ونەر ورىنەن كورىنگەن ازامات ەدى ...

  • كەلۋ قاينارى: ىلە گازەتى
  • 03:19:16 13/03/2015

    ياسىن جۇپبايەۆ

    

    1977-جىلدىڭ تامىز ايى. مەنىڭ قۇلجا اۋدانىنىڭ شولاقاي اۋىلدىق ورتا مەكتەبىندە ورتالاۋدىڭ 2-جىلدىعىن ءبىتىرىپ، جازدىق كانيكۋلدا جۇرگەن كەزىم. سول كەزدىڭ جاعدايى بويىنشا وقۋشى اتاۋلى جازدىق، قىستىق كانيكۋلداردا اۋىل تۇرعىندارىمەن بىرگە وندىرىستىك ەڭبەككە قاتىناساتىن. سوندىقتان ءبىز دە بۇل جازدىق دەمالىستا العاشىندا مەينام ءبيداي ورۋعا قاتىناسىپ، ول بىتكەن سوڭ، اۋداندىق پارتكوم مەن حالىق ۇكىمەتىنىڭ ارناۋلى جوباسى بويىنشا ۇيعۇر شولاقايدى قاق جارىپ وتەتىن توعان قازۋ جۇمىسىنا اتسالىستىق. جاتىن ورنىمىز بەن تاماقتاناتىن ورنىمىز شولاقاي ءمالىسىنىڭ باس جاعىنداعى ءبىرلى- ەكىلى قازاق وتباسى. سونىڭ ءبىرى گرۋپپانىڭ مۇشەلەرى جاتاتىن ورىن يگەن كۇرىشباي ۇلىنىڭ وتباسى ەكەن. جۇمىستان قانشا شارشاپ جۇرسە دە كەشكى استان سوڭ كورشى گرۋپپاداعى كارى-جاس، ەر-ايەلدىڭ ءبارىنىڭ جينالاتىن جەرى وسى يگەن اعانىڭ اۋلاسى. بۇل اۋلادا كۇندە ءبىر توي بولىپ جاتقانداي-اق دۋمانعا بولەنەتىن. قارشىعاداي شاعىن تۇلعالى، قارا سۇرلاۋ كەلگەن، ەكى كوزىنەن وت شاشىپ تۇراتىن، قاشان دا شارشادىم، شالدىقتىم دەمەي، ءار كەش سايىن جينالعان جۇرتقا كۇمبىرلەتىپ كۇي شەرتىپ، اسقاقتاتىپ ءان سالىپ، اينالاسىن شۋاققا شومىلدىرىپ، دۋمانعا بولەپ جۇرەتىن ادامنىڭ ەسىمىنىڭ يگەن ەكەنىن سول كەزدەردەن باستاپ ءبىلىپ، ءوزىن سول كەزدەردەن باستاپ تانىسام دا تاريحىن، ەڭبەكتەرىن، بەت-بەدەلىن كەيىندەپ بىلە باستادىم. ءبىراق، امال نە؟! ەل جاعدايى دا، ءوز جاعدايى دا ەندى-ەندى وڭالا باستاعاندا ارامىزدان اسىعىس اتتانىپ كەتە باردى! بۇل—1981-جىل ەدى. سونان بەرى دە اتتاي جەلىپ 34 جىل ءوتىپتى! ءبىراق، جارقىن ءديدارى، اسەم-ءان-كۇيلەرى كوڭىل تورىمىزدەن ورىن الىپ، ماڭگىگە ساقتالىپ قالدى!

    يگەن كۇرىشباي ۇلى 1931-جىلى قۇلجا اۋدانىنىڭ قازىرگى اۋليە اۋىلىنا قاراستى بولەكەي دەگەن جەرىندە شارۋا وتباسىندا ءومىر ەسىگىن اشىپ، اۋىلدان باستاۋىش، ورتالاۋ مەكتەپتى بىتىرگەن سوڭ، 1946-جىلدان 1949- جىلعا دەيىن ىلە گەمىنازيا مەكتەبىندە وقيدى، 1949-جىلدان 1951- جىلعا دەيىن اسكەري مىندەت وتەپ، اۋىلعا قايتىپ، قۇلجا اۋداننىڭ 7- رايونىنىڭ اقتوبە دەگەن جەرلەرىندە قىزمەت ىستەپ، ارتىنان قۇلجا اۋداندىق حالىق ۇكىمەتىندە حاتشىلىق مىندەتىن اتقارادى،

جاۋاپتى رەداكتور: جازيرا بولاتباي قىزى