汉文 ىلە اقپارات تورابىنا حوش كەلدىڭىزدەر!
استىق ٴوندىرىسى قۋاتىن جوعارىلاتۋدىڭ ۇلگى ينجەنەرياسىن قالىپتاستىردى ىلە وبلىسى بۇكىل شينجياڭنىڭ استىق حاۋىپسىزدىگىن قامتاماسىزداندىرۋداعى اتويشى بولۋعا قۇلشىنۋدا
2023-06-02 10:11:51     كورىلىم:رەت كەلۋ قاينارى:ىلە گازەتى  جاۋاپتى رەداكتور:جاڭىلقان قوجا قىزى

تىلشىلەرىمىز دۋ لەي، سۋ مين حابارلايدى. 5 - ايدىڭ 24 - كۇنى ٴتىلشى وبلىستىق اۋىل شارۋاشىلىعى، اۋىل - قىستاق مەكەمەسىنەن مىنانى ۇعىستى: بيىل وبلىسقا توتە قاراستى ورىندار استىق حاۋىپسىزدىگىن ورنىقتىرۋ، بەكەمدەۋدەگى اۋىر مىندەتتى باتىل ارقالاپ، مەحانيزم ورناتۋ، كولەمىن كەڭەيتۋ، بىرلىك ٴونىمىن جوعارىلاتۋ، نەگىز قالاۋ، ونىمدىلىكتى ارتتىرۋ، قامتاماسىزداندىرۋدى كۇشەيتۋ جاعىنا كۇش سالىپ، ىلەنىڭ استىق ٴوندىرىسى قۋاتىن جوعارىلاتۋدىڭ ۇلگى ينجەنەرياسىن قالىپتاستىرىپ، بۇكىل شينجياڭنىڭ استىق ٴوندىرىسى قۋاتىن جوعارىلاتۋ ارەكەتىن تياناقتاندىرۋداعى اتويشى بولۋعا قۇلشىنۋدا. بيىل وبلىسقا توتە قاراستى ورىنداردىڭ كوكتەمگى استىق داقىلدارىن ەگۋ مىندەتى 4 ميلليون 610 مىڭ مۋ بولىپ، قازىرگە دەيىن 4 ميلليون 772 مىڭ 100 مۋ جەرگە كوكتەمگى استىق داقىلى ەگىلىپ، مىندەت %104 ورىندالدى، مۇنىڭ ىشىندە 3 ميلليون 750 مىڭ 500 مۋ جەرگە جۇگەرى، 868 مىڭ 400 مۋ جەرگە جازدىق ٴبيداي، 153 مىڭ 200 مۋ جەرگە باسقا داقىلدار ەگىلدى.

بيىل جىل باسىنان بەرى وبلىستىق پارتكوم مەن ۇكىمەت استىق وندىرىسىنە وسكەلەڭ ٴمان بەرىپ، استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋعا تاباندى بولىپ، ”پارتكومنىڭ، ۇكىمەتتىڭ نەگىزگى باسشىلارى ٴبىر تۇتاس جەتەكشىلىك ەتىپ،  جاپپاي يگەرەتىن، سالاعا جاۋاپتى باسشىلار تۇيىندە تۇرىپ، جۇيەلى يگەرەتىن، جۇمىس ٴبولىسى بويىنشا ٴبىر تۇتاس جوسپارلاپ يگەرەتىن، اۋماقتار بويىنشا ٴتۇيىندى مىقتى يگەرەتىن“ جانە ”ٴتورت دارەجەلى شۋجيلەر“ بايلانىس جاساپ يگەرەتىن استىق ٴوندىرىسى قىزمەت مەحانيزمىن ورناتىپ، اقاۋسىزداندىرىپ، نىساناعا كۇش سالاتىن، استىق ٴوندىرىس قۋاتىنىڭ جوعارىلاۋىن بىرگە يگەرىپ، بىرگە باسقاراتىن قويۋ اۋان قالىپتاستىردى. وبلىستىق اۋىل شارۋاشىلىعى، اۋىل - قىستاق تاراۋلارى جاۋاپكەرشىلىكتى تياناقتاندىرۋدى كۇشەيتىپ، تاراۋلار بىرلەسىپ قيمىلداۋدى مىقتى يگەرىپ، ٴبىر تۇتاس جوسپارلاپ سايكەستىرۋدى كۇشەيتىپ، اۋدان - قالالاردىڭ كوكتەمگى ەگىس ماتەريالدارىن زاپاس ساقتاۋ، اۋىل شارۋاشىلىق ماشينالارىن تەكسەرىپ رەمونتتاۋ، كوكتەمگى ەگىس، كوكتەمگى باپتاۋ سياقتى جاعدايلاردى اپتا سايىن ورنالاستىرىپ، اۋدان - قالالاردىڭ قىزمەتىن بەينە ەكران ارقىلى ورنالاستىرۋ ٴماجىلىسىن 8 رەت اشىپ، جاعدايعا تالداۋ جاساپ، ٴتۇيىندى سالىستىرىپ، تياناقتاندىرۋدى ىلگەرىلەتتى.

بيىل كوكتەمگى ەگىس مەزگىلىندە، وبلىسقا توتە قاراستى ورىندار اۋىل شارۋاشىلىق ٴوندىرىس ماتەريالدارى كاسىپورىندارىن ٴوندىرىستى جەدەلدەتۋگە ەرتە ۇيىمداستىرىپ، اۋىل شارۋاشىلىق ٴوندىرىس ماتەريالدارىن ساتاتىن دۇكەندەردىڭ زاپاس ساقتاۋ تەبىنىن ارتتىرۋىنا جەتەكشىلىك ەتىپ، اۋىل شارۋاشىلىق ٴوندىرىس ماتەريالدارى زاپاسى جەتكىلىكتى، باعاسى ورنىقتى بولدى ٴارى 11 ميلليارد 856 ميلليون يۋان امانات قارىز اقشاسىن تاراتتى. سونىمەن بىرگە، اۋىل شارۋاشىلىق ٴوندىرىس ماتەريالدارىن باقىلاۋ - باسقارۋ تەبىنىن ارتتىرىپ، اۋىل شارۋاشىلىعىنا ساياتىن زاڭعا قايشى ارەكەتتەرگە زاڭ بويىنشا سوققى بەرىپ، اۋىل شارۋاشىلىق ٴوندىرىسىنىڭ حاۋىپسىز، ٴتارتىپتى جۇرگىزىلۋىن پارمەندى قامتاماسىزداندىردى.

ەگىستىك جەر كولەمىن ٴتۇرلى ٴادىس - امالدارمەن كەڭەيتۋ ٴۇشىن، وبلىسقا توتە قاراستى ورىندار ەگىستىك جەردى اينالىمعا سالىپ پايدالانۋ تەبىنىن ارتتىرىپ، سانعا كەپىلدىك ەتۋگە، ساپانى جوعارىلاتۋعا، كومەسكى كۇشتەردى اشۋعا تاباندى بولعاندىقتان، قايتالاي يگەرىلگەن ەگىستىك جەر 111 مىڭ 200 مۋعا جەتىپ، تۇگەلدەي استىق وندىرىسىنە پايدالانىلدى؛ ەگىمشىلىك قۇرىلىمىن رەتتەپ، استىق ەگىلەتىن جەر اۋدانىن 130 مىڭ مۋعا ارتتىرىپ، وسى جىل ىشىندە استىق ەگىلەتىن جەر اۋدانىن 240 مىڭ مۋعا تىڭنان ارتتىرۋعا كەپىلدىك ەتىپ، جاڭادان ارتقان استىق ٴونىم مولشەرىن 190 مىڭ تونناعا جەتكىزدى ٴارى ەگىلگەن جەر اۋدانى، ٴونىم مولشەرى سياقتى كورسەتكىشتەردى اۋىل ـ قىستاقتارعا جانە ناقتى جەر بولىكتەرىنە دەيىن تياناقتاندىرىپ، استىق ٴوندىرىسىنىڭ ناقتى تياناقتانۋىن ىلگەرىلەتتى.

بيىل وبلىسقا توتە قاراستى ورىندار عىلىم - تەحنيكا ارقىلى بىرلىك ٴونىمدى جوعارىلاتۋ قىزمەتىن كۇشەيتتى. 3 - ايدىڭ 2 - كۇنى جۇڭگو اۋىل شارۋاشىلىق عىلىم اكادەمياسىنىڭ لي شاۋكۇن جۇگەرى قوسىنى قۇلجا اۋدانىمەن عىلىم - تەحنيكا جاقتان اۋداندى كوتەرمەگە الۋ سەلبەستىك كەلىسىمىنە قول قويىسىپ، باتىس سولتۇستىك اۋىل شارۋاشىلىق، ورمان شارۋاشىلىق عىلىم - تەحنيكا داشۋەسى، شينجياڭ تىڭ يگەرۋ عىلىم اكادەمياسى سياقتى شينجياڭنىڭ ٴىشى - سىرتىنداعى 5 عىلمي زەرتتەۋ اكادەمياسىمەن جانە جوعارى مەكتەپتەرمەن عىلىم - تەحنيكالىق سەلبەستىك كەلىسىمىنە قول قويىسىپ، جوعارى ٴونىم جاراتۋدان بىرلەسىپ قامال الۋدى ورىستەتتى. سونىمەن بىرگە، وبلىس، اۋدان، اۋىل، قىستاق سىندى ٴتورت دارەجەلى 1707 باسشى جوعارى ٴونىم جاراتۋ مەحانيزمى بويىنشا كوتەرمەگە الىپ، 1290 بولەك، 349 مىڭ 600 مۋ جەردى كوتەرمەگە الىپ، 100 مۋلىق ۇلگى اتىزىنان، مىڭ مۋلىق ۇلگى كورسەتەتىن تورتكىلدەن، 10 مىڭ مۋلىق ۇلگى رايونىنان جانە 10 مىڭ يۋاندىق اتىزدان ٴبىر توبىن قۇرۋعا كۇش سالدى.

وبلىسقا توتە قاراستى ورىندار جوعارى ٴونىمدى سۋ ۇنەمدەۋدى وزەك ەتكەن جوعارى ولشەمدى ەگىنجاي قۇرىلىسىن ٴتۇيىندى اتقارىپ، ٴشول اتىزدى سۋلى اتىزعا، كوپ سۋمەن جايىپ سۋارۋدى دالمە - ٴدال تامشىلاتىپ سۋارۋعا، بىتىراندىنى شوعىرلىعا، ۇساق - تۇيەكتى ۇلاسپالىعا، تومەن ٴونىمدى مول ونىمگە، جەكە تۇلعانى جاڭاشا تيجارات نەگىزگى تۇلعاسىنا اينالدىرعان جاڭاشا جەر تيجارات ۇلگىسىن بەلسەنە جالپىلاستىردى. بيىل وبلىسقا توتە قاراستى ورىندار ٴبىر ميلليون 183 مىڭ 500 مۋ جوعارى ولشەمدى ەگىنجاي اتىزىنا (مۇنىڭ ىشىندە سۋدى جوعارى ٴونىمدى ۇنەمدەيتىن ٴبىر ميلليون مۋ جەر) قول جەتكىزدى، بۇل بۇكىل شينجياڭ بويىنشا ٴبىرىنشى ورىندى يەلەيدى. قازىرگە دەيىن 953 مىڭ 500 مۋ جوعارى ولشەمدى ەگىس اتىزىنىڭ قۇرىلىس جۇمىسى باستالىپ، جالپى ينجەنەريانىڭ %50 ى ورىندالدى. 

بيىل وبلىستىق اۋىل شارۋاشىلىعى، اۋىل - قىستاق مەكەمەسى جۇڭگو اۋىل شارۋاشىلىعى عىلىم اكادەمياسى، شاڭحاي قاتىناس داشۋەسى، جياڭسۋ ولكەلىك اۋىل شارۋاشىلىعى عىلىم اكادەمياسى سياقتى ورىنداردان مامانداردى ۇسىنىس ەتىپ، ينتەرنەت جەلىسىندە، ينتەرنەت جەلىسىنەن تىس ٴوزارا ۇشتاسقان وقىتۋ ٴتاسىلىن قولدانىپ، قىزمەت وتەۋدى، جەتەكشىلىك ەتۋدى كۇشەيتتى. بىلتىر قىستان جانە بيىل كوكتەمنەن بەرى وبلىسقا توتە قاراستى ورىندار جالپى 901 مايدان - رەت اۋىل شارۋاشىلىق تەحنيكاسى كۋرسىن اشىپ، رەت سانى بويىنشا 115 مىڭ 300 ادامدى تاربيەلەدى. كوكتەمگى ٴوندىرىس كەزىندە وبلىستىق اۋىل شارۋاشىلىعى، اۋىل - قىستاق مەكەمەسى جەتەكشىلىك ەتەتىن، قىزمەت وتەيتىن 11 گرۋپپا قۇرىپ، اۋدان - قالالارعا ىشكەرىلەي بارىپ، اۋىل شارۋاشىلىعى وندىرىسىنە جەتەكشىلىك ەتۋدى، قىزمەت وتەۋدى ورىستەتتى.

دۇمبە ٴبيدايدى باپتاۋ جۇمىسىن شىنايى كۇشەيتۋ جاعىندا وبلىسقا توتە قاراستى ورىندار اۋىل شارۋاشىلىعى تەحنيكتەرىن وبلىسقا توتە قاراستى ورىندارداعى دۇمبە ٴبيداي ەگىلگەن جەرلەرگە ىشكەرىلەي بارىپ، مايسانىڭ كوكتەۋ جاعدايىن جانە دەرت - دەربەزدەر مەن زياندى جاندىكتەردى تەكسەرۋ، باقىلاۋ قىزمەتىن ورىستەتۋگە ۇيىمداستىردى، دۇمبە ٴبيدايدىڭ كوكتەۋى بىلتىرعىدان كورنەكتى جاقساردى، ٴبىرىنشى تۇردەگى مايسا 433 مىڭ 300 مۋ، ەكىنشى تۇردەگى مايسا 549 مىڭ 800 مۋ بولىپ، ٴبىرىنشى، ەكىنشى تۇردەگى مايسالاردىڭ سالىستىرماسى %86.28 كە جەتتى، ديقانداردى دەركەزىندە سۋارۋعا، تىڭايتقىش بەرۋگە، ارام ٴشوپ وتاۋعا ۇيىمداستىردى، جازعى استىقتان مول ٴونىم الۋدان ٴۇمىت زور.

20230524000753_4c44678e02d336a3dac8b2a767ea7d70571d0362.jpg

سۋرەتتە: چاپچال سىبە اۆتونوميالى اۋدانى شوقىر قالاشىعىنداعى دۇمبە ٴبيداي اتىزىندا قىزمەتكەرلەر ۇشقىش اپپاراتپەن جۇمىس جۇرگىزۋدە.

حۋا يانميڭ فوتوسى