اكەمدى ەسكە العاندا

  • كەلۋ قاينارى: ىلە گازەتى
  • 08:21:57 20/04/2015

    مارقۇم اكەمىزدىڭ جازعان كىتاپتارىندا ءوز ۇرپاقتارىنا، تۋعان تۋىستارىنا قالدىرىپ كەتكەن اقىلياسى مەن تاربيەسى وتە كوپ. مەن ۇرپاقتىق بورىشىمدى از دا بولسا وتەيىن دەگەن ويمەن اكەممەن بىرگە بولعان كۇندەردەگى كوپ ىستەرىنە كۋا بولعان دوس–جاراندارىنان ەستىگەن–بىلگەندەرىمدى وسى ماقالاعا كىرگىزىپ جازىپ وتىرمىن. اكەمىز ءوز ءومىرىن، اقىل–پاراساتىن وسكەن جەرىنە، تۋعان ەلىنە ارنادى. حالىقتىڭ قاجەتىنە جاراپ ەلى ءۇشىن تەر توگىپ، بارلىق كۇش–قۋاتىن التاي مەن ىلەدەگى ءار ۇلت حالقىنا ارنادى. ءبىزدى باۋلىپ، تاربيەلەپ وسىرگەن ارداقتى اكەمىز _ اسقار بەلىمىزدىڭ، بۇل قاسيەتى بىزگە تاۋسىلمايتىن رۋحاني ازىق ءارى ءبىزدىڭ ۇيرەنۋ ۇلگىمىز دەپ بىلەمىز.

    قورمال اكە،

    ەرتە ەسەيىپ ۇستاپسىڭ اتتىڭ جالىن،

    ات جالىنان تىرلىكتىڭ تاپتىڭ ءمانىن.

    جاستىعىڭنىڭ جالىنىن ەلىڭە ارناپ،

    ءومىر بويى تىنىمسىز قاقتىڭ دابىل.

    تازا جۇرەك، اق ەدىل اكىم بولدىڭ،

    ءاز حالقىڭمەن جاراسىپ جارقىلدادىڭ.

    ءومىرىڭنىڭ ەڭ اسىل قۇنى وسى،

    الالاماي ءار ۇلتپەن جاقىن بولدىڭ.

    جۇرەكتەردە شەرتىلگەن سىرىڭ قالدى،

    قۇلاقتاردا قوڭىرلاپ ءۇنىڭ قالدى.

    اڭگىمەڭە ارقاۋ بوپ ءىسىڭ قالدى،

    تۋعان جەرگە تەر توككەن ءىزىڭ قالدى.

    ىزگى ءىسىڭ قانشا ايتساق تا تاۋسىلمايدى،

    ساناساق وتكەن جىل مەن ءاربىر ايدى.

    ماڭگىلىك جۇرەگىندە ەل ساقتايدى،

    جۇلدىزداي اسپانداعى جارقىرايدى.

    مارقۇم اكە! ەلىڭنىڭ ەركەسى، كوڭىلدىڭ مەرەكەسى بولدىڭ، پەيىلىڭ بەيىس، ءجۇزىڭ جىلى شۋاق بولدىڭ. ورتاڭنىڭ بەرەكەسى بولدىڭ. ءيلايىم ەل امان، جۇرت تىنىش بولىپ، ارتىڭداعى قالعان ۇرپاعىڭىز امان بولعاي!

    توپىراعىڭىز تورقا، جانىڭىز جانناتتا، ورنىڭىز ۇجىماقتان بولسىن اكە!!

جاۋاپتى رەداكتور: جازيرا بولاتباي قىزى