اعارتۋعا ءوزىن ارناعان اق ەدىل ۇستاز

  • كەلۋ قاينارى: ىلە گازەتى
  • 08:28:45 21/05/2015

 وقۋشىلاردىڭ زەيىنىن اشۋ، وزدىگىنەن ۇيرەنۋ قابىلەتىن جەتىلدىرۋمەن بىرگە، زەيىن–زەردەدەن باسقا جاقتاعى فاكتورلاردىڭ رولىن دا جانداندىرۋعا، ساباقحانادا يۋموردى ۇتىمدى قولدانۋعا دەن قويدى. سونىمەن ونىڭ ساباعىن تىڭداعان وقۋشىلاردا زەيىن شوعىرلانبايتىن، ساباققا سەلقوس قارايتىن جاعداي كەزىكپەيتىن بولىپ، وقۋشىلاردىڭ ىنتاسى كۇشەيىپ، وي ءورىسى اشىلعاندىقتان ناتيجەسى دە جەدەل جوعارىلادى. 1995–، 1998–، 1999–، 2001–جىلدارى ول جەتەكشى بولعان كلاستاعى وقۋشىلاردىڭ جوعارى مەكتەپكە ورلەپ وقۋ ەمتيحانىنداعى تاريح ناتيجەسى مەن 2002–، 2004–، 2007–، 2008–جىلعى قوعامدىق جالپى ساباق ناتيجەسى ايماق بويىنشا 2–ورىندا تۇردى. 2011–جىلى ول جەتەكشىلىك ەتكەن ورتا مەكتەپ 3–جىلدىق 5–كلاس وقۋشىلارىنىڭ ءنومىر شەكتەن ءوتۋ مولشەرى % 100 بولدى. جەكەڭ 1999–، 2000–، 2001–جىلدارى ءۇرتىس ءۇش جىل اۋدان دارەجەلى «ۇزدىك وقىتۋشى» بولىپ باعالانسا، 2011–جىلى مەملەكەت دارەجەلى، اۆتونوميالى رايون دارەجەلى «ۇزدىك كلاس جەتەكشىسى» جانە اۋدان دارەجەلى «ۇزدىك وقىتۋشى» بولىپ باعالاندى؛ 2012–جىلى «شينجياڭ مەكتەپتەرىندەگى جۇرتتى اسەرلەندىرگەن قايراتكەر» بولىپ باعالاندى؛ 2013– جىلى ايماق دارەجەلى «شولپان مۇعالىم»، مەكتەپ دارەجەلى «10 ۇزدىك ءمورال ۇلگىسىنىڭ ءبىرى» جانە «ۇزدىك كلاس جەتەكشى» دەگەن اتاقتارعا يە بولدى، 2014–جىلى التاي ايماعىنىڭ 2–رەتكى ەڭبەك ەگەيى بولىپ ماراپات تورىنەن كورىندى.

    جەكەڭ ۇزاق جىل بويى مەكتەپ وقىتۋدى زەرتتەۋ گرۋپپاسىنىڭ، جىلدىقتار گرۋپپاسىنىڭ باستىعى مىندەتىن وتەپ كەلدى. كۇندەلىكتى قىزمەتىنەن سىرت، ول جاس وقىتۋشىلاردىڭ ءوسىپ–جەتىلۋىنە كومەكتەسۋدى دە ءوزىنىڭ بۇلتارتپاس بورىشى ەسەپتەدى، گرۋپپانىڭ ءتۇرلى جۇمىستارىنا بەلسەنە ارالاسىپ، وقىتۋشىلار اشىق ساباق وتكەندە ناق مايداندا ۇلگى كورسەتىپ، ولاردىڭ وقىتۋ جوبا دايىندىعىن تۇزەتىپ، جەتەكشىلىك ەتىپ وتىردى.

    ونىڭ جەتەكشىلىگىندە گرۋپپاداعى وقىتۋشىلاردىڭ ويى توعىسىپ، بەرەكەسى نىعايىپ، ءوزارا ءبىر–بىرىنە كوڭىل بولەتىن جاناشىر جاقىندارعا اينالدى، بىرەۋ قيىنشىلىققا ۇشىراسا كوپ بولىپ كومەك كورسەتەتىن، ءوزارا باسەكەلەسەتىن، ودان دا ماڭىزدىسى ءوزارا سەلبەسەتىن تاماشا جاعداي قالىپتاستى.

جاۋاپتى رەداكتور: گۇلدەن ماقسات قىزى