اعارتۋعا ءوزىن ارناعان اق ەدىل ۇستاز

  • كەلۋ قاينارى: ىلە گازەتى
  • 08:28:45 21/05/2015

وقۋشىلارمەن اڭگىمەلەسۋ ءۇشىن ول دەمالىس ۋاقىتىن دا قيىپ، تۋىس–تۋعان، دوس–جاراندارىمەن جانە وتباسىنداعىلارمەن باس قوساتىن كوپتەگەن ۋاقىتىن دا ارنادى، وسى ءۇشىن كوڭىل اشۋ قيمىلدارىنا دا تىم از قاتىناسىپ، مەكتەپ سىرتىندا ءۇي مايلاپ جاتاتىن وقۋشىلاردى ارالاپ، ولاردىڭ تۇراعىنىڭ حاۋىپسىزدىگىن تەكسەرىپ، تۇرمىس، ۇيرەنۋ جاعدايىنا قارايلاسىپ، قامقورلىق كورسەتىپ كەلدى. جەڭىسبەك ءۇي مايلاپ جاتاتىن وقۋشىلاردى ارالاعاندا ءوز كلاسىنداعى وقۋشىلاردى ارالاۋمەن عانا شەكتەلمەي، باسقا كلاستارداعى وقۋشىلارعا دا، ۇلتتىق وقۋشىلارمەن بىرگە حانزۋ وقۋشىلارعا دا، ورتا مەكتەپ وقۋشىلارىمەن بىرگە باستاۋىش مەكتەپ وقۋشىلارىنا دا كوڭىل ءبولىپ، ولاردىڭ بارلىعىن ءوز وقۋشىسىنداي، ءوزىنىڭ باۋىر ەت بالاسىنداي كوردى.

 2011–جىلى قىسقى كانيكولدا ورتا مەكتەپ 3–جىلدىعىنا ساباق تولىقتاعاندا ءۇرتىس 23 كۇن، 2014–جىلى قىسقى كانيكول مەن اپتا سوڭىنداعى دەمالىس ۋاقىتىندا ساباق تولىقتاعاندا ءۇرتىس 93 كۇن ءار كۇنى كەشكى ساعات 8 دەن 10 جارىمعا دەيىن وقۋشىلاردى وزدىگىنەن ۇيرەنىپ پىسىقتاۋ جاساۋعا ۇيىمداستىردى ءارى قىزمەت مىندەتىنە جاتپايتىن وسى جۇمىسى ءۇشىن ەشقانداي اقى، بوداۋ تالاپ ەتپەدى. ول تولىمدى وقىتۋشى بولۋ ءۇشىن ەڭ ماڭىزدىسى جاس ءوسپىرىم وقۋشىلاردىڭ پسيحولوگيالىق ەرەكشەلىگىن مەڭگەرە ءبىلۋ قاجەتتىلىگىن تەرەڭ ءتۇسىندى. جەكەڭنىڭ نازارىندا «ۇزدىك وقۋشى»، «ناشار وقۋشى» دەگەن «الا قويدى بولە قىرقاتىن» نىساي بولعان ەمەس، ول ناقتى قىزمەتتە دە بار وقۋشىعا بىردەي مامىلە جاساپ، قاي–قاشاندا سولاردىڭ قامىن جەدى، ولاردى قارىمى جەتكەنشە اناعۇرلىم كوپ نارسە ۇيرەنۋگە شابىتتاندىردى. ول تەك وقۋشىلارمەن شىن جۇرەكتەن تىلدەسىپ، ولاردىڭ جان دۇنيەسىنە بويلاپ، ولاردى ءتۇسىنىپ، ولارعا قامقورلىق جاساپ، شابىت بەرىپ وتىرعاندا عانا ءومىردىڭ ءساندى دە ءماندى جەمىسىنەن ولارمەن بىرگە يگىلىكتەنە الامىز دەپ قارايدى. وقۋشى ريزابەك وقۋ ناتيجەسىنىڭ ناشارلىعىنان سەنىمى شايقالىپ، رۋحى سولعىن تارتقاندا جەكەڭ وعان كوڭىل ءبولىپ، دەم بەرىپ، ساباقتان تۇسكەن سوڭ وعان جەكە پىسىقتاۋ جاساپ، جۇرەك جىلىتار شىنايى ىقىلاسىمەن اقىرى ونىڭ رۋحىن سەرپىلتتى. كەيىن ول تاماشا ناتيجەمەن شينجياڭ ۋنيۆەرسيتەتىنە قابىلداندى. كوپتەگەن وقۋشى مەكتەپ بىتىرگەننەن كەيىن دە ۇزدىكسىز حات جازىپ، تەلەفون بەرىپ، وعان شىن جۇرەكتەن العىس ايتىپ، ونىڭ تاربيەسىنىڭ وزدەرىنىڭ ءومىر جولىنا ساۋلە شاشقانىن ايتىپ جاتادى ەكەن.

جاۋاپتى رەداكتور: گۇلدەن ماقسات قىزى