اكەمدى ەسكە العاندا

  • كەلۋ قاينارى: ىلە گازەتى
  • 08:21:57 20/04/2015

    ول كىسى اكەدەن جاس قالسا دا ازاتتىقتىڭ ارايلاپ اتقان تاڭىمەن بىرگە، جاڭالىققا جانى قۇمار بولىپ، پارتيزاندار قاتارىنا قوسىلىپ، تىرشىلىك ساپارىن باستاپ، وزىنە جۇكتەلگەن مىندەتتەردى ورىنداپ، 1949–جىلى سارسۇمبە (قازىرگى التاي قالاسى) اۋدانىنىڭ شتاتتى قىزمەتكەرى بولىپ قابىلدانادى. ءسويتىپ، 1954–جىلى جۇڭگو كوممۋنيستىك پارتياسىنا مۇشە بولىپ، 27 جاسىندا التاي اۋدانىنىڭ اكىمدىگىنە سايلانادى. سول كەزدە التاي اۋداندىق پارتكوم مەن حالىق ۇكىمەتى جەر–جەرگە كەلگەن ءوندىرىس قۇرىلىس بيڭتۋانىنىڭ تۋان الاڭدارىنا جەر بوساتىپ بەرۋ قارارىن قابىلدايدى دا بۇل قىزمەت مىندەتىن اكەمە جۇكتەيدى. اكەمىز حالىقتىڭ قارسىلىعىنا قالماي، جاڭا كەلگەن بيڭتۋاندىق تۋىسقانداردىڭ الاڭسىز بولۋى ءۇشىن مالشىلار مەن ەگىنشىلەرگە ۇگىت جۇرگىزىپ، ءناسيحات ايتىپ، مالشىلار مەن ەگىنشىلەردى سوزگە يلاندىرادى. پولك الاڭدارى مەن جەرگىلىكتى ورىنداردىڭ شەكاراسىن انىق ايىرىپ، جەر داۋ–شارىنىڭ تۋىلماۋىنا مىعىم نەگىز قالاعاندىعى بۇگىنگە دەيىن ەل اۋىزىنان تۇسپەي اڭگىمەگە اينالىپ ءجۇر.

    اكەمىزدىڭ بىزگە بەرگەن تاربيەسىندە مىنانداي ءۇش ءتۇرلى قاسيەت مەنمۇندالاپ تۇراتىن. ءبىرى، وزبىرلىعى جوق. ءمانساپ، ورىن، اتاققا بوي ۇرمايتىن، بۇيىرعان نەسىبەسىنە قاناعات قىلاتىن، ەشكىمدى كۇندەمەيتىن. ەكىنشى، بىرەۋگە جاعاتسىپ، جارامساقتانبايتىن، ارىن تازا ساقتايتىن ادام. ءۇشىنشى، تاكاپپار، تاعى مىنەزدەن اۋلاق بولاتىن. ەشكىمنەن جاتسىنىپ جاتىرقامايتىن. سول سەبەپتى ەگىنشى–مالشى بۇقارسى ول كىسىگە كوڭىلدەگىسىن بۇكپەسىز ايتا الاتىن.

    بىلىقپالىق وڭالىپ، ەل ەڭسەسى كوتەرىلىپ، قوعامدىق ورتا تىنىشتالعان كەزدە، اكەمىز كىندىك قانى توگىلىپ، ەسەيىپ–ەرجەتكەن، تۋعان جەرى مەن وسكەن ەلىنىڭ جوعىن جوقتاپ، مۇڭىن مۇڭداپ، جۇمىسقا كىرىسىپ، پارتيانىڭ ءار سالاداعى ساياساتتىق بەلگىلەمەلەرىن جەتە يگەرىپ، سولاقاي لۋشياننىڭ قامشىسىنان قالعان، ناقاق، جالعان، وبالدى دەلولاردى انىقتاپ، كوپتەگەن قالپاق كيگەن ادامداردىڭ اتاق–ابىرويىنىڭ قالپىنا كەلتىرۋىنە وراي جاراتىپ، قالىڭ حالىق بۇقاراسىنىڭ جۇڭگو كوممۋنيستىك پارتياسىنا دەگەن سەنىمىن ارتتىرىپ، پارتيانى الاڭسىز، حالىقتى ريزا ەتكەندىگى بۇكىل التاي حالقىنا ايان. وسىلايشا اكەمىز ءار ۇلت حالقىنىڭ تەرەڭ قۇرمەتىنە بولەنگەن ەدى.

جاۋاپتى رەداكتور: جازيرا بولاتباي قىزى