ۇلت ونەرىنە ءورىس اشقان...

  • كەلۋ قاينارى: ءتاڭىرتاۋ تورابى
  • 05:27:33 07/05/2015

    ءتىلشى: ىلە وبلىستىق ءان - ءبي ۇيىرمەسىنىڭ 60 جىلدان بەرگى جەتكەن بيىگىن شاعىن سۇحپاتتا تۇگەل تۇگەندەۋ مۇمكىن ەمەس، ارينە. سوندىقتان ءسوزىمىزدىڭ سوڭىندا ۇيىرمەنىڭ جەتىستىگىن «جەتى اۋىز سوزبەن» جيناقتاي كەتسەڭىز قالاي؟

    كارىم: ال ەندەشە، ساۋساعىڭدى بۇگىپ ساناي بەر. بىرىنشىدەن، وبلىستىق ءان - ءبي ۇيىرمەسى قازاقتىڭ تاڭداۋلى ءداستۇرلى مادەنيەتىن وسى زامان مادەنيەتىمەن ۇشتاستىرىپ دامىتتى؛ ەكىنشىدەن، شينجياڭ قازاق كۇيلەرىنىڭ دامۋىن ۇلكەن ورلەۋگە كوتەردى؛ ۇشىنىشىدەن، ءبي مادەنيەتىمىزدىڭ دەڭگەيىن كوتەرىپ، مازمۇنىن بايىتتى؛ تورتىنشىدەن، ۇلتىمىز ومىرىنە قاتىستى ساحنالىق شىعارمالار جاساپ، اق قالعان سالانى العا سۇيرەدى؛ بەسىنشىدەن، جوعالىپ كەتۋگە شاق قالعان ءىشىنارا ۇلتتىق مۋزيكا اسپاپتاردى ساحناعا شىعارىپ، حالىقپەن قايتا قاۋىشتىردى؛ التىنشىدان، جالاڭ داۋىستى مۋزيكالىق شىعارمالاردى كوپ داۋىستى شىعارماشىلىق باعىتقا قاراي دامىتتى؛ جەتىنشىدەن، حالىق كومپوزيتورلارىنىڭ ءان - كۇيلەرىن جيناقتاپ الدىن قورعا ەنگىزدى ءارى ءداۋىر ساحناسىنا قايتا شىعاردى، قازاقتىڭ ۇلتتىق مۋزيكاسىنىڭ عىلمي جۇيەمەن دامۋىنا داڭعىل جول سالدى. قادىرىنە جەتىپ، باعالاي بىلسەك، مۇنىڭ ءوزى ءبىر ۇلت مادەنيەت - كوركەمونەر ىستەرىنىڭ دامۋى ءۇشىن ۇلكەن ەڭبەك، ەسەلى ۇلەس، جويقىن جەتىستىك!

    ءتىلشى: اقتارىلا ايتقان اڭگىمەڭىزگە راقىمەت!

    سۇحپاتتاسقان: قالياكبار ۇسەمقان ۇلى

جاۋاپتى رەداكتور: بەرىك وقاباي ۇلى