اقىنىن تۋعان حالقى ەسىنە الدى

  • كەلۋ قاينارى: ىلە گازەتى
  • 09:08:38 06/03/2015

  

   قوسىنبەك جولبارىس ۇلى، تاسقىن مازاق ۇلى

    دالاسىن كۇي تەربەگەن، اسپانىن ءان كەرنەگەن، ورمانى سىڭسىعان، قويناۋى تۋسىعان، قوڭىر اڭى ءتورت تۇلگىمەن تەڭ ورگەن، بەرەكەسى شايقالماعان ەجەلدەن، جاسىل كولى كۇن نۇرىمەن شاعىلىسىپ ايناداي ارقىراعان، وزەندەرى ساي–سالاسىن انگە بولەپ، اق مارجانىن اسپانعا اتىپ ارقىراعان قىساڭ ساياحاتىنىڭ اتاعى الىسقا تاراعان، ءبىر كورۋدى ارمانداعان بار ادام، جانناتتاي جەرى بار، ىنتىماعى قۇپ جاراسقان ەلى بار، تەكەس اۋدانى شولاقتەرەك قالاشىعىنداعى قالىڭ ەل ۇستەگى جىلى 25–اقپان كۇنى تاۋ شولاقتەرەك مال شارۋاشىلىق جاتاقتى مەكتەبى اۋلاسىنا اعىلىپ جاتتى.

    ساحنا تورىنە «اقىن الپىسباي سۇلەيمەن ۇلىن ەسكە الۋ شىعارماشىلىق كوركەمونەر قيمىلى» دەگەن ءسوز ايشىقتى جازىلىپ، دومبىراسىن قولىنا ۇستاعان اقىن پورترەتى باسىلعان. اقىننىڭ:

    قايران مەنىڭ كوڭىلىم كوركەم ەدىڭ،

    شابىتىنا ولەڭنىڭ ورتەنەمىن.

    سارى التىننىڭ سارقىلماس بولشەگى ەدىم،

    تارازىدا ءبىر كۇنى ولشەنەمىن.–دەگەن ولەڭى كەستەلەنگەن كورىنىسى كوركەمدىگىمەن كوز تارتادى.

جاۋاپتى رەداكتور: گۇلدەن ماقسات قىزى