اعاشتان ءتۇيىن تۇيگەن ازامات

  • كەلۋ قاينارى: ىلە گازەتى
  • 08:36:52 18/06/2015

  

 

    «مايدانبەك قۇرماناقىن ۇلى قۇلجا اۋدانىندا سالىنىپ جاتقان مۇرا جايعا قازاقى ءتۇس العان اسادال، قايقى باس توسەك، جەتىگەن، ادىرنا، قورقىت اتا ءمۇسىنى، ءبورى باستى اسا تاياق، نايزا، ساداق، جەبە، ساز سىرناي، سىبىزعى، جۇك اياق، قالقان سياقتى مادەني مۇرا بۇيىمداردى جاساپتى، اعاشتان ءتۇيىن تۇيەتىن ناعىز شەبەر ەكەن» دەگەندى ەل اۋزىنان ەستىپ، شەبەردىڭ قولىنان شىققان بۇيىمداردى شىركىن - اي ءبىر كورسەك دەپ وراي كۇتىپ، قۇلاق ءتۇرىپ جۇرگەمىز. مىنە سول ورايلى ءسات ماۋسىم ايىندا كەلىپ، اۋداندىق مۇراجايعا مادەني مۇرالاردى باس بولىپ جاساتىپ جۇرگەن ساياسي كەڭەستىڭ ورىنباسار ءتوراعاسى قاناش دەمەۋباي ۇلى مەن حالىق قۇرىلتايى تۇراقتى كوميتەتتىڭ ورىنباسار مەڭگەرۋشىسى جارتاي مۇقاش ۇلىنىڭ باستاۋىندا قۇلجا اۋدانى مازار اۋىلى توسىن قىستاعىنداعى مايدانبەكتىڭ ۇيىنە ات باسىن تىرەدىك.

    ءبىزدى قارسى الا شىققان سوم دەنەلى، 50 جاستى ەڭسەرگەن، ەڭگەزەردەي جىگىت مايدانبەك قۇرماناقىن ۇلى ەكەن. ول بىزبەن تانىستىق جاساعان سوڭ جاساعان بۇيىمدارىن كورسەتۋ ءۇشىن ءبىزدى توتە شەبەرحاناسىنا باستادى. شەبەرحانا دەپ وتىرعانىمىز توبەسىن سۋ وتبەس ءۇشىن قاڭىلتىرمەن جابا سالعان، جاتاعانداۋ مال قورا ىسپەتتەس ءۇي ەكەن.

جاۋاپتى رەداكتور: گۇلدەن ماقسات قىزى