ءبىر قاريا بار قازىر بۇل اۋىلدا...

  • كەلۋ قاينارى: ىلە گازەتى
  • 08:27:52 18/06/2015

    نۇرعالي قىلىش ۇلى 1925–جىلى قازان ايىندا ىلەنىڭ تەكەس اۋدانىنىڭ قارادالا اۋىلىنا قاراستى قاراجون جايلاۋىندا دۇنيەگە كەلگەن. 1935–جىلى وتباسى قارادالا اۋىلىنان ءشيلى وزەك اۋىلىنىڭ شەتمىس قىستاعىنا كوشىپ كەلىپ، سول جەردەگى باستاۋىش مەكتەپكە وقۋعا تۇسەدى. 1949–جىلى قىركۇيەك ايىندا ول قۇلجا قالاسىندا تۇراتىن 5–كورپۋس 14–ديۆيزيا 42 - پولىك الاڭىندا (ايرانباق) اسكەري قوسىنعا قاتىناسادى. نۇكەڭ وسىدان 1954–جىلعا دەيىن اسكەري مىندەت وتەۋ بارىسىندا بىرنەشە رەت «ەڭبەك ەرى» بولىپ كۇمىس مەدالدارمەن سيلانادى. وسى ەڭبەكتەرى ءۇشىن اسكەري ۇيىم سول جىلدارى ونى جۇڭگو كوممۋنيستىك پارتياسىنىڭ مۇشەلىگىنە قابىلدايدى. 1954–جىلى قاراشا ايىندا اسكەري قوسىنداعى مىندەتىن ابىرويمەن اياقتاتىپ، تەكەس اۋداندىق حالىق بانكەسىنە قىزمەتكە ورنالاسادى. جاڭا قىزمەت ورنىنا كەلگەننەن كەيىن بار ىنتا–پەيىلىمەن قىزمەت ىستەيدى. 1960–جىلعا كەلگەندە اۋداندىق حالىق بانكەسى ۇيىمى نۇرعاليدىڭ ەڭبەگىن ەسكەرىپ تەكەس اۋداندىق كوكتەرەك بولىمشە بانكەسىنىڭ جاۋاپتىسى ەتىپ وسىرەدى. ول وسى مىندەتتى 1981–جىلعا دەيىن 21 جىل اتقارادى. بۇل بارىستا ول پارتيانىڭ اۋىل–قىستاققا قاراتقان اۋقاتتانۋ ساياساتىنىڭ ۇگىتشىسى بولا ءبىلدى. شارۋالارعا دەركەزىندە قارىز اقشا بەرۋ قىزمەتىن تىڭعىلىقتى ىستەپ، كۇندى تۇنگە جالعاپ ۇستەمەلەپ جۇمىس اتقارىپ، حالىقتىڭ اۋقاتتانۋىنا جەبەۋشى بولدى. توككەن تەرى تەككە كەتپەگەن نۇكەڭ اۋدان، اۋىل جاعىنان تالاي رەت «ۇزدىك قىزمەتكەر»، «ۇزدىك پارتيا مۇشەسى» بولىپ باعالانادى. 1982–جىلى نۇكەڭ ۇيىمنىڭ ۇيعارۋى بويىنشا تەكەس اۋداندىق اۋىل شارۋاشىلىق بانكەسىنىڭ ءشيلى وزەك اۋىلدىق بولىمشەسىنىڭ جاۋاپتىسى بولىپ قىزمەتكە جوتكەلەدى. بۇل اۋىلعا بارعاننان كەيىن دە ءوزىنىڭ كاسىپتىك تاجىريبەسىن، قىزمەت ونىمدىلىگىن بارىنشا ساۋلەلەندىرىپ، اۋىلداستارىنىڭ اۋقاتتانۋىنا ءبىر كىسىلىك ۇلەسىن قوسادى. نۇكەڭ 1983–جىلى ءوز مىندەتىن ابىرويمەن ورىنداپ، داڭقپەن زەينەتكە شىعادى. 1985–جىلى قازان ايىندا شينجياڭ ۇيعۇر اۆتونوميالى رايوندىق پارتكوم مەن حالىق ۇكىمەتى جاعىنان «شينجياڭعا 30 جىل ەڭبەك سىڭىرگەن قايراتكەر» دەگەن داڭقتى اتاققا يە بولدى.

جاۋاپتى رەداكتور: گۇلدەن ماقسات قىزى