اعارتۋعا ءوزىن ارناعان اق ەدىل ۇستاز

  • كەلۋ قاينارى: ىلە گازەتى
  • 08:28:45 21/05/2015

    وقۋ–اعارتۋ–ماڭگىلىك ۇلى ءىس. اعارتۋشىلاردىڭ قۇلشىنىسى ۇلتتىڭ ارمان الاۋىن مازداتادى. جەكەڭ وقۋ–وقىتۋ قىزمەتىندە تاماشا تابىستار جاراتۋمەن بىرگە، وقۋ–وقىتۋ كاسىبىنە قاتىستى كوپتەگەن عىلمي ماقالا جازىپ، گازەت–جۋرنالداردا جاريالاپ كەلەدى. ول 2004–، 2005–جىلدارى «ىلە گازەتى» جاعىنان ۇزدىك ەرىكتى ءتىلشى بولىپ باعالاندى؛ 2004–، 2005–جىلدارى شانشي پەداگوگيكا داشۋەسى ۇيىمداستىرعان بۇكىل مەملەكەتتىك تاريح بىلىمدەرى باسەكەسىندە ول تاربيەلەگەن وقۋشىلار ۇزدىك ناتيجەگە قول جەتكىزدى، ول دا وسى ەڭبەگى ءۇشىن تاربيەلەۋشى مۇعالىمداردىڭ 1–دارەجەلى سيلىعىن ەنشىلەدى.

    ۇرپاق جۇرەگىن جىلىتقان قالتقىسىز قورمالدىق

    جەكەڭنىڭ ۇنەمى ايتاتىن ءسوزى: «بالالاردى ءسۇيۋ–وقىتۋشىلاردىڭ كاسىپتىك ءمورالى سانالۋعا ءتيىس. وقىتۋشىنىڭ وقۋشىنى ءسۇيۋىنىڭ ەڭ ماڭىزدى ءبىر بەينەسى–ءار بالاعا سەنۋى. ءار بالادا اشىلماي جاتقان ەرەسەن مول قابىلەت بولادى ءارى بۇل جاسىرىن قابىلەت ءار بالادا ءار ءتۇرلى بولىپ كەزىگەدى. تەك شالىمپازدىقپەن تانىپ، ءار بالانىڭ بويىنداعى جاسىرىن قابىلەتتى بايقاپ، ءار بالانى ىرىقتىلىقپەن ۇزدىكسىز ىزدەنۋگە ىنتالاندىرعاندا عانا ولاردىڭ دارىن قابىلەتىن ايتارلىقتاي ساۋلەلەندىرۋگە بولادى. جاقسى ۇستازدىڭ كوكەيىندە >جامان وقۋشى< دەگەن ۇعىم ماڭگى بولماۋعا ءتيىس. تەك وقۋشىلاردى شىن جۇرەكتەن ءسۇيىپ، ولارعا شىنايى مامىلە جاساپ، قامقورلىق كورسەتىپ، ولاردى تۇسىنگەندە، جاقسىلىعىن اسىرىپ، كەمشىلىگىن كەشىرىپ، ۇيرەنۋ مەن تۇرمىستاعى قيىنشىلىقتارىنا قول ۇشىن بەرگەندە عانا وقۋشىلاردىڭ ءبىلىم يگەرۋ ىنتاسىن، ۇيرەنۋ بەلسەندىلىگىن ارتتىرۋعا بولادى». ول ءارى بار مەيىرىن ارناعان ۇستاز قالايدا ءتيىستى قارىمجىعا يە بولارىنا ءشۇباسىز سەندى.

    كلاس جەتەكشىسى رەتىندە جەكەڭ كوپ ۋاقىتىن وقۋشىلاردىڭ يدەيالىق قىزمەتىن ىستەۋگە جۇمساپ، شىن جۇرەكتەن يلاندىرۋدى ماڭداي الدى ورىنعا قويدى. وقۋدا كەنجە قالعان وقۋشىلاردى قاتارعا قوسۋ ءۇشىن ول ۇنەمى ساباقتان تۇسكەن سوڭ نەمەسە تاماق ۇستىندە وقۋشىلارمەن سىرلاسىپ، ادەمى ازىلدەرىمەن الديلەپ، ىزگى نيەتىمەن اسەرلەندىرىپ، يدەيالىق جاقتان يلاندىرا ءبىلدى.

جاۋاپتى رەداكتور: گۇلدەن ماقسات قىزى