ءبىر قاريا بار قازىر بۇل اۋىلدا...

  • كەلۋ قاينارى: ىلە گازەتى
  • 08:27:52 18/06/2015

    حالقىمىزدا «ەڭبەك ءتۇبى زەينەت» دەگەن اتالى ءسوز بار. نۇرعالي اقساقال قازىر ءبىر ۇل، ءتورت قىز تاربيەلەپ وسىرگەن ارداقتى اكە، «وتانشىلدىق تاربيە وتباسىنان باستالادى» دەگەندەي ول ءوزىنىڭ ۇل–قىزدارىن جاستايىنان ءمورالدى، مۇراتتى، ءبىلىمدى بولۋعا باۋلىپ، رۋحاني كەمەلدىلىككە تاربيەلەدى. جاقسى اكە مەن شەشەنىڭ ونەگەلى تاربيەسىنىڭ ارقاسىندا ۇل–قىزدارىنىڭ ءبارى قوعامدىق قىزمەتكە قاتىناسىپ،بەلسەنە قىزمەت اتقارىپ، قوعامنىڭ العاباسار، ۇزدىك مۇشەسىنە اينالدى. سونىمەن بىرگە، ول كومەككە، قامقورلىققا مۇقتاج جاندارعا دا جاقىننان قول ۇشىن بەرىپ،قارايلاسىپ، قاتارعا قوستى. كورشى - قولاڭدارىمەن دە تاتۋ - ءتاتتى ءوتتى، ەشكىمنىڭ الا ءجىبىن اتتاماي، كورشىلەرىنىڭ، تۋىس–تۋعاندارىنىڭ ۇرپاقتارىنا پارتيانىڭ ۇلت ساياساتىن، ۇلتتار ىنتىماعىن ۇگىتتەپ ءارى ونى ۇلتىمىزدىڭ ءداستۇرلى سالت–ساناسىمەن بىرلەستىرىپ تاربيە جۇرگىزىپ وتىردى. جاسى 90 عا كەلسە دە قوعامدىق ىستەرگە، كوللەكتيۆ مۇددەسىنە نازار اۋدارىپ، ءشيلى وزەك اۋىلى تورتكىل قىستاعىنىڭ قۇرىلىسىنا ۇزبەي جىلۋ اتاپ كەلدى. وسى تۇرعىدان قاراعاندا، ءجۇسىپ بالاساعۇننىڭ: «كىسى تانىماق بولساڭ ىسىنە قارا» دەگەنىندەي، نۇرعالي اقساقال ءبىر وتباسىنىڭ عانا ەمەس، بۇكىل ءبىر اۋىلدىڭ اقساقالى، ۇيىتقىسى دەۋگە تاتىرلىق قاريا.

    ءبىر ادام جونىنەن العاندا 90 جاس وسال عۇمىر ەمەس، كوپ جاساعان قادىرمەندى قارتتارىمىزدىڭ عۇمىرى تۋرالى ويلاعاندا اق يىق اقىن مۇقاعالي ماقاتايەۆتىڭ:

    ارسىز كۇلكىڭ تيىلماس، جىلاۋىڭ دا،

    ايتىسىڭ دا باسىلماس، لاڭىڭ دا.

    ارازداسىپ اعايىن كەتەر ەدى،

    ءبىر قاريا بولماسا، ءبىر اۋىلدا.–دەگەن ولەڭ شۋماقتارى ەرىكسىز ەسىڭە تۇسەدى.

    ءيا، ءسوز سوڭىندا ارامىزدا نۇرعاليداي اۋىلدىڭ اقىل ايتار قاريالارى امان - ساۋ جۇرسە ەكەن دەگەن تىلەك ايتامىز.

جاۋاپتى رەداكتور: گۇلدەن ماقسات قىزى