ۇلتتىق ونەردى ۇلىقتاعان قاليبەك

  • كەلۋ قاينارى: ىلە گازەتى
  • 04:32:25 20/03/2015

 قازىرگى دامىعان داۋىردە ۇلتىمىزدىڭ وسىنداي قولونەرى كۇن سايىن جوعالۋعا ءدوپ كەلگەن شاقتا، اتا ـ بابا ونەرىن قايتا جاڭعىرتىپ وتىرعان قاليبەك اقساقالىمىز 25 جىلدان بەرى بارلىق ۋاقىتى مەن زەيىن ـ زەردەسىن ۇلتىمىزدىڭ اسىل قازىناسى ەر ـ تۇرمان جاساۋ ونەرىنە ارناعاندىعىنا كۋا بولدىق. ەر ـ تۇرمان، قامشى جاساۋ ونەرىنىڭ ىشكى استارىنا، جۇيەلى قاعيداسىنا جۇگىنۋ ءۇشىن تىلشىلىك بابىمەن قاليبەك كاريانىڭ وتباسىنداعى كادىمگى شەبەرحاناسىنا بارىپ، ۇلى ونەربەك ەكەۋىنىڭ ات ابزەلدەرىن جاساپ وتىرعانىن كوردىك. شاعىن شەبەرحاناسىندا ءتۇرلى ەر ـ تۇرمان جاساۋعا پايدانىلاتىن ماتەريالدار مەن جاساۋلى ەر ـ تۇرمانداردىڭ تۇرعانىن كوردىك. جاسالۋ بارىسىنا زەر سالعاندا عانا ەر ـ تۇرمان جاساۋدىڭ ولشەم ـ قاعيداسى مول، تالابى جوعارى بولاتىن، ايتا سالعانداي وڭاي بولمايتىندىعىن، بارلىعى كوز مايىن تاۋىسىپ، ءتول تاجىريبەسىن ارقاۋ ەتىپ جاسالاتىندىعىنا كۋا بولدىق.

    ءوز قولىنان التىنداي جارقىراتىپ جاسالعان ەر ـ تۇرماندارىنا ىشتەي رازى بولعان قاليبەك اقساقال تەبىرەنە: كونەنىڭ كوزىنەن قالعان وسى ونەرىمدى تۇرمىسىما مول ىرىس اكەلۋ ماقساتىندا ەمەس، قايتا ونەرىمدى ۇرپاقتان ۇرپاققا جالعاستىرىپ، ءداستۇرلى قولونەردى ۇزبەي، اناعۇرلىم جانداندىرماقشى بولىپ وتىرمىن، ـ دەدى. قاليبەك اقساقالدىڭ جاساعان ات ابزەلدەرىندە اسا كۇشتى بوگەنايى بولەك ۇلتتىق ەرەكشەلىك ايگىلەنىپ، توڭىرەگىندەگى دوس ـ جاران، تۋىس ـ تۋعانداردىڭ زاكاز بەرۋىنە يە بولۋىمەن بىرگە، سىرت ورىنداعى ساياحاتشىلاردىڭ جاقسى باعاسىن الىپ كەلەدى ەكەن. كەزەكتە ونىڭ ات ابزەلدەرىنىڭ الارمانى كوبەيىپ، اتىن ەستىگەن ادامدار ارنايى ىزدەپ كەلسە، ۇلى ونەربەك تە اكەسىنىڭ ونەرىنە ءتانتى بولىپ، جاڭا داۋىردەگى شاكىرتىنە اينالىپ ۇلگىرىپتى.

    سەرىك يمانقان ۇلى

جاۋاپتى رەداكتور: جازيرا بولاتباي قىزى