اعارتۋعا ءوزىن ارناعان اق ەدىل ۇستاز

  • كەلۋ قاينارى: ىلە گازەتى
  • 08:28:45 21/05/2015

    بۇل عانا ەمەس، كلاس جەتەكشىسى رەتىندە جەكەڭ وتباسى قيىنشىلىعى اۋىر وقۋشىلارعا دا ۇنەمى كومەك كورسەتىپ، ولاردى كوپتەگەن قام – قايعىدان ارىلتىپ كەلدى. ونىڭ كلاسىنداعى اجار اتتى وقۋشى وقۋدا ۇزدىك بولعانىمەن وتباسىنىڭ ەكونوميكالىق قيىنشىلىعى سەبەبىنەن وقۋدان قول ۇزۋگە اينالعاندا اق ەدىل جەكەڭ: «سەن–مەنىڭ وقۋشىمسىڭ ءارى مەنىڭ بالام سياقتىسىڭ. سەن جاقسى وقىساڭ بولعانى، وقۋ قاراجاتىڭدى مەن كوتەرەمىن،» دەيدى ءارى ونىڭ ءبىر ماۋسىمدىق وقۋ قاراجاتىن تاپسىرۋمەن بىرگە، ءوزى جاڭادان العان ۆەلوسيپەدتى دە وقۋشىسى اجاردىڭ مىنۋىنە بەرەدى؛

 كلاستاعى تياناق، گۇلدەن قاتارلى 7 وقۋشى وتباسى ءال–اۋقاتىنىڭ تومەندىگىنەن وقۋعا قاجەتتى پىسىقتاۋ ماتەريالدارىن، وقۋ قۇرالدارىن ساتىپ الا الماعاندا جەكەڭ تاعى دا جومارتتىق كورسەتىپ، ولارعا ءبىر جولدا 700 يۋان كومەك بەردى؛ ءار ايدا الىناتىن ەمتيحاننىڭ سۇراۋ قاعازىن كوبەيتىپ باستىرۋ، ماتەريال ساتىپ الۋ، مەكتەپ بويىنشا جىلۋ جيناۋ سياقتى ىستەر ءۇشىن دە جەكەڭ ەشقاشان وقۋشىلارعا اقشا تولەتىپ كورگەن ەمەس؛ 2010–جىلى قىركۇيەكتەن جەلتوقسانعا دەيىنگى بىرنەشە ايدا ول ءوز جانىنان 3 مىڭ يۋان شىعارىپ، كلاسىنداعى قيىنشىلىعى بار وقۋشىلارعا قارجىلاي كومەك كورسەتتى؛ 2008–جىلعى ۋىنچۋان جەر سىلكىنىسىنە، 2010–جىلعى يۇيشۋ جەر سىلكىنىسىنە جەكەڭ بەلسەنە جىلۋ اتاپ، اپاتقا ۇشىراعان رايون حالقىنا شەكارا وڭىردەگى ءبىر وقىتۋشىنىڭ مەيىرى مەن قولداۋىن جەتكىزدى. 2010–جىلى قىستا شىڭگىل اۋدانىندا ەرەكشە اۋىر قار اپاتى، تاسقىن اپاتى سياقتى اپاتتار تۋىلدى. جەكەڭ شارۋالار تۇرمىسىنىڭ ماشاقاتتىلىعىن جانە جاراتىلىستىق اپاتتىڭ ولاردىڭ تۇرمىسىنا جاساعان ىقپالىن جەتە ءتۇسىنىپ، ءوز جانىنان 2 مىڭ 40 يۋان شىعارىپ، كلاستاعى 51 وقۋشى ءۇشىن وقۋشىلار اماندىق قامسىزداندىرۋ قاراجاتىن تولەدى. 2012– جىلى ناۋرىزدا ول تاعى دا كلاستاعى 52 وقۋشى ءۇشىن جاعراپيا، تاريح ساباقتارىنىڭ 520 يۋان ۇيرەنۋ، ەمتيحان قاراجاتىن تاپسىرىپ، وقۋشىلار مەن ولاردىڭ اتا–انالارىن الاڭسىز ەتتى. جەكەڭ بيىل جەتەكشىلىك ەتكەن ورتا مەكتەپ 1–جىلدىعىنداعى 52 وقۋشى دا ونىڭ وتباسى مۇشەسى سياقتى بولىپ كەتتى. ولار تاماق كارتوچكاسىنداعى اقشالارى تاۋسىلسا، مۇعالىمى جەڭىسبەكتىڭ ۇيىنە بارىپ تاماق جەيتىن بولدى.

جاۋاپتى رەداكتور: گۇلدەن ماقسات قىزى