تۇرمىسىنا جۇمسالاتىن ەنەرگيا قاجەتىنە شىنايى كەپىلدىك ەتەمىز.

ەنەرگيا ۇنەمدەپ، سارىپ بولۋدى ازايتىپ، ونىمدىلىكتى جوعارىلاتتى

1 - ايدىڭ 30 - كۇنى شينجياڭ شينيە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگىندە زاۆود ءۇيىنىڭ بارلىق جەرىنەن قاربالاستىق مەن مۇندالادى.

”العاشقى ماۋسىمداعى نىسانا - مىندەتتەردەن كوز جازباي، جوعارى - تومەننىڭ جۇدىرىقتاي جۇمىلۋىندا العاشقى ايدا جاقسى باستاما اشتىق“. شينيە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى ما جينرۇڭ بىلاي دەپ تانىستىردى: ءوندىرىس بارىسىن دالمە - ءدال باسقارۋ - مەڭگەرۋ ارقىلى ساپانى يگەرۋگە، حاۋىپسىزدىككە كەپىلدىك ەتۋگە، ءوندىرىستى جەبەۋگە تاباندى بولدىق، بيىل جىل باسىنان بەرى سەرىكتەستىگىمىزدىڭ مەتيل سپيريتى، LNG (سۇيىلتىلعان تابيعي گاز)، BDO (4,1 − بۋتاديول) ءونىم مولشەرى ورنىقتى جوعارىلادى.

”جاقسى باستاماعا“ ۇمتىلۋ ءۇشىن فۋكاڭ ەنەرگيا شەكتى سەرىكتەستىگى وزىندىك قۇندى تومەندەتىپ، ونىمدىلىكتى ارتتىرۋعا، ولشەمگە تۋرالانىپ ساپالىلاندىرۋ قىزمەتىنە قاراتىلعان ۇيىمدىق باسشىلىقتى كۇشەيتىپ، نازاردى ”ەلەكتروليزدەۋدە ەلەكتردىڭ سارىپ بولۋى“، ”قاراجاتتى اداقتاۋ“ كورسەتكىشىنە شوعىرلاندىرىپ، حلورلى ناتري وندىرىسىندە، شارۋاشىلىعىندا ءوندىرۋ، قامداۋ، ساتۋ جالپى بارىسىن سايكەستى ساپالىلاندىرۋدى تىعىز ارقاۋ ەتتى.

”ءبىز ءوندىرۋ، بازاردى كۇنىنە قاداعالاۋ، اپتا سايىن تالداۋ جاساۋ، اي سايىن مالىمەت بەرۋ مەحانيزمىن ورناتىپ، ءوندىرىس، شارۋاشىلىق جۇرگىزۋ جاعىندا شەشىم شىعارۋعا پارمەندى تىرەك ازىرلەدىك“. ۋاڭ جىنفاڭ بىلاي دەدى: كوپ ءتۇرلى شارا ارقىلى ونىمدىلىك جاراتۋ قابىلەتىن جوعارىلاتتىق، قازىر فۋكاڭ ەنەرگيا شەكتى سەرىكتەستىگىنىڭ 1 - ايداعى كورسەتكىشتەرى ۇزدىكسىز ورنىقتى جاقساردى، ءوندىرىستىڭ وزىندىك قۇنىن مەڭگەرۋ احۋالى جاقسى بولدى.

كوكتەمگى ەگىس دايىندىعىندا تىڭايتقىشقا الدىمەن ءمان بەرىلەدى. سول وڭىردەگى جالپىلىق زات اينالىمىنا قىزمەت وتەيتىن، قامتاماسىز ەتەتىن ءىرى كاسىپورىن سانالاتىن ەرەكشە ترانسفورماتور توبى جۇڭجياڭ زات اينالىمى شەكتى جاۋاپكەرشىلىك سەرىكتەستىگى كوكتەمگى اۋىل شارۋاشىلىعى وندىرىسىنە دەم بەرۋ ءۇشىن ىرىقتىلىقپەن اتويلاپ، جەرگىلىكتى ورىنداعى تىڭايتقىش وندىرەتىن كاسىپورىنداردىڭ، اۋىل شارۋاشىلىعى ءوندىرىس قۇرال - جابدىقتارىن قامداۋ - ساتۋ كاسىپورىندارىنىڭ كوكتەمگى ەگىسكە قاجەتتى زاتتىق ماتەريالداردىڭ زات اينالىمى بويىنشا تاسىمالدانۋىن ويداعىداي قامتاماسىز ەتتى.

”بۇدان بۇرىنعى تاجىريبەلەردى قورىتىندىلاۋ نەگىزىندە، ءبىز تىڭايتقىشتى قاۋىرت مەزگىلدە تاسىمالداۋ دايىندىق جوباسىن جاساپ، جەتكىزۋدىڭ ءار بۋىنىنداعى شارالاردى اشالاپ، تاسىمال كولىكتەرىن جەتكىلىكتى ورنالاستىرىپ، زاتتىق ماتەريالداردى سۇرىپتاپ جوعارى ونىمدىلىكپەن نىسانالى جەرگە جەتكىزۋگە شىنايى كەپىلدىك ەتتىك“، - دەپ تانىستىردى جۇڭجياڭ زات اينالىمى شەكتى جاۋاپكەرشىلىك سەرىكتەستىگى باس ديرەكتورىنىڭ كومەكشىسى گوۋ شياۋجۇن.

ىشكەرىلەي جوسپارلاپ، الىستى كوزدەپ، تاعى دا تىڭ ساتىعا كوتەرىلدى

”ءبىز 2023 - جىلعا زور سەنىم ارتىپ وتىرمىز“. شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنە قاراستى شينجياڭ حاۋزى مال شارۋاشىلىعى شەكتى سەرىكتەستىگىنىڭ ساتۋعا جاۋاپتى ورىنباسار باس ديرەكتورى جين شين مىنالاردى ءبىلدىردى: بيىل جىل باسىنان بەرى سەرىكتەستىگىمىزدىڭ تاپسىرىسى مول بولدى، ساپ ءسۇتتىڭ ءونىم قۇنى ％15 جوعارىلادى.

حاۋزى مال شارۋاشىلىعى شەكتى سەرىكتەستىگى اسىل تۇقىمدى مال جەتىلدىرۋ الاڭىنىڭ 80 ورىنداعى ءىرى تۇرپاتتى اينالمالى سيىر ساۋۋ تۇعىرى الدىندا، ساۋىن سيىرلار رەتىمەن ساۋۋ تۇعىرىنا شىعارىلۋدا، سيىرلار اينالمالى تاباقشانىڭ اينالۋىمەن ساۋىلادى.

حاۋزى مال شارۋاشىلىعى شەكتى سەرىكتەستىگى سيىر ساۋۋ ءبولىمىنىڭ باستىعى لين جيانلۇڭ بىلاي دەپ تانىستىردى: 2023 - جىلى سەرىكتەستىگىمىز اۆستراليادان 1000 اسىل تۇقىمدى ساۋىن سيىر ەنگىزدى، مەجەمەن بيىل 8 - ايدا وندىرىسكە قوسىلادى، سول كەزدە اسىل تۇقىمدى مال ءوسىرۋ فەرماسىنىڭ ءسۇت ءونىم مولشەرى ％25 جوعارىلايدى.

”قازىر شينيە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگىنىڭ جيىنى ءبىر ميلليارد 300 ميلليون يۋان قارجى جۇمسالاتىن، جىلىنا 40 مىڭ توننا پولي فورمالدەگيد جاڭا ماتەريالىن وندىرەتىن 1 - مەرزىمدىك نىسانىنىڭ جالپى تۇلعالىق ورىندالۋ مولشەرى ％99 بولدى، بيىل 4 - ايدىڭ سوڭىندا ورتا مەرزىمدىك قۇرىلىس وتكىزىپ بەرىلىپ، ءونىم ءوندىرۋ جوسپارلانۋدا“. 2023 - جىلعا زور سەنىم ارتىپ وتىرعانداردىڭ قاتارىندا شينيە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگىنە قاراستى جاڭا ماتەريالدار سەرىكتەستىگىنىڭ باس ديرەكتورى رۇي شىڭبو دا بار، ”وسى نىسان سالىنىپ بولىپ وندىرىسكە قوسىلعاننان كەيىن باتىس سولتۇستىكتەگى رايونداردىڭ پولي فورمالدەگيد وندىرۋدەگى اق تاڭداعىن تولتىرادى، بۇكىلدەي ءوندىرىس قۋاتىنا جەتكەننەن كەيىن مەجەمەن جىلدىق ءونىم قۇنى 600 ميلليون يۋان، ناق پايداسى 200 ميلليون يۋان بولىپ، 200 نەشە جۇمىس ورنىن ازىرلەيدى.

بايىنعولين موڭعۇل اۆتونوميالى وبلىسى جينفۋ ەرەكشە ءجىپ ءيىرۋ كاسىبى شەكتى سەرىكتەستىگىندە ماشينالاردىڭ گۇرىلدەگەن داۋىسىنا ىلەسە ءوندىرىس جەلىلەرى مەن ءوندىرىس جابدىقتارى جوعارى جىلدامدىقپەن قىزمەت ىستەۋدە. وسى سەرىكتەستىكتىڭ 3 - سەحىنىڭ مەڭگەرۋشىسى جاڭ پىڭ بىلاي دەپ تانىستىردى: ءونىم مولشەرىنە كەپىلدىك ەتۋ ءۇشىن سەرىكتەستىگىمىز باۋلۋدى كۇشەيتىپ، قىزمەتشىلەردىڭ جۇمىس ىستەۋ دەڭگەيىن جوعارىلاتتى؛ جابدىق جوندەۋ سەحىمەن ءجيى تىلدەسىپ، جابدىقتىڭ جۇمىس جۇرگىزۋ ونىمدىلىگىن جوعارىلاتتى، ”قازىر كوپشىلىك ءبىرىنشى ماۋسىمدا ’جاقسى باستاما اشۋ‘ ۇمتىلىسىنا بەرىك سەنىم ارتۋدا“.

قازىر يىندولان ءدارى - دارمەك شەكتى جارنا سەرىكتەستىگىنىڭ ساتىپ الۋ جانە قامداۋ، جابدىقتاردىڭ قوزعاۋشى كۇشى، ساپا تەكسەرۋ سياقتى تاراۋلارى دا كۇش - قايرات توپتاپ، ءوندىرىس قۋاتىن بارىنشا ىسكە قوستى. بيىل وسى سەرىكتەستىك تىنىس جولى، اسقازان - ىشەك سياقتىلارداعى اۋرۋلاردى ەمدەۋگە جانە سول سالاعا پايدالانىلاتىن 6 جاڭا ءدارى جونىندەگى كيلينيكالىق زەرتتەۋدى ءتۇيىندى تۇردە ورىستەتەدى.

كاسىپورىندار وندىرىسپەن قاربالاس بولسا، ۇكىمەت دامۋدى بار كۇشپەن جەبەدى. بىرنەشە كۇننەن بەرى، رايونىمىزداعى وڭىرلەر مەن تاراۋلار دا قاتىستى ءماجىلىس اشۋ، ارالاپ احۋال ۇعىسۋ، تەكسەرۋ - زەرتتەۋ، ءتۇيىلىستىرۋ سياقتى كوپتەگەن فورما ارقىلى ءتۇرلى قىزمەتتىڭ ەرتە باستالۋىن، ەرتە جۇرگىزىلۋىن ىلگەرىلەتتى.